Русија планира масовно населување и големи проекти на окупираните територии на Украина

Руските власти планираат до 2045 година да преселат околу 114.000 граѓани на окупираните делови од Украина, покажуваат таканаречените „развојни планови“ за Донецк, Луганск, Запорожје и Херсон. Плановите се изработени од руската државна развојна корпорација VEB.RF и Единствен Институт за просторен развој.За таа цел, Русија развила 15 главни мастер-планови и 10 проекти за просторен развој. Според нив, населението би требало да се зголеми за 67.100 луѓе со реализација на мастер-плановите и дополнителни 46.700 преку проектите за урбанизирање. Се предвидува изградба на над 13 милиони квадратни метри нови станбени објекти, повеќе од 140 градинки, десетици училишта и околу 100 амбуланти и поликлиники. Плановите предвидуваат и изградба или реконструкција на над 3.270 километри патишта, речиси 430 километри железнички пруги со 19 станици, како и развој на марици за јахти и пристаништа, плус обновување на четири аеродроми.Во индустрискиот сектор се планирани 25 индустриски паркови, осум фабрики за машиноградба, 15 фабрики за градежни материјали и шест рударски и прерадбени погони.Русија исто така планира развој на туризмот на окупираните територии, со цел до 2044 година да привлече до 9,4 милиони туристи. Како потенцијално атрактивни дестинации се наведуваат Приморск и Геническ, а дополнително и Арабатска превлака, Мариупол, Кириловка, Скадовск и крајбрежјето на Запорожската област.Анализата проценува дека за реализација на сите проекти ќе бидат потребни околу 225.400 вработени.

Свет | пред 1 седмица

Шилегов: СДСМ не е сопственост на една групација, па со неа да се пазарат за својата слобода

Поранешниот градоначалник на Скопје и поранешниот пратеник од редовите на СДСМ, Петре Шилегов изјави дека постои договор СДСМ да биде во сегашната состојба, упорно да ги промашува темите и да дозволи ВМРО-ДПМНЕ да освои два мандати, со цел да се избегнат евентуални истраги и кривични постапки.Шилегов оцени дека партијата е кадровски исцрпена и дека одлуката за иницирање на негово исклучување е спротивна на Статутот, бидејќи, како што рече, таквата постапка треба да ја води општинската организација.Тој го повика лидерот на СДСМ Венко Филипче да дојде во општинската организација во Карпош и таму да се разговара за неговото исклучување и за состојбите во партијата.Шилегов најави дека ќе продолжи со својата платформа и стратегија и побара актуелното раководство да се повлече за да ја ослободи партијата, која некогаш беше државотворна.„СДСМ не е сопственост на една групација, па со неа да се пазарат за својата слобода“, рече Шилегов.Изјавата доаѓа откако вчера, Извршниот одбор на СДСМ донесе одлука да иницира постапка за негово исклучување од партијата. За ова треба да расправа и да донесе одлуца Централниот одбор, најверојатно наредната недела.

Македонија | пред 1 седмица

(Видео) Од „не ни треба никој“ до барање помош: Трамп во контрадикции

На социјалната мрежа X се споделува видеоснимка од американската телевизија CNN, на која се гледа како претседателот на Соединети Американски Држави, Доналд Трамп, за време на прес-конференција изнесува целосно спротивставени ставови за американските сојузници и стратегијата кон Иран.Монтажата од прес-конференцијата одржана на 16 март јасно ја прикажува реториката на Трамп. Од една страна, тој арогантно ја отфрла потребата од сојузници со порака дека „не ни треба никој“, додека веќе во следниот момент бара нивна воена помош за обезбедување на Ормускиот теснец поради ескалацијата на конфликтот со Иран.Во описот на видеото што се шири на интернет се наведува дека станува збор за монтажа на Си-Ен-Ен која покажува како Трамп во период од само еден час повеќепати си противречи. Во објавениот материјал неговите изјави се редат една по друга, создавајќи впечаток на конфузна надворешна политика. Во еден момент зборува за отворање на теснецот и вели дека „сакаме да дојдат и да ни помогнат“, а само неколку минути подоцна истакнува дека САД се најсилната нација и дека не им е потребна ничија поддршка.Овој краток исечок дополнително го нагласува веќе забележаниот образец на противречности во јавните настапи на Трамп. Потсетување доаѓа и од тимот за проверка на факти на Си-Ен-Ен, кој уште на 10 март укажа на слични недоследности во неговите пораки поврзани со војната, кога во рамки на исти говори преминува од засилени закани кон нејасно дефинирани стратешки цели.

Свет | пред 1 седмица

Зеленски ја прифати помошта од ЕУ за поправка на нафтоводот „Дружба“

Украина се согласи на надворешна инспекција на оштетениот нафтовод „Дружба“, која ќе биде финансирана од Европска Унија, потврдија денеска од Брисел. Овој чекор доаѓа само два дена пред клучниот самит на европските лидери, каде што се бара решение за деблокирање на заемот за Украина во вредност од 90 милијарди евра, кој е блокиран поради вето од Унгарија.Политичкиот исчекор се случува во пресрет на состанокот на лидерите на ЕУ, на кој во фокусот ќе биде токму унгарската блокада. Европската Унија се обидува да обезбеди исплата на заемот договорен уште во декември, но ветото на Будимпешта сè уште го попречува процесот. Во заедничка изјава, претседателката на Европска комисија, Урсула фон дер Лајен, и претседателот на Европскиот совет, Антонио Кошта, наведоа дека ЕУ ѝ понудила техничка и финансиска поддршка на Украина, што украинската страна ја прифатила, додавајќи дека европските експерти се веднаш достапни.Унгарскиот премиер Виктор Орбан тврди дека нафтоводот, преку кој се транспортира евтина руска нафта, е функционален и дека украинскиот претседател Володимир Зеленски го блокира од политички причини поврзани со претстојните избори во Унгарија на 12 април. Зеленски, пак, изјави дека е под притисок од европските сојузници повторно да го отвори нафтоводот, што го оцени како лоша идеја, иако нагласи дека станува збор за негов личен став.Во писмо до европските лидери, Зеленски ги отфрли обвинувањата на Орбан како неосновани и посочи дека прекинот во снабдувањето е последица на руски напади врз нафтоводот и придружната инфраструктура кон крајот на јануари. Според него, пумпната станица Броди во источна Украина претрпела сериозни оштетувања, што го прави безбедниот транспорт на нафта невозможен. Тој додаде дека поправката би траела околу месец и половина, доколку не дојде до нови напади.Европските лидери нагласија дека поправката на „Дружба“ станала уште поважна поради нестабилноста на енергетските пазари, поттикната од конфликтите на Блискиот Исток, кои ја зголемија цената на нафтата над 100 долари за барел. Во меѓувреме, одлуката на Соединети Американски Држави да ги ублажи санкциите за руската сурова нафта предизвика критики од европските сојузници.И покрај неизвесноста, Брисел се надева дека новиот компромис ќе помогне да се надмине ќор-сокакот и да се овозможи брза санација на нафтоводот. Сепак, засега останува нејасно дали овој потег ќе биде доволен Виктор Орбан да го повлече ветото пред изборите во април.

