ССМ сака минимална плата од 600-700 евра, Владата чека одлука меѓу синдикатот и работодавачите

Работниците, според спроведената анкета бараат зголемување на минималната плата од 600 до 700 евра и ова да се спроведе веднаш.Анкетата е нарачана од ССМ и тоа на репрезентативен примерок од 1.613 испитаници.,,87,2 проценти од работниците во Македонија одговорија дека минималната плата треба да се зголеми задолжително на 600 до 700 евра. 52,8 проценти од испитаниците потврдиле дека се подготвени да протестираат, а 47,2 проценти од нив потврдиле дека се подготвени да штрајкуваат за да го остварат ова право”, изјави претседателот на ССМ, Слободан Трендафилов.Дали ќе има интервентно зголемување на минималната плата надвор од законот е предмет на дијалог меѓу синдикатите и работодавачите, вели премиерот Христијан Мицкоски.Посочи дека Владата ќе го прифати секое решение за кое меѓусебно ќе се договорат синдикатите и работодавачите.Мицкоски очекува ова прашање да се отвори на седницата на Економско-социјалниот совет, која треба да се одржи до крајот на месецот.

Македонија | пред 4 месеци

Зеленски: Никој не ги тера нашите војници да умираат поради урнатини

Украинскиот претседател Володимир Зеленски ги замоли своите сојузници од Европската Унија да ги надминат своите поделби околу користењето на замрзнатите руски средства, велејќи дека обезбедувањето ново финансирање е клучно за економијата на Украина, разурната од војна.„Се надевам дека ќе ја добиеме оваа одлука. Во спротивно, ќе мора да најдеме алтернатива, тоа е прашање на нашиот опстанок. Затоа ни е толку потребна. И сметам на нашите партнери“, изјави Зеленски за Блумберг.Безусловната западна поддршка за Киев е поткопанаЕвропската Унија ја одложи до декември одлуката за предлогот за користење на замрзнатите руски средства за „кредит за репарација“ од 140 милијарди евра за Украина. Русија, во меѓувреме, бавно напредува на бојното поле и ја напаѓа енергетската инфраструктура на Украина за да ја поткопа нејзината економија додека се приближуваат зимските месеци.Руската инвазија е во својата четврта година, додека украинската влада се бори со разорена економија и исцрпени војници во најлошиот конфликт во Европа од Втората светска војна. Покрај тоа, безусловната западна поддршка за Киев еродираше по враќањето на Доналд Трамп во Белата куќа, анализираат медиумите.Со прекинувањето на финансирањето од САД, европските влади ветија дека ќе ја зголемат помошта за да се одбранат од новата закана од Кремљ.„Русија мора да плати за оваа војна. Парите од замрзнатите средства ќе ѝ помогнат на Украина да купи повеќе воздушна одбрана од САД и Европа и да го финансира производството на беспилотни летала за напади врз руски цели. Немаме дополнителни пари. Ова е начинот и ова е фер“, тврди Зеленски.Тој посочи дека Трамп би можел да испрати „добар сигнал“ до европските лидери со тоа што ќе почне да користи милијарди руски средства замрзнати во САД. „Трамп има повеќе од пет милијарди долари руски средства, можеби ќе одлучи да ги потроши тие пари. Тоа ќе помогне“, истакна Зеленски.„Минатата американска акција, како што се енергетските санкции, исто така ги охрабри европските партнери да донесат некои силни одлуки“, додаде тој. Тој откри дека Украина започнала да произведува беспилотни летала пресретнувачи заедно со САД.Украинскиот лидер верува дека рускиот претседател Владимир Путин води намерна кампања за заплашување на Европа со неодамнешните упади на беспилотни летала и борбени авиони во воздушниот простор на НАТО. „Успеа да ги направи лидерите помалку спремни да испратат системи за воздушна одбрана во Украина. Мислам дека ги исплаши, тоа беше неговата цел и ја постигна. Без сомнение, тоа беше психолошко заплашување“, забележа тој.„Не можеме да ја напуштиме источна Украина“Тој призна дека Украина се соочува со „многу тешка“ ситуација во градот Покровск во регионот Донецк, каде што руските сили се обидуваат да ја преземат контролата по месеци интензивни борби. Зеленски инсистира дека секоја одлука за повлекување на силите е прашање на воените команданти на терен.„Никој не ги принудува да умрат заради урнатини. Ќе ги поддржам нашите војници, особено командантите што се таму. Најважно за нас се нашите војници“, нагласи тој. Тој е убеден дека Русија бара победа во Покровск за да се обиде да го убеди Трамп дека Украина треба да се повлече од целиот Донбас, кој се состои од регионите Донецк и Луганск, за да се стави крај на војната.„Не можеме да ја напуштиме источна Украина. Никој нема да го разбере тоа, луѓето нема да го разберат тоа. А главната работа е дека никој нема да ви гарантира дека ако го освојат овој или оној град, нема да одат понатаму. Нема фактор на одвраќање“, рече тој.

