КОЧАНИ

Мицкоски: Трпам критики, но молчам заради истрагата за „Пулс“ – Обвинителството има одврзани раце

Премиерот Христијан Мицкоски денеска изјави дека свесно не дава изјави за обвинувањата кон него за трагичниот пожар во дискотеката „Пулс“ во Кочани, во кој загинаа 62 лица, а десетици беа повредени. Тој нагласи дека целосно ја препушта постапката во рацете на Јавното обвинителство.„Јас сум внимателен кога станува збор за истрагата во Кочани. Обвинителството има одврзани раце да прави буквално сѐ со тој случај. Затоа молчам. Трпам критики и трпам, ама Обвинителството нека си ја заврши работата“, рече Мицкоски за истрагата за пожарот во „Пулс“.Истрагата за пожарот се ближи кон крајот. Мицкоски порача дека очекува Обвинителството до крај да ја расветли трагедијата, но дека нема да дозволи политизација на случајот додека не заврши постапката.

Македонија | пред 9 месеци

Заблуда или системски пропуст: Пациентите од „Пулс“ плаќаат партиципација, Министерството бара решение

Повредените од дискотеката „Пулс“, но и посетителите кои мораат да прават редовни контроли, и натаму плаќаат партиципации за лекување, односно услуги по болниците во Македонија. До редакцијата на „Скопје1“ се обрати лице кое правело испитување во болницата „8 септември“ на одделот за Пулмологија. По прегледот, требало да се плати. Посочува дека не е проблемот во 400 денари, но стравува дека можеби на таква контрола ќе отиде некој што нема или не испланирал, бидејќи во неколку наврати претходно, беше кажано дека лекувањето е бесплатно, а тоа не се однесува на и на контролите.„Земаат партиципација за преглед во ‘8 септември’. Бев на пулмологија на контрола, а долу, за резултатите, ни наплатија. Кажавме дека сме од Кочани, ама ништо не искоментираа. Претходно, кога кога доаѓаа во Кочани, ми кажаа да одам на контрола на пулмологија оти кашлав и ми кажаа да одам во било која болница, само да кажам дека сум од пожарот. Отидов, направија сѐ и кажаа дека се плаќа. 400 денари не беше многу, ама ќе оди некој што стварно нема, а тоа не е во ред. Пред еден месец, на контрола во Белград, не ни наплатија ништо“, вели пациент.Заблудата е направена поради изјавите во јавноста кои ги имаше од ексминистерот за здравство, Арбен Таравари. Тој кажа дека 99% од лекувањето ќе биде бесплатно, а тоа се однесуваше на хоспитализирањето, но очигледно не на контролите. „Скопје1“ се обрати до Владата, каде велат дека и натаму бараат начин за да се надмине оваа состојба.„Во моментов, станува збор за законско решение со кое рамноправно за сите граѓани е утврден начинот на плаќање на партиципација. Но, во моментов, Министерството за здравство работи на изнаоѓање на начин и методологија, доколку постои, како би можело да се надмине оваа состојба“, вели владината портпаролка Марија Митева за „Скопје1“.Во здравствениот систем постојат групи на луѓе кои согласно прописите се ослободени од плаќање на партиципација. Едни од нив се дарителите на крв. До измените на прописите, повредените од „Пулс“, ќе плаќаат за услугите во државното здравство при правење на контролите.

Македонија | пред 9 месеци

„И да не нѐ споменете, нема да политизираме“, над 100.000 евра собрани за Кочани преку платформата „Е-Crowd“

Над 100.000 евра, фонацијата „Е-crowd“ собра преку истоимената платформа, а наменети за повредените во Кочани. Д-р Ненад Лазаров кој е дел до тимот на платформата, посочува дека средствата ги исплатиле на Црвен крст.„Преку ECrowd.mk најтранспарентно беа собрани и исплатени повеќе од 100.000 евра т.е повеќе од 6 милиони денари донации акутна помош за настраданите од Кочани. Средствата беа исплатени во соработка со Црвен Крст на Македоноја која е единствена организација ослободена од даноци, во спротивно требаше да платиме 11.000 евра данок персонален! Ретко кој медиум не спомна, фала ви... Но по цена и некој да не не спомене нема да ја политизираме катастрофата која се случи“, напиша Лазаров.

Македонија | пред 9 месеци

„Support Kocani“ плати 15 илјади евра за компресивна облека за повредените

„Support Kocani“ ја исплати првата фактура за компресивна облека во износ од 923.458,00 денари – средствата целосно обезбедени преку донации.„Со особено задоволство ве информираме дека здружението на граѓани СУПОРТКО ја исплати првата фактура за компресивна облека наменета за повредените лица од трагичниот настан во Кочани, во износ од 923.458,00 денари. Средствата за оваа набавка беа целосно обезбедени преку донации. Компресивната облека е нарачана и се очекува да пристигне во Кочани околу 16 јуни. Покрај тоа, веќе се обезбедени средства и за втора тура компресивна облека. На 16 и 17 јуни, во Кочани повторно ќе пристигнат експерти од Бугарија кои ќе започнат со процесот на земање индивидуални мерки за новата нарачка“, велат од „Support Kocani“.Тие додаваат: „Упатуваме голема благодарност до компаниите Julius Zorn GmbH и Health 2000, кои одобрија значителен попуст во вредност од 19.600,00 лева, со што овозможија оваа неопходна медицинска помош да стигне до што поголем број на повредени.Иако некои процеси бараат време, ова е доказ дека кога има волја – има и начин. Ви благодариме на сите вас – граѓани, пријатели, и непознати хумани срца – што покажавте што значи вистинска солидарност. Вашата поддршка продолжува да прави разлика“.

