ИРАН

Сенатот го поддржа Трамп, не му ги ограничи воените овластувања во конфликтот со Иран

Сенатот не ја изгласа Резолуцијата за ограничување на воените овластувања на американскиот претседател Доналд Трамп во конфликтот со Иран.Резолуцијата со која се бараше прекин на сите непријателства кон Иран, што не беше одобрена од Конгресот, ја предложи демократскиот сенатор Тим Кејн. „Против“ неговата иницијатива се изјаснија 53 сенатори, а 47 беа „за“.Единствен демократ кој гласаше против е сенаторот од Пенсилванија, Џон Фетермен, а за гласаше сенаторот од Кентаки Ранд Пол.Доналд Трамп ја втурна Америка во конфликт без јасни цели, без план и без овластување од Конгресот, изјави пред гласањето лидерот на демократите во Сенатот, Чак Шумер.Конгресот има ингеренции за објавување на војна, но Резолуција за воени овластувања првпат беше употребена како одговор на Виетнамската војна во 1973 година, со која му се овозможува на претседателот на поведе ограничена воена интервенција за да одговори на непосредна закана по САД.Демократите тврдат дека во случајот со Иран немало непосредна закана по САД.За резолуцијата денеска ќе се гласа во Претставничкиот дом, а поради републиканското мнозинство се очекува сличен резултат.

Свет | пред 3 седмици

Иран: Турција е пријателска земја, не лансиравме ракета кон неа

Турција, откако Анкара вчера објави дека воздушната одбрана на НАТО соборила ракета од иранско потекло додека се движела кон нејзиниот воздушен простор.Генералштабот на иранските вооружени сили ги отфрли тврдењата за лансирање ракета во соопштение.Вооружените сили на Исламската Република Иран го почитуваат суверенитетот на соседната и пријателска земја Турција и негираат какво било лансирање ракета кон територијата на таа земја“, се вели во соопштението објавено од иранската новинска агенција Мехр.Според турското Министерство за одбрана, ракетата се приближила до турскиот воздушен простор откако прелеталa над Ирак и Сирија. Немало жртви во пресретнувањето на ракетата. Не е откриено каде точно била насочена ракетата, но портпарол на НАТО изјави дека алијансата го осудува иранското насочување кон Турција и цврсто стои зад сите сојузници.Турскиот претседател Реџеп Таип Ердоган изјави дека Турција презема сите потребни мерки на претпазливост во координација со своите сојузници од НАТО и дека се издадени најјасни предупредувања за да се спречи повторно повторна појава на слични инциденти.

Свет | пред 3 седмици

(Видео) Дрон го погоди аеродромот во Азербејџан

Проектили и дронови кои пристигнале од правец на Иран денеска паднале на подрачјето на аеродромот во азербејџанската енклава Нахчиван, потврди за Ројтерс извор близок до владата на Азербејџан.Според истиот извор, по инцидентот избил пожар, а властите наскоро треба да објават официјално соопштение. Засега не е познато колку проектили и дронови го погодиле тоа подрачје.Аеродромот се наоѓа на околу 10 километри оддалеченост од границата со Иран.На социјалните мрежи се појавија снимки од ударот.Нахчиван е азербејџанска енклава одвоена од остатокот на земјата со територија на Ерменија и граничи со Иран и Турција.

Свет | пред 3 седмици

Мелони: Италија планира да испрати системи за противвоздушна одбрана во Персискиот залив

Италијанската премиерка Џорџија Мелони изјави дека Италија планира да испрати помош во форма на системи за противвоздушна одбрана во земјите на Персискиот залив, следејќи го примерот на Обединетото Кралство, Франција и Германија.Не е тоа само затоа што станува збор за пријателски земји, туку пред сè затоа што десетици илјади Италијанци живеат во тој регион, а таму се распоредени и околу 2.000 италијански војници – луѓе кои сакаме, и мораме, да ги заштитиме“, изјави Мелони за италијанска радиостаница утрово.

