И покрај заканите за затворање, бродскиот сообраќај низ Ормускиот теснец се одвива непречено

И покрај најавите од Техеран за повторно затворање на Ормускиот теснец, еден од најважните светски поморски коридори продолжува да функционира без поголеми прекини, а бројот на товарни бродови што минуваат низ теснецот останува на високо ниво.

— реклама —

Според податоците од платформите за следење на поморскиот сообраќај, до 11 часот во понеделникот биле регистрирани 15 транзити на товарни бродови, што е споредливо со нивото на сообраќај од четвртокот и саботата, кога дневно биле забележани околу 30 преминувања.

Податоците од платформата „МаринТрафик“ покажуваат дека најмалку уште пет бродови, чиј транзит сè уште не е официјално потврден, најверојатно го поминале теснецот, врз основа на нивните автоматски идентификациски сигнали (AIS).

— реклама —

Ормускиот теснец беше повторно отворен минатата недела по договорот меѓу Иран и САД, чија цел е ставање крај на конфликтот на Блискиот Исток. Сепак, Техеран во саботата најави негово повторно затворање како одговор на израелските напади во Либан.

— реклама —

Во меѓувреме, Иран и САД постигнаа договор за воспоставување механизми што треба да придонесат за прекин на нападите во Либан и за гарантирање на безбедноста во Ормускиот теснец, преку кој вообичаено поминува околу една петтина од светската нафта.

Како дел од договорот, со посредство на Катар и Пакистан, воспоставена е и посебна комуникациска линија со цел да се избегнат инциденти и недоразбирања.

— реклама —

„И покрај неизвесноста околу преговорите меѓу САД и Иран, Ормускиот теснец остана оперативен за време на викендот“, изјави Никос Потитакис, портпарол на платформата „Кплер“, додавајќи дека дел од бродовите користеле рути одобрени од Техеран или пловеле со исклучени транспондери.