Македонија | пред 9 месеци

Повредениот Игор од Кочани до политичарите: Одлепете се од камери, ние имаме потреба од медицинска помош, секој ден ни е нов предизвик

Триесетгодишниот Игор Стоименов од Кочани, кој беше меѓу повредените во дискотеката „Пулс“, посочува дека додека власта и опозициските партии се препукуваат за трагедијата во Кочани, на нив им е потребна помош. Тој алармира дека тие имаат потреба од медицинска помош 24/7, па додава: „со еден доктор е невозможно“.„Додека власта и опозицијата се препукуват кој е виновен за трагедијата, на нас повредените секој ден ни е нов предизвик. Боле, боцка, пече, чеша, отекува и така у круг... ние имаме потреба од медицинска помош, 24/7, шо со еден доктор е невозможно. Одлепете се од тие камери, не е е време за политика луѓе, време е за хуманост, треба ни грижа, поддршка, треба ни надеж!“, напиша Стоименов.Стоименов има изгореници на левата раката од трет степен и трансплатирана му е кожа, а на левиот бицепс од втор степен. На десната рака до лакт му е пресадена кожа. Тој не смее речиси една година да излегува на сонце.Тој и претходно алармираше дека потребно да се вложи итно во болницата во Кочани, бидејќи процесот на рехабилитација ќе трае.

Коментари | пред 9 месеци

Власта не испорача правда, не испорачува здравство – а ги навредува родителите кои бараат достоинство, вели Филипче од Кочани

Од Кочани, пред членовите на СДСМ и граѓаните, Венко Филипче остро ја критикуваше актуелната власт за неспособноста да се справи со последиците од трагедиите, за немањето одговорност и за бруталниот однос кон граѓаните кои бараат правда и достоинство.„Бевме внимателни, бевме емпатични кон луѓето. Комунициравме нејавно, со цел да не нѐ обвинат за политизација. Им се наоѓавме, прашувавме што и да треба, и сѐ што можевме – помогнавме“, рече Филипче.Тој подвлече дека СДСМ покажала што значи одговорно политичко дејствување, без обиди за политичка корист од трагедијата:„Не сакавме, буквално со ништо, по трагедијата да извлечеме каква било политичка корист.“Од друга страна, посочи Филипче, власта не само што не испорачала правда, туку целосно потфрлила и во здравствениот систем.„Што направи власта? Прво – не испорача правда. Понатаму – не испорачува здравствена услуга. Луѓето имаат реален проблем, а тие им го нудат центарот ‘Пониква’ за некаква рехабилитација. Во ‘Пониква’ не можеш ни на одмор да одиш, а не пак да третираш толку сериозни медицински состојби,“ истакна Филипче.Особено срамно, рече тој, е обвинувањето на родителите кои бараат правда:„Ќе ги обвинуваат родителите дека биле инструмент на некоја политичка партија. Тие луѓе, коишто не спиеле со недели, шокирани од она што им се случи – ги нарекуваат со погрдни зборови, за кои ви гарантирам дека дури и не знам што значат.“Филипче го осуди и односот на ВМРО-ДПМНЕ кој, како што рече, на денот кога родителите протестираат, организира партиски настан со пиротехника:„Во таква ситуација, врв на безчувствителност е – на денот кога родителите протестираат – да организираш настан на Унијата на млади сили на ВМРО-ДПМНЕ и да запалиш пиротехнички средства.“СДСМ останува на страната на граѓаните на Кочани, на страната на вистината и одговорноста. Ќе продолжиме да се бориме за правдата да излезе на виделина а граѓантие и родителите да добијат соодветен третман.

Македонија | пред 9 месеци

Филипче за рехабилитрањето на повредени: Во „Пониква“ не можеш ни на одмор, а не пак на лекување

Во фокусот на јавноста повторно се најдоа реакциите за третманот на повредените од трагедијата во Кочани, откако пратеникот и лидер на СДСМ, Венко Филипче, жестоко ја критикуваше Владата за, како што рече, несоодветен одговор на здравствените потреби на настраданите. Според него, обидот да се користи туристичкиот објект „Пониква“ како рехабилитациски центар е не само неефикасен, туку и понижувачки за жртвите. Од Владата, пак, велат дека објектот ќе биде адаптиран со дополнителен медицински кадар и апелираат политичките партии да не ја злоупотребуваат трагедијата за политички цели.„Што направи власта? Прво – не испорача правда. Понатаму – не испорачува здравствена услуга. Луѓето имаат реален проблем, а тие им го нудат центарот ‘Пониква’ за некаква рехабилитација. Во ‘Пониква’ не можеш ни на одмор да одиш, а не пак да третираш толку сериозни медицински состојби,“ истакна Филипче.Одморалиштето „Пониква“, лоцирано во Осоговијата, е туристички објект кој располага со 27 соби и капацитет од 56 легла. По трагедијата во Кочани, Владата најави дека објектот ќе биде адаптиран за рехабилитација на повредените, со обезбедување на дополнителен медицински кадар кој ќе пружа целосна здравствена нега. Оваа мерка е дел од владините напори за обезбедување континуирана здравствена заштита за настраданите, при што институциите тврдат дека се работи со целосна посветеност. Воедно, од Владата апелираат до политичките субјекти да се воздржат од, како што го нарекуваат, „политичко профитирање врз трагедијата“ и случајот да го остават во рацете на надлежните институции.