Свет | пред 3 седмици

Зеленски донесе одлука: Украина испраќа експерти за ирански дронови на Блискиот исток

Володимир Зеленски објави дека неговата земја ќе испрати дел од своите воени експерти на Блискиот исток за да помогнат во борбата против иранските дронови и проектили. Зеленски на платформата X соопшти дека ги задолжил клучните министри и шефовите на безбедносните служби да изработат план за помош кој нема да ги загрози одбранбените способности на Украина, јавува The Hill.Според зборовите на Зеленски, Иран во само неколку дена лансирал повеќе од 800 проектили и над 1.400 јуришни дронови.Токму иранските дронови и проектили претставуваат главна закана за слободната пловидба, дестабилизирајќи ги глобалните цени на нафтата, нафтените деривати и гасот“, напиша тој.Зеленски посочи дека се советува со партнери во Европа и САД, како и дека веќе разговарал со лидерите на Обединети Арапски Емирати, Катар, Јордан и Бахреин. Во план се и разговори со Кувајт и други земји во регионот.Сите тие се соочуваат со сериозна закана и отворено зборуваат: иранските јуришни дронови се исти 'Шахеди' кои напаѓаа по нашите градови, села и украинската инфраструктура за време на оваа војна“, додаде Зеленски.Иранските дронови Шахед-136 се оружје кое го користат руските сили во војната против Украина.

Свет | пред 3 седмици

Кипарски функционер: Дронот кој го погоди британското воздухопловство на Кипар не полетал од Иран

Кипар тврди дека дронот Шахед, кој го погоди британската воздухопловна база на јужниот брег на оваа островска држава, бил лансиран од Бејрут.Кипарски функционер потврдил, под услов на анонимност, дека дронот кој го оштети хангарот на RAF Акротири веднаш по полноќ во понеделникoот, полетал од либанската престолнина.Британските воени авиони кои полетале од базата RAF Акротири пресретнале уште два дрона откриени во понеделник напладне.Имало неколку лажни аларми поврзани со дронови по овие првични напади.

Свет | пред 3 седмици

Денес ќе се евакуираат македонските државјани од Израел, во следните денови започнува евакуацијата од ОАЕ, Катар, Бахреин и Кувајт преку Саудиска Арабија

Министерството за надворешни работи и надворешна трговија информира дека, заклучно со денес, во рамки на процесот на евакуација, во Амбасадата на Република Северна Македонија во Абу Даби се евидентирани 505 македонски државјани, од кои 458 престојуваат во Обединетите Арапски Емирати. Дополнително, 31 лице се пријавени од Кувајт, а 14 лица од Бахреин. Во Доха, заклучно со денес, се евидентирани 141 македонски државјанин.„Лицата кои изразија подготвеност за евакуација од Израел се очекува во попладневните часови со владиниот авион да полетаат кон Скопје. Со тоа целосно ќе се заокружи процесот на враќање на сите граѓани кои побараа извлекување од Израел.Во следните денови се очекува да започне реализацијата на враќањето на македонските државјани од Обединетите Арапски Емирати, како и на граѓаните кои се наоѓаат во Катар, Бахреин и Кувајт, за кои е предвидено враќање со организирани летови преку Кралството Саудиска Арабија. Процесот на евакуација се реализира согласно веќе разработен план, во согласност со безбедносните услови и во координација со надлежните институции. Министерството за надворешни работи и надворешна трговија уште еднаш ги повикува сите македонски државјани кои сè уште не стапиле во контакт со надлежните дипломатско-конзуларни претставништва, а имаат потреба од асистенција, да го сторат тоа во најкраток можен рок преку дежурните телефонски броеви во дипломатско-конзуларните претставништва или преку СОС-бројот на МНРиНТ. Министерството останува во постојана комуникација и целосно на располагање на граѓаните, со приоритетна цел – нивно безбедно и навремено враќање“, се вели во соопштението од МНР.

Македонија | пред 3 седмици

Иран: Ќе ги гаѓаме бродовите на САД, Израел и Европа ако поминат низ Ормутскиот теснец

Иранска револуционерна гарда соопшти дека Ормутскиот теснец, една од најважните светски поморски рути, е затворен само за бродови од САД, Израел, Европа и други западни сојузници.Претходно рековме дека, во согласност со меѓународното право и резолуциите, Исламската Република Иран во време на војна ќе има право да го контролира преминот низ Ормутскиот теснец“, соопшти IRGC, пренесува државната телевизија IRIB.Тие додадоа дека бродовите кои припаѓаат на САД, Израел, Европа и нивните сојузници, ако бидат забележани, сигурно ќе бидат погодени.Ормутскиот теснец практично е затворен откако САД и Израел започнаа заедничка операција против Иран, што доведе до нагло зголемување на цените на нафтата и предизвика загриженост за можните последици врз глобалната економија.