Свет | пред 4 месеци

Стартуваа активностите за реконструкција на плоштадот „Крушевска Република“

Денеска стартуваа подготвителните активности за реконструкција на плоштадот „Крушевска Република“ со кој значително ќе се подобри изгледот на централниот дел на градот.‎‎Проектот за реконструкција предвидува ново партерно уредување со гранитни плочки. Ќе биде поставено модерно јавно осветлување и современа урбана опрема. Исто така, предвидено е и соодветно хортикултурно уредување.Во теренски увид на просторот каде што ќе се одвиваат градежните работи беше градоначалникот Кирил Пецаков заедно со дел од администрацијата која е задолжена за реализација и следење на проектните активности, како и директорите на јавните претпријатија.Вредноста на проектот е 45.000.000 денари, а средствата се обезбедени од буџетот на Општина Охрид. Изведувач на градежните работи е АД „Карпош“ од Скопје.

ОО | пред 4 месеци

(ВО ЖИВО) Бојаџи за Груевски: Маж кој илегално побегнал а не застанал да го брани семејството е кукавица

Режисерот и директор на АЛФА ТВ, Јани Бојаџи во Претрес со Ландов говори за својот најнов филм „Утре наутро”. Филмот е инспириран од настаните за и околу 27 април преку судбините на две семејства.„Приказната е вистинска и почнува од утрото на 27 април па се до последната клапа, значи за цели пет години. Репликите ги чул од роднини и пријатели. Во филмот има и реплика меѓу Заев и сопругата.Ова е приказна за еден поранешен премиер. Филмот е критика за сите мажи кои побегнаа. Груевски според некои информации илегално побегнал.Маж кој се колнеше дека ќе ја брани Македонија а во критичен момент не застанал на прагот на своето семејство да го брани е кукавица”, вели Бојаџи.За него 27 април е еквивалент на 2 август и Илинденското востание.Следете не на:

Скопје | пред 4 месеци

(ВО ЖИВО) АЛФА е провладина ТВ, немам аномозитет према Заев туку према лагите

Гостин во Претрес со Ландов е режисерот и директор на АЛФА ТВ, Јани Бојаџи.„Од кога е дојдена ВМРО-ДПМНЕ на власт, ние немаме добиено ниту денар од Агенцијата за филм.Црвената буржоазија, нивните деца и внуци се уште раководат со средствата од Агенцијата за филм. Ни еден близок или член на ВМРО-ДПМНЕ, ни една жолта банка нема добиено”, вели Бојаџи.Сепак не ги откри имињата на лицата за кои вели дека се црвена буржоазија за да не добие уште пријави.Пријавите за незаконско работење на АЛФА, рече беа повлечени пред да си замине Вилма Русковска.„Нема анимозитет према Заев туку према неговите лаги. Тој јавно се колнеше во своите претци дека нема да го смени името. Јас сум првиот човек кој се скара со Заев.Она што го правеше Заев во Струмица, пример палмите, го правеше и Никола Груевски.Бојаџи вели дека АЛФА ТВ е провладина телевизија и ја промовира работата на власта.Следете не во живо:

Скопје | пред 4 месеци

Трипуновски: Брисел ја поздрави одлуката на Владата за расчистување на случајот со Платежната агенција

Опозицијата да не шпекулира, само 50-тина договори кои што се во фаза на реализација, се стопирани„Стопирањето на процедурите е од наша страна, по проверката на целиот процес во Агенцијата со ИПАРД средствата ќе продолжи да се реализира“, истакна министерот за земјоделство, шумарство и водостопанство Цветан Трипуновски во „Тема на денот“ на Сител телевизија.Трипуновски ги отфрли обвинувањата од страна на опозициската СДСМ дека ЕУ ги суспендирала срдствата за ИПАРД.„Она што го шири опозицијата дека ИПАРД средствата ќе се стопираат, ќе се изгубат средствата, итн., тоа не е точно“, нагласи министерот.Министерот Трипуновски посочи дека само македонските институции проверуваат што се случувало во Платежната агенција.„Инаку за информација на гледачите, ИПАРД 3 програмата е за периодот од 2021 -2027 година, на располагање ни се ставени 128 милиони евра кои што се поделени тековно по секоја година за реализација. Она што од ИПАРД 3 програмата е изреализирано, се склучени 453 договори кои што веќе се во некоја завршна фаза, само 50-тина договори се во фаза на реализација и само тие договори во моментов се на проверката стопирани“, појасни тој.„По проверката ќе го известиме Брисел и Агенцијата ќе продолжи со тековни активности, деновиве ќе назначиме и нов директор на Агенцијата“, најави министерот.Министерот Трипуновски при своеото гостување додаде – „Јас како министер во моментов единствен приоритет ми е работата согласно закон, решавање на проблемите кои што ги наследивме од претходната власт, да го подобриме аграрниот сектор како еден од столбовите во нашата економија и секоја една комуникација со било кој еден директор кој што бил од областа на земјоделството е во таа насока. Но, секој кој што ќе се огреши пред законот, треба да одговара“.