Свет | пред 1 седмица

Трамп исклучува можност Израел да употреби нуклеарно оружје против Иран

Американскиот претседател Доналд Трамп одби каква било можност Израел да употреби нуклеарно оружје против Иран во случај на понатамошна ескалација на конфликтот. На прес-конференција, тој прекина новинарско прашање поврзано со темата, нагласувајќи: „Израел тоа никогаш не би го направил. Им зададоа страшен удар и сега едноставно можат да се повлечат. Ќе им бидат потребни десет години да се опорават, а дури и тогаш нема да се приближат до она што го имале.“Прашувањето произлезе од изјава на еден од советниците на Трамп, Давид Сакс, кој минатата недела во еден подкаст изрази загриженост од можно продолжување на конфликтот, предупредувајќи дека ситуацијата би можела да има разорни последици. „Израел би можел да претрпи огромна штета. Во таков случај, постои ризик конфликтот да ескалира и да се прибегне кон нуклеарно оружје, што би било навистина катастрофално“, рече Сакс.На прашањето дали Сакс го споделил таквото мислење со него, Трамп кратко одговори: „Не, не го направи.“

Свет | пред 2 седмици

Европската комисија предлага целосна забрана за увоз на руска нафта

Повереникот за енергија, Дан Јоргенсен, денес најави дека Европската комисија ќе предложи целосна забрана за увоз на руска нафта, за што веќе постојат санкции, но две земји имаат изземување.„Денес имаме санкции, но две земји се изземени и ние ќе предложиме тоа да се промени. Сите земји мора да се подготват за оваа ситуација, не сакаме во иднина да купуваме енергија од Русија“, изјави Јоргенсен на прес-конференција по состанокот на министрите за енергија на земјите членки.Унгарија и Словачка имаат изземување за увоз на руска нафта, но веќе месец и половина нафтоводот Дружба не е во функција, па двете земји се снабдуваат со неруска нафта преку Хрватска и Јадранскиот нафтовод.„Важно е да се нагласи дека нема проблеми со безбедноста на снабдувањето. Постојат алтернативни извори. Соседните земји беа исклучително корисни, осигурувајќи дека ова се случува“, додаде Јоргенсен, нагласувајќи дека им бил испратен сигнал на Украина за да се види временската рамка кога Дружба повторно ќе започне со работа.

Свет | пред 2 седмици

Трамп: Не ни треба помош околу Ормуски теснец, но гледаме кои ќе застанат со нас

Претседателот на САД, Доналд Трамп, ја постави повторната отвореност на Ормуски теснец како тест за своите НАТО сојузници. Трамп посочи дека САД не се непотребно зависни од помош за обезбедување на овој клучен морски премин, но истовремено нагласи дека би било поучно да се види кои земји ќе „одзваат на предизвикот“.На конференција за медиуми во Белата куќа, кога беше прашан кои земји одбиле да помогнат, Трамп одби да ги именува. Наместо тоа, во шега го оцени францускиот претседател Емануел Макрон, наведувајќи дека „на скала од нула до десет, заслужува осмица – не е совршено, но тоа е Франција“.Трамп истакна дека САД низ Ормуски теснец добиваат само мал дел од својата нафта, за разлика од земји како Јапонија, која за околу 95% од својот увоз нафта се потпира на Блискиот исток. Ормуски теснец е еден од најважните енергетски „тесни грла“ во светот, низ кој поминува голем дел од глобалните резерви на сурова нафта.И покрај тоа што Трамп истакнува дека помошта на други земји не е неопходна, барањето за нивна поддршка ја покажува сложеноста на предизвиците со кои се соочува неговата администрација.

Свет | пред 2 седмици

Во Загреб запленети 52 килограми тутун и 23.400 цигари без акцизни маркици

Царинските службеници и полицијата во Загреб откриле голема количина нелегални тутунски производи. Во заедничка акција во патничко возило биле пронајдени 52 килограми ситно сечен тутун и 23.400 цигари без акцизни маркици на Министерството за финансии.Контролата била извршена на 14 март, кога службениците на Службата за мобилни единици Загреб и Мобилните единици за надзор на државната граница го запреле возилото со хрватски регистарски ознаки. Во автомобилот се наоѓале двајца хрватски државјани, возач и сопатник. Тутунот бил запакуван во 110 мали ПВЦ кеси, додека цигарите биле пронајдени на задното седиште и во багажникот.Поради сомневање за сторено кривично дело нелегална трговија, против двајцата ќе биде поднесена кривична пријава до надлежното општинско државно обвинителство.Возилото привремено им е одземено на сопствениците, бидејќи одбиле да уплатат акцизен депозит, со што се обезбедува наплата на акцизата. Дополнително, надлежната царинска управа ќе добие барање за наплата на акциза во износ од 10.010,30 евра.

