Почина актерот Роберт Карадин

Роберт Карадин, 71-годишен актер познат по улогите во франшизата „Одмаздата на штреберите“ и серијата „Лизи Мекгваер“ на Дизни, почина на 23 февруари по долга борба со биполарно растројство.Семејството ја потврди смртта и посочи дека сакаат неговата борба со менталното здравје да помогне во разбирјање на стигмата околу болестите. Карадин потекнува од актерско семејство, со долгогодишна кариера во филм и телевизија, а помладата публика го памети како Сем, таткото на Лизи Мекгваер.Познатите личности, меѓу кои и Хилари Даф, се збогуваа со него, истакнувајќи ја неговата топлина, хумор и поддршка кон сите околу него.

Свет | пред 1 месец

Двајца полицајци убиени за време на сообраќајна контрола во Мисури

Двајца заменички шерифи загинаа, а уште двајца полицајци се ранети вчера во југозападниот дел на Мисури, откако возач отвори оган за време на сообраќајна контрола, соопштија властите.Инцидентот се случил околу 16 часот локално време, на автопат близу градот Хајландвил, кога двајца заменици од канцеларијата на шерифот на округот Кристијан беа нападнати. Еден од убиените е 30-годишниот Габриел Рамирез, додека идентитетите на останатите тројца вклучени полицајци не се објавени.Во потерата за напаѓачот учествувале околу сто полицајци, меѓу кои државната полиција и федерални агенти од Службата на американските маршали, Канцеларијата за алкохол, тутун, огнено оружје и експлозиви и ФБИ, изјави шерифот на округот Кристијан, Бред Коул. Гувернерот на Мисури, Мајк Кехо, бил во контакт со шерифот и ги повикал граѓаните да соработуваат со информации.Осомничениот, 45-годишниот Ричард Бард, бил лоциран синоќа откако јавноста била известена за потрагата во соседниот округ Стоун, каде бил пронајден неговиот напуштен камионет. Шерифот на округот Стоун, Даг Рејдер, потврди дека осомничениот е мртов.Шерифот Коул објасни дека Бард се обидел да се сокрие во шумско подрачје, но бил забележан од хеликоптер на сообраќајната полиција. Кога полицајците му се приближиле, тој повторно отворил оган и бил убиен кога полицајците возвратиле. Шерифот Рејдер ја опиша трагедијата како „веројатно најлошиот ден во историјата на канцеларијата на шерифот на округот Кристијан“ и додаде дека се очекува ранетите полицајци да закрепнат.

Свет | пред 1 месец

ЕУ планира трајна забрана за увоз на руска нафта

Европската комисија планира да предложи закон кој ќе предвиди трајна забрана за увоз на руска нафта. Предлогот е предвиден да биде објавен на 15 април, три дена по парламентарните избори во Унгарија, со цел прашањето за забраната да не стане доминантна тема во предизборната кампања.ЕУ уште во 2022 година забрани увоз на руска нафта превезуван по море, со исклучок на земјите без излез на море – Чешка, Унгарија и Словачка – кои можат да увезуваат нафта преку морски транспорт ако не е можно да се користи нафтопроводот.Испораките преку нафтопроводот Дружба беа прекинати на 27 јануари по руски напад со дронови. Унгарија ја обвинува Украина дека го одложува поправувањето на нафтопроводот, па затоа го блокира 20-тиот пакет санкции против Русија и кредитот од 90 милијарди евра за Украина, при што Словачка ѝ се приклучи на Унгарија во блокадата.Со новиот закон, Комисијата сака трајно да ја забрани руската нафта. Иако во последното тромесечје ЕУ увезувала само 1 отсто руска нафта, Унгарија и Словачка не презеле мерки за намалување на зависноста, па денес речиси целосно зависат од руски енергенти.Минатиот месец, ЕУ донесе закон за целосно запирање на увозот на руски гас од есен 2027 година. Унгарија и Словачка најавија дека ќе се борат против тоа пред Судот на ЕУ.

Свет | пред 1 месец

Маж од кичевско ќе добие 300.000 денари откако бил нападнат од мечка

Маж од кичевско ќе добие 300.000 денари надомест за физички болки и страв, откако минатата година бил нападнат од мечка. Инцидентот се случил во август 2022 година, кога човекот пеш се враќал од нива кон својот дом и без никаква провокација бил гризнат од мечката. При нападот тој се здобил со повреди на десната страна од челото и слепоочницата, како и нагмечувања на дланките и натколеницата.По инцидентот, мажот бил хоспитализиран во болницата во Прилеп, каде што му биле хируршки санирани повредите и примил вакцина против беснило. Поради психолошките последици од нападот, побарал и психијатриска помош, а според медицинските наоди, болките со силен интензитет траеле околу десет дена, особено во пределот на главата и дланките.Основниот суд во Кичево првично му досудил 350.000 денари за нематеријална штета, но по жалба случајот бил разгледан од Апелациониот суд во Гостивар, кој ја намалил отштетата на 300.000 денари. Со конечната одлука, на оштетениот му се доделени 100.000 денари за физички болки, 100.000 денари за претрпен страв, 50.000 денари за намалена општа животна активност и 50.000 денари за душевни болки поради нагрденост.Во жалбата, тужителот побарал повисок износ, наведувајќи дека институциите не презеле доволно мерки за заштита од вакви напади, но Апелациониот суд оценил дека првично досудената сума била превисока и ја намалил отштетата.