Македонија | пред 9 месеци

Газдата на обезбедувањето, Нацев, зад решетки: одреден му е притвор од 30 дена во предметот за пожарот во „Пулс“

Александар Нацев, реален сопственик на фирмата „Рубикон“, која без договор ја обезбедувала дискотеката „Пулс“, доби 30 дневен притвор. Тој е осомничен со проширување на истрагата за трагедијата во Кочани за кривично дело „тешки дела против општата сигурност“. Притворот го изрече Судот во Кочани, потврдуваат оттаму за „Скопје1“.Според информациите од Обвинителството, Нацев заедно со управителот и одговорното лице на подружницата, незаконски вршел обезбедување без склучен договор, без безбедносна проценка и без план за евакуација.Во текот на критичната вечер, екипата не спречила влез на малолетни лица, преполнетост на објектот, ниту внес на пиротехнички средства, со што е предизвикан пожарот. Трагично, настрадаа 62 лица, 157 се со тешки, а 54 со телесни повреди.По судска наредба, извршени се претреси на неколку локации и запленета е релевантна документација.Нацев на 16 март излезе со информација дека нема никаква негова поврзаност со трагедијата„Сочувство до фамилиите на сите 59 трагично згаснати животи во Кочани, меѓу кои има и мои блиски лица. Сакам да нагласам дека информациите за моја поврзаност со овој настан се дезинформација и шпекулација. Тоа се само обиди за блатантна политичка игра и добивање морбидни поени“, напиша Нацев.

Македонија | пред 9 месеци

Апсењето на Нацев предизвика политичка војна: „Правда за сите“ или „жртвено јагне за ПР“?

Апсењето на Александар Нацев, сопственик на агенцијата за обезбедување поврзана со трагедијата во Кочани, денеска предизвика лавина реакции и отвори нов политички фронт меѓу ВМРО-ДПМНЕ и СДСМ. Двете најголеми партии со сосема различни толкувања за потегот на институциите – едните го нарекоа „доказ дека има правда за сите“, а другите „закаснето апсење и ПР-фасада“.Од ВМРО-ДПМНЕ порачаа дека апсењето на нивниот член е потврда дека институциите функционираат без разлика на партиска припадност:„Денешното апсење на Александар Нацев е доказ дека правда има, и таа важи за сите. Секој кој има било каква инволвираност со трагедијата во Кочани ќе излезе пред институциите, без разлика дали е член на ВМРО-ДПМНЕ, СДС, ДУИ или која било друга политичка партија.“Од таму ги повикаа СДСМ да престанат со, како што велат, „секојдневни пресуди без докази“ и додадоа дека првпат во историјата на државата, одговорност има за сите.Но, СДСМ го оцени апсењето како задоцнето и режирано, со цел да се заштитат повисоките ешалони на власта:„Три месеци владата на ВМРО-ДПМНЕ негираше секаква вмешаност на Нацев. Сега, кога веќе не може да се скрие вистината, ВМРО-ДПМНЕ го користи Нацев како жртвено јагне.“Според СДСМ, вистинската правда ќе дојде дури кога ќе се отвори истрага и за луѓето кои, како што велат, денес се под заштита на лидерот Мицкоски. Укажуваат и дека дел од поранешни полициски функционери поврзани со настанот се дел од изборниот штаб на ВМРО-ДПМНЕ.Во контекстот на трагедијата што ја потресе јавноста, политичката дебата добива сѐ поголема тежина, а граѓаните – особено семејствата на жртвите – бараат вистинска, а не селективна правда.

Македонија | пред 9 месеци

Support Кocani не се препозна во коментарот на Мицкоски: Политичка реторика е рецепт за убивање на ентузијазмот

По силните обвинувања и навреди кон претседателката, премиерот и министерот за внатрешни работи од родител на трагично загинатиот тапанар на ДНК и барањето за нивни оставки, Мицкоски одговори:„Гледаме како едно граѓанско движење прераснува во политичко и зборува за катни гаражи, водоводи, канализации, исполнети и неисполнети ветувања.”Скопје1 ја праша невладината Supportkocani дали се пррпозна во коментарот на премиерот.Еве го нивниот одговор за Скопје1:„Supportkocani не се препознава во коментарот на премиерот. Сигурно мисли за некое друго здружение.Доколку можеме било како да помогнеме знаете каде можете да нѐ најдете и контактирате. Да бидеме дел од политичка реторика и препукување е рецепт како можете да го убиете ентузијазмот на оваа група луѓе која стана заедница.Ништо нема да ни застане на патот на солидарноста за сограѓаните, другарите, браќата и сестрите што настрадаа во Пулс, а најмалку тоа треба да биде државата или политичките чинители”, стои во одговорот.