Свет | пред 2 седмици

Трамп: Уништена иранската морнарица и воздушни сили, погодени над 7.000 цели

Претседателот на САД, Доналд Трамп, се обрати од Белата куќа на состанок поврзан со „Трамп Кенеди Центар“, но главниот дел од излагањето го посвети на, како што тврди, успешната воена кампања против Иран.„Дословно се уништени, воздушните сили исчезнаа, морнарицата е уништена, многу бродови се потопени. Радарите им се уништени, а лидерите исчезнаа. Покрај тоа, им оди прилично добро“, рече Трамп. Тој додаде дека Иран е „терор веќе 47 години, а сега, со помош на Израел, е направено тоа што требаше да се стори со години“.Според неговите зборови, САД погодиле повеќе од 7.000 цели низ Иран. „Постигнавме намалување од 90% во лансирањето балистички проектили и 95% во нападите со дронови“, додаде Трамп. Во последната недела и половина, како што рече, уништени или потопени се повеќе од 100 ирански морнарички пловила, вклучувајќи над 30 бродови за поставување мини.Трамп тврди дека способноста на Иран за напади со беспилотни летала „се приближува кон нула“, без да понуди дополнителни докази. Тој додаде дека се погодени три фабрики за проектили, што го отежнува нивното производство, а дополнителни удари се извршуваат „од час во час“. Исто така, нагласи дека нафтоводите не се уништени, иако тоа, според него, би можело да се направи за пет минути: „Само една реченица и тие нафтоводи повеќе нема да постојат“, заклучи Трамп.

Свет | пред 2 седмици

Мерц: НАТО служи за одбрана, не за напади

Германскиот канцелар, Фридрих Мерц, денес потврди дека Германија нема да се вклучи во војната на САД и Израел против Иран. Како клучни причини го наведе отсуството на потребен мандат и фактот дека сојузниците не ја консултирале Германија пред почетокот на конфликтот.На прес-конференција во Берлин, Мерц појасни дека одлуката е заснована на германскиот устав. „Според нашиот Темелен закон, потребен е мандат од Обединетите нации, Европската унија или НАТО, а ние го немаме. Затоа од самиот почеток беше јасно дека ова не е задача за НАТО. НАТО служи за одбрана, не за напади“, рече тој.Мерц нагласи дека Германија не била вклучена во одлуките што претходеле на конфликтот. „САД и Израел не не консултираа пред оваа војна. Никогаш не беше донесена заедничка одлука дали воопшто треба да се дејствува против Иран. Затоа прашањето за германски воен ангажман воопшто не се поставува“, заклучи канцеларот.

Свет | пред 2 седмици

Иран предупредува: Ако САД испратат копнени сили, ги чека „нов Виетнам“

Заменик министерот за надворешни работи на Иран, Саид Хатибзаде, предупреди дека САД би можеле да се соочат со „нов Виетнам“ доколку испратат копнени сили во конфликтот со Иран. Во разговор за Sky News од својот кабинет во Техеран, Хатибзаде рече дека Иран е подготвен да се бори колку што е потребно и дека земјата во моментов не се фокусира на дипломатско решение.Тој не ја исклучи можноста за преговори, но јасно порача дека иницијативата е на САД и нивните сојузници за да излезат со предлог што би го завршил конфликтот.На прашањето за можноста за испраќање американски копнени сили, Хатибзаде упати јасна порака до претседателот Доналд Трамп: „Само прочитајте што се случи во Виетнам.“Историски, САД се вмешаа во Виетнамската војна во 1965 година за да го спречат ширењето на комунистичкиот Северен Виетнам. И покрај големата воена моќ и стотици илјади војници на теренот, САД не успеа да ја победи Виетконг и северновиетнамската армија и се повлече во 1973 година, а целиот Виетнам падна под комунистичка власт во 1975 година.Хатибзаде истакна дека американските војници во Иран можат да доживеат слична судбина. „Тие знаат дека оние што ги воведоа во овој конфликт можат да ги вовлечат и во мочуриште од кое тешко се излегува“, подвлече тој.Неговите изјави доаѓаат по две недели разорен конфликт во кој, според иранските податоци, загинале речиси 1.500 Иранци, а милиони се раселени.Во конфликтот загинале и скоро 1.000 лица надвор од Иран, вклучувајќи најмалку 850 во Либан, 30 во Ирак, 13 во Обединети Арапски Емирати, шест во Кувајт, 12 во Израел, четири во Сирија, две во Оман, две во Саудиска Арабија, две во Бахреин, како и 13 американски и еден француски војник.Хатибзаде го обвини премиерот на Израел, Бенјамин Нетанјаху, дека ги вовлекол САД во конфликтот. „Тие треба добро да размислат кога се соочуваат со Иран и да не ги слушаат советите на оние кои не го познаваат Иран и кои со децении се обидуваат да добијат војна против Иран со пари на американските даночни обврзници и крвта на американските војници. Нетанјаху и израелскиот режим имаат своја агенда да ја претворат оваа војна во своја победа, на штета на сите други“, рече тој.Во врска со здравјето на новиот врховен лидер на Иран, Мојтабе Хаменеј, заменикот министер рече дека тој е „здрав и ја води земјата“, и покрај тоа што сè уште не се појавил во јавноста.

Свет | пред 2 седмици

Трамп тврди дека предвидел напади на 11 септември, но тоа не е точно

Претседателот на САД, Доналд Трамп, повторно изнесе неточна тврдење дека во својата книга од 2000 година, напишана пред терористичките напади на 11 септември, предупредил за опасноста од Осама бин Ладен. Изјавата ја даде по коментарите за Ормускиот теснец, јавува The Guardian.„Сакам само лажливите медиуми и сите други да запомнат што е кажано. Бев голем критичар на заштитата на сите тие земји и знам дека ние ќе ги штитиме. А ако нам некогаш ни треба помош, нив нема да ги има“, рече Трамп.Тој додаде: „Ова го знам одамна, токму како што знаев и за теснецот – дека ќе стане оружје. Сè тоа го предвидов одамна. Вие ми признававте дека сè тоа сум го предвидел. Предвидов дека Осама бин Ладен ќе го урне Светскиот трговски центар. Предвидов тоа една година пред да се случи.“Медиумите веќе ја оповргнале оваа тврдење, бидејќи книгата на Трамп од 2000 година не содржи никакво предупредување за бин Ладен. Ова е тврдење што медиумите повеќе пати го негирале низ годините, секојпат кога Трамп повторно го изнел во јавност.