Свет | пред 3 седмици

Катар енерџи обвинува „виша сила“: Прекинати испораките на гас

Компанијата Катар енерџи денеска соопшти на своите купувачи дека нема да може да испорача течен природен гас според договорените услови, повикувајќи се на „виша сила“. Ова сигнализира можно заострување на трката за енергент помеѓу купувачите во Европа и Азија.Компанијата претходно во понеделникот објави дека поради „воени напади“ врз постројките во индустриските градови Рас Лафан и Месаид, прекинала производство на течен природен гас. Управата не соопшти кога постројките би можеле да продолжат со работа.Катарското Министерство за одбрана соопшти дека два дрона лансирани од Иран извршиле напад, при што целите биле резервоар за вода во состав на електрана во Месаид и енергетски објект во сопственост на Катар енерџи во Рас Лафан.Надлежните власти темелно ќе ја проценат штетата и загубите предизвикани од нападот, а официјално соопштение ќе биде објавено подоцна“, пренесе Al Jazeera.Катар произведува приближно петтина од светскиот течен природен гас и е втор на листата на водечки светски извозници, веднаш зад САД. Околу 82 отсто од катарскиот гас го купуваат клиенти од Азија.Прекинот на испораките дополнително ќе ја заостри конкуренцијата за течен гас, бидејќи европските купувачи сега ќе се соочат со конкуренција од азиските пазари.

Свет | пред 3 седмици

Канада можеби ќе се вклучи во конфликтот: „Не можам целосно да исклучам испраќање на војска на Блискиот Исток“

Канадскиот премиер Марк Карни изјави дека не може целосно да го исклучи можното воено учество на Канада во војниот конфликт на Блискиот Исток, но истовремено повика на деескалација на конфликтот.Карни, кој оваа недела престојуваше во Австралија, одговарајќи на прашање на заедничка прес-конференција со австралискиот колега Ентони Албанезе во Канбера, истакна дека „невозможно е категорички да се исклучи учеството“, нагласувајќи дека станува збор за хипотетичко прашање.„Ќе застанеме покрај нашите сојузници“, додаде Карни, истакнувајќи дека „секогаш ќе ги браниме Канаѓаните“. Тој го критикуваше американско-израелскиот напад врз Иран како „несогласен со меѓународното право“, но истовремено ја поддржува целта да се спречи Иран во развојот на нуклеарно оружје, што според него претставува „уште еден пример за неуспех на меѓународниот поредок“.Премиерот повикa за деескалација на конфликтот и објасни дека целта на неговата турнеја во азиско-пацифичкиот регион е да се намали зависноста на Канада од САД во заштитата на земјата, како и да се обезбедат инвестиции и продлабочат врските со партнерите од „средните сили“ со кои Канада споделува многу ставови.

Свет | пред 3 седмици

Иранската војска тврди: Погоден американски танкер во Персискиот Залив

Иранската Револуционерна гарда (IRGC) соопшти дека нејзината морнарица утрово погодила американски танкер во северниот дел на Персискиот Залив.Во соопштението се наведува дека воени и трговски бродови на Соединетите Американски Држави, Израел и европските земји кои ги поддржуваат „нема да можат да минуваат“ низ тоа подрачје.Од иранската гарда додаваат дека Иран претходно предупредил дека во време на војна има право да го контролира преминот низ Ормуски Теснец.Веќе кажавме дека, врз основа на меѓународните закони и резолуции, Исламската Република Иран во време на војна ќе има право да го контролира преминот низ Ормускиот Теснец“, се наведува во соопштението, пренесе иранската новинска агенција Tasnim.

