Во прекин сообраќајот на патот Крива Паланка – ГП Деве Баир

Од рано утрово сообраќајот на магистралниот пат А2 Крива Паланка – ГП Деве Баир е во прекин поради одрон.На автопатот Скопје – Велес на неколку места се забележани помали одрони на патот, меѓутоа автопатот е прооден и Македонија Пат работи на санирање на истите.Сообраќајот на државните патишта се одвива непречено, по наместа влажни коловози.Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година.

Македонија | пред 4 месеци

Возете внимателно: На овие патни правци има одрони

Обилните врнежи од дожд од синоќа вече предизвикаа појава на одрони на патниот правец Делчево-Македонска Каменица.Поголеми одрони се регистрирани по напуштање на селото Очипала, во близина на месноста Баткова Чешма. На коловозот на оваа локација има расфрлано поголемо количество земја и камења.Покрај големите, поситни одрони се присутни на повеќе места долж целиот патен правец, што значително го отежнува одвивањето на сообраќајот и бара зголемено внимание од возачите.Состојбата дополнително се усложнува поради влажната коловозна површина и намалената видливост како директна последица од врнежите.Надлежните служби упатија апел до сите учесници во сообраќајот: да возат исклучително внимателно и со прилагодена брзина. Екипите веќе се на терен и работат на расчистување на патиштата.

Македонија | пред 4 месеци

Денеска дожд и температури до 16 степени, на планините снег

Утрово најстудено било во Лазарополе со измерени 0 степени.Следуваат: Крушево со 1 степен, Маврови Анови, 4 во Охрид, Претор, Прилеп, 5 во Битола, Куманово, 6 во Крива Паланка, Тетово, Берово, 7 во Скопје-Петровец, Скопје–Зајчев Рид, Виница, 8 во Штип, Велес, Кавадарци, Демир Капија, 9 во Гевгелија, 10 во Струмица.Денеска променливо облачно со повремени локални врнежи од дожд, во југоисточните делови со услови за појава на грмежи. На повисоките планини на северозапад врнежите од дожд ќе преминуваат во врнежи од снег. Ќе дува слаб до умерен, во западните делови повремено засилен ветер од западен, а долж Повардарието од северозападен правец.Максималната температура ќе биде до 16 степени.Во Скопје, променливо облачно, во делови од котлината со повремен дожд. Ќе дува слаб до умерен ветер од северен правец.Максималната температура ќе достигне до 13 степени.

Македонија | пред 4 месеци

Република Српска го избира наследникот на Додик

Во Република Српска денес се одржуваат вонредни претседателски избори по одземањето на мандатот на Милорад Додик.На гласачкиот список има нешто повеќе од 1,2 милиони гласачи кои можат да гласаат за 6 кандидати:Синиша Каран, Бранко Блануша, Драган Ѓокановиќ, Никола Лазаревиќ, Игор Гашевиќ, Славко ДрагичевиќСпоред аналитичарите, најжестока битка се очекува меѓу Каран од владејачкиот СНСД и Блануша од опозициската коалиција предводена од СДС.Првите резултати се очекуваат околу 21 часот.

Свет | пред 4 месеци

Вучиќ ќе ги тужи „Гардијан“ и „Дејли мејл“ за мешање на неговото име во „Сараево сафари“