Свет | пред 2 седмици

Ер Србија воведува директни летови од Белград до островот Брач

Националната авиокомпанија Ер Србија ова лето ќе воспостави директна авиолинија меѓу Белград и едно од најпознатите летувалишта на Јадранската обала – островот Брач.Новата сезонска линија ќе овозможи полесен пристап до популарните плажи и туристички атракции на Брач, вклучително и познатата плажа Златни Рат. Летовите ќе се реализираат два пати неделно, среда и сабота, во периодот од 20 јуни до 12 септември, а картите се веќе во продажба преку директните канали на Ер Србија и овластените агенти.Со оваа линија, компанијата дополнително го зајакнува своето присуство во Хрватска и на туристичкото пазариште, надополнувајќи ги постојните линии кон Сплит, Дубровник, Риека, Пула, Задар и Загреб.Новиот лет исто така овозможува поврзување со широка мрежа дестинации преку Белград, како што се Амстердам, Барселона, Берлин, Копенхаген, Рим, Франкфурт, Милано, Осло, Праг, Виена, Цирих и многу други.

Магазин | пред 2 седмици

Иран: Зеленски се обидува да ја вовлече Украина во конфликт со Техеран

Портпаролот на иранското Министерство за надворешни работи Есмаил Багаеи изјави дека украинскиот претседател Володимир Зеленски веќе четири години го вовлекува украинскиот народ во постојана војна со Русија и се обидува да вовлече и други држави во конфликтот.„Со жалење забележуваме дека народот на Украина навистина падна под влијание на човек кој веќе четири години ја води оваа земја – иако немаме проблем со украинскиот народ – кон неизбежна војна и постојано инсистира на продолжување на тој пат. Бидејќи не успеа да ги постигне целите што му беа наметнати од други, за жал, постојано се обидува да вовлече и други земји во конфликтот“, изјави Багаеи на брифинг, одговарајќи на прашање за изјавите на Зеленски за испраќање воени советници.Тој реагираше на најавите дека украински воени советници би можеле да им помогнат на американските сојузници во одбраната од ирански дронови.„Од самиот почеток изјавивме дека не играме никаква улога и дека не се мешаме во конфликтот во Украина“, додаде тој, истакнувајќи дека обвинувањата дека Иран е вмешан во војната се неосновани.Според него, Зеленски, „заглавен во мочуриштето на војната со Русија“, се обидува да го вовлече украинскиот народ и во конфликт со Иран преку испраќање воени советници на Блискиот Исток за борба против ирански беспилотни летала.Во меѓувреме, тензиите во регионот дополнително се зголемија откако САД и Израел на 28 февруари изведоа серија напади врз цели на територијата на Иран, вклучително и во Техеран. Во нападите имало и цивилни жртви, по што Иран возврати со ракетни напади врз израелска територија и врз американски воени објекти на Блискиот Исток.

Свет | пред 2 седмици

Германија алармира: „Се подготвува голема копнена операција“

Германската влада денеска изрази „исклучителна загриженост“ поради случувањата во Либан и предупреди дека голема копнена офанзива на Израел на југот на земјата значително би ја влошила и онака тешката хуманитарна состојба во регионот.„Погледот на овој дел од воената зона нè исполнува со загриженост, бидејќи гледаме подготовки за голема израелска копнена офанзива која значително би ја влошила веќе напнатата хуманитарна ситуација во регионот“, изјави портпарол на германската влада, пренесува Ројтерс.Тој додаде дека Германија ги поздравува напорите за повторно започнување разговори меѓу Израел и Либан.Израелските одбранбени сили претходно соопштија дека започнале „насочена копнена операција врз клучни цели на југот на Либан“ со цел да ја прошират тампон-зоната и да ги спречат дејствијата на либанската милитантна група Хезболах.Според Тајмс оф Израел, израелската војска распоредува дополнителни сили подлабоко во таа област како дел од проширената тампон-зона, откако Хезболах почна напади врз Израел претходно овој месец, по почетокот на војната во Иран.Претходно денеска, европската комесарка за управување со кризи Хаџа Лахбиб изјави дека Европската Унија ќе испрати хуманитарна помош на Блискиот Исток во вредност од 458 милиони евра како одговор на конфликтите во регионот.

Свет | пред 2 седмици

Судир на два трамваи во Рим, повредени десетина лица

Десетина лица денеска се повредени и пренесени во болница по судир на два трамваи во римската населба Пињето, но според првичните информации никој од нив не е во тешка состојба, пренесуваат локалните медиуми.Повредените со возила на итната медицинска помош биле пренесени во неколку болници во Рим, објави Roma Today.Итните служби и полицијата веднаш пристигнале на местото на несреќата по судирот на двата трамваи кои сообраќале на линиите 5 и 19. Несреќата се случила околу осум часот наутро.Полициските службеници привремено го затвориле овој дел од градот за сообраќај и помогнале во спасувачката операција за извлекување на повредените патници.Во тек е истрага и реконструкција на настанот што ја спроведува полицијата во Рим, а сообраќајот во меѓувреме е нормализиран. Засега не е познато што довело до судирот на трамваите.