Македонија | пред 4 месеци

Груевски: Европа повторно маршира кон војна

Поранешниот премиер Никола Груевски преку објава на социјалните мрежи предупреди дека Европа се движи кон нова ера на воена нестабилност, во која речиси сите држави се подготвуваат за можен конфликт меѓу Русија и Западот.Во текстот со наслов „Тапаните на војната почнаа да чукаат во Европа“, Груевски вели дека воената реторика станала секојдневие и дека за првпат по Втората светска војна се чувствува толкаво ниво на страв, пропаганда и психолошка подготвеност за судир.„Сè повеќе држави во Европа зборуваат отворено за можност од војна, а воениот буџет расте како никогаш досега. Многу од нив веќе започнаа програми за масовно вооружување и мобилизација“, пишува Груевски.Тој предупредува дека планот на Европската комисија ‘ReArm’ и засилените инвестиции во одбранбената индустрија се јасен сигнал дека Европската унија се подготвува за најлошото сценарио.„Ова не е вообичаена модернизација на армиите – ова е воена мобилизација со европски изглед,“ наведува експремиерот.Според него, три се можните сценарија – првото е дека целата реторика е дел од економска стратегија за заживување на индустријата; второто дека служи како притисок врз Русија за завршување на војната во Украина; а третото дека може да се случи реална војна, ако политичките лидери дозволат егото да ја замени дипломатијата.„Историјата нè учи дека војните ретко почнуваат поради логика – почнуваат поради суета, страв и пропаганда,“ вели тој.Во својата анализа, Груевски посочува и на опасноста од дестабилизација на Балканот, наведувајќи дека потенцијални жаришта остануваат Косово, Грција и Турција, како и внатрешните поделби во Европската унија.Во завршниот дел од текстот, тој повикува Македонија да биде подготвена на сите сценарија:„Да се надеваме дека разумот ќе преовлада, но и да бидеме подготвени ако не биде така. Малите држави, како нашата, немаат луксуз да бидат изненадени.“

Македонија | пред 4 месеци

Француската полиција трага по украдениот накит од Лувр, истрагата води кон Антверпен

Француската и белгиската полиција трагаат по накит вреден 102 милиони долари, украден од музејот Лувр во Париз. Истрагата сè повеќе води кон подземниот свет на индустријата за накит во Антверпен, кој со години се поврзува со перење и препродажба на украдени скапоцености.Белгиската полиција преку европската мрежа „Розов дијамант“ добила предупредување за можни обиди за продажба на украдените предмети и веднаш била ставена во готовност.Според истрагата, се следат канали преку кои накитот може да биде преправен или стопен, а се очекуваат и нови претреси во Антверпен и околината.

Свет | пред 4 месеци

Министерство за здравство во соработка со Светска банка посветено на реформи на примарната здравствена заштита и унапредување на здравствените политики

Министерот за здравство, Азир Алиу денеска одржа работен состанок со регионалната директорка на Светска банка за Западен Балкан, Шаошинг Ју, на која беа потенцирани приоритетите на Министерството за унапредување на јавното здравство.„Министерството за здравство е институционално мобилизирано и посветено на темелни реформи на системот на примарна здравствена заштита, вклучувајќи и интеграција на моделот на долготрајна нега. Овие два сегментa ќе бидат надополнети и со дигитализација како фундаментален и сеопфатен процес на реформа на здравствениот систем“, рече министерот Алиу.Целта на овие реформи е да се унапредат здравствените политики, да се подобри пристапот до здравствени услуги поблиску до местото на живеење, како и да се зајакне превентивната здравствена заштита.На состанокот се разговараше околу можностите Светска банка да овозможи аналитичка, техничка и финансиска поддршка за овие процеси.