Обвинувањата дека наводно сум учестувал во таканаречената афера „Сараево сафари”се дел од доктрината и стратегиите за уривање на српската држава, вака ги коментира претседателот на Србија Александар Вучиќ, обвинувањата на хрватскиот новинар Домагој Маргетиќл. Тој го пријавил Вучиќ во обвинителството во Милано по повод неговото наводно учество во „Сараево сафари“, афера која наводно ја истражува Италија.„Имаат доктрина, тоа е доктринска стратегија за уривање на српската држава и во таа смисла уривањето на Вучиќ е приоритетна цел. Тие сметаат дека јас сум најлошото нешто во Србија што се појавило за нив, што имплицира дека сум најдоброто нешто за Србија и затоа тоа мора да биде урнато“, рече Вучиќ.Како што додаде, во хрватските медиуми за една година имало од 25.000 текстови кои биле против негто, а само 50 неутрални, додека не постои ниту еден позитивен ни за ништо во врска со него. Додаде дека ова не е најгрозното обвинување против него и потсети дека пред пет години го обвинија дека извршил геноцид во БиХ, па нивното обвинителство го отфрли тоа.„Тогаш зборуваа за Сребреница. Ова сега е посериозно организирано. Интересно е што излегуваат со такви невистини, со бесмислени работи што лесно се докажуваат, во критичен момент за Србија. Дали е тоа вмешаност на загрепската група, дали е тоа вмешаност на Шолак – не е ништо од тоа, има поширока и поголема игра во прашање. А прашањето за НИС, каде што некој секогаш сака да ве одведе на погрешен пат дека некој друг стои зад тоа“, рече Вучиќ.Како што додаде, причината за ова е што Арапите одбиваат кога ќе видат дека наводно убил невини муслимански деца.„Дознавме и кој платил за тие написи во „Гардијан“ и други медиуми, сè беше платено, тоа не е новинарство, а потоа ми е смешно кога доаѓаат да нè прашаат какви медиуми, новинари и уредници имаме“, рече претседателот.Тој истакна дека не носел снајперска пушка во Босна и Херцеговина и дека не слушнал за никакво сафари.„Но тоа не е важно. Немав пиштол, дури и кога дојдов и прашав дали можам да бидам со вас, ми рекоа „момче, врати се, ни треба новинар, кој знае англиски“. Има толку многу глупости, а сите го знаат тоа, имам снимки, сведоци и каде што велат дека бил пиштол, тоа бил статив за камера, му го однесов на снимателот“, изјави Вучиќ за ТВ Информер.Тој најави дека ќе тужи одредени светски медиуми кои ширеа лажни вести дека учествувал во таканаречената афера „Сараево Сафари“ и дека парите што ги добил од неа ќе ги даде за хуманитарни цели, како и за црквата, со цел да се обнови манастир во Србија.„Сега, за прв пат, како што знаете, никогаш не сум тужел никого во оваа земја. Еднаш, имаше контратужба, за да ги спречат со нивните глупости. Иако можев да поднесам пет милиони тужби, никогаш не го направив тоа. Ниту против кој било медиум, ниту против никого. И нема да го направам тоа сега, ниту против овие Шолак во Србија. Можат да лажат колку што сакаат, лажат десет години. Можат да измислуваат што сакаат. Но, против оние кои имаат многу пари – и повеќе од криминалецот Шолак, иако тоа не е секогаш лесно и ќе ги ангажирам најдобрите адвокати – од „Гардијан“, „Дејли меил“, сите тие “, рече Вучиќ и најави дека ќе ги ангажира најскапите адвокати во светот, кои ќе плаќаат врз основа на „хонорар за успех“ или според учинок.

Свет | пред 4 месеци

Никезиќ до Вучиќ: Вие сте претседател само на Ќациленд

Душан Никезиќ, потпретседател на партијата Странка на слобода и правда и пратеник, му упати отворено писмо на претседателот на Србија, Александар Вучиќ. Тој го обвинува Вучиќ дека на учениците од Петтата београдска гимназија им порачал дека, ако не им се допаѓа новата директорка, можат и да не одат во школа, бидејќи средното образование не било задолжително.„Александре Вучиќ, вие сте денес само претседател на Ќацилед, што го поврдивте со пораката: ако не им се допаѓа вашата Dron Lady Danka, не треба ни да одат во училиште”, му напиша Никезиќ на Вучиќ.Никезиќ на платформата Х поставува низа прашања, укажувајќи на проблеми во функционирањето на училиштето:– дали учениците треба да престанат да одат на настава затоа што не се согласуваат со тоа што директорката отпуштила една третина од наставниците, поради што дневно се губат по два часа;– дали треба да се откажат од училиштето ако сметаат дека е неприфатливо наставник по математика да чита решенија од мобилен телефон и да пишува „минус нула“;– дали треба да го напуштат образованието затоа што директорката го укинала Советот на родители, матурската екскурзија и наградата за ученик на генерацијата;– и дали е прифатливо директорката во работно време да гостува на таблоидни телевизиски канали.Тој го прашува претседателот дали ваквата порака е достојна и примерена за земја која се соочува со недостиг на образование и од која секоја година околу 50.000 млади заминуваат во Европската унија во потрага по поквалитетни услови за живот.

Свет | пред 4 месеци

По трагедија, повторно немарност: Во држава каде 18.000 денари ваучер се продава без фискална, нема лекција што ќе помогне

Инфлуенсерката и критичарка Ина Многуфина остро реагираше по вчерашната контрола во ноќен локал во Кавадарци, каде што настапувал пејач кој, како што таа вели, „пијаниците го нарекуваат ѕвезда“.Според неа, инспекциите утврдиле дека максималниот дозволен капацитет на локалот е 200 гости, а во моментот внатре имало околу 500 лица. Неофицијално, во објектот се продавале ваучери по цена од 18.000 денари – без фискални сметки – а настапот бил организиран и без соодветна дозвола.“И покрај трагедијата во Кочани на овој народ не му иде памет. Вчера на тоа настапот во Кавадарци на оноа што пијаниците го викаат ѕвезда, влегле контроли веројатно на големо изненадување на газдата и му нашле дека максималниот капацитет на гости е 200, а во моментот во локалот имало 500 гости. Неофицијално, во локалот се продавале ваучери за 18.000 денари, без фискални сметки. Плус оноа бил без дозвола на настап. Пазарче тезгиња бизнис. Единствено овде ми е позитивно што влегла контрола и се надевам не е популистичка мерка за време на судењето за Пулс, туку стварно ќе работат по закон, а не по "ќе средиме" за мочан саат од 100 евра. А газдата на локалот и сите газди на локали кои мислат дека се локал фраери над законот би им препорачала убаво да го следат судењето на газда Деко”, напиша таа.