Македонија | пред 1 месец

Украина ги отфрли тврдењата за набавка на нуклеарно оружје

Украина ги отфрли „апсурдните“ тврдења на Русија дека Киев се обидува да набави нуклеарно оружје со помош на Велика Британија и Франција.Портпаролот на Министерството за надворешни работи на Украина, Георгиј Тихи, за Reuters изјави дека „руските официјални лица, познати по импресивен низ лаги, повторно се обидуваат да создадат стара глупост за ‘валкана бомба’“. Тој додаде: „Да бидеме јасни – Украина многупати ги демантираше овие апсурдни руски тврдења и сега официјално ги негираме. Го повикуваме меѓународното сојузништво да ги отфрли и осуди руските валкани информативни напади.“Претходно, руската Служба за надворешна разузнавачка активност (SVR), без да достави докази, ги обвини Велика Британија и Франција дека се подготвуваат тајно да ја снабдат Украина со делови за нуклеарно оружје и со технологија. Двете држави, Велика Британија и Франција, како нуклеарни сили, засега не одговориле на обвинувањето.

Свет | пред 1 месец

Хоспитализиран поранешниот норвешки премиер, пишува дека се обидел да си го одземе животот поради Епстин

Поранешниот норвешки премиер Торбјорн Јагланд (75) е примен во болница, потврди неговиот адвокат Андерс Бросвет, наведувајќи дека хоспитализацијата е последица на силен стрес по откритијата за неговите врски со осудениот сексуален престапник Џефри Епстин, објави норвешкиот медиум VG.Адвокатот ги демантираше медиумските тврдења, меѓу кои и написите на порталите Ињетер и Финансависен, дека Јагланд се обидел да си го одземе животот. Уредникот на Ињетер, Хелге Лурас, изјави дека нивниот новинар добил поинакви информации, додека уредникот на Финансависен, Штајнар Грини, одби подетален коментар.На крајот на јануари беше откриено дека Јагланд имал значително пообемни контакти со Епстин отколку што претходно тврдеше. Нивната комуникација опфаќала размена на бројни пораки и повеќе средби во периодот од 2011 до 2019 година, кога Јагланд беше генерален секретар на Совет на Европа и претседател на Норвешкиот нобелов комитет, кој ја доделува Нобеловата награда за мир.Против него е покрената истрага за тешка корупција, а норвешката служба за борба против економски и еколошки криминал Økokrim на 12 февруари извршила претрес во неговиот дом, викендичка и планинска куќа. Истражителите се сомневаат дека Јагланд примал мито од Епстин во форма на подароци или услуги додека бил на чело на Советот на Европа, но засега не е прецизирано што требало да возврати.Според наводите, нивниот однос вклучувал престои на Јагланд во луксузните станови на Епстин во Париз и Њујорк, како и посета на Епстин на резиденцијата на Јагланд во Стразбур. Јагланд од него побарал и финансиска помош за купување стан во Осло. Претходно тој ја опиша врската како дел од „вообичаени дипломатски активности“, но подоцна призна дека направил лоша проценка и дека никогаш не би стапил во контакт со Епстин доколку ги знаел денешните информации за него.Преку својот адвокат, Јагланд порача дека сака да придонесе за целосно расветлување на случајот. Покрај него, Økokrim за тешка корупција ги обвини и брачниот пар Терје Ред-Ларсен и Мона Јул поради контакти со Епстин, а сите тројца ја негираат вината.

Свет | пред 1 месец

УНИЦЕФ започна нова хуманитарната кампања за гладните деца во Судан, Јемен и Газа

Канцеларијата на УНИЦЕФ за Хрватска започна нова хуманитарна кампања со цел да им помогне на децата погодени од глад во Судан, Јемен и Газа, предупредувајќи дека бројот на деца изложени на глад, сиромаштија и насилство постојано расте. Според проценките, рекорден број деца ќе имаат потреба од хуманитарна помош во 2026 година.УНИЦЕФ истакнува дека милиони деца ширум светот страдаат од тешка, опасна по живот неисхранетост, која предизвикува една од пет смртни случаи кај деца под петгодишна возраст, што ја прави една од најголемите закани за нивниот опстанок.Долготрајните вооружени конфликти и екстремните временски услови дополнително го ограничуваат пристапот до храна и основни услуги, и покрај напорите на семејствата да го заштитат здравјето на своите деца. Особено критична е ситуацијата во Судан, каде продолжува заборавената криза со милиони раселени деца и нивните семејства, во Јемен, каде милиони деца и жени се соочуваат со хроничен недостиг на храна, и во Газа, каде гладот беше официјално потврден за прв пат во август 2025 година.Во овие кризни региони речиси осум милиони деца страдаат од катастрофални нивоа на неисхранетост. Во Газа, поради уништената инфраструктура и ограничениот пристап до хуманитарна помош, се забележани и смртни случаи предизвикани од глад. Тимовите на УНИЦЕФ на терен секојдневно се соочуваат со растечките потреби за здравствена заштита, чиста вода и терапевтска храна, но ситуацијата се влошува и бара поголема меѓународна поддршка од кога било досега.УНИЦЕФ ги повика граѓаните да се обединат во солидарност за да обезбедат многу потребната терапевтска храна, истакнувајќи дека нивните програми обезбедуваат 80 проценти од специјално развиената терапевтска храна за спасување животи, терапија што за само неколку дена може да значи разлика меѓу живот и смрт.Неисхранетоста сериозно го загрозува опстанокот, растот и развојот на децата, предизвикувана не само од недостиг на храна, туку и од несоодветна исхрана, болести, ограничен пристап до вода за пиење и недостиг на здравствени услуги.