Македонија | пред 9 месеци

(Видео) Гледаме како граѓанско движење за поддршка на Кочани преминува во политичко движење, рече Мицкоски

Премиерот Христијан Мицкоски обвини дека во Кочани, граѓанското движење за поддршка на градот, преминува во политичко движење.„Од поддршка на ужасните жртви од ужасниот хорор во Кочани, говорат за катни гаражи, водоводи, канализации, исполнети и неисполнети ветувања и се така по ред, во духот на локалните избори“, рече Мицкоски.Претходно, владината портпаролка Марија Митева, рече дека личните навреди на протестот во Кочани кон политичари од власта се од политички структури.

Македонија | пред 9 месеци

(Видео) „Личните навреди на протестот во Кочани кон политичари се од политички структури со традиција на некрофили“, вели владината портпаролка

Родителите и роднините на трагично загинатите во дискотеката ,, Пулс” во Кочани, секоја сабота на ,,Марш на ангелите“ го идкажуваат својот револт од истрагата и бараат правда.Тие застануваат и протестираат пред општината, судот, полицијата и обвинителството. Вчера, родителот на загинатиот тапанар на групата ДНК, револтирано ги навредуваше и побара оставки од премиерот Христијан Мицкоски, претседателката Гордана Сиљановска-Давкова и министерот за внатрешни работи Панче Тошковски.,,Можам да кажам дека во целост ја разбираме како Влада нивната болка, тоа неколку пати досега сме го кажале. Но, од друга страна морам да кажам, со жалење, дека беа слушнати лични напади кои што пак политички структури имаат за цел да ги искористат во некоја политичка позадина. Навистина жалам што некои политички структури имаат традиција на некрофили“, кажа портпаролката Марија Митева на денешната прес-конференција, одговарајќи на новинарско прашање за барањата за оставки.

Македонија | пред 9 месеци

(Видео) Чупеска откри дали имаат докази дека Мицкоски се меша во истрагата за „Пулс“, како и дали ќе поддржат разрешување на Коцески

Откако со денови, СДСМ објавуваше дека премиерот Христијан Мицкоски нарачал да се штитат полицајци кои се под негова закрила, за да не сносат одговорност за трагедијата во „Пулс“, потпретседателката на партијата Ана Чупеска, во „Претрес“ одговараше какви докази поседуваат за случајот.Таа прво рече „имаме наводи“, односно „информации“. Потоа, посочи дека кога ќе имаат докази ќе ги проследат до судот. Бидејќи велат дека Мицкоски ги штити полицајците преку Обвинителството на Љупчо Коцески, таа одговараше дали ќе поддржат негово разрешување преку Собранието.?list=PLm6WbTW4gkMm9SA3GYzjLPE0VWu1c-A7d&t=5042

Македонија | пред 9 месеци

(Видео) „Ни ја убивте последната надеж, кој ја внесе пиротехниката? “ – мајка на жртва во „Пулс“ со прашања до истражните институции

Клекнати на коленици пред зградата на судот и Обвинителството, родителите на загинатите и повредените деца, посочија дека дале и повеќе од доволно време за истрагата. Според нив, органите на прогонот имале доволно време за детална и неселективна истрага.„Овие институции ни ја потрошија и последната тронка надеж дека оваа држава може да нѐ заштити. Овие институции одново ги убија нашите деца, одново ја убија надеж во нас дека оваа трагедија, ако ништо друго, ќе биде лекција за во иднина и никогаш вакво нешто нема да се повтори. Министерот Тошковски и обвинителот Коцевски ни должат одговор како е можно полицијата да прави акциска контрола во објект кој воопшто не смеел да работи, објект кој немал валидна лиценца, а имал и блокирана сметка. Ако објектот не смеел да работи, тогаш институциите треба да одговорат кој направил пропуст, за дискотеката да биде отворена“, рече мајка на загинато момче.Тие прашаа кој ќе одговара за внесувањето на нелегалната пиротехника, која била внесена и е причина за пожарот.„Како може да нема одговор, 80 дена, кој ја внел пиротехниката? Како е можно 80 дена никој да не го знае потеклото на пиротехниката? Зошто не одговара никој од МВР кои согласно закон требало да ја контролираат пиротехниката?“, додаде таа.Тие лоцираат одговорност и кај инспекторатите, кои сметаат дека направиле низа пропусти.„Каде е одговорноста на УЈП кои го казниле објектот, но не го затвориле?“, рече мајката.Замеруваат и на тоа што дел од притворите беа укинати за осомничените па викаат: „Тие луѓе денес се со своите семејства, за разлика од нашите деца, кои никогаш повторно не можеме да ги видиме. Нема да нѐ поколебаат коментарите на ботовите на социјалните мрежи. Ние нема што да изгубиме. Кажете што ви згрешија нашите деца, па да плукате по нив?“.

Македонија | пред 9 месеци

(Видео) Таткото на загинатиот тапанар од ДНК до Сиљановска, Мицкоски и Тошковски: Немате срца, бирајте месец но на 16-ти дајте оставки