Коментари | пред 4 месеци

Почна „сезоната” на грип, стотина прегледи на деца дневно

Почна периодот на вируси и инфекции. Зголемен е бројот на деца со респираторни инфекци. Во детската болница Козле само дневно се вршат и по стотина прегледи, иста е сликата и ви другите ординации и клиники.Симптоми за вирусите се зголемена температура и отежнато дишење, се најчестите симтоми кај децата кои доаѓаат на лекар, а децата од јасли, градинка и школските деца се најмногу подложни на заболување.Загадениот воздух дополнително влијае негативно врз дишните патишта кај децата, а есента е проблематична и за децата со астма и алергии.Според последниот извештај на ИЈЗ за една недела регистрирани се 117 случаи на грип и слични заболувања, а најмногу заболени има во Гостивар, Куманово и Тетово.

Македонија | пред 4 месеци

ИЈЗ со препораки за населението во поплавените подрачја: Користете безбедна вода, фрлете ја контаминираната храна

Институтот за јавно здравје вечерва излезе со препораки за населението во поплавените подрачја во земјава. Најпрво препорачуваат да се обезбеди безбедна вода за пиење и да се следат информации од локалните служби.Ова се препораките на Институтот до населението во целост:1. Обезбедете безбедна вода за пиењеСледете информации од локалните служби за тоа дали водата е безбедна. До добивање официјална информација за исправноста на водоснабдувањето, користете флаширана вода или вода што е превриена најмалку 10 минути.На населението од поплавените подрачја се препорачува да користи флаширана вода за пиење, готвење, а доколку користат вода за пиење од локални водоводи, како и од индивидуални или јавни бунари, извори, кладенци, им се препорачува, како превентивна мерка, водата за пиење да ја превриваат во времетраење од 10 минути.2. Одржувајте лична хигиенаИзбегнувајте директен контакт со поплавена вода и редовно мијте ги рацете со сапун и чиста вода. Користете средства за дезинфекција како дополнителна мерка за заштита.Избегнувајте контакт со вода од поплавите бидејќи може да биде контаминирана со отпадни материи, микроорганизми или хемикалии што може да имаат штетно влијание врз здравјето.3. Постапување со хранаФрлете ја храната која дошла во контакт со поплавена вода — може да се контаминирала.Пред употреба, добро миење на прехранбените производи (овошје и зеленчук од пластениците) со безбедна вода за пиење. Храната да се подготвува со безбедна вода и задолжително термички да се обработува.4. Спречување појава на глодари и комарциПоплавите можат да поттикнат размножување на комарци (застојни води), а можна е појава и на глодари - тие можат да бидат преносители на болести.Иако бројот на комарци е значително намален во овој период, сепак потребно е да се отстрани застојната вода и да се исчисте околината за да се спречи нивно појавување при евентуални потопли денови.Поголемо внимание посветете на глодари (глувци, стаорци), кои често навлегуваат во објекти по поплави и во студените месеци бараат храна и засолниште. Чувајте ја храната во добро затворени садови. Редовно собирајте смет и држете го добро затворено.Елиминирајте влажни и оштетени материјали во домот и околината — тоа спречува појава на мувла и на инсекти што можат да се активираат и во ладни месеци.Се препорачува од јавно здравствен аспект, единиците на локална самоуправа во соработка со ЦЈЗ по повлекување на водата и исушување на почвата во дворните места, да пристапат кон детално механичко (физичко) чистење со отстранување на 2-3 сантиметри од површината на почвата (тињата) поради фекална контаминација и да се спроведе дезинфекција, дезинсекција и дератизација (ДДД) од овластена јавна здравствена установа (ЦЈЗ) по епидемиолошки индикации.5. Следење на здравствената состојбаБидете внимателни на симптоми како треска, стомачни проблеми (пр. дијареа), кожни инфекции — тоа може да бидат знаци на болести поврзани со контаминирана вода. Побарајте веднаш лекарска помош при појава на симптоми како треска, дијареа, кожни инфекции.Потребно е да се обезбеди присуство на лекар и медицинска во местата најпогодени од поплавените подрачја, со цел пружање на здравствена помош на сите категории население, посебно на лица со хронични заболувања, лица над 65 години, бремени жени и мали деца. Здравствената екипа да биде снабдена со неопходни медицински помагала и лекови за брза интервенција на терен.6. Информирање и следење на упатстваСледете ги препораките од надлежните служби и постапувајте согласно насоките. Редовно следете ги известувањата од надлежните служби – општинските органи, Центарот за јавно здравје и службите за водоснабдување.Стриктно придржувајте се до сите препораки поврзани со употреба на вода, движење во ризични подрачја и евентуални мерки за заштита.Надлежните ЦЈЗ редовно ја следат состојбата на терен, се во контакт со матичните лекари/ инфектолози и редовно го информираат ИЈЗ за евентуална појава за поголем број заболувања поврзани со поплавените подрачја со цел навремено превземање на мерки за превенција и контрола.цел навремено превземање на мерки за превенција и контрола.