Свет | пред 1 месец

Пролетта носи промени и нови почетоци за сите хороскопски знаци

Пролетта во астрологијата секогаш претставува момент на будење, но оваа година тоа чувство доаѓа погласно, поискрено и со помалку трпение за сè што нè задушува. Влегувањето на Сонцето во Овен носи нова енергија, а астролошките транзити ги нагласуваат темите на личниот раст, односите и конкретните одлуки. Еве што им носи пролетта на хороскопските знаци.ОвенЗа Овните ова е сезона во вистинска смисла на зборот. Пролетта ве турка напред без многу прашања – време е да застанете зад себе, да започнете нешто ново или конечно да направите пресек што долго го одложувате. Енергијата расте, но предизвик ќе биде да не изгорите прерано. Ако забавите доволно за да се слушнете себеси, резултатите можат да бидат импресивни.БикБиковите влегуваат во пролетта побавно, но подлабоко. Фокусот се префрла на внатрешниот мир, односите и чувството на сигурност. Многумина ќе сфатат дека стабилноста не доаѓа од навика, туку од свесен избор. Крајот на пролетта носи повеќе самодоверба и конкретни поместувања, особено во работата и финансиите.БлизнациЗа Близнаците ова е општествено и ментално многу активно раздобје. Идеите се множат, контактите се шират, а можностите доаѓаат преку разговори и нови познанства. Пролетта ви дава шанса да се видите во нова улога, но бара и фокус. Помалку расфрланост, повеќе јасни цели – тоа е клучот.РакРаковите пролетта ќе ја почувствуваат како емоционален ресет. На површина излегуваат прашања поврзани со домот, семејството и личните граници. Иако периодот може да делува чувствително, токму сега се зајакнувате одвнатре. Искреноста кон себе носи олеснување и можност за нов почеток во приватниот живот.ЛавНа Лавовите пролетта им носи потреба за поширок поглед кон светот. Патувања, учење, нови проекти или промена на перспектива стануваат важни теми. Ова е време да излезете од рутината и повторно да откриете што ве инспирира. Љубовта и креативноста цветаат кога ќе престанете да се докажувате и ќе почнете да уживате.ДевицаЗа Девиците пролетта отвора теми на доверба, интимност и длабоки промени. Можеби нема да имате чувство на целосна контрола, но токму таму се крие можноста за раст. Финансиите, заедничките ресурси и емоционалните врски бараат искрен пристап. Кога ќе го пуштите перфекционизмот, работите природно си доаѓаат на место.ВагаКај Вагите пролетта силно ги нагласува односите. Партнерствата, љубовни или деловни, доаѓаат во фокус и бараат рамнотежа, но и јасни граници. Ова е период на одлуки – повеќе нема бескрајно двоумење. Кога ќе кажете што навистина ви е потребно, односите или се продлабочуваат или природно завршуваат.ШкорпијаШкорпиите ја дочекуваат пролетта со промени во секојдневието. Работата, здравјето и рутината стануваат клучни теми. Време е да се ослободите од навиките што ве исцрпуваат и да воведете структура што ве поддржува. Малите промени сега носат голем долгорочен ефект.СтрелецПролетта им ја враќа радоста на Стрелците. Љубовта, креативноста и чувството на игра повторно доаѓаат во прв план. Ова е сезона во која се потсетувате кои сте кога не сте оптоварени со туѓи очекувања. Флертот, инспирацијата и новите хобија можат неочекувано да прераснат во нешто посериозно.ЈарецЈарците во пролетта се свртуваат кон приватниот живот. Домот, семејството и емоционалната сигурност стануваат поважни од надворешните достигнувања. Иако сте навикнати постојано да туркате напред, ова е време за забавување и поставување здрави темели. Кога ќе се стабилизирате одвнатре, сè друго оди полесно.ВодолијаЗа Водолиите пролетта носи ментална јасност и потреба за изразување. Разговорите, пишувањето, учењето и кратките патувања можат да отворат нови врати. Ова е идеален период за споделување идеи, но и за слушање на другите. Вистинските можности доаѓаат преку размена, а не преку изолација.РибaРибите ја започнуваат пролетта со фокус на вредностите, парите и самопочитта. Главното прашање е колку се цените себеси и сопствениот труд. Креативноста може да стане извор на стабилност, но само ако верувате дека го заслужувате тоа. Пролетта ве учи дека и на соништата им е потребна структура за да опстанат.

Магазин | пред 1 месец

Американската војска се качи на ирански танкер среде Индискиот Океан

Американските воени сили пресретнаа нафтен танкер под санкции во Индискиот Океан, откако го следеле уште од водите на Карибите, соопшти Пентагон, наведувајќи дека станува збор за трета ваква операција.Американското Министерство за одбрана објави на социјалната мрежа Икс дека во текот на ноќта без отпор се качиле на бродот „Берта“, тврдејќи дека танкерот за сурова нафта се обидувал да врши трговија и покрај санкциите поврзани со Иран. Бродот, кој плови под знамето на Куковите Острови, е поврзан со компанијата Шангај Легендари Шип Менaџмент Компани Лимитед и е под санкции воведени во јануари 2020 година, според податоците на Канцеларија за контрола на странски средства при американското Министерство за финансии.Според системот за следење пловила, последната пријавена позиција на танкерот била на 24 февруари, кога пловел во Индискиот Океан во близина на Малдивите.Од Пентагон соопштија дека американските сили извршиле поморско запирање и качување на бродот во зоната на одговорност на Индо-пацифичка команда на САД, нагласувајќи дека танкерот се обидувал да ја избегне изолацијата на санкционирани бродови воспоставена од американскиот претседател Доналд Трамп.„Го следевме од Карибите до Индискиот Океан, по што беше запрен“, наведоа од Пентагон, додавајќи дека сите три санкционирани бродови што биле предмет на вакви операции веќе се пресретнати, без да откријат дополнителни детали.Претходно овој месец, американските сили се качија и на танкерот „Акила II“, додека во јануари САД запленија уште еден танкер за сурова нафта – „Маринера“, поврзан со Венецуела, што укажува на засилени активности за спроведување на санкциите на море.