Свет | пред 3 седмици

Оман повикува на итен прекин на војната

Министерот за надворешни работи на Оман, Бадр ал-Бусаиди, повторно повика на итен прекин на војната и порача дека неговата земја ќе помогне во враќањето на луѓето кои поради конфликтот останале заглавени на нејзината територија.Оманската влада соработува со вашите влади и со меѓународните авиокомпании за да организира летови кои ќе ве вратат дома“, напиша тој во објава на платформата X.Тој додаде дека ова се однесува на сите луѓе, без оглед на нивното државјанство.Граѓаните на сите земји имаат човеково право на безбедност и заштита. Да ја запреме оваа војна веднаш“, порача ал-Бусаиди.https://x.com/badralbusaidi/status/2028884428794282284?s=20

Свет | пред 3 седмици

Дали Израел се подготвува за инвазија? Повторено предупредување за евакуација на цивилите

Израелски одбранбени сили (IDF) повторно упатија предупредување до цивилите во јужен Либан да се евакуираат од своите домови, во услови на борбите меѓу Израел и либанската милитантна група Хезболах.Морате веднаш да продолжите да се движите северно од реката Литани“, се наведува во пораката на портпаролот на израелската армија, полковникот Авичај Адраи, упатена до либанските цивили, пренесе The Times of Israel.Адраи посочи дека предупредувањето се однесува и на жителите на градовите Тир и Бинт Џбејл.Секој што се наоѓа во близина на оперативците на Хезболах, нивните објекти или оружје го доведува својот живот во опасност. Секоја куќа што Хезболах ја користи за воени цели може да стане цел на напад“, предупреди Адраи.Израелската армија проценува дека досега повеќе од 300.000 либански цивили се евакуирани од селата во јужен Либан. За време на борбите меѓу Израел и Хезболах во 2024 година, речиси 1,2 милиони жители на Либан биле раселени од своите домови.

Свет | пред 3 седмици

Закана: САД извршија злосторство на море, горко ќе зажалите

Иранскиот министер за надворешни работи Абас Арагчи изјави дека Соединетите Американски Држави ја нападнале иранската фрегата „Дена“ и дека „горко ќе зажалат поради преседанот што го поставиле“.Според него, фрегатата „Дена“ имала околу 130 морнари и била гостин на индиската морнарица, а нападот бил извршен во меѓународни води без претходно предупредување, пренесува Ројтерс.САД извршија злосторство на море, на 2.000 милји од иранските брегови. Запомнете ги моите зборови: САД горко ќе зажалат за преседанот што го поставија“, напиша тој на социјалната мрежа X.Според информациите, нападот на американска подморница го погодил иранскиот брод во близина на јужниот брег на Шри Ланка, илјадници километри од Персискиот Залив.

Свет | пред 3 седмици

Повеќето летови од Дубаи и натаму се суспендирани

Повеќето летови од меѓународниот аеродром во Дубаи и натаму се суспендирани, соопштија аеродромските власти, повикувајќи ги патниците да не доаѓаат на аеродром доколку нивната авиокомпанија не им го потврдила времето на полетување.Во објава на социјалните мрежи се наведува дека патниците без потврден лет можеби нема да можат да влезат во терминалите.Патниците се советуваат за најновите информации да се обратат директно до својата авиокомпанија.Авиокомпанијата „Емиратс“ соопшти дека сите редовни летови кон и од Дубаи се суспендирани до 7 март во 23:59 часот по локално време, поради затворање на воздушниот простор во регионот.Од компанијата додаваат дека на ограничениот број достапни летови предност ќе имаат патниците со претходно направени резервации, додека патниците кои патуваат во транзит преку Дубаи ќе можат да продолжат само доколку имаат потврден следен лет.

Свет | пред 3 седмици

(Видео) Белата куќа: Трамп нареди напад врз Иран затоа што имал „добро чувство“

Американскиот претседател Доналд Трамп наредил напад врз Иран затоа што имал „добро чувство“ дека иранскиот режим подготвува напад врз САД, изјави портпаролката на Белата куќа, Каролин Левит.Според неа, претседателот се соочил со избор – дали американската војска прва да ја отстрани заканата или да чека Иран да нападне.„Претседателот беше соочен со избор: дали САД ќе ги искористат своите воени способности за први да ја отстранат заканата која 47 години ѝ се заканува на нашата земја или, како врховен командант, ќе седи и ќе гледа како иранскиот режим ги напаѓа нашите луѓе во регионот“, изјави Левит.Таа додаде дека од перспектива на Трамп, неактивноста била „неприфатлива“, што ја поттикнало одлуката за почеток на воената операција.Според Белата куќа, точниот момент на нападот бил одреден врз основа на разузнавачки процени за локацијата на иранскиот врховен лидер ајатолах Али Хамнеи и други високи претставници на режимот.„Тоа очигледно имало влијание врз временската рамка на операцијата, но не и врз самата одлука на претседателот“, додаде Левит.