Македонија | пред 4 месеци

Одржана третата седница на Советот на Општина Охрид

Градските советници денес ја одржаа третата седница, од конституирањето на новиот совет. На дневен ред беше ребаланост на буџетот на локалната самоуправа, со измени на програмите за работа на општинската администрација.Советниците на почетокот од работата, усвоија уште три точки кои се однесуваа на измени на развојните програми за капитални инвестици во областа на детската заштита и основното и средно образование. Во продолжение на седницата, советниците ги усвоија следните измени и дополнувања на програмите:Програма за изменување и дополнување на програмата за поддршка на локалниот економски развој на општина Охрид за 2025 година; Програма за изменување и дополнување на годишната програма за спорт и рекреација за 2025 година; Програма за изменување и дополнување на програмата за млади и невладини организации за 2025 година; Програма за изменување и дополнување на програмата за активностите на општина Охрид во областа на културата за 2025 година; Програма за изменување и дополнување на годишната програма за активностите на општина Охрид во областа на основното образование за 2025 година; Програма за изменување и дополнување на годишната програма за активностите на општина Охрид во областа на средното образование за 2025 година; Програма за изменување и дополнување на годишната програма на општина Охрид за детска заштита за 2025 година; Програма за изменување и дополнување на програмата за јавно осветлување за 2025 година; Програма за изменување и дополнување на програмата за одржување јавна чистота за 2025 година; Програма за изменување и дополнување на програмата за подигање и одржување на паркови и зеленило за 2025 година; Програма за изменување и дополнување на програмата за уредување на градежно земјиште во 2025 година; Програма за изменување и дополнување на Развојната програма за уредување на градежно земјиште за 2025 -2027 година; Програма за дополнување на Програмата ЈМ за капитални расходи за паркови и зеленило за 2025 година – подпрограма ЈМА реализација на „Проект за употреба и одржување на урбан простор и парк на дел од Кеј Македонија“; Програма ЈЕ изградба на простор за паркирање за 2025 година – подпрограма ЈЕА – реализација на основен проект „Изградба на катна гаража во Општина Охрид“; Програма ЈГ за дополнување на програмата за изградба на системи за водоснабдување за 2025 година подпрограма ЈГЦ – реализација на основен проект за мониторинг и управување СКАДА (SCADA) систем за водоснабдителен систем на град Охрид и изработка на ГИС систем со интеграција на двата системи;Програма за дополнување на Програмата ЈИ – изградба на системи за одведување и пречистување на отпадни води за 2025 година – подпрограма ФАЕ – реализација на Проектот „реконструкција на линиски инфраструктурен објект за фекална и атмосферска канализациона мрежа за дел од улици „Малесија“, „Александар Гушо“, „Трајче Дојчиноски“, „1-ви Мај“, „Вангел Николоски“, „Дебарца“ и „Момчило Јорданоски“; Програма за дополнување на Програмата ЈД Изградба и реконструкција на локални патишта и улици за 2025 година – подпрограма ЈДХ – реализација на основен проект „Реконструкција на линиски инфраструктурен објект за постоечки локален пат од Камп Љубаништа до стационажа од км. 0+000,00 до км. 0+999,24“; Програма за дополнување на Програмата  ЈД Изградба и реконструкција на локални патишта и улици за 2025 година – подпрограма ЈДИ – реализација на основен проект „Реконструкција на потег дел од улица „Петрино“ до пресек со улица „Караорман“, село Лескоец-Охрид“; Програма за дополнување на Програмата ЈД Изградба и реконструкција на локални патишта и улици за 2025 година – подпрограма ЈДЈ – реализација на основен Проект „Реконструкција на линиски инфраструктурен објект кој ги поврзува село Велгошти со село Лескоец“; Програма за дополнување на Програмата ЈД Изградба и реконструкција на локални патишта и улици за 2025 година – подпрограма ЈДК – реализација на основен Проект „Реконструкција на линиски инфраструктурен објект, реконструкција на дел од улица „Даме Груев“ од кружна крстосница „Јане Сандански“ со улица „Питу Гули“ до пресек со „Булевар Туристичка“; Програма ЈД за дополнување на Програмата Изградба и реконструкција на локални патишта и улици за 2025 година – подпрограма ЈДЛ – реализација на основен Проект „Реконструкција на линиски инфраструктурен објект на дел од улица „7-Ми Ноември“ од кружна крстосница „Охридска банка“ до пресек со улица „Егејска“ – Охрид“; Програма ЈД за дополнување на Програмата за изградба и реконструкција на локални патишта и улици за 2025 година – подпрограма ЈДМ – реализација на основен проект „Реконструкција на линиски инфраструктурен објект за дел од улица „Кленоец“ и дел од улица „Петрино“; Програма ЈД за дополнување на Програмата за изградба и реконструкција на локални патишта и улици за 2025 година – подпрограма ЈДН – реализација на основен проект „Реконструкција на линиски инфраструктурен објект за населба Бараки во град Охрид“; Програма ЈД за дополнување на Програмата за изградба и реконструкција на локални патишта и улици за 2025 година – подпрограма ЈДО – реализација на основен проект „Реконструкција на линиски инфраструктурен објект – локален пат за село Завој“; Програма ЈД за дополнување на прогтрамата за изградба и реконструкција на локални патишта и улици за 2025 година – подпрограма ЈДП – реализација на основен проект „Реконструкција на линиски инфраструктурен објект – улица во село Долно Лакочереј (крак 2)“; Програма ЈД за дополнување на Програмата за изградба и реконструкција на локални патишта и улици за 2025 година – подпрограма JDQ – реализација на „Основен проект за линиски инфраструктурен објект – локален пат од село Лескоец до село Горно Лакочереј“. Програма ЈД за дополнување на Програмата за иградба и реконструкција на локални патишта и улици за 2025 година – подпрограма ЈДР – реализација на основен проект „Реконструкција на линиски инфраструктурен објект на дел од улица „Партизанска“ (населба Охридати) во град Охрид“; Одлука за изменување и дополнување на Буџетот на ЕЛС Охрид за 2025 година; Одлука за донесување на буџетскиот календар и одлука за отпис на основни средства – лаптопи.

