Француската полиција на нозе: Седум мигранти избегаа од притворски центар низ отвор за дим

Седум илегални мигранти побегнале од притворски центар во Венсен кај Париз, откако се провлекле низ отвор за одвод на чад. Тројца од нив брзо биле уапсени, додека за останатите сè уште се трага.

— реклама —

Седум илегални мигранти побегнале од притворскиот центар во францускиот град Венсен, соопштиле полициски извори, пренесува „Фигаро“.

— реклама —

Инцидентот се случил во текот на ноќта, кога група од десет мигранти успеала да избега низ отвор за одвод на чад, изјавил полициски извор. Настанот бил снимен од надзорните камери, а полицијата веднаш започнала потрага и успеала да уапси три лица во дворот на притворскиот центар. Седум притвореници се водат како исчезнати и засега не е познато во кој правец побегнале, додал изворот.

— реклама —

Останатите тројца мигранти биле приведени во рамки на истрагата што ја покренало париското обвинителство поради обид за избегнување на административен притвор, обид за бегство и вандализам.

Како што наведува извор на весникот, ниту еден од бегалците не се наоѓа на листата на француските разузнавачки служби меѓу лица осомничени дека претставуваат закана за националната безбедност. Истрагата продолжува со цел да се пронајдат бегалците, пренесува парискиот весник.