Свет | пред 1 месец

Зеленски бара точен датум за пристапување на Украина во ЕУ

Украинскиот претседател Володимир Зеленски, во обраќање пред Европски парламент, побара од Европската Унија да одреди јасен датум за пристапување на Украина, предупредувајќи дека без таква одлука Русија ќе може со години да го блокира европскиот пат на земјата.Говорејќи преку видеоврска на вонредната пленарна седница одржана по повод четвртата годишнина од почетокот на руската инвазија, Зеленски истакна дека конкретен рок за членство е клучен за иднината на Украина. Според него, без датум и безбедносни гаранции, рускиот претседател Владимир Путин ќе продолжи да бара начини да ја попречува интеграцијата на Украина и да создава поделби во Европа.Тој повика и на заострување на санкциите против Русија, целосно прекинување на европската зависност од руската енергија, затворање на руските банки во Европа, спречување на заобиколување на санкциите и санкционирање на таканаречената руска „сенка флота“, како и забрана за влез на лица обвинети за воени злосторства.Претседателката на Европскиот парламент Роберта Мецола при отворањето на седницата изјави дека безбедноста на Украина е истовремено и безбедност на Европа, додавајќи дека слободата на Украина значи и слобода за европскиот континент.По обраќањето на украинскиот претседател, европратениците усвоија резолуција со која повторно остро ја осудија руската агресија врз Украина. Во документот се бара Русија веднаш да ги прекине воените дејства, да се повлече од сите меѓународно признати украински територии и да ги ослободи притворените и депортираните цивили, вклучително и децата.Резолуцијата нагласува дека иднината на Украина е во Европската Унија и препорачува забрзување на интеграцијата во единствениот европски пазар, како и институционални реформи во ЕУ со цел подготовка за идното проширување. Европратениците повикаа и на поголема воена, политичка и дипломатска поддршка за Киев.Дополнително, се осудува депортацијата на украински деца во Русија и се поддржуваат меѓународните напори за нивно враќање, како и проширување на санкциите против руски институции и функционери поврзани со воени злосторства, построга контрола против избегнување санкции и ставање на групата Вагнер и нејзините наследници на листата на терористички организации.

Свет | пред 1 месец

Рејтингот на Трамп падна на ново историско дно

Поддршката за американскиот претседател Доналд Трамп падна на најниско ниво во неговиот втор мандат, покажува ново истражување на јавното мислење.Според анкетата спроведена од страна на „The Washington Post“, ABC News и Ipsos, 60 проценти од возрасните Американци не го одобруваат работењето на претседателот, додека 39 проценти го поддржуваат, што го намалува неговиот нето рејтинг на одобрување на минус 21. Анкетата е спроведена од 12 до 17 февруари на примерок од 2.589 возрасни лица, со маргина на грешка од ±2 процентни поени.Резултатите доаѓаат пред обраќањето на претседателот за состојбата на нацијата, во кое тој ќе се обрати пред Конгресот за состојбата во земјата и приоритетите на администрацијата, вклучувајќи економски раст и надворешна политика.Најслаби оценки Трамп доби во областа на инфлацијата, каде неговиот нето рејтинг е минус 32 поени. Неговата царинска политика исто така е оценета негативно, со нето минус 30 поени.Од друга страна, управувањето со американско-мексиканската граница му донесе релативно најпозитивни оценки, со нето минус три поени. Управувањето со економијата сè уште е во минус (минус 16), но тоа претставува подобрување во споредба со октомври, кога изнесуваше минус 25 поени.И други анкети забележуваат пад. Статистичарот и политички аналитичар Нејт Силвер минатата недела на својот блог „Silver Bulletin“ наведува дека Трамповата поддршка паднала на нето минус 15 поени, со 40,5 проценти поддршка и 55,5 проценти неодобрување, што исто така е најниско ниво во вториот мандат. До неделата резултатот се подобрил на минус 13,6 поени.Истовремено, анкетата спроведена од 5 до 8 февруари од Associated Press и NORC при Универзитетот во Чикаго покажува дека Трамп има 36 проценти поддршка и 62 проценти неодобрување, што дава нето минус 26 поени, еднакво на неговиот најнизок резултат од ноември според истиот истражувач.Портпаролот на Белата куќа, Дејвис Ингл, претходно истакна дека Трамп е „убедливo избран од речиси 80 милиони Американци“ за да го спроведе својот програм и дека останува „најдоминантната фигура во американската политика“.

Свет | пред 1 месец

Милошоски: Груби проценил дека нема да има промени во власта во земјава, а и ниедна земја не би била госторпимлива за лице кое е на црна листа на САД

Антонио Милошоски, пратеник и член на ИК на ВМРО-ДПМНЕ, во централниот Дневник на телевизија Алсат, се осврна на темата за поранешниот вицепремиер Артан Груби, кој денеска беше уапсен на еден од граничните премини, а за кој имаше  меѓународна потерница уште од декември 2024 година. По однос на ова Милошоски вели дека во Собранието во земјава немало никаква информација за него, иако според него, Груби самиот ја проценил ситуацијата дека нема да има промени во власта во земјава. Како што вели тој, станува збор за функционер кој се најде на црната листа на САД, и затоа ниедна земја не би била гостопримлива да му овозможи престој.„Политички ако се разгледа самото негово однесување, па и ако се поврзе со однесувањето на ДУИ во изминатиот период. Веројатно во изминативе 12  или 14 месеци имал време да процени дека нема да има брзи политички промени во однос на власта во Македонија. Тоа што ДУИ го очекуваше или го најавуваше после поразот нивниот пораз на изборите. И тоа може да биде една и од мотивациите на господинот Груби да не одолговлекува и да се пријави на органите на прогонот“, рече Милошоски.Според него, овде станува збор не само за лице кое што е осомничено од македонското јавно обвинителство, туку како што вели тој, се работи за функционер којшто се најде на црната листа на САД. „Било која земја, каде и да престојувал, без да прејудицирам, не верувам дека е расположена таквото гостопримство да му го овозможи бесконечно. Дипломатскиот притисок од една или од друга страна може да биде скап на таа земја која што би била домаќин на еден ваков човек којшто е осомничен“, истакна Милошоски.Милошоски порача дека власта смета оти е време за одговорност, без да прејудицира како ќе започне или заврши процесот. Тој вели дека немало никаква информација во однос на предавањето на Артан Груби.„Во Собранието не сме имале таква информација, но политичките проценки што сме ги имале вака како владеачко мнозинство, особено после изборите и во Косово информирањето таму на една постабилна влада со која што господинот Груби, можам  да кажам ете и нема некои најдобри релации, проценките беа дека порано или покасно ќе се појави пред органите на прогонот“, заклучи Милошоски.