ОО | пред 4 месеци

Одржана втората седница на новиот совет

Денес се одржа втората седница на новиот совет на Општина Охрид. Пред советниците беа единаесет точки, кои беа надополнети со уште две за прекинување на мандатот и верификација на нов мандат. Констатирана беше оставката на советничката Марина Ѓоргоска, а на нејзинот место беше верификуван мандатот на новата советничка Рита Неранџоска.Во продолжение советниците ги екипираа статутарно-правната комисија, комисијата за финансии и буџет, комисијата за јавни и комунални дејности, комисијата за урбанизаам,  комисијата за општествени дејности, комисијата за туризам и локален економски развој, комисијата за заштита на животната средина, комисијата за млади и спорт, комисијата за месна самоуправа, комисијата за одбележување празници и манифестации и доделување награди и признанија и комисијата за еднакви можности меѓу мажите и жените.Честитатајќи им го изборот, претседателот на советот Перчо Божиноски, ги повика советниците совесно и ефикасно да работат и задолжително да присуствуваат  на сите комисиски расправи.

ОО | пред 4 месеци

Четвртоодделенците од ООУ „Христо Узунов“ во посета на Општина Охрид

Во рамки на предвидениот план и програма за работа, денеска четвртоодделенците од ООУ „Христо Узунов“ беа во посета на Општина Охрид.Младите гости и одделенските наставници ги прими градоначалникот Кирил Пецаков во придружба на секретарот, Александар Китески. Тие ги инмформираа учениците за начинот на функционирање и надлежностите на локалната власт, за работата на општинската администрација и Советот на општината.Во пријатна атмосвера  градоначалникот Пецаков ги сослуша и одговараше на сите прашања што  му ги поставуваа децата.Денешната посета на учениците е во рамки на наставната програма за четврто одделение по предметот Историја и општество.

ОО | пред 4 месеци

Израел го прекрши прекинот на огнот во Газа 282 пати, убиени се стотици цивили.

Месец дена по прогласувањето на прекинот на огнот во Газа, Израел го прекрши речиси секојдневно со напади во кои загинаа стотици луѓе, пишува „Ал Џезира“. Владината канцеларија за медиуми во Газа извести дека од 10 октомври до 10 ноември Израел го прекршил прекинот на огнот најмалку 282 пати, вклучувајќи воздушни и артилериски напади, пукање кон цивили и уништување на приватна имот.Услови на прекинот на огнотСАД на 29 септември предложија 20-точковен план за завршување на војната, пристап на хуманитарна помош и повлекување на израелските сили. Договорот вклучува прекин на непријателствата, укинување на блокадата на помошта, ослободување на заробеници и повлекување на израелските сили до „жолтата линија“. Договорот беше потпишан на 13 октомври, но Израел и Хамас не присуствуваа, што доведе до сомнежи за неговата изводливост.Напади и жртвиСпоред Ал Џезира, Израел ја нападнал Газa во 25 од последните 31 ден од прекинот на огнот. Од 10 октомври, загинале најмалку 242 Палестинци, повредени се 622, а најсмртоносни денови биле 19 и 29 октомври. До 10 ноември 2025, според палестинското Министерство за здравство, загинале најмалку 69.179 лица, вклучувајќи 20.179 деца, а повредени се 170.693.Помош и блокадиИако договорот предвидуваше „целосна помош веднаш“, во Газа стигнува само дел од потребната храна, додека Израел блокирал основни прехранбени производи и дозволува увоз на нехранлива стока како грицки и безалкохолни пијалоци.Размена на заробеници и телаХамас ослободи 20 израелски заробеници во замена за палестински затвореници, а Израел врати 300 палестински тела, многу од нив со траги на тортура.Меѓународно правоПрекршувањето на прекинот на огнот претставува кршење на политичкиот договор, но не секогаш и на меѓународното право, освен ако договорот не е обврзувачки.