Свет | пред 2 седмици

(Видео) Трамп кон новинарка: „Многу сте напорни“

Американскиот претседател Доналд Трамп се налути на новинарка на Еј-Би-Си њуз за време на разговор со новинари во претседателскиот авион Ер форс уан, додека одговараше на прашања за војната со Иран.Новинарката го праша за фотографија од свечениот пречек на посмртните останки на американски војници загинати во судирите со Иран, која била искористена во електронска порака за собирање политички донации. На прашањето дали смета дека користењето на таква фотографија е соодветно, Трамп кратко одговори дека смета дека е.Кога новинарката дополнително праша дали се собираат средства врз основа на загинатите војници, претседателот рече дека „не ја видел“ таа електронска порака. „Некој го објавува тоа. Многу луѓе работат за нас“, додаде тој.Трамп потоа изјави дека „никој не е подобар кон војската од него“, по што ја праша новинарката за кој медиум работи. Кога таа одговори дека е од Еј-Би-Си њуз, тој остро ја нападна телевизијата.„Еден од најлошите, најлажните и најкорумпираните... знаете што, Еј-Би-Си њуз – мислам дека можеби сте и најкорумпираната медиумска организација на планетата. Мислам дека сте ужасни“, изјави Трамп. Потоа му се обрати на друг машки новинар и му рече: „Вие сте многу подобри“.Во текот на разговорот, претседателот стави прст на устата додека новинарката се обидуваше да постави уште едно прашање, додавајќи дека е „многу напорна личност“.Новинарката претходно го праша и дали има коментар за шест американски војници кои загинале во напад со ирански дрон врз база во Кувајт. Додека таа го поставуваше прашањето, Трамп внимателно ја гледаше, а кога заврши нагло се сврте кон другите новинари.„Повелете. Кој е следен?“, праша тој.Подоцна, на својата социјална мрежа Трут соушл, Трамп објави неколку подолги објави во кои ги нападна медиумите поради начинот на известување за конфликтот со Иран, ги критикуваше судиите од Врховниот суд на САД кои гласале против неговите царини и го пофали водителот на Фокс њуз, Марк Левин.