Македонија | пред 1 месец

Манасиевски: Артан Груби е олицетворение, односно симбол на криминалот и корупцијата која што седум години владееше кога беа СДС и ДУИ на власт

„Добро е што конечно правдата ќе биде задоволена со тоа што Артан Груби е притворен утрово на граничниот премин, тука во Македонија. Она за што се товари и осомничи Артан Груби како тогашен прв вицепремиер е олицетворение, односно симбол на криминалот и корупцијата којашто седум години владееше кога беа СДС и ДУИ на власт. Тоа е само еден доказ дека кога говориме за СДС и ДУИ и нивното владеење, тоа е синоним за криминал и корупција“, истакна Валентин Манасиевски, член на ЦК на ВМРО-ДПМНЕ во гостување во емисијата „Само вистина“ на Канал 5 телевизија.Манасиевски се осврна на денешното приведување на Артан Груби и нагласи дека конечно правдата ќе биде задоволена. Тој додаде дека во СДС владее фрустрација зошто Артан Груби е уапсен затоа што се свесни што може да сведочи во овој судски случај.„Фрустрацијата во СДС владее затоа што се свесни што може Артан Груби да сведочи во овој судски случај, а и во некои други. Така што сметам дека од таму доаѓа нивната нервоза и од таму сакаат да направат некаков дефокус како што прават изминативе година дена откако Венко Филипче е претседател на таа партија и нивниот ПР. Така што ова е уште една лага на СДС која се растура како меур од сапуница“, дециден е Манасиевски.

Македонија | пред 1 месец

Фрчкоски: Целиот инженеринг со пречекот на Груби е договор меѓу ВМРО и ДУИ

Целиот инженеринг околу доаѓањето на Артан Груби е договор помеѓу владејачката ВМРО- и ДУИ, нагласи членот на Извршниот одбор на СДСМ, Јон Фрчкоски, во вечерашната дебата во емисијата „Само вистини“ на Канал 5. Тој посочи дека денешното приведување на Груби наликуваше повеќе на пречек отколку на приведување.„Да се потсетиме, Артан Груби ја напушти Македонија како кој било граѓанин кој туристички заминува од држава. Ако се сеќавам добро, камерите на граничниот премин тогаш не работеа. Беше обвинет некој службеник, случајно најден позади компјутерите на царината. И денеска, со едни фанфари како на свадба, го пречекаа во 6 сабајле, и нормално, тоа, како што личи, беше проследено од медиумите блиски до власта, од изјавите на владејачката партија, како една „церемонија“ на испраќање од граница до притвор, од притвор до обвинителство. Ништо не наликуваше на приведување, имаше видео во 6 часот наутро со камери, и не мислам дека некој станал во 6 наутро да снима природа на Блаце“, рече Фрчкоски.Во дебатата, Фрчкоски посочи дека и „приведувањето“ на Груби е дел од внимателно конструирана наметната реторика на власта која ја дефокусира јавноста од темите кои сака да ги сокрие.„Ова е дел од мантрата на ВМРО и како чаршав покрива многу теми од кои бега целиот овој период, како што се непокачувањето на минималната плата, скандалот со петте тони марихуана кој се уште нема никаква разрешница, едно чудо тендери, криминали кои СДСМ ги објавува. Така што, сѐ она што ќе следи во наредниот период ќе биде една камуфлажа со која ќе се обидат да го покријат, а преку случајот со Артан“, рече Фрчкоски.

Македонија | пред 1 месец

Претходниот шеф на Американската служба за контрола на дрога: Америка се обидува да ги присвои заслугите за операцијата во Мексико

Претходниот шеф на американската Агенција за сузбивање на дрога (DEA), Мајк Вигил, изјави дека САД „обидуваат да присвојат заслугите“ за операцијата во која вчера беше убиен еден од најбараните мексикански наркобоси, Ел Менчо, и дека вистинскиот успех е заслуга на Мексико.Во интервју за канадската CBC News, Вигил истакна дека операцијата била изведена со разузнавачка поддршка од САД, но дека тоа не е победа која може да се припише на Вашингтон. „Администрацијата на Доналд Трамп се обидува да ја преземе заслугата за оваа операција, но тоа е 100 проценти дело на Мексико… и тие заслужуваат целата заслуга“, нагласи Вигил.Претходно, Трамп на својата социјална мрежа Truth Social повика Мексико да „ги зајакне напорите против картелите и дрогата“.Вигил дополнително оцени дека ликвидацијата на лидерот на картелот, Немесио Осегера Сервантес, познат како Ел Менчо, ќе предизвика „психолошки потреси“ во неговата организација, бидејќи членовите го сметале за „непобедлив“.