Таткото на загинатиот тапанар на ДНК Георги Георгиев, на денешниот протестен марш во Кочани упати остри пораки до претседателката Гордана Сиљановска Давкова, до премиерот Христијан Мицкоски и до министерот за внатрешни работи Тошковски.,,Ни вети дека ќе биде претседателка на сите граѓани, дека ќе биде мајка за сите граѓани. Тоа што го вети не излезе така. Само се фати за столот и ја снема. Сега едно ќе те прашам тебе, мајко моја, званична маќео, ми пушти писмо, за три дена ме најде мене по кое ме заборави за 24 часа. Мајко моја, маќео да видиш македонски народе на што личи ова. Нема никаков потпис од нашата мајка. Дали не ти е срам, овој збор -мајка ги прелажа сите. Вие излеговте едно големо ла.но”, рече изреволтираниот родител кој го искина писмото од претседателката какво што добиле и другите родители.Тој покажа писмо и од премиерот Мицкоски.,, Се нарекува патриот, маж се нарекува Мицкоски. Ова не е твој потпис. Не ви е ли срам, вие имате ли деца. Нека ви се живи и здрави. Но сите вие од прв до последен знајте, 63 жртви се, 63 дена душа ќе ви излегува низ га.от.Јасно ли ви е. Јас лично ти викам да дојдеш во Василево пошто се правиш патриот и се правиш маж”, рече таткото на загинатиот тапанар од ДНК кој го искина писмото и од Мицкоски пред присутните, кои извикуваа „кукавица”.„Ти си големо ла.но и јас ќе ти покажам кој е поголем маж. Каде беше кога се пукаше кога во Југославија? Каде беше кога се пукаше во Македонија. Јас бев на граница”, изјави таткото кој рече дека не им се плаши, иако му се закануваат дека многу зборел, иако го следат посочувајќи со какво возило.,, Дали не ви е грев, вие да дојдете денес тука до нас, да запалиме свеќа”, рече иставајќи и 2.000 денари на претседателката со нив да дојде во Кочани и да запали свеќа.На министерот Тошковски му забележа дека има полицајци кои само кафиња пијат, а тие во Струмица не знаеле колку се два и два.Децата, рече ќе бегаат од државата и порача вие не сте способни Влада да водите.,, Јас ќе ви кажам кога да си дадете оставка, а вие бирајте го месецот.Нашите деца на 16 ти загинаа. На 16 ти вие тројца да си дадете оставка, а вие изберете го месецот.Вие немате срца”, рече револтираниот родител.

Македонија | пред 9 месеци

Владата отвора телефонска линија за повредените од трагедијата во „Пулс“

„Во овие моменти, кога Кочани и цела Македонија сè уште ја чувствуваат болката од трагедијата што ја потресе нашата држава, Владата останува посветена на тоа никој да не биде оставен сам. Секој човек, секоја приказна, секоја потреба – се важни“, вели Марија Митева, портпаролка на Владата и додава:Ова обраќање денес е наменето пред сè за повредените и за нивните најблиски – за лицата кои се лекуваат во кочанската болница и кои се соочуваат со последици што бараат трпеливост, сила, но и системска поддршка.Свесни сме дека досега беа преземени повеќе активности – итна здравствена грижа, институционална мобилизација, финансиска и логистичка поддршка, но свесни сме и дека постојат сегменти кои се повторно неопходни. Затоа започнуваме со нова активност, во насока на она што го ветивме: континуирана, организирана, системска и човечка поддршка.Ја воспоставуваме новата телефонска линија за директна комуникација, управувана од Канцеларијата на претседателот на Владата, која ќе биде активна од понеделник, 09.06 и ќе функционира непрекинато и достапно за сите повредени и нивните семејства.Телефонскиот број е нов канал за директна комуникација со повредените и нивните семејства.Преземањето на овие активности не се заклучоци донесени од канцеларија – тие се резултат на директна комуникација на терен, особено од страна на работната група за евалуација на повредените, која во изминатиот период работеше во непосреден контакт со семејствата и со медицинските тимови. Секое укажување и секој ненагласен апел – се земени предвид и вградени во оваа нова фаза на поддршка.Во првата фаза, ги повикуваме сите повредени и нивните семејства да се јават, да ги изнесат своите барања кои ги имаат, предлози и конкретни потреби. Оваа линија нема да биде само контакт – туку жив канал на комуникација, преку кој ќе се одржува дневна, неделна и месечна координација, со редовно информирање, и со персонализиран пристап за секој случај.Сигурно ќе се постави и прашањето, зошто ова се прави сега?Затоа што оваа Влада верува дека поддршката не смее да биде еднократна, туку таa е процес. Затоа што знаеме дека здравствената и психолошката состојба на повредените се менува секој ден – и дека пред сè, им беше потребно време да се посветат на своето закрепнување. Кога се во состојба на закрепнување и имаат нови барања и потреби ние сме целосно подготвени да им излеземе во пресрет за сите останати состојби со структуриран, отворен и достапен механизам.Почитувани граѓани,Ова е уште една потврда на нашата заложба: да останеме покрај луѓето, со одговорна и конкретна поддршка. Ова е наша обврска, посветено и постојано присуство на институциите – таму каде што е најпотребно.