Свет | пред 2 седмици

Се одржа осмата седница на Советот на Општина Охрид

Денес градските советници ја одржаа осмата седница од нивното конституирање. На дневен ред беа 65 точки, кои беа надополнети со уште една, за субвенционирање на јавните претпријатија.На дневниот ред преовладуваа годишни извештаи за финансиското работење на образовните институции и јавните претпријатија и годишните програми од сите сектори на јавната администрација.Во продолжение се сите точки кои денес беа усвоени на седницата:Предлог-одлука за усвојување на Извештајот за финансиското работење и Годишната сметка за 2025 година на ООУ„Христо Узунов“ – Охрид;Предлог-одлука за усвојување на Извештајот за финансиското работење и Годишната сметка за 2025 година на ООУ„Григор Прличев“ – Охрид;Предлог-одлука за усвојување на Извештајот за финансиското работење и Годишната сметка за 2025 година на ООУ„Св.Климент Охридски“ – Охрид;Предлог-одлука за усвојување на Извештајот за финансиското работење и Годишната сметка за 2025 година на ООУ„Братство – единство“ – Охрид;Предлог-одлука за усвојување на Извештајот за финансиското работење и Годишната сметка за 2025 година на ООУ„Кoчо Рацин“ – Охрид;Предлог-одлука за усвојување на Извештајот за финансиското работење и Годишната сметка за 2025 година на ООУ„Живко Чинго“ с.Велгошти;Предлог-одлука за усвојување на Извештајот за финансиското работење и Годишната сметка за 2025 година на ООУ„Ванчо Николески“ с.Лескоец;Предлог-одлука за усвојување на Извештајот за финансиското работење и Годишната сметка за 2025 година на ООУ„Св.Наум Охридски“ с. Пештани;Предлог-одлука за усвојување на Извештајот за финансиското работење и Годишната сметка за 2025 година на ООМУ„Методи Патче“ – Охрид;Предлог-одлука за усвојување на Извештајот за финансиското работење и Годишната сметка за 2025 година на ОСУ„Св. Климент Охридски“ – Охрид;Предлог-одлука за усвојување на Извештајот за финансиското работење и Годишната сметка за 2025 година на СОСУ„Св. Кирил и Методиј“ – Охрид;Предлог-одлука за усвојување на Извештајот за финансиското работење и Годишната сметка за 2025 година на ОЕМУЦ„Св.Наум Охридски“ – Охрид;Предлог-одлука за давање согласност на Одлуката за усвојување на Годишниот извештај за работа на ОЈУ Отворен граѓански универзитет за доживотно учење „Кузман Шапкарев“ – Охрид за 2024/2025 година;Предлог-одлука за усвојување на Годишниот финансиски извештај и завршна сметка на ЈОУДГ за деца „Јасна Ристеска“ – Охрид за периодот 01.01.-31.12.2025 година;Предлог-одлука за давање согласност на Статутарната одлука за изменување и дополнување на Статутот на ЈОУДГ „Јасна Ристеска“ – Охрид;Предлог-одлука за усвојување на Годишната сметка за работата на ЈП„Билјанини извори“ Охрид за 2025 година;Предлог-одлука за усвојување на Годишната сметка и Годишниот извештај за работењето на ЈП„Водовод“ – Охрид за периодот од 01.01.2025 до 31.12.2025 година;Предлог-одлука за усвојување на Извештајот од работењето и остварените резултати на ЈП „Градски гробишта“ – Охрид за периодот од 01.01.2025 до 31.12.2025 година;Предлог-одлука за усвојување на Извештајот за остварените резултати од работењето и завршната сметка на ЈП „Градски Пазар“ Охрид за периодот од 01.01 до 31.12.2025 година;Предлог-одлука за усвојување на Извештајот за остварените резултати од работењето на ЈП„Охридски комуналец“ – Охрид за периодот од 01.01 до 31.12.2025 година;Предлог-одлука за усвојување на годишната сметка и Извештајот за работењето на ЈП„Нискоградба Охрид“ – Охрид за 2025 година за периодот од 01.01.2025 до 31.12.2025 година;Предлог-одлука за давање согласност на Одлуката за распределба на добивката остварена во работењето на ЈП Водовод Охрид за период 01.01. – 31.12.2025 година;Предлог-одлука за давање согласност на Одлуката за изменет Годишен план за вработување за 2026 година на ЈП „Билјанини извори“ – Охрид;Предлог-одлука за усвојување на Извештајот за состојбата во областа на јавната безбедност и безбедноста на сообраќајот на патиштата за периодот од 01.07. до 31.12.2025 година;Предлог-одлука за усвојување на годишниот извештај за реализација на Програмата за поттикнување на развојот на туризмот на општина Охрид за периодот од  01.01.2025 до 31.12.2025 година;Предлог-одлука за усвојување на Извештајот за реализација на Програмата за поддршка на локалниот економски развој на општина Охрид за периодот од 01.01.2025 до 31.12.2025 година;Предлог-одлука за усвојување на Извештајот за реализација на програмата за финансиските потреби на ТППЕ Охрид за 2025 година;Предлог-одлука за усвојување на извештајот за реализација на развојната програма за изработка на урбанистички планови на територијата на општина Охрид 2025-2027 година за периодот од 01.01. до 31.12.2025 година;Предлог-одлука за усвојување на Извештајот за работењето на Oдделението за даноци за периодот од 01.01.2025 до 31.12.2025 година;Предлог-одлука за усвојување на Извештајот за работењето на Одделението за комунални такси за периодот од 01.01.2025 до 31.12.2025 година;Предлог-одлука за усвојување на Извештајот за реализација на Програмата за заштита на  животната средина и природата за периодот од 01.01.2025 до 31.12.2025 година;Предлог-одлука за усвојување на извештајот за реализација на програмата за активностите на општина Охрид во областа на културата за 2025 година за периодот од 01.01. до 31.12.2025 година;Предлог-одлука за усвојување на Извештајот за реализација на програмата за спорт и рекреација за периодот од 01.01.2025 до 31.12.2025 година;Предлог-одлука за усвојување на Извештајот за реализација на Програмата за млади и невладини организации за 2025 година за периодот од 01.01.2025 до 31.12.2025 година;Предлог-одлука за усвојување на Извештајот за реализација на Годишната Програма за активностите на општина Охрид во областа на основното образование за 2025 година (Н1) за периодот од 01.01.2025 до 31.12.2025 година;Предлог-одлука за усвојување на Извештајот за реализација на Развојната Програма за капиталните инвестиции на општина Охрид во областа на основното образование 2025-2027 година (НА) за периодот од 01.01.2025 до 31.12.2025 година;Предлог-одлука за усвојување на Извештајот за реализација на Годишната Програма за активностите на општина Охрид во областа на средното образование за 2025 година (Н2) за периодот од 01.01.2025 до 31.12.2025 година;Предлог-одлука за усвојување на Извештајот за реализација на Развојната Програма за капиталните инвестиции на општина Охрид во областа на средното образование 2025-2027 година (НБ) за периодот од 01.01.2025 до 31.12.2025 година;Предлог-одлука за усвојување на Извештајот за реализација на Годишната Програма на општина Охрид за детска заштита за 2025 година (В1) за периодот од 01.01.2025 до 31.12.2025 година;Предлог-одлука за усвојување на Извештајот за реализација на Развојната Програма за капиталните инвестиции на општина Охрид во областа на детската заштита 2025-2027 година (ВА) за периодот од 01.01.2025 до 31.12.2025 година;Предлог-одлука за усвојување на Извештајот за реализација на Програмата за здравствена и социјална заштита за периодот од 01.01.2025 до 31.12.2025 година;Предлог-одлука за усвојување на Извештајот за реализација на Програмата за безбедност и здравје при работа на општина Охрид за 2025 година;Предлог-одлука за усвојување на Извештајот за реализација на Програмата за активностите на општина Охрид од областа на заштитата и спасувањето, управување со кризи и ревитализација по елиминирање на кризи за 2025 година;Предлог-одлука за усвојување на Извештајот за работа на општинскиот совет за превенција на детско престапништво на општина Охрид за 2025 година;Предлог-одлука за усвојување на Извештајот за реализација на Програмата за работа на Советот на општина Охрид за 2025 година за периодот од 01.01.2025 до 31.12.2025 година;Предлог-одлука за усвојување на Извештајот за реализација на Програмата за еднакви можности помеѓу мажите и жените за периодот од 01.01.2025 до 31.12.2025 година;Предлог-одлука за усвојување на Годишниот Извештај за слободен пристап до информации од јавен карактер за 2025 година;Предлог-одлука за усвојување на извештајот за реализација на програмата други комунални услуги за 2025 година за периодот од 01.01. до 31.12.2025 година;Предлог-одлука за усвојување на извештајот за реализација на програмата за енергетска ефикасност за 2025 година за периодот од 01.01. до 31.12.2025 година;Предлог-одлука за усвојување на извештајот за реализација на програмата урбана опрема – изградба и одржување за 2025 година за периодот од 01.01. до 31.12.2025 година;Предлог-одлука за усвојување на извештајот за реализација на Програмата за одржување  јавна чистота за 2025 година за периодот од 01.01. до 31.12.2025 година;Предлог-одлука за усвојување на извештајот за реализација на Програмата за јавно осветлување за 2025 година за периодот од 01.01. до 31.12.2025 година;Предлог-одлука за усвојување на извештајот за реализација на програмата за одржување и заштита на локални патишта, улици и регулирање режим на сообраќај за 2025 година за периодот од 01.01. до 31.12.2025 година;Предлог-одлука за усвојување на извештајот за реализација на програмата за подигање и одржување на паркови и зеленило за 2025 година за периодот од 01.01. до 31.12.2025 година;Предлог-одлука за усвојување на извештајот за реализација на програмата за изградба на сообраќајна сигнализација за 2025 година за периодот од 01.01. до 31.12.2025 година;Предлог-одлука за усвојување на извештајот за реализација на програмата за уредување на градежно земјиште во 2025 година за период од 01.01. до 31.12.2025 година;Предлог-одлука за усвојување на извештајот за реализација на Програма ЈМ капитални расходи за паркови и зеленило  за 2025 година – Подпрограма ЈМА – реализација на проект „Проект за употреба и одржување на урбан простор и парк на дел од Кеј Македонија“;Предлог-одлука за усвојување на извештајот за реализација на Програма ЈE изградба на простор за паркирање за 2025 година – Подпрограма ЈЕА – реализација на основен проект „Изградба на катна гаража во општина Охрид“;Предлог-одлука за усвојување на извештајот за реализација на Програма ЈИ изградба на системи за одведување и пречистување на отпадни води за 2025 година – Подпрограма ЈИА – реализација на проектот „Реконструкција на линиски инфраструктурен објект за фекална и атмосферска канализациона мрежа за дел од улици Малесија, Александар Гушо, Трајче Дојчиноски, Први мај, Вангел Николоски, Дебарца и Момчило Јорданоски“;Предлог-одлука за усвојување на извештајот за реализација на Програма ЈГ изградба на системи за водоснабдување за 2025 година – Подпрограма ЈГЦ – реализација на „Основен проект за мониторинг и управување СКАДА (SCADA) систем за водоснабдителен систем на град Охрид и изработка на ГИС систем со интеграција на двата системи“;Предлог-одлука за усвојување на извештајот за реализација на Програма ЈГ изградба на системи за водоснабдување за 2025 година;Предлог-одлука за усвојување на извештајот за реализација на Програма ЈД изградба и реконструкција на локални патишта и улици за 2025 година (прв повик);Предлог-одлука за усвојување на извештајот за реализација на Програма ЈД изградба и реконструкција на локални патишта и улици за 2025 година (втор повик);Предлог-одлука за усвојување на годишниот извештај и завршната сметка на буџетот на единицата на локална самоуправа Општина Охрид за 2025 година;Предлог-одлука за отстапување на времено користење недвижен имот – зграда на старото училиште во село Долно Лакочереј на Здружение за заштита на природното и националното богатство „Енхелеус – Лихнид“;