Свет | пред 4 месеци

Жена од Хрватска фатена при превоз на мигранти кај Војниќ

Полицијата во подрачјето на општина Војниќ во Хрватска спречила уште едно криумчарење на мигранти. Минатиот четврток, на 6 ноември, полициските службеници запреле патнички автомобил со задраски регистарски таблички, управуван од 56-годишна хрватска државјанка, во кој таа превезувала странски државјани, соопштија од Полициската управа Карловац.Криумчарела од користољубиеСо спроведеното криминалистичко истражување утврдено е дека осомничената 56-годишна жена, од користољубие и за однапред договорен паричен износ, во возилото превезувала странски државјани кои нелегално влегле на територијата на Република Хрватска.Следи кривична пријаваОсомничената жена е предадена на притворски надзорник на Полициската управа Карловац со кривична пријава до надлежното државно обвинителство. Се сомничи дека сторила кривично дело — противзаконито влегување, движење и престој во Република Хрватска, друга земја членка на Европската Унија или потписничка на Шенгенскиот договор. Со странските државјани е постапено согласно со Законот за меѓународна и привремена заштита и Законот за странци.

Свет | пред 4 месеци

Полицаец од Копривница осомничен за мачење на двe момчиња

Општинското државно обвинителство во Копривница покрена истрага против 52-годишен полицаец под сомнение дека во просториите на полициската станица физички и психички малтретирал двајца млади момчиња на возраст од 19 и 22 години.Според наводите на обвинителството, постои основано сомнение дека полицискиот службеник на 7 октомври 2025 година во Копривница постапувал кон младиќите на „понижувачки начин кој вклучувал закани и заплашување“ со цел да добие од нив информации или признание поврзано со еден прекршок.По испитувањето на осомничениот, Општинското државно обвинителство предложило на истражниот судија на Жупанискиот суд во Вараждин да му биде одреден притвор поради опасност од влијание врз сведоци. Судијата го прифатил предлогот и одредил притвор.Против полицаецот се води истрага за кривично дело мачење и друго сурово, нечовечно или понижувачко постапување или казнување, за што Кривичниот законик предвидува повеќегодишна затворска казна.

Свет | пред 4 месеци

Димковски: Изјавата на Мицкоски дека лично барал запирање е доказ за непознавање на системот на ИПАРД

Изјавата на премиерот Христијан Мицкоски дека лично побарал да се запрат исплатите од ИПАРД програмата, е најдобар доказ за целосно непознавање на системот на дистрибуција и управување со европските фондови, оцени претседателот на Комисијата за земјоделство, шумарство и водостопанство на СДСМ и поранашен министер, Трајан Димковски.-Да укажеме дека Македонија е една од неколкуте земји кои користат вакви европски кохезиони фондови за развој и тие си имаат свои процедури за трошење на своите пари и, токму ова значи дека при ваков скандал веднаш по автоматизам се носи времена прекин за користење на парите. После временото стопирање на користење на средствата незнаејки до каде ќе оди истрагата и што се ќе излезе на виделина допрва ќе видиме, но ова времено запирање може да прерасне и во целосна суспензија на ИПАРД програмата, вели Димковски.Тој потсети дека дека само пред две години во една наша соседна држава имавме суспендирање на ИПАРД програмата при што веднаш беше разрешен министерот за земјоделство, така во овој случај доколку нема морална одговорност мора да има разрешување на министерот од страна на премиерот.-При ваков скандал кој ви се случува во ресорот, а вие како министер да кажувате дека Агенцијата не е дел од министерството, а сите програми за спроведувањеи исплата во Платежна агенција и исплата ги носи министерството, да блиски луѓе од кабинет ви бидат опфатени во истрагата и притворени. Се поставува прашањето дали сегашниот министер може да влијае на истрагата и во најмала рака заради јакнење на довербата на политичарите спрема граѓаните треба да си поднесе оставка, вели Димковски

Македонија | пред 4 месеци

Широко-опфатни активности за одржување на јавната чистота и зеленило

Оперативните служби со интензивни активности за одржување на јавните површини во есенскиов период. Се собираат паднатите лисја од пешачките патеки, тротоари, велосипедски патеки, покрај коловозните ленти, од парковите и другите хортикултурни содржини во поширокото градско подрачје.Секојдневно се одржува јавната хигиена покрај крајбрежниот појас од кејот и градското пристаништеСе собира расфр.ланиот комунален отпад покрај коловозните ленти на патниот правец до Свети Наум.Се уредуваше дива вегетација во с. Велгошти и Стар Град.в