Македонија | пред 4 месеци

Невреме преврте кампер кај мостот на Крк, Италијанка пренесена во болница

Страшно невреме денес преврте кампер на паркиралиште во близина на Крчкиот мост, при што беше повредена и во Риечката болница пренесена државјанка на Италија, соопштија од Полициската управа Приморско-горанска.Чекале на паркинг, а ветерот им го превртел камперотОд полицијата информираат дека две италијански државјани се наоѓале во камперот паркиран на крчката страна и чекале ветерот да се смири за да можат да го продолжат патувањето.Силните удари на бурата го превртеле камперот, при што жената била повредена, а мажот – исто така италијански државјанин – не е повреден, наведуваат од полицијата. На целиот Кварнер и во Риека денес дува олујна бура, па од градската фирма „Риека промет“ предупредија дека, поради силниот ветер, е активиран црвен метеоаларм за Риека.Од „Риека промет“ дополнително соопштија дека бурата во Риека урива сообраќајни знаци и дури фрлила адвентски шатор на коловозот, но дека сето тоа веднаш се отстранува и се санира.

Свет | пред 4 месеци

(Видео) Лукас обвиен со македонско знаме ја изведува „Јовано Јованке“, по приведувањето напиша „Ја сакам Македонија“

Познатиот пејач Аца Лукас, на мрежата„Инстаграм“ утрово објави видео од изведба на македонската песна „Јовано Јованке“.На видеото од настапот тој е обвиен во македонското знаме и свири на ударен инструмент.Тој под видеото напишал: „Ја сакам Македонија“.Лукас ова го објавил откако за време на настап во угостителски објект во Кавадарци беше приведен.МВР соопшти дека при акциска контрола било утврдено дека пејачот настапувал без потребната дозвола, по што му била изречена и парична казна.При контролата во истиот угостителски објект биле констатирани и прекршоци за неиздавање на фискална сметка и прекршување на Законот за пушење. Констатирано било и дека во објектот се присутни поголем број на гости од дозволеното, за што ќе бидат поднесени соодветни поднесоци, информираа од Министерството за внатрешни работи.

Македонија | пред 4 месеци

Тешка сообраќајка на патот Струга-Дебар: Патничка од автобусот е со тешки повреди

Вчера во 11:20 часот, на регионалниот пат Струга- Дебар, во близина на Струга, се случила сообраќајна несреќа помеѓу патничко возило „фолксваген голф“ со струшки регистарски ознаки, управувано од К.Ќ.(70) од селото Велешта, струшко и автобус „мерцедес“ со струшки регистарски ознаки, управуван од Н.Ф.(42) од селото Лабуништа, струшко.Во несреќата со тешки телесни повреди се здобила патничка од автобусот Ф.А.(58) од Лабуништа, констатирани во Медицинскиот центар Струга.По наредба на јавен обвинител, извршен е увид од увидна екипа на ОВР Струга.

Македонија | пред 4 месеци

Мигрант почина на скопска клиника

На 21.11.2025 во 07:50 часот во СВР Скопје, од Клиниката за нефрологија при Комплекс клиники „Мајка Тереза“- Скопје е пријавено дека на 20.11.2025 во 00:16 часот, кај нив за укажување на лекарска помош е донесен Л.Ш.(41), мигрант, кој на 21.11.2025 во 06:48 часот починал.По наредба на јавен обвинител, телото на починатиот е предадено за обдукција.

Македонија | пред 4 месеци

Уапсен поранешниот бразилски претседател Болсонаро

Поранешниот бразилски претседател, Жаир Болсонаро уапсен е од федералната полиција, откако му заврши домашниот притвор. Тој ја чека одлуката по жалбата на пресудата на Врховниот суд дека ја загрозил демократијата во Бразил.Поранешниот претседател беше осуден на 27 години и три месеци затвор за организирање државен удар со цел да се спречи победникот на изборите во 2022 година, Луиз Инасио Лула да Силва, да ја преземе власта.Американскиот претседател Доналд Трамп, кој е пријател на Болсонаро, го нарече случајот „лов на вештерки“. Тој воведе санкции врз судијата во случајот, како и царина од 50 посто за некои бразилски производи увезени во САД, која почна да ја укинува овој месец.Тој е во строг домашен притвор повеќе од 100 дена поради кршење на мерките на претпазливост во одделен случај, во кој е обвинет за обид за влијание врз САД да ги запрат кривичните постапки против него.Додека беше во домашен притвор, на Болсонаро му беше забрането да користи социјални медиуми.Се очекува неговата одбрана да побара дозвола тој да ја отслужи казната во домашен притвор, наведувајќи здравствени проблеми.