Свет | пред 1 месец

Во Италија пронајдени белешки на Мусолини од средбата со Хитлер

Во Италија се откриени белешки на Бенито Мусолини од средба со Адолф Хитлер, одржана на 22 април 1944 година во замокот Клајсхајм кај Салцбург, објавуваат денеска германските медиуми.Документот, чија автентичност ја потврдиле експертите, бил одземен од специјална единица на карабинерите пред да се понуди на аукција во Торино. По одземањето, белешките се пренесени во Државниот архив во Рим, а стручњаците ги оценуваат како „документ со исклучително историско значење“.Станува збор за рачно напишан лист со теми „војска“, „политика“ и „економија и труд“, документот ја прикажува подготовката и стратегиите што Мусолини ги планирал да ги презентира пред Хитлер.Подсетуваме, Бенито Мусолини бил премиер на Италија до капитулацијата во 1943 година, по што Хитлер го поставил на чело на марионетската фашистичка држава. Италијанските партизани го уапсиле во април 1945 година при обид за бегство во Швајцарија и го погубиле.

Свет | пред 1 месец

ДЗС: Отстранети неексплодирани артилериски гранати во Општина Конче

Во атарот на селото Лубница, Општина Конче, се пронајдени шест артилериски гранати со калибар од 100 милиметри, кои потекнуваат од Првата светска војна, соопшти Дирекцијата за заштита и спасување (ДЗС).Инцидентот е пријавен во Одделението за внатрешни работи (ОВР) Радовиш, а стручно лице од ДЗС, пиротехничарот Зоран Пеев, безбедно ги отстрани гранатите и ги транспортираше до полигонот Криволак за понатамошна постапка и безбедно уништување.Според ДЗС, ваквите наоди се ретки, но потенцијално опасни, поради што граѓаните се повикуваат да не ги допираат пронајдените експлозивни предмети и веднаш да пријавуваат кај надлежните служби.

Македонија | пред 1 месец

Питер Менделсон уапсен под сомнение за злоупотреба на функцијата

Питер Менделсон е уапсен под сомнение за злоупотреба на положбата во јавната служба, соопшти Лондонската Метрополитен полиција, пренесува Sky News. Претходно, Менделсон ги негирал сите обвинувања.„Службениците уапсија 72-годишник под сомнение за злоупотреба на положбата во јавната служба. Апсењето се случи денес на адреса во Камден, а тој е одведен во лондонска полициска станица на испитување. Пред апсењето беа извршени претреси на две адреси во Вилтшир и Камден“, изјави портпаролот на полицијата.Апсењето дојде во време кога владата се подготвува да објави документи поврзани со именувањето на Менделсон за амбасадор на Британија во САД. Главниот секретар на премиерот, Дарен Џонс, изјави пред Долниот дом на парламентот дека службениците ги прегледуваат документите и дека владата ќе ги објавува во серии. Тој нагласи дека еден од документите е предмет на актуелна полициска истрага и ќе биде објавен подоцна, во согласност со полицијата. Документите за кои владата процени дека би можеле да влијаат на националната безбедност или меѓународните односи ќе бидат предадени на независен парламентарен комитет за разгледување. Според Sky News, станува збор за илјадници документи.Претходно, пратениците во февруари гласаа за обврска на владата да ги објави сите документи поврзани со именувањето и амбасадорскиот мандат на Менделсон. Реагирајќи на најавата, конзервативниот сенатор во сенката, Мајк Вуд, ја критикуваше бавноста со која владата пристапува кон објавата на документите. „Владата напредува со хитроста на уморен ленивец на празничен понеделник“, рече Вуд.

Свет | пред 1 месец

Хороскопски знаци кои најтешко простуваат и никогаш не забораваат

Секој од нас барем еднаш во животот се сретнал со човек кој ja памети секоја ситница и за кого „извини“ е беззначајно. Додека некои луѓе лесно ја пребродуваат несогласувањето, други го носат товарот на замерувањата со години. Астрологијата покажува дека склоноста кон долгорочно паметење на неправди можеби е „запишана во ѕвездите“.ШкорпијаАпсолутни владетели на листата на оние што никогаш не забораваат, Шкорпиите се познати по својата интензивна природа и неверојатно сеќавање. Кога ќе ги повредите, тоа не го доживуваат како обична грешка, туку како длабока предавство што ги погодува до сржта на нивната личност. Секој детал, секоја изговорена реченица и секој поглед остануваат урезани во нивното сеќавање, чекајќи вистински момент. За Шкорпиите, проштава не е опција ако не е исполнета правдата.БикНа прв поглед, Биковите се мирни, трпеливи и одани пријатели. Но, под таа спокојна надворешност се крие тврдоглавост без граници. Кога Бикот ќе одлучи дека сте ја преминале црвената линија, враќање назад речиси и да нема. Нивниот гнев се собира полека, но еднаш кога ќе експлодира, оставува трајни последици. Иако нема да прават сцени, ќе ве исклучат од својот живот, а врата што еднаш ќе ја затворат, ретко повторно се отвора.РакЕмотивните и чувствителни Ракови секоја критика или неправда ја доживуваат лично. Поради својата нежна природа, повредите ги паметат долго и детално, често враќајќи се на болните моменти во мислите. Иако можат на зборови да прости, нивните постапки покажуваат поинаку. Тие остануваат внимателни и дистанцирани, бидејќи заштитата на сопственото срце им е на прво место.ЈарецПрактичните и амбициозни Јарци не толерираат непочитување и предавство. Тие го гледаат светот низ призма на логика и принципи, а прекршено ветување или нелојалност ја доживуваат како сериозен прекршок. Не трошат енергија на емоционални испади, но студено и прецизно ве отстрануваат од својот круг на приоритети. Јарците секоја ситуација ја гледаат како лекција – ако еднаш ги изневерите, сте „лоша инвестиција“ на нивното време и доверба.ЛавГордите Лавови живеат за почит и восхит. Најголема навреда е повредата на нивниот его или јавното понижување. Таквиот чин го доживуваат како директен напад на својот „кралски статус“ и никогаш не го забораваат. Иако можат да се прават дека го пребродиле, во себе засекогаш ќе се сеќаваат кој им ја навредил честа. Лавовите можат да прости од великодушност или за да го зачуваат својот имиџ, но заборав нема да имаат никогаш.