ОО | пред 4 месеци

(Видео) Судир на скопската обиколница, делови од возилата распрскани коловозот

Вечерва на скопската обиколница се случи сообраќајна несреќа меѓу два автомобили. Според првичните информации, засега нема податоци дали има повредени лица, но делови од возилата се распрскани низ коловозот.Местото на несреќата е обезбедено од полициски екипи, кои во моментов вршат увид за да се утврдат причините за судирот.Сообраќајот на овој дел од обиколницата се одвива отежнато, додека трае увидот.

Македонија | пред 4 месеци

Менди Ќира го продава службеното „Ауди“ на Мерко, најави отказ за сите што земаат плата без да одат на работа

Новиот градоначалник на Струга, Менди Ќира, денеска го прими уверението за мандатот, по што имаше примопредавање на функцијата од досегашниот градоначалник Рамиз Мерко.Ќира на прес-конференција се заблагодари за поддршката и вети дека ќе биде градоначалник за сите граѓани на Струга, без разлика дали го дале својот глас за него и оти веднаш ќе почне со реализација на ветеното. Тој повтори дека од денеска „почнуваат промените“ во општина Струга.Ќира рече дека веднаш потпишал предлог-одлука за продажба на службениот автомобил „Ауди“ кој го купи неговиот претходник и дека својот приватен автомобил ќе го користи за службени потреби.„Денеска почнуваме од зборови на дела. Промените почнуват, мојот изборен и среќен број, 133, стои и на таблиците на мојот автомобил, кој од денеска ќе ѝ служи на Општина Струга во наредните 4 години. Исто така, донесовме важна одлука – за сите вработени кои не одат на работа со денови, месеци и со години, а некои од нив работат во странство, од денеска почнува процес на раскинување на решенијата за вработување“, рече Ќира.Како еден од најголемите приоритети го посочи патот Мороишта-Струга, потоа решавањето на проблемот со паркинг местата, комуналните проблеми.Во врска со проблемот со депонијата во Струга, смета дека ќе се реши со отворањето на регионална депонија што се очекува да се случи во 2026 година.Ќура рече и дека во договор со Владата во наредните денови комуналното претпријатие ќе добие 8.000 канти за смет, како и возила за потребите на претпријатието.

Македонија | пред 4 месеци

(Фото) Судир на патот Горно – Долно Лисиче, едно лице пренесено во болница

Тешка сообраќајна несреќа се случи вечерва на патот Горно Лисиче – Долно Лисиче, во која учествуваа две патнички возила со скопски регистарски ознаки.Според првичните информации, по судирот меѓу возилата настанала значителна материјална штета, а едно лице било повредено и со возило на Брза помош било пренесено во болница.Полицијата изврши увид на местото на настанот, а повеќе детали за причините на несреќата се очекуваат по завршувањето на истрагата.

Македонија | пред 4 месеци

Полицаец предводел банда крадци на бакарни кабли од фабриката ,,Железара”

Министерството за внатрешни работи информира дека полицаецот со иницијали Н.А. од Скопје, вработен во Полициската станица Аеродром, е обвинет за тешка кражба. Според МВР, Н.А. заедно со три лица украл бакарни кабли од поранешна фабрика во Скопје во периодот од јануари до мај оваа година.Основното јавно обвинителство Скопје донесе Наредба за спроведување истражна постапка поради основано сомнение за дејствијата од делото Тешка кражба од член 236 став 4 во врска со став 1 точка 1 од Кривичниот законик, извршена во кругот на фабриката „Железара“ во Скопје.Лицата се товарат дека од објектот на „Полуконти –ИГМ“ и подземните тунели низ кои поминуваат кабли за напојување со електрична енергија одзеле повеќе километри високоенергетски и среднонапонски кабли во сопственост на оштетените правни лице АД ЕСМ – Електрани на РСМ – Подружница енергетика Скопје и МакСтил АД Скопје во вкупна вредност од околу 440 илјади евра.

Македонија | пред 4 месеци

Мајката на загинатиот Стефан го одби Вучиќ: „За што зборува тој? Доста ми е веќе од тоа.“

Дијана Хрка, мајката на загинатиот Стефан Хрка, деветти ден штрајкува со глад и одби средба со претседателот Александар Вучиќ. Таа изјави дека со него веќе разговарала по телефон и дека нема причина за личен состанок, бидејќи, како што вели, тој тврди дека „не е надлежен“ за ништо од нејзините барања.Хрка побара институциите да утврдат кој фрлил топовски удар кон нејзиниот шатор во близина на Ќаќиленд. Обвини дека тоа бил напад на „платеници“ и дека полицијата не реагирала.„Имаше една година, ако не е надлежен – зошто да одам? Шеснаесет луѓе се убиени, никој не е уапсен, а студентите се гонат. Ако сака нешто да направи, нека распише избори и нека ја изгради настрешницата“, рече таа.Хрка додаде дека Вучиќ ја „лажел од почеток“ и дека „не го сака својот народ“. „Доста ми е, нема да одам на средба со него“, заврши таа.