Свет | пред 4 месеци

(Видео) Снегот го парализираше регионот: Во Сплит заглавени абтомобили, застои во сообраќајот во Сараево

Силни снежни врнежи предизвикаа проблеми во регионот, во Босна и Херцеговина и Хрватска, дојде до застои и проблеми во сообраќајот.Во Сараево снегот предизвикал тешкотии во движењето на возилата, застои и зголемен ризик од сообраќајни незгоди, соопштија од зимската служба на КЈКП „РАД“.Во општина Нови Град, тротоарите и локалните улици се чистеле рачно. Цел ден се очекува облачно време со снег и дожд во поголемиот дел од Босна, а дожд во Херцеговина.Метеоролозите предупредуваат дека врнежите ќе продолжат и наредните денови, со повремени разведрувања и нови циклони. Граѓаните се повикуваат на претпазливост додека патиштата се расчистуваат.Во Бања Лука, зимските служби исто така се на терен.Снег паѓа низ цела Хрватска, а кај Сплит и Клиса сообраќајот е отежнат и повеќе автомобили се заглавениСнег паѓа и во Лика, Горски Котар, централна и северозападна Хрватска, Славонија и Далматинска Загора.Хрватскиот автоклуб (HAK) предупреди дека повеќето патишта се влажни или покриени со снег и се лизгави. Најголема снежна покривка утрово е измерена на Завижан, 32 сантиметри.

Свет | пред 4 месеци

Парично и прекршочно казнет: Аца Лукас настапувал без дозвола

Српскиот пејач Аца Лукас синоќа бил приведен во Кавадарци околу 00:10 часот, за време на настап во угостителски објект.Според информацијата од МВР, при акциска контрола спроведена од полицијата, во координација со инспектори и Управата за јавни приходи, било утврдено дека пејачот настапувал без потребната дозвола.„Утврдено е дека лицето од Република Србија настапувало без потребна дозвола. За сторениот прекршок до Основниот суд Кавадарци е поднесено барање за поведување прекршочна постапка, по член 217 став 1 точка 2 од Законот за странци. Лицето е спроведено во Основен суд Кавадарци по скратена постапка, каде му е изречена парична казна“, стои во соопштението на МВР.При контролата, според полицијата, во локалот биле забележани и други прекршоци: неиздавање фискална сметка, непочитување на правилата за пушење и присуство на гости над дозволениот број. За сите овие прекршоци ќе следуваат соодветни поднесоци.

Македонија | пред 4 месеци

Германија размислува за враќање на руската енергија: „Ни требаат достапни цени.“

„Дебатата за односот кон Русија не се води само во АфД, туку и во ЦДУ, особено околу можниот (повторен) увоз на руски енергенти“, анализира DW.Премиерот на Саксонија, Михаел Кречмер, изјави дека Германија треба да ја разгледа можноста за продолжување на испораките на енергија од Русија, со цел да се обезбедат достапни цени за Европа. Тој смета дека Русија треба „долгорочно повторно да стане трговски партнер, без создавање нова зависност“.Кречмер веќе порано се залагал за поблиски односи со Русија, но неговите ставови се критикувани од партискиот колега Родерих Кизеветер, кој нагласува дека Русија секојдневно бомбардира украински домови и инфраструктура, па таквите изјави се контрапродуктивни и опасни за безбедноста.Раководството на ЦДУ и германската влада досега одбиваат било какво приближување кон Русија, истакнувајќи дека само Москва може да ја запре војната во Украина. Пред конфликтот, Русија беше важен снабдувач на енергенти за Германија, но денес увозот на руски гас и нафта е стопиран, а ЕУ планира да го укине целосно до 2027 година.