ОО | пред 2 седмици

Иранската Револуционерна гарда го предизвика Трамп: Ако имаш храброст, влези во Ормускиот теснец

Портпарол на Иранската револуционерна гарда (IRGC) го предизвика американскиот претседател Доналд Трамп по неговите тврдења дека иранските воени капацитети се уништени.„Зар Трамп не тврди дека ја уништил иранската морнарица? Ако има храброст, нека неговата морнарица влезе во Ормускиот теснец и Персискиот Залив“, изјави денеска портпаролот на IRGC.Иранската револуционерна гарда е елитна воена организација основана по Исламската револуција во 1979 година. Таа дејствува паралелно со редовната иранска војска и има клучна улога во одбраната на режимот, но и во иранските операции во странство. САД ја сметаат оваа организација за терористичка, а таа има силно влијание и во иранската политика и економија.Во последните денови Трамп повеќепати тврдеше дека американските и израелските напади ги уништиле иранските воени капацитети. Во објави на социјалните мрежи и јавни настапи изјави дека иранската морнарица и воздухопловство „исчезнале“, а дека ракетите, дроновите и другите воени средства се уништени.Во меѓувреме, Ормускиот теснец – клучен поморски премин низ кој вообичаено минува околу петтина од светската трговија со нафта – од почетокот на војната практично е затворен за танкерски сообраќај. Иран изведуваше напади врз бродови и се закануваше со минирање на пловниот пат, додека Трамп најавува испраќање воени бродови за да се обезбеди преминот и повторно да се отвори рутата.

Свет | пред 2 седмици

Стармер и Трамп разговарале за отворање на Ормускиот теснец

Британскиот премиер Кир Стармер вечерва телефонски разговарал со американскиот претседател Доналд Трамп за „ситуацијата на Блискиот Исток“, соопшти кабинетот на британскиот премиер.Од кабинетот наведуваат дека двајцата лидери разговарале за „важноста од повторно отворање на Ормускиот теснец за да се прекинат нарушувањата во глобалната поморска трговија кои ги зголемуваат трошоците ширум светот“.Стармер изразил и сочувство поради американските војници загинати во текот на конфликтот. „Се согласија да останат во контакт“, изјави портпаролка на кабинетот на британскиот премиер.Разговорот меѓу Стармер и Трамп се случува еден ден откако американскиот претседател ги повика сојузниците да помогнат во обезбедување на пловидбата низ Ормускиот теснец, еден од најважните светски поморски премини за трговија со нафта.Трамп на социјалната мрежа Truth Social напиша дека повеќе држави треба да испратат воени бродови за да се обезбеди теснецот да остане отворен за пловидба.„Многу земји, особено оние што би биле погодени од обидот на Иран да го затвори Ормускиот теснец, ќе испратат воени бродови заедно со САД за теснецот да остане отворен и безбеден“, напиша Трамп.Ормускиот теснец, низ кој минува значителен дел од светската трговија со нафта, речиси е затворен за танкерски сообраќај од почетокот на војната меѓу САД, Израел и Иран пред две недели, по нападите врз бродови и заканите со мини во таа област, што предизвика раст на цените на нафтата и нарушувања на глобалната енергетска трговија.

Свет | пред 2 седмици

Пет ракети погодиле област кај аеродромот во Багдад, повредени пет лица

Пет ракети денеска погодиле подрачје во близина на меѓународниот аеродром во Багдад, вклучувајќи објект што го користи американската амбасада, при што се повредени пет лица.Според нив, првата експлозија се слушнала околу 19 часот по локално време. Подоцнежната проценка покажала дека една ракета погодила објект за воздушна навигација во цивилниот дел од аеродромот, додека четири ракети паднале во рамките на комплексот Baghdad Diplomatic Support Center (BDSC), кој го користи американската амбасада во Багдад.Засега не е познато кој ги истрелал ракетите.Нападите врз објекти поврзани со САД, вклучувајќи локации во близина на аеродромот во Багдад, се релативно чести во Ирак. Групата „Исламски отпор во Ирак“, назив што го користат вооружени формации поврзани со Иран, во последните недели речиси секојдневно објавува соопштенија во кои презема одговорност за десетици напади, откако започна конфликтот меѓу САД, Израел и Иран, често без наведување точни локации.САД претходно изведуваа напади врз позиции поврзани со иранските шиитски милиции, кои Вашингтон ги смета за закана за своите интереси во регионот.