Свет | пред 4 месеци

Претседателката Сиљановска-Давкова прими делегација на Меѓупарламентарната група за пријателство од шведскиот парламент – Риксдаг

Претседателката Гордана Сиљановска-Давкова прими делегација на Меѓупарламентарната група за пријателство од шведскиот парламент – Риксдаг, предводена од Лота Џонсон Форнавре, во придружба на амбасадорот на Кралството Шведска, Oла Солстром.Сиљановска-Давкова изрази задоволство од извонредната соработка со шведските пратеници, заснована на взаемна доверба и почит, нагласувајќи дека таквото партнерство претставува основа за натамошно зајакнување на вкупните билатерални односи меѓу двете држави.Таа потсети дека Шведска е четвртиот најголем билатерален донатор на земјава и дека нејзината поддршка не се огледува само во развојната помош, туку и во улогата на фасилитатор на европските реформи.Како поранешна членка на Надзорната група за соработка со шведскиот Риксдаг, Сиљановска-Давкова нагласи дека шведската парламентарна демократија отсекогаш била пример од кој можеме да учиме. Според неа, искуството стекнато преку таквата соработка претставува поттик за нови, отворени и конструктивни дијалози што ќе ја зајакнат политичката култура и институционалната зрелост во земјава.Шведските пратеници изразија отвореност и решеност за продолжување на парламентарната соработката, размена на демократските искуства и помош и поддршка на македонскиот евроинтегративен процес.Претседателката порача дека напредувањето кон ЕУ мора да се темели на мерит систем, а не на политички условувања и еднострани барања.

Македонија | пред 4 месеци

Леон, дете со аутизам, посилен од предрасудите: Го изненади другарчето кое единствено него не го покани на роденден

На ФБ страната на непрофитната организација „Се молиме за Македонија” е објавен пост за гестот на Леон, дете се аутизам, коj единствен не беше поканет на роденденот на неговoto школскo другарче:„Потег за поздрав!Откако пред еден месец Леон (12) од Скопје кој има аутизам беше единственото дете во одделението кое не доби покана за роденденот на негово другарче, реши да го изненади - во училиштето му донесе пожарникари, пилот, кошаркари, планинари и жена полицаец и му измами насмевка.Најголема радост беше дружбата со скопските пожарникари кои го провозеа во противпожарното возило”, напишаа од непрофитната организација „Се молиме за Македонија”.(Скопје 1, бидејќи се рабиоти за малолетно лице, не го објавува името на соученикот на Леон).

Македонија | пред 4 месеци

Лукоил прогласи „виша сила” на огромното нафтено поле во Ирак поради санкциите на САД

поред информациите на Reuters, рускиот нафтен гигант Лукоил прогласи „виша сила“ за испораките на нафта од своето огромно поле Западна Курна 2 во Ирак. Ова е показател дека санкциите на САД почнуваат да влијаат врз меѓународниот бизнис на вториот најголем производител на нафта во Русија.Ова законски го ослободува Лукоил од договорните обврски, но не значи автоматски целосно запирање на испораките. Сепак, ирачката државна компанија за маркетинг на нафта (SOMO) веќе откажа три товари на Лукоил закажани за испорака во ноември.Доколку причините за „вишата сила”не се отстранат во рок од шест месеци, Лукоил ќе го запре производството.Сега ниикој не знае дали нафтата ќе продолжи да се вади, но Ирак ги замрзна плаќањата кон Лукоил по воведувањето на санкциите. Лукоил поседува 75 проценти од акциите во полето Западна Курна 2, кое произведуваше повеќе од 480.000 барели нафта дневно.САД воведоа санкции врз Лукоил минатиот месец како дел од желбата на администрацијата на Трамп да го зголеми притисокот врз Москва за прекин на војната во Украина. Лукоил реагираше со објавување планови за продажба на своите средства во странство, вклучувајќи ја и Западна Курна 2.Компанијата ја прифати понудата на групацијата Гунвор, но договорот пропадна по острата реакција од Министерството за финансии на САД, кое го нарече Гунвор „марионета на Кремљ“, што го натера Гунвор да ја повлече својата понуда.

Свет | пред 4 месеци