Свет | пред 4 месеци

Мицкоски: Младите се сржта на партиите, наши наследници и иднината, зачувајте го вашето достоинство низ дејствувањето и работата

Претседателот на ВМРО-ДПМНЕ, Христијан Мицкоски се обрати на денешната трибина на тема „Локални и глобални предизвици од младинско значење“, организирана од Унијата на млади сили на ВМРО-ДПМНЕ и младината на Меѓународната Демократска Унија (IYDU) во хотел Хилтон каде истакна дека младите се сржта на партиите и иднината, и даде силна поддршка за младите.„Некои од пораките што ги слушнав денес од оваа дебата се нешто што е многу, многу важно, и нешто што претставува срж на нашите партиски политики. А која е сржта на нашите партиски политики? Младите, младинските организации. Ако постои партија без млади, тогаш тоа е партија без суштина, срж. И не е вистинското прашање дали таа партија ќе исчезне. Прашањето не е дали, туку кога таа партија ќе исчезне. Ние сме многу горди што имаме многу, би рекол, офанзивна младина. И ние ја поддржуваме таа младина бидејќи сметаме на нив, да бидат нашите наследници во иднината. Сергеј спомена дека имаме тројца пратеници кои се дел од нашето младинско раководство и повеќе од 100 членови на општински совети. Да, тоа е вистина. Давањето шанса на младите значи дека и давате шанса на иднината. Во спротивно, ќе го изгубите патот и, како што реков, веројатно ќе исчезнете од политичката сцена. На пример, во мојот кабинет, јас сум опкружен со многу млади луѓе. Почнувајќи од мојот протокол, па сè до шефот на мојот кабинет, сите тие биле или сè уште се дел од младината или биле лидери на нашата младинска организација. “ кажа Мицкоски и додаде:„Мојата прва порака и мојот апел до сите вас беше бидејќи еден ден вие ќе станете лидери, високи претставници на вашите партии, создавајте младина. Бидејќи ако немате млади, ќе повторам уште еднаш, прашањето не е дали, туку кога ќе исчезнете. Затоа, развивајте ги и дајте им шанса на вашите наследници“ кажа Мицкоски. „Втората работа што би сакал да ја кажам денес како порака е од чевлите на еден професор. Кога започнувате нешто, не очекувате чуда. Чудата не се можни. Ако верувате во чуда, тогаш нема да бидете способни да ја пренесете реалноста. Нема да бидете способни да ја живеете реалноста. Затоа понекогаш некој околу вас создава перцепција за работи кои не се остварливи и кои не се реални. Она што го гледате на Инстаграм, она што го гледате на ТикТок не е реалноста. Тоа е нешто со кое некој сака да изврши притисок врз вас и да создаде лажна реалност. Повторно ќе се повикам на нешто што го кажав чудата не се можни. Ако некој ви ветува чуда, тогаш ве лаже. Тоа не е можно. Не верувајте во чуда“, нагласи Мицкоски.Мицкоски упати порака до младите да го зачуваат своето достоинство како многу важен дел од нивното дејствување.„Третата работа што би сакал да ја пренесам како порака денес е, зачувајте го вашето достоинство. Не бидете дволични. За жал, ќе бидете опкружени со многу луѓе кои се дволични. Но, ако вие не сте дволични, тогаш го имате вашето достоинство, што е најдобрата особина на вашиот карактер што можете да ја поседувате. И ова е нешто што е многу важно, не само за вашата иднина, туку и за семејствата што ќе бидат дел од вашите животи“, истакна Мицкоски.Мицкоски потенцираше дека семејството е најважниот елемент во животот.„И ова е четвртата порака што сакам да ја пренесам денес. Можеби некој ќе ја оспори мојата порака, можеби некој ќе ме осуди за ова што ќе го кажам сега, но семејството е најважниот елемент во вашите животи. Децата, многу деца, тоа е нешто што ќе го обликува вашиот живот. Бидејќи без многу деца, вашиот живот ќе биде празен и веројатно себичен. Ве молам споделувајте сè со вашата околина. Нека споделувањето биде дел од вашето однесување. Бидејќи ако споделувате, ќе можете да научите што значи семејството, не само за вас, туку и за вашата нација“, потенцира Мицкоски.Мицкоски за крај кажа колку е важна работата и посветеноста со фокус и јасен патоказ за иднината.„И јас навистина верувам дека сите вие што сте овде верувате дека политичкото дејствување десно од центарот и конзервативизмот се иднината на европскиот континент, но зборувам и за човештвото воопшто. Ако една нација не работи напорно, особено мала по бројност како мојата, македонската нација, ако не работи напорно со посветеност, со фокус и со јасен патоказ каде ќе бидеме за 50, 100 години од сега, таа нација ќе исчезне. И ова е нешто што е вистинскиот проблем на оваа генерација, и на вашата генерација исто така. Бидејќи ако ги потцениме предизвиците што ќе се појават за 50, 100 години од сега, тогаш не сме визионери, не сме политичари од десниот центар. Ние сме дневни политичари и сме популисти. Затоа, мојата последна порака ќе биде борете се и размислувајте за работите што ќе го обликуваат човештвото и иднината на вашата нација. Во спротивно, ќе се изгубите себеси и ќе станете дневни политичари. А јас не верувам дека тоа е вашата амбиција, ниту вашата идеја, не за оваа организација, туку генерално за иднината на европскиот континент и за иднината на човештвото во целина. Затоа, се обидов да бидам што е можно пократок за да пренесам долги приказни на краток начин“, заклучи Мицкоски.