Македонија | пред 9 месеци

Без одговорност нема мир: Родителите во Кочани и денес бараат одговори за „Пулс“

Денес (07 јуни), со почеток во 16:05 часот, во Кочани повторно ќе се одржи собирот „Марш за ангелите“, посветен на жртвите од трагичниот пожар што се случи во дискотеката „Пулс“. Настанот претставува продолжение на јавниот повик за одговорност, правда и сеќавање на 62-та млади луѓе кои го загубија животот, како и речиси 200-те повредени во една од најголемите цивилни трагедии во поновата историја на Македонија.Маршот ќе започне од Паркот на револуцијата, од каде граѓани, роднини, пријатели и поддржувачи ќе се движат преку трговскиот центар, покрај зградата на Општината и полициската станица – до зградата на судот и Јавното обвинителство во Кочани. И овој пат, како и претходно, учесниците симболично ќе маршираат во тишина, со фотографии, свеќи и транспаренти, барајќи одговори и соочување со одговорноста која, според семејствата – изостанува.Пожарот во дискотеката „Пулс“ избувна на ноќта на 16 март, при што огнот брзо се прошири поради небезбедната внатрешна структура и недостатокот на основни безбедносни мерки – како излез за итни случаи, систем за гасење, контрола на бројот на присутни, аларм за евакуација. Според родителите, истрагата сè уште не резултирала со целосно расчистување на прашањето кој е одговорен, ниту со кривични постапки против одговорните лица кои тие сметаат дека се виновни, што ја продлабочува недовербата на јавноста кон институциите.Многу од преживеаните и денес живеат со тешки последици – физички, но и психолошки. Семејствата на настраданите се решени да не дозволат трагедијата да биде заборавена. Тие инсистираат дека само преку вистината и соочување со одговорноста, може да се избегнат идни катастрофи од сличен тип.„Маршот за ангелите“ е не само симболично сеќавање, туку и директен повик кон државните институции – правосудството, локалната власт и Владата – да ја исполнат својата морална и правна должност.

Македонија | пред 9 месеци

„Барем за тие што ни останаа...“ – потресен повик на мајка која изгуби ќерка во „Пулс“, пред маршот за правда

Верица Трифунова, мајка на загинатата Моника Спасова, упати апел до граѓаните пред утрешниот (сабота 7 јуни) нов марш во Кочани.„Кој има душа, со разум и развиени мозочни ќелии и застане рамо до рамо, со нас родителите и ќе се бори за правда на убиените ангели, со тоа ќе покаже дека е совесен родител и размислува за иднината на сопствените деца. Да застанеме и да кажеме стоп на криминалот, корупцијата, насилството, дилерите кои ни ја уништуваат иднината на нашите деца, барем тие што ни останаа, половина ни се иселија, од половина што ни останаа ни ги убија.. Тие што преаживеаја трајно ни ги оштетија. Затоа ако имате грам совест и човечност, барем за детските животи, придружете ни се на нас родителите на убиените ангели, да почнат да размислуваат што се вистинските вредности во животот, кои со пари не можат да се купат“, вели Трифунова.Утрешниот марш, ќе се одржи во истиот термин како претходните, од 16:05 минути во Кочани.

Македонија | пред 9 месеци

Над 600.000 евра за семејствата, клима уреди и донации за болницата, опрема за физикална - Support Kocani со извештај што е помогнато

Иницијативата Support Kocani, активирана веднаш по трагичниот настан што го погоди Кочани, денес го објавува својот транспарентен извештај за реализацијата на донациите заклучно со 5 јуни 2025 година.До денес, над 600.000 евра се префрлени директно на сметките на семејствата кои претрпеа најголеми загуби. Оваа бројка не е само финансиски податок – таа е симбол на заедништво, сочувство и солидарност.Поддршката не застана тука, покрај директните донации, граѓани, компании и организации се вклучија и со дополнителна помош:Над 2 милиони денари се собраа преку индивидуални донации.Општата болница во Кочани доби дополнителна поддршка од 2.671.116 денари, со што значително се подобрија условите за третман на повредените.Но, вистинската сила на оваа иницијатива се гледа и преку конкретната опрема и помош што беше обезбедена:Донирана е хипербарична комора – клучна за лекување на тешки повреди.Инсталирани се 10 клима уреди во болницата.Создадена е целосно опремена просторија за физикална терапија.Обезбедени се над 400 специјални лепенки за третман на изгореници.Доставени се над 500 медицински артикли, вклучувајќи лекови, креми и помагала.Повредените добија 113 ваучери за онлајн шопинг со вкупна вредност од 20.000 евра.И покрај до сега постигнатото, помошта продолжува, а работата на SupportKocani не завршува тука. Во тек е реализација на неколку значајни проекти. Во соработка со А1 Македонија, се развива Младински центар „Супортко“ во Кочани – простор за психосоцијална поддршка, едукација и рехабилитација.Дополнително, се очекува исплата на 1.500.000 денари собрани преку хуманитарната аукција и изложба на Домот на култура „Бели Мугри“ и 600.000 денари од хуманитарниот концерт на Тамара Тодевска, кој обедини публика од целиот регион.„Ова не се само бројки. Тоа се допири на надеж, потсетници дека не сме сами и дека кога сме обединети, можеме многу. Ви благодариме што ја покажавте хуманоста – не со зборови, туку со дела,“ велат од тимот на SupportKocani.SupportKocani како инцијатива останува отворена и посветена на транспарентност во секој чекор, соработка со институции, компании и граѓани и најважно – континуирана грижа за засегнатите семејства.

