(Фото) Палка со забиени клинци пронајдена кај приведен демонстрант во Франција

Француската полиција соопшти дека за време на протестите пронашла импровизирано оружје направено од дрвена палка во која биле забиени повеќе клинци. Предметот, според полицијата, бил пронајден кај едно од лицата приведени поради инциденти за време на демонстрациите.

Полициската префектура на социјалната мрежа Икс објави фотографија од палката, опишувајќи ја како „особено опасно импровизирано оружје“.

— реклама —

Од полицијата наведуваат дека предметот бил пронајден при приведување на лице осомничено за учество во насилни инциденти.

— реклама —

„За вакво неприфатливо насилство нема место во протестните поворки“, порачаа од полициската префектура.

Информацијата доаѓа во време на масовни протести во Франција, за кои градоначалникот на Сен Дени, Бали Багајоко, претходно изјави дека привлекле повеќе од 800.000 демонстранти низ земјата.

— реклама —

Засега не се соопштени дополнителни детали за идентитетот на приведеното лице, ниту дали пронајденото оружје било употребено за време на протестите.