Македонија | пред 4 месеци

Попов: Владата се залага за држава во која секој млад човек ќе чувствува дека политиката работи за него

На денешната трибина на тема „Локални и глобални предизвици од младинско значење“, организирана од Унијата на млади сили на ВМРО-ДПМНЕ и младината на Меѓународната Демократска Унија, се обрати Сергеј Попов, пратеник и претседател на УМС на ВМРО-ДПМНЕ, кој на самиот почеток истакна дека Владата предводена од ВМРО-ДПМНЕ реализирала голем број од ветените проекти на изборната програма.„За многу краток период, ВМРО-ДПМНЕ започна да реализира голем дел од своите заложби за младите од изборната програма, конкретни мерки во образованието, вработувањето и младинското учество. За првпат во историјата, нашата младинска организација може гордо да каже дека имаме тројца пратеници кои доаѓаат директно од нашите структури, тоа значи дека гласот на локалните младински совети, на студентските организации и на општинските канцеларии за млади, може директно да стигне до законодавниот дом“, рече Попов.Попов истакна дел од владините мерки за поддршка на младите и студентите.„Нашата Влада спроведе конкретни мерки, секој студент запишан на државните или приватните универзитети доби ваучер од 250 евра наменет за набавка на ИТ опрема, реновирањето на студентските домови, исто така ги подобривме можностите за вработување на млади професионалци, вклучително и вработувањето на 600 специјализанти кои го зајакнуваат нашиот здравствен систем, нашата иницијатива „Млад земјоделец“ ги поддржува младите во земјоделството преку доделување на 10.000 евра за секој што ќе започне земјоделски бизнис, промовирајќи го руралниот развој“, рече Попов и додаде:„Заедно со нашите партнери во Владата, со нашите градоначалници и советници, и со нашите тројца пратеници, ќе се залагаме за Македонија во која секој млад човек ќе чувствува дека политиката работи за него“.

Македонија | пред 4 месеци

Манасиевски: Уставната судијка Кацарска сака да им го одземе зголемувањето од 7000 денари на пензионерите, а бара зголемување на сопствената плата, од СДС молк

Валентин Манасиевски од ВМРО-ДПМНЕ денеска остро реагираше на барањето на уставната судијка Добрила Кацарска за укинување на последното покачување на пензиите.„Уставната судијка Добрила Кацарска, која преку ноќ стана дел од Уставниот суд со поддршка на СДС, сега, поради нејзините пресуди за 27 април, бара да се укине зголемувањето од 7.000 денари на пензиите, додека истовремено инсистира на зголемување на нејзината плата за околу 100.000 денари“, истакна Манасиевски.Тој додаде дека поединци од судството и обвинителството, блиски до структурите на СДС и без кредибилитет или легитимитет, јавно бараат енормни зголемувања на платите, додека граѓаните и пензионерите се соочуваат со намалување на своите примања.„СДС, кои ја крахираа економијата и го контаминираа судството со свои кадри, сега на безобразен и срамен начин, преку Кацарска, се обидуваат да им ги одземат парите на пензионерите“, рече Манасиевски.Според него, додека во времето на СДС пензионерите добивале само 150 денари покачување, нивните инфилтрирани кадри во судството сега бараат европски плати со доверба од едвај 2%, а притоа предлагаат кратење на пензиите.Манасиевски нагласи дека ВМРО-ДПМНЕ ќе продолжи да се грижи за граѓаните и да го подигнува животниот стандард. „Сè додека ВМРО-ДПМНЕ е на власт, економијата ќе расте, а со тоа и пензиите и платите. Бараме од СДС јавно да се огради од барањата на Кацарска за поништување на зголемувањето на пензиите“, заклучи тој.

Македонија | пред 4 месеци

Студенти и граѓани се собираат пред ФДУ на годишнината од нападот: Пристигнаа и моторџии

Студентите од Факултетот за драмски уметности (ФДУ) ги повикаа сите граѓани да се приклучат на собирот пред факултетот. Денес се навршува една година од нападот врз студентите од страна на приврзаници на Српската напредна партија (СНС), додека студентите одаваа почит на настраданите во уривањето на настрешницата на Железничката станица во Нови Сад.По собирот, присутните ќе започнат протестна прошетка. На местото на настанот пристигнаа и групи моторџии кои им дадоа поддршка на студентите.

Свет | пред 4 месеци

Уапсен скопјанец со поголема количина дрога

На 21.11.2025 околу 20:00 часот во Скопје, полициски службеници од Единицата за интервентна полиција при СВР Скопје го лишија од слобода Д.В.(44) од Скопје.При преглед кај лицето пронајдена е поголема количина марихуана и други видови на наркотични средства. Д.В. е задржан во полициска станица и по целосно документирање на случајот ќе биде поднесен соодветен поднесок.

