Во Младински центар „Матично“, што функционира во склоп на Општина Центар, денеска се одржуваат бесплатни здравствени проверки и консултации за граѓаните. Прегледите се реализираат во периодот од 09:00 до 15:00 часот, без претходно закажување.
Граѓаните имаат можност бесплатно да се консултираат со тим лекари специјалисти и да добијат совети поврзани со своето здравје, како и да направат основни здравствени проверки, меѓу кои мерење на крвен притисок и мерење на гликоза во крвта.
Во текот на денот консултации и советувања со граѓаните одржуваат: д-р спец. Снежана Георгиева –гинеколог акушер, д-р спец. Љиљана Атанасовска – дерматовенеролог, д-р спец. Велимир Савески – инфектолог и доц. д-р Александар Савески – ортопед трауматолог.
Градоначалникот на Општина Центар, Горан Герасимовски, ги повика граѓаните да ја искористат можноста и да се консултираат со стручни лица.
„Ги поканувам сите граѓани да дојдат во општинскиот Младински центар “Матично” за да ја проверат својата здравствена состојба. Оваа активност ја реализираме во пресрет на Светскиот ден на здравјето, со цел да ја поттикнеме свеста за превенцијата и редовната грижа за сопственото здравје“, истакна Герасимовски.
Акцијата се реализира во соработка со ХЕРА, Асоцијација за здравствена едукација и истражување.
(Не)култура, насилство, национализам, идентитет, „Дајте музика“... - „Претрес“ на Снешка-Смешка Руси
Герасимовски: Отворени вратите на „Матично“, бесплатни здравствени проверки и консултации со специјалисти за граѓаните
Автор:
Скопје1.мк
објавено пред 1 месец -
Скопје
Поврзани содржини
Герасимовски: Запознајте ги хероините на градот, бесплатна тура на тема „Женското наследство во Центар"
Скопје | пред 4 дена
Герасимовски: Центар доделува субвенции за велосипеди, е-велосипеди и дополнителна опрема, поттикнуваме здрави навики и еколошка мобилност
Скопје | пред 3 седмици
Дрвен“ во Дебар Маало обновен: нови реквизити и летниковец за децата
Скопје | пред 1 месец
Паркирањето во Центар за Велигден бесплатно за граѓаните
Скопје | пред 1 месец