Свет | пред 3 седмици

Иран започна нов бран напади врз Израел

Иранската Револуционерна гарда започна нов бран ракетни и напади со беспилотни летала врз Израел, објавија иранските државни медиуми, по ескалацијата што следуваше откако израелската војска претходно изврши обемен напад врз ирански воен комплекс.Според соопштението на Израелски одбранбени сили (ИДФ), цел на нападот биле повеќе командни центри и припадници на внатрешната безбедност во источен Техеран, вклучително и седиштето на Иранската револуционерна гарда.Во меѓувреме, неименуван командант на морнарицата на Иранската револуционерна гарда изјавил за државните медиуми дека Иран во Персискиот Залив ќе таргетира американски и британски бродови што превезуваат товар за Израел, без оглед на знамето под кое пловат.Тој додал дека Иран досега во текот на конфликтот нападнал повеќе од десет бродови и танкери. Изјавата следува по претходните ирански закани дека бродови би можеле да бидат нападнати доколку се приближат до Ормуски Теснец, една од најважните светски рути за транспорт на нафта.

Свет | пред 3 седмици

Белата куќа: Нетанјаху не ја диктирал одлуката на Трамп за напад врз Иран

Белата куќа ги отфрли тврдењата дека одлуката на американскиот претседател Доналд Трамп за напад врз Иран била донесена по телефонски разговор со израелскиот премиер Бенјамин Нетанјаху.Портпаролката на Белата куќа, Каролин Левит, потврди дека разговорот меѓу Трамп и Нетанјаху пред нападот бил „важен во однос на временската рамка“ на воената операција.Претходно беше објавено дека Нетанјаху минатиот понеделник му се јавил на Трамп и го информирал дека иранскиот врховен лидер во сабота ќе се сретне со највисоките претставници на режимот, што би можело да биде можност за ликвидација на целото раководство.Сепак, Левит изјави дека тој разговор не бил пресуден за одлуката на САД да извршат напад.„Мислам дека претседателот и пред тој повик имаше силно уверување дека иранскиот режим ќе ги нападне САД во регионот“, рече таа.Според неа, Трамп тогаш се соочил со избор – да изврши превентивен напад или да „седи и гледа“ како Иран напаѓа американски цели.

Свет | пред 3 седмици

Иран до соседните земји: Го почитуваме вашиот суверенитет, нападите од САД и Израел нè принудија на одбрана

Иранскиот претседател Масуд Пезешкијан испрати порака до лидерите на соседните држави во која нагласи дека Техеран го почитува нивниот суверенитет.Во објава на социјалната мрежа Икс, Пезешкијан истакна дека Иран се обидувал да избегне војна, но дека нападите од САД и Израел ја оставиле земјата „без избор освен да се брани“.Во меѓувреме, неколку соседни држави пресретнуваат ракети и дронови во текот на конфликтот, иако дел од нив успеале да ја пробијат противвоздушната одбрана и да погодат цели.Обединетите Арапски Емирати соопштија дека од почетокот на конфликтот биле цел на повеќе од 1.000 ирански напади. Еден дрон вчера предизвикал помал пожар во близина на американската амбасада во Дубаи, при што загинале три лица.Напади со дронови биле регистрирани и врз американската амбасада во Ријад во Саудиска Арабија, како и врз едно пристаниште во Оман.