Скопје | пред 4 месеци

Бела пена од Вардар и во Зелениково

Утрово вознемирени жители на селото Таор во општина Зелениково видоа загрижувачка глетка, одводниот канал што се влива во реката Вардар беше покриен со густа пена.Инцидентот се случил веднаш по активирањето на пумпите за отпадните води од системот на Скопско Поле, што веднаш го вклучи алармот кај локалните власти за можно сериозно хемиско загадување на Вардар.Ситуацијата е потенцијално сериозна бидејќи овој систем ги собира отпадните води од широк појас кој ги опфаќа општините Гази Баба, Арачиново, Илинден и Петровец, регион каде што има и индустриски капацитети и земјоделски површини.За да се утврди што точно тече во Вардар, на барање на општината, екипи од Институтот за јавно здравје веднаш земаа мостри од водата и од сомнителната пена за хемиска анализа. Резултатите треба да покажат дали станува збор за детергенти, индустриски хемикалии или друг вид на опасен отпад.Случајот е пријавен и до Државниот инспекторат за животна средина.

Македонија | пред 4 месеци

Во Ресен поплавени 50 домови, во Прилеп паднал таван од куќа

Според информациите на Центарот за управување со кризи до 8 часот, обилните врнежи предизвикаа локални излевања, поплави и прекини во водоснабдувањето на повеќе локации низ државата.Во Општина Ресен, реките Болнска и Источка се излеале во селата Царев Двор и Дрмени, при што се поплавени повеќе од 50 куќи, магацини, визби и земјоделски површини.Ангажирани се екипи со 4 багери, 7 пумпи и дополнителни приватни пумпи за исцрпување вода. Голема Река бележи водостој од 2,1 метар со почетни излевања во Долна и Горна Бела Црква.ЈКП „Пролетер“ известува дека водата привремено не се препорачува за пиење. ТППЕ Ресен интервенира во с. Дрмени со 2 возила и 5 пожарникари.Во Битола, екипи на јавните претпријатија работат во селата Нижеполе, Дихово, Цапари, Породин, Жабени, Лажец, Меџитлија, Острец, Граешница и Кишава.„Нискоградба“ и АД Водостопанство подигаат насипи на р. Драгор кај Долно Оризари.На мостот во Карамани се расчистуваат гранки и отпад за зголемување на протокот.ХМС „Стрежево“ ги чисти пропустите на Цапарска Река (Доленци–Лера).Затворени се патиштата Лера–Доленци и кон Цапари поради вода на коловоз.Нивото на р. Црна е зголемено на 2,7 метри (во 15:30 ч).ЈКП Водовод работи на дефект што предизвика прекин во водоснабдувањето од Кравари до Меџитлија.Преку Е-112 пријавени се повеќе поплавени подруми, дворови, паднато дрво и ризик од излевање канали.Пријавено е паѓање таван на куќа на ул. „Кајмакчалан“ во Прилеп како последица од дождовите.РЦУК известува за повеќе интервенции на поплавени домови во Охрид.По прекинот на дождот состојбата се стабилизира, но реките остануваат со висок водостој.Екипите во Крива Паланка и Кратово расчистуваат одрони на регионалните патишта. Водостојот на Кратовска и Крива Река е зголемен, но без излевања.Пријавени се три одрони на патот Струмица–Валандово.Нивото на реките во Скопје е покачено, но состојбата е под контрола и нема пријавени излевања.

Македонија | пред 4 месеци

(Видео) Силно невреме во Грција, тешко е погоден туристичкиот остров Крф

Подрумите и приземјата на куќите се поплавени, автомобилите ги однела надојдената вода, а патиштата се блокирани од свлечишта. Околу 280 милиметри дожд наврнале за неколку часа во регионот околу градот Јанина на северозападот на земјата, соопшти грчката метеоролошка служба.Училиштата ќе останат затворени во понеделникТешко е погоден туристичкиот остров Крф. „Селото Карусадес, во кое живеат 2.000 луѓе, е отсечено од остатокот од светот. Дури и полициската станица е блокирана со тони кал“, изјавил градоначалникот на општина Северен Крф за весникот Катимерини.Тој додал дека надлежните се надеваат на пристигнување механизација од други делови на државата за да се отстрани калта. Многу патишта на островот се блокирани или уништени. Училиштата во понеделник ќе останат затворени.Се очекува дождот да продолжи да паѓа и денес во погодениот регион, но не со ист интензитет. На северниот дел од Крф во 2023 година избувнал голем шумски пожар. Метеоролозите сметаат дека сегашните поплави се значително полоши од претходните затоа што нема вегетација која би ја задржала калта и камењата.

Свет | пред 4 месеци