Свет | пред 2 седмици

(Видео) Во Хамедан се слушаат експлозии и сирени

На социјалните мрежи се шири видео од иранскиот град Хамедан, на кое се гледа голема група луѓе собрано на главниот градски плоштад додека во позадина се слушаат експлозии и активност на противвоздушната одбрана. Снимката ја објави иранската државна новинска агенција IRNA, а автентичноста ја потврди CNN.Според IRNA, собраните учествувале на церемонија посветена на „петтемината маченици од Рамазанската војна“. На снимката се гледа како верски пејач, познат како маддах, ја предводи молитвата.Додека во далечината се слушаат експлозии и сирени, пејачот започнува да вика „Аллаху Акбар“ („Бог е голем“), по што присутните се приклучуваат. Потоа почнуваат да скандираат „Смрт на Америка! Смрт на Израел!“, а маддах ги повикува присутните „никогаш да не прифатат понижување“, по што започнуваат да викаат „Хајдар! Хајдар!“. Дел од присутните се придружуваат на овој повик.Хајдар е друго име за имам Али, зет на пророкот Мухамед и првиот имам во шиитскиот ислам, доминантната струја во Иран.Војната помеѓу САД, Израел и Иран започна кон крајот на минатиот месец по серија израелски и американски напади врз ирански воени цели. Техеран возврати со ракетни напади врз Израел и американски цели во регионот, а судирите се проширија и на Либан, каде Израел гаѓа позиции на Хезболах.Ормускиот теснец, низ кој минува околу петтина од светската трговија со нафта, практично е затворен за танкерски промет откако борбите ескалираа пред две недели. Нападите врз поморската инфраструктура, заканите со мини и воените дејствија предизвикаа раст на цените на нафтата и сериозни нарушувања на енергетските пазари.

Свет | пред 2 седмици

Војната со Иран влегува во третата недела, Трамп сериозно потресен

Две недели по почетокот на израелско-американските напади врз Иран, претседателот Доналд Трамп се наоѓа во се поголема политичка дефанзива. Јавноста е загрижена поради американските жртви, растот на цените на нафта и падот на финансиските пазари, а Трамп се соочува и со критики од дел од своите приврзаници. Неговата администрација сè уште не понудила убедливо објаснување за почетокот на конфликтот и планот за негово завршување.Трамп се пожали на медиумското известување за конфликтот, изјавувајќи дека „медиумите всушност сакаат да изгубиме војна“ и заканувајќи се со одземање дозволи на телевизии кои „не го исправат правецот“. Претседателот исто така првпат сугерира дека САД ќе се потпираат на меѓународната заедница за обезбедување на пловниот пат на танкерите низ Ормускиот теснец, низ кој минува петтина од светската нафта, што сериозно е нарушено и предизвикува глобален хаос на енергетските пазари.Сепак, не е јасно дали мултинационалната акција е веќе договорена, а другите земји реагираат внимателно. Јужна Кореја и Јапонија најавија дека ќе ги разгледаат можностите, додека Британското министерство за одбрана истакна дека се во контакт со сојузниците за обезбедување на пловидбата.Економските последици на конфликтот се видливи и во одлуката на Министерството за финансии на САД за 30-дневно изземање од санкциите кон Русија за ослободување на руски танкери со нафта. Аналитичарите предупредуваат дека растот на цените на нафта користи на Русија, која ја користи нафтата за финансирање на војната во Украина.Конфликтот со Иран влијае и на политиката пред изборите во ноември. Републиканскиот сенатор Ранд Пол предупреди дека високи цени на бензин и нафта би можеле да доведат до „катастрофални избори“ за Републиканската партија. Во меѓувреме, базата на Трамп е поделена помеѓу оние кои го поддржуваат и оние кои го критикуваат, додека демократите се обединети во критиките и користат економските последици како аргумент против Републиканците.

Свет | пред 2 седмици

Над 3.000 загинати во Израелско-американските напади врз Иран, меѓу нив и стотици цивили и деца

Над 3.000 лица загинале во израелско-американските напади врз Иран, при што најновите податоци од американската мрежа за човекови права HRANA покажуваат дека загинале повеќе цивили отколку воени лица. Меѓу загинатите се најмалку 1.319 цивили, вклучувајќи 206 деца.Активистичката група HRANA, која ги собра податоците преку мрежа на активисти во Иран и се повикува на извештаи од здравствениот сектор, итните служби и вработени во цивилното општество, наведува дека меѓу загинатите се 1.122 војници. Дополнително, 599 смртни случаи не може прецизно да се припишат ниту на војската, ниту на цивилното население. Во последните 24 часа е пријавен 21 смртен случај, сите цивили, меѓу кои и едно дете.Според последните официјални податоци на иранското Министерство за здравство, во американските и израелските напади загинале околу 1.200 лица, а повредени се приближно 10.000.Во меѓувреме, конфликтот влегол во третата недела. Војната меѓу САД, Израел и Иран започна кон крајот на минатиот месец, по серија израелски и американски напади врз ирански воени цели. Техеран одговори со ракетни напади врз Израел и американски цели во регионот, а судирите се прошириле и на Либан, каде Израел ги гаѓа позициите на Хезболах.Ормускиот теснец, низ кој минува околу петтина од светската трговија со нафта, практично е затворен за танкерски промет откако борбите ескалираа пред две недели. Нападите врз поморската инфраструктура, заканите со мини и воените дејствија предизвикаа раст на цените на нафтата и сериозни нарушувања на енергетските пазари.

Свет | пред 2 седмици

Нов лет за евакуација на македонски државјани од Дубаи кон Скопје

Амбасада на Република Северна Македонија во Абу Даби информира дека во вторник ќе се реализира уште еден лет за евакуација на македонски граѓани од Дубаи до Скопје.Од амбасадата ги известуваат сите државјани на Република Северна Македонија кои во моментот се наоѓаат во Обединети Арапски Емирати дека подготовките за летот се во завршна фаза.Граѓаните кои имаат неопходна и приоритетна потреба од евакуација се повикуваат во најкус можен рок да се пријават во амбасадата.Евидентирањето може да се изврши преку следните контакти:Телефон: +971 56 441 7532Е-пошта: abudabi@mfa.gov.mk.

Македонија | пред 2 седмици