Свет | пред 3 седмици

Најмалку 87 морнари загинаа по потопувањето на иранска фрегата кај Шри Ланка

Најмалку 87 морнари загинаа откако иранскиот воен брод „IRIS Dena“ беше погоден со торпедо од американска подморница во близина на Шри Ланка, јавуваат медиумите.Министерот за надворешни работи на Шри Ланка, Виџита Херат, изјави дека досега се извлечени телата на 87 морнари, додека потрагата продолжува во водите јужно од градот Гале.Во нападот се ранети уште 32 морнари, кои се хоспитализирани во болницата „Карапитија“ во Гале. На бродот имало вкупно околу 180 членови на екипажот.Портпаролот на шриланканската морнарица, Будика Сампат, изјави дека веднаш била започната спасувачка операција откако бродот испратил сигнал за помош.„Пронајдовме луѓе како пловат во морето и ги спасивме. Подоцна утврдивме дека станува збор за членови на екипажот од иранскиот брод“, изјави Сампат.„IRIS Dena“ е фрегата од класата „Moudge“ која припаѓа на јужната флота на иранската морнарица. Според шриланканските власти, на местото на инцидентот биле видливи само траги од истечена нафта, а нападот се случил надвор од територијалните води на Шри Ланка.Бродот претходно учествувал на мултинационалната поморска вежба „Milan 2026“ во Бенгалскиот Залив и бил на пат кон Иран кога бил нападнат.Инцидентот се случува во време на ескалација на конфликтот меѓу САД, Израел и Иран, по серијата воздушни напади врз ирански цели во кои, според ирански извори, загинале повеќе од илјада лица, меѓу кои и врховниот лидер Али Хамнеи. Иран возврати со ракетни и дронски напади врз американски цели во регионот на Заливот.

Свет | пред 3 седмици

Иран се закани: Израелските амбасади ќе бидат легитимни цели

Иранските вооружени сили се заканија дека ќе ги сметаат израелските дипломатски мисии ширум светот за легитимни цели доколку Израел изврши напад врз иранската мисија во Либан.Портпаролот на иранските вооружени сили, Аболфазл Шекарчи, во телевизиско обраќање изјави дека Техеран ќе одговори со напади врз израелските амбасади.„Доколку Израел го изврши тој злостор, ќе бидеме принудени сите израелски амбасади ширум светот да ги сметаме за легитимни цели“, изјави Шекарчи.Претходно, портпаролот на израелската армија за арапското говорно подрачје, Авихај Адраеи, предупреди дека Израел им дал рок од 24 часа на претставниците на, како што рече, „иранскиот терористички режим“ да го напуштат Либан.„Ги предупредуваме претставниците на иранскиот режим кои сè уште се во Либан веднаш да заминат пред да станат цел“, изјави Адраеи.

Свет | пред 3 седмици

Иранскиот шеф за безбедност со закана и прашање до Трамп: Дали Америка е на прво место или Израел?

Шефот на иранскиот Совет за национална безбедност, Али Лариджани, остро го нападна американскиот претседател Доналд Трамп, предупредувајќи дека САД ќе „платат висока цена“ поради смртта на врховниот лидер ајатолах Али Хамнеи.Во објава на социјалната мрежа Икс, Лариджани го обвини Трамп дека го вовлекол американскиот народ во „кукавичка војна со Иран“, тврдејќи дека одлуката била донесена под влијание на израелскиот премиер Бенјамин Нетанјаху.„Сега да пресметаме: со повеќе од 500 загинати американски војници за само неколку дена, дали Америка сè уште е на прво место – или Израел?“, напиша Лариджани.Али Лариджани во август беше назначен за секретар на Врховниот совет за национална безбедност на Иран. Во текот на својата кариера извршувал повеќе високи функции и важи за еден од најблиските стратези на Хамнеи.Неговиот статус беше потврден и со дипломатски активности во последните месеци, меѓу кои и патувања во Оман за подготовка на индиректни нуклеарни преговори со САД, како и повеќе посети на Москва, каде разговарал за безбедносната соработка меѓу Иран и Русија.