Македонија | пред 9 месеци

„Ни крема за рани не ни дадоа“ – преживеан од пожарот во „Пулс“ со јавен апел за незаинтересираноста на државата

Дарко Златев, повреден во „Пулс“ кобната вечер, кога животот го загуби неговата внука, со јавен апел се обрати до јавноста. Тој тврди дека тие немаат добиено никаква помош од државата, а ниту биле посетени. Се жали дека немаат поддршка ниту грижа, особено потенцира, во Кочани нема ниту најосновни средства.„Со голема болка и тешко срце ја споделувам трагедијата што не' снајде. Во пожарот што избувна во дискотеката во Кочани, животот го загуби мојата внука од сестра, заедно со уште 61 млад човек. Вкупно 62 загинати, и 200 повредени. И покрај огромната загуба, немаме добиено никаква помош од државата. До ден-денес, ниеден претставник од владата не не посети, ниту во болниците, ниту во домовите. Нема поддршка, нема грижа, нема ни најосновни медицински средства. Сè што имаме се донации од хумани луѓе – државата не обезбеди ни обични креми за раните, а камоли сериозна медицинска помош, дури и опремата односно двете маси за вежбање во физикалната се донации а без нив просториите беа потполно празни! Имаше доволно време да се обезбедат услови во болницата. Ние, повредените, бевме испратени на лекување во странство уште од таа кобна ноќ. Јас лично бев хоспитализиран во Белград, каде што веќе наредниот ден дојде премиерот Александар Вучиќ лично да не посети, да не слушне и да ни даде целосна поддршка – и психолошка, и медицинска,која во тој момент ни беше најзначајна“, пишува Златев и додава:„А кај нас? Нашиот премиер не најде време да дојде и да не види, ниеден од повредените. Ни збор за поддршка. Ни чекор за лекување. Ниту правда, ниту одговорност! Затоа прашуваме: До кога вака? До кога жртвите ќе се игнорираат, а институциите ќе молчат? До кога ќе живееме во држава каде што човечкиот живот ништо не вреди?Бараме: Итна и јавна истрага за причините за пожарот. Поддршка за семејствата на загинатите и повредените. Одговорност за сите што затаија. Достоинство за жртвите, и вистинска грижа за преживеаните. Ова не е само наша болка – ова е срам за една цела држава“.

Коментари | пред 9 месеци

(Видео) Условите се на минимум, нема каде да се мијат раните, тоа се прави во умивалник, вели повредениот Дарко за кочанската Болница

Кочанчанецот Дарко Златев е еден од повредените во дискотеката „Пулс“, кој се лекуваше во Белград и има тешки изгореници на двете раце. Нему му била извршена и трансплатација на кожа. Сега, грижа и нега добива во Болницата во Кочани. Посочува дека условите таму се на минимално ниво, а пожртвуваноста на персоналот е максимална.„Условите не се толку добри, докторите се добри. А условите се на минимум. На се имаме приговор, нема како прво лепенки кои ни ги препишуваат докторите, немаме ластици, односно стегачи. Нема кај да нѐ премие докторката, во обичен умивалник ни ги мие раните. Нема никакви услови“, рече Лазев.Прашан дали е обврска на болницата да ги набавки преврските тој рече: „Завоите од тука се од болницата. И мислам дека баш вчера кажа докторката, тие што се ластиците, сами ги нашла во Битола. Од сите аптеки купила да донесе за нас. Иначе, од болницата немаме“, додаде тој.Повредениот, посочува дека лекувањето ќе трае најмалку две години, според насоките кои ги добиле од докторите во Белград.„Сѐ е скоро на наш трошок. Докторите во Белград ни кажаа дека ќе трае најмалку две години. Не смее на сонце, треба да се пазиме од комарци. Задоволен сум од докторките и персоналот, ептен. Даваат сѐ од себе“, заклучи тој.Претходно, Министерството за здравство тврдеше дека се обезбедни сите услови за третирање на пациентите.

Македонија | пред 9 месеци

(Видео) Дали постои снимка на која се гледа дека Петрушев ги заклучува вратите на „Пулс“? Тој е втор кој е заштитен, вели Илиевски

„Мицкоски и Коцевски ја продолжуваат голготата на родителите од Кочани кои речиси три месеци бараат правда за нивните починати деца“, вели Методија Илиевски, потпретседател на СДСМ и додава:Христијан Мицкоски не може да ги погледне овие луѓе во очи затоа што прави се за вистинските виновници за смртта на нивните деца да ги заштити и никогаш да не го видат лицето на правдата.Родителите на починатите и повредените деца од Кочани јавно ги посочуваат виновниците во институциите, но поради политички притисок од власта ниту еден актуелен државен функционер не е опфатен со истрагата на обвинителството.Коцевски и Мицкоски им должат одговор на родителите од Кочани зошто досега нема обвинение против Драган Казак Петрушев сменоводител кој вечерта раководел со акциската контрола во дискотеката Пулс?Дали е точно дека постои снимка на која се гледа дека лично Драган Петрушев спротивно на стандардните оперативни процедури ги заклучува вратите на дискотеката Пулс и не дозволува никој да го напушти објектот?Ако обвинителството поседува ваква снимка од безбедносните камери на дискотеката зошто досега нема обвинение против Петрушев?Дали Драган Петрушев има објаснување зошто акциската контола на објектот Пулс не ја прави во 12:30 часот на почетокот на забавата туку спротивно на добиената наредба прави контрола во друг објект, па дури при крајот на забавата во Пулс прави контрола во објектот кој бил должен да го контролира согласно наредбата уште во 12:30 часот?Мицкоски и Коцевски мора да им одговорат на родителите дали постоела комуникација помеѓу сопственикот на дискотеката и Драган Петрушев и дали барањето од газда Деко било да се прави акциска контрола пред крајот на забавата со цел да го зголеми профитот?Дали е точно дека против Петрушев се води уште една постапка за издавање на службена тајна и контакт со криминалци кои наместо да ги гони ги информирал за постапките кои се водат против нив?Дали Драган Казак Петрушев е заштитен затоа што е истакнат член на ВМРО-ДПМНЕ во Кочани и ги врши валканите работи на партијата во градот со години?Дали можеби Петрушев е заштитен затоа што поседува компромитирачки материјали за истакнати функционери на ВМРО-ДПМНЕ меѓу кои и пратеници?Зошто Петрушев присуствува на речиси секој протест во Кочани во формален капацитет како полицаец, дали целта на Панче Тошковски и Христијан Мицкоски е да ги заплашува родителите на починатите од Кочани да не говорат за што се случувало кобната вечер?Колку време е оставено на вистинските виновници за трагедијата во Кочани да прикриваа и уништуваат докази?Колку време им е оставено вистинските виновници да прават притисок врз сведоците и оштетените, да им се закаануваат на родитиелите на починатите во Пулс?СДСМ остави повеќе од доволно време институциите да донесат правда за жртвите на ова власт, но по се изгледа залудно.СДСМ нема да дозволи да нема правда за 62 починати млади деца и 200 повредени кои се директни жртви на институциите со кои раководи ВМРО-ДПМНЕ!СДСМ на целата македонска јавност ќе и ја обзнани вистината за трагедијата во Кочани.Продолжуваме со објавување на Вистината за трагедијата во Кочани.