Магазин | пред 1 месец

Нема фотографија

Трамп се заканува на секоја земја што сака да „игра игри“: „Предупредени сте!“

Претседателот на САД, Доналд Трамп, денеска остро реагираше на одлуката на Верховниот суд, предупредувајќи дека земјите кои ќе се обидат да ја заобиколат ќе се соочат со сериозни последици. Во објава на својата мрежа Truth Social, Трамп посебно ги истакна државите кои, според него, со децении ја искористувале САД.„Секоја земја која сака да „игра игри“ со оваа смешна одлука на Верховниот суд, особено оние кои со години — па дури и децении — ја искористувале Америка, ќе се соочи со многу повисоки тарифи и полоши мерки од оние на кои неодамна се согласија. ПРЕДУПРЕДЕНИ СТЕ!!! Благодарам на вниманието. Претседател на САД, ДОНАЛД Џ. ТРАМП“, напиша Трамп.Тој претходно денеска го нападна Верховниот суд поради пресудата против неговиот широк програма за царини, но истакна дека ќе се потпре на други овластувања за воведување на нови тарифи и „дозволи“, без да наведе конкретни детали.Трамп тврди дека судот му дал „случајно“ повеќе овластувања отколку претходно, иако ја нарекува пресудата „смешна“ и „глупа“. Тој додава дека може да користи дозволи за мерки против земјите кои, според него, со децении ја искористувале Америка, додека, истовремено, судот „одобрил сите други тарифи“ кои сега можат да се користат „многу посилно и иритантно“. Суците ги нарече неспособни, освен „Големата тројка“, без да појасни на кого мисли.На крајот, Трамп порача дека, без оглед на одлуките на судот, ќе продолжи да ја спроведува својата политика.

Свет | пред 1 месец

Претставник на Белата куќа: Американските царини за увоз од ЕУ се зголемуваат

САД ќе воведат царина од 15% на увоз од Европската унија, соопшти висок претставник на Белата куќа. Новата стапка се базира на глобална царинска уредба што ја потпиша американскиот претседател Доналд Трамп по пресудата на Врховниот суд, но станува збор за привремена мерка. Администрацијата најави дека ќе побара од други правни органи да воспостават соодветни или претходно договорени царински стапки.„До тогаш очекуваме сите земји да ги почитуваат своите обврски од трговските договори за намалување на бариерите и други концесии, кои остануваат непроменети“, додаде претставникот.Врховниот суд на САД претходно нанесе тежок удар на Трамповата трговска политика, пресудувајќи дека основата за повеќето царини воведени кон речиси сите трговски партнери е незаконска. По пресудата, Трамп прво најави глобална царина од 10%, која потоа ја зголеми на 15%.Американскиот претседател повторно ја критикуваше одлуката на Врховниот суд, наведувајќи дека другите царини можат да се користат на посилен и поефикасен начин. Тој исто така упати прашање за тоа зошто САД не можат да наплатуваат такси за лиценци, како што тоа го прават другите земји.

Свет | пред 1 месец

По олимпиското злато, пирсингот на Алиса Лиу стана опасен вирален тренд

Откако американската уметничка лизгачка Алиса Лиу освои златен медал на Зимските олимписки игри во Милано, стоматолозите предупредија на здравствените ризици поврзани со вирален тренд што таа ненамерно го поттикна. Дваесетгодишната спортистка, покрај спортскиот успех, привлече внимание и со таканаречениот „smiley“ пирсинг, кој многумина почнаа да го имитираат.Лиу на 19 февруари го освои златото во поединечна конкуренција, откако претходно триумфираше и во тимското натпреварување. Таа стана првата Американка што освоила олимписко злато во уметничко лизгање по 24 години, како и прва освојувачка на медал за САД во оваа дисциплина од 2006 година. Во слободната програма доби 150,20 поени, со вкупно 226,79 поени во генералниот пласман. Јапонката Каори Сакамото освои сребро, Ами Накаи бронза, додека Амбер Глен заврши на петтото место. Аделија Петросјан беше шеста по пад во настапот. За Лиу ова претставува и големо враќање во спортот, откако на 16-годишна возраст објави прекин на кариерата по Олимписките игри во Пекинг 2022.Додека медиумите известуваа за нејзиниот успех, на социјалните мрежи се проширија снимки на кои се забележува сребрен накит над нејзините заби. Станува збор за „smiley“ пирсинг, кој се поставува во тенката кожичка што ја поврзува горната усна со непцата и се гледа само при широка насмевка. Интересот дополнително се зголеми кога Лиу во јануари за телевизијата NBC изјави дека пирсингот го направила сама, со помош на својата сестра.Стоматолозите предупредуваат дека вакви зафати не треба да се изведуваат во домашни услови. Американско стоматолошко здружение наведува дека оралниот пирсинг носи бројни ризици поради големиот број бактерии во устата.Според препораките на организацијата MouthHealthy, инфекциите и отоците се чести, а отокот на јазикот или усните може сериозно да го отежне дишењето. Постои и ризик од задушување доколку дел од накитот се скрши и се проголта.Експертите предупредуваат и на можни оштетувања на забите при загриз, трајни повреди на непцата поради постојано триење, како и компликации како крварење, лузни, враснување на накитот што бара хируршко отстранување и појава на исцедок од раната. Стоматолозите советуваат навремено отстранување на накитот доколку се појават проблеми и консултација со стоматолог, бидејќи оралниот пирсинг бара постојана грижа и одржување.