Свет | пред 3 седмици

Турција се подготвува за можен мигрантски бран од Иран

Турција подготвила планови за можен прилив на бегалци од Иран поради ескалацијата на конфликтот во регионот, изјави турскиот министер за внатрешни работи Мустафа Чифтчи.Тој појасни дека властите подготвиле три сценарија за вонредни ситуации. Првото предвидува управување со евентуален мигрантски бран од иранска страна на границата, второто воспоставување тампон-зони доколку движењето не може да се запре, а третото контролирано влегување на луѓе во Турција.Според министерот, земјата веќе подготвила капацитети за сместување на до 90.000 лица, вклучително и шатори и привремени центри за прием.Чифтчи истакна дека засега на трите гранични премини меѓу Турција и Иран нема невообичаени движења.Сепак, според сведоштво на новинар на Ројтерс, во понеделник стотици Иранци биле забележани како ја преминуваат границата и влегуваат во Турција, додека други чекале да ја преминат.Турските власти добиле информации дека Иран го ограничува излегувањето на сопствените државјани, но дозволува заминување на турски државјани и на државјани на трети земји.Според податоците на турското Министерство за внатрешни работи, од 1 до 3 март во Турција влегле околу 5.010 лица, додека од земјата излегле 5.495 лица.

Свет | пред 3 седмици

Се стабилизираат цените на нафтата по ветувањето на Трамп за заштита на танкерите

Цените на нафтата се стабилизираа откако американската администрација најави мерки за заштита на танкерите што минуваат низ Персискиот Залив, по наглиот раст предизвикан од конфликтот меѓу САД, Израел и Иран.Американската сурова нафта WTI порасна за 12 центи, односно 0,16 проценти, и достигна цена од 74,68 долари по барел. Во меѓувреме, глобалниот референтен бренд Брент се зголеми за 37 центи, или 0,45 проценти, на 81,77 долари по барел.Претходно неделава цената на WTI се приближи до 78 долари по барел, по масовните воздушни напади што САД и Израел ги изведоа врз Иран, членка на ОПЕК.Иран возврати со ракетни и дронски напади врз цели на Блискиот Исток, вклучително и енергетска инфраструктура, што предизвика раст на цената на американската нафта од 6 проценти во понеделник и дополнителни 5 проценти во вторник.Пазарот се смири откако американскиот претседател Доналд Трамп најави дека САД ќе обезбедат поддршка за танкерите преку Меѓународната корпорација за развојно финансирање, а по потреба и поморска придружба за транспортот на нафта низ Персискиот Залив.Американскиот министер за финансии Скот Бесент потврди дека Белата куќа подготвува дополнителни мерки за поддршка на трговијата со нафта во регионот.Тензиите го погодија и сообраќајот низ Ормутскиот теснец, клучен поморски коридор низ кој се транспортира околу 20 проценти од светската потрошувачка на нафта. Поради страв од ирански напади, дел од бродовласниците привремено го прекинаа сообраќајот низ овој теснец.

Свет | пред 3 седмици

Иран: Кукавичка и брутална воена агресија, ни го убија лидерот на работно место

Портпаролот на иранското Министерство за надворешни работи, Есмаил Багаеи, ги обвини САД и Израел за „кукавичка и брутална воена агресија“ врз Иран, тврдејќи дека во нападите бил убиен и врховниот лидер на земјата.На прес-конференција во Техеран, тој изјави дека нападот се случил веднаш по последната рунда преговори меѓу Иран и САД.„Нашата татковина беше нападната на кукавички, суров и неправеден начин од најзлонамерните режими. Светот гледа и се соочуваме со јасен судир меѓу добро и зло“, изјави Багаеи.Тој тврди дека иранскиот лидер бил убиен на своето работно место, заедно со членови од неговото семејство, а дека во нападите загинале и деца, меѓу кои, како што рече, 171 дете во градот Минаб.Багаеи истакна дека, според американски и меѓународни извори, немало докази дека Иран планирал напад врз САД или дека развива нуклеарно оружје.Истовремено, остро ги критикуваше и Обединетите нации, оценувајќи дека Советот за безбедност е во „сериозна блокада“ и дека со нападот е прекршено основното начело на Повелбата на ОН – забраната за употреба на сила.„Воената агресија врз Иран е почеток на крајот на системот на Обединетите нации“, изјави портпаролот.Тој предупреди дека конфликтот може да се прошири доколку меѓународната заедница не реагира, но додаде дека Иран внимателно ги избира своите воени цели и дека земјата „се бори чесно“.

Свет | пред 3 седмици