Македонија | пред 9 месеци

(Видео) Семејствата на жртвите од „Пулс“ во Кочани: „Не бараме милост, не ги штитете полицијата и виновниците“

На осмиот „Марш за ангелите“, семејствата на загинатите во пожарот во дискотеката „Пулс“ во Кочани повторно упатија остри пораки до институциите, барајќи правда и одговорност.„Не ја штитете полицијата, не ги штитете виновниците. Не сме слепи, ни глуви. Не бараме милост – бараме правда. За секое дете што нема да се врати, за секоја мајка што навечер гушка воздух“, порачаа родителите.Тие упатија прашања: зошто дискотеката – импровизирана и без лиценца – не била затворена навреме, и кој сè дозволил таа да работи спротивно на законот?“. Прстот беше вперен во Министерството за економија, МВР, Обвинителството, УЈП, Пазарниот инспекторат и Општина Кочани, како институции што, според родителите, затаиле и придонеле за трагедијата.„Да ве потсетиме – на 16 март Кочани замолкна. Во огнот на ‘Пулс’ живи изгореа 62 млади души. Над 200 беа повредени, половина од нив беа деца, без наполнети 18 години. Таа вечер, во објект без дозвола, беа натрупани 500 лица. Газдата ги пушти од алчност“, изјави една од мајките.Таа рече и дека полицијата наместо да ги заштити, им ја затворила вратата, мислејќи дека бегаат од инспекција: „Тоа беше масовно убиство. Не ги штитете убијците – ако ви останало нешто човечно“.Друг родител ја критикуваше истрагата, откако беше објавено дека од првично 73 осомничени, само 46 остануваат под сомнение – а половина од нив, според семејствата, не биле ниту повикани на распит.„Апелираме да се следат доказите, не позициите. Вистинските виновници мора да бидат откриени, без оглед кој се кријат зад нив. Ако вие не ги гледате, ние сме тука да ви ги покажеме“, порачаа родителите.Сите изјави, како што најавија, ќе бидат објавени на заедничката страница на здружението „16.03“.„Во сета болка, ние моравме да ги следиме сите правни норми. Но, нема да молчиме“, завршија родителите.

Македонија | пред 9 месеци

(Видео) Родителите од Кочани со порака до вас: „Ние изгубивме, вие имате уште за што да се борите“

Молчејќи, со фотографиите од загинатите чеда во рацете, родителите, семејството, пријателите и јавноста излезе на осмиот по ред марш преку кој се упатува порака дека се чека правда. Зад родителите, транспаренти. Овојпат со порака до јавноста: „Ние изгубивме, вие имате уште за што да се борите“. На протестот освен жители на Кочани, дојдоа и од другите градови.Ова е осми по ред марш кој го организираат. Тие не ја кријат болката, а очекуваат јавноста да ја почувствува и да застане рамо до рамо со нив, за да ваква трагедија не се повтори. Постојано повторуваат дека молчат и се следат, бидејќи даваат шанса. Минатата сабота порачаа до институциите - дека трпението им е при крај.

Македонија | пред 9 месеци

Тешки обвинувања од СДСМ: Кој го штити разрешениот началник на СВР Штип, има снимка кај што се гледа пред „Пулс“ ноќта пред трагедијата

„Власта која ја зави Македонија во црно се испречи на патот на правдата за најголемата трагедија во поновата македонска историја, пожарот во дискотеката Пулс во кој 62 деца го загубија својот живот, а 200 беа повредени“, вели Каја Шукова“, потпретседателка на СДСМ и додава:Христијан Мицкоски ги искористи сите механизми на власта, закани, уцени и присоци со единствена цел да ги заштити своите луѓе, односно оние кои се најодговорни за трагедијата која го снајде Кочани, а тоа се актуелните функционери на власта.Токму обвинителот Љубомир Коцевски кој беше под закана дека ќе биде сменет од актуелната власт, вчера ја затвори истрагата без ниту еден