Магазин | пред 1 месец

Поднесена кривична пријава против сопственичка на куче во Ниш по напад во кој се повредени две лица

Припадници на Министерството за внатрешни работи во Ниш ќе поднесат кривична пријава против М.Ж. (31) од овој град, поради сомнение дека е одговорна за инцидент во кој нејзино куче нападнало и повредило две лица.Инцидентот се случил вчера на улиците во Ниш, кога куче од расата стафорд, сопственост на осомничената, ненадејно нападнало 56-годишна жена и нејзиното домашно милениче. Според информациите од полицијата, драмата продолжила кога кучето нападнало и 23-годишен млад човек, кој притрчал да ѝ помогне на нападнатата жена.Повредените жители на Ниш, 56-годишната жена и младиот човек, веднаш биле пренесени во Универзитетскиот клинички центар во Ниш, каде им била укажана неопходна медицинска помош. Степенот на нивните повреди засега не е официјално соопштен.По налог на Основното јавно обвинителство во Ниш, против сопственичката на кучето ќе биде поднесена кривична пријава поради постоење основи на сомнение за сторено кривично дело „предизвикување општа опасност“. Постапката ќе се води во редовна постапка, што значи дека осомничената ќе се брани од слобода.

Свет | пред 1 месец

Агенти го убија мажот кој упадна на имотот на Трамп

Припадници на американската Тајна служба го застрела 21-годишниот Остин Такер Мартин, откако вчера вооружен со пушка упаднал на имотот Мар-а-Лаго во Палм Бич, во американската сојузна држава Флорида. Во моментот на инцидентот, американскиот претседател Доналд Трамп не се наоѓал на поседот. Истрагата за мотивите на овој смртоносен инцидент е во тек.Федералното истражно биро ја насочило истрагата кон движењето и можните мотиви на напаѓачот. Според полицискиот извештај, Мартин во рамки на безбедносниот периметар се соочил со агенти на Тајната служба и заменик на локалниот шериф. Тој бил убиен откако околу 1:30 часот по полноќ ја подигнал пушката и ја насочил кон агентите.Мартин неодамна матурирал, а се верува дека во саботата попладне пристигнал на Флорида од својот дом во Северна Каролина, набавувајќи оружје по пат. „Њујорк тајмс“ објави дека минатата година ја основал сопствената компанија „Фреш Скај Илустрејшнс“, која се занимавала со продажба на оригинални цртежи на голф-терени.Порталот ТМЗ објави дека Мартин станал сè поопседнат со случајот на Џефри Епстајн — осрамотениот финансиер и сексуален престапник кој бил пријател со Трамп и со други влијателни личности — по неодамнешното објавување документи поврзани со неговиот случај. Според порталот, тој испратил порака до колега во која напишал дека „злото е реално и недвосмислено“ и повикал да се подигне јавната свест за случувањата.Мартин потекнувал од Камерон, во Северна Каролина, каде што роднините го опишале како тивка личност и генерално противник на оружјето. Неговиот братучед Браеден Филдс изјавил за „Асошиејтед прес“ дека семејството силно го поддржувало Доналд Трамп, додавајќи дека Мартин ретко зборувал за политика. Тој исто така навел дека младиот човек редовно донирал дел од својата месечна заработка во добротворни цели.Семејството за време на викендот пријавило дека Мартин исчезнал, по што канцеларијата на шерифот во округот Мур, Северна Каролина, рано во неделата ја внела пријавата во националната база на исчезнати лица.Трамп не бил во Мар-а-Лаго за време на викендот и засега не го коментирал инцидентот. Тој претходно беше цел на два обиди за атентат за време на претседателската кампања во 2024 година, од кои едниот се случи во голф-клубот „Трамп интернешнл“ во Вест Палм Бич, на неколку километри од Мар-а-Лаго.Рајан Раут, кој во септември 2024 година бил забележан како нишани со пушка од грмушки во близина на местото каде што претседателот играл голф, беше осуден и неодамна му беше изречена доживотна затворска казна.Портпаролката на Белата куќа, Каролин Левит, соопшти дека Мартин кај себе имал и канистер со бензин. „Среде ноќта, додека повеќето Американци спиеја, Тајната служба на Соединетите Американски Држави брзо и одлучно неутрализираше вознемирено лице кое провалило во домот на претседателот Трамп“, изјави таа.

Свет | пред 1 месец

(Видео) Пожар на јужната трибина го прекина 178. вечно дерби во Белград

Натпреварот меѓу Црвена ѕвезда и Партизан, одигран на стадионот Стадион Рајко Митиќ во рамки на 178. вечно дерби, беше накратко прекинат поради голем пожар што избувна на јужната трибина.Инцидентот се случил во 59. минута, веднаш по голот на Марко Арнаутовиќ, кога пламенот почнал брзо да се шири меѓу навивачите. Главниот судија Павле Илиќ веднаш се консултирал со надлежните служби, по што од безбедносни причини било одлучено натпреварот привремено да се прекине, а фудбалерите да се повлечат од теренот.Прекинот траел околу пет минути, при што на играчите им било дозволено да продолжат со загревање додека ситуацијата се стабилизира. Во меѓувреме, на стадионот пристигнале припадници на противпожарната служба, кои со брза интервенција успеале да го локализираат пожарот и да го спречат неговото понатамошно ширење.Дел од навивачите на Партизан се повлекле од трибината додека траела интервенцијата, по што натпреварот бил продолжен под засилени безбедносни мерки. Засега нема информации за потешко повредени лица, а причините за избувнувањето на пожарот се предмет на дополнителна проверка.

Свет | пред 1 месец