Герасимовски: Финансиска помош за 125 граѓани со здравствени проблеми и тешка материјална положба, исплатата почнува месецов
Градоначалникот на Општина Центар, Горан Герасимовски, одобри финансиска поддршка за 125 граѓани кои се соочуваат со нарушена здравствена состојба или тешка материјална положба.
Станува збор за баратели кои поднеле барања во периодот од јули 2025 година до 31 декември 2025 година, а исплатата ќе започне во текот на месецов.
Еднократната финансиска помош е наменета за покривање на трошоци поврзани со лекување, нега и секојдневна поддршка. Висината на помошта се утврдува според индивидуалните потреби, а износите се движат од 3.000 до 25.000 денари.
За остварување на правото на финансиска поддршка, потребно е доставување на документи со кои се докажува здравствената или финансиската состојба, како што се потврда за невработеност од Агенцијата за вработување, потврда од Управата за јавни приходи, медицинска документација или друг соодветен доказ.
„Секој наш сограѓанин е важен. Заедно градиме општество на еднакви можности. Оваа финансиска помош е наменета за оние на кои им е најпотребна, за лекување, нега и поддршка во секојдневниот живот“, истакна Герасимовски.
Мерката ќе продолжи и оваа година, со цел да се помогне на жителите на Општина Центар што се соочуваат со здравствени и материјални потешкотии.
Герасимовски: Финансиска помош за 125 граѓани со здравствени проблеми и тешка материјална положба, исплатата почнува месецов
Автор:
Скопје1.мк
објавено пред 1 месец -
Скопје
Поврзани содржини
Герасимовски: Бесплатни стоматолошки прегледи за децата и пензионерите – континуирана грижа за здрави насмевки
Скопје | пред 21 час
Општина Центар започна со пролетна дератизација, се третираат 2.000 шахти против глодари
Скопје | пред 1 седмица
Герасимовски: Запознајте го срцето на Скопје со стручен водич, јавен повик за организирање тематски прошетки низ Центар
Скопје | пред 1 седмица
Герасимовски: Реконструкција на улицата ,,Светозар Марковиќ”, нов асфалт, тротоари и канализација
Скопје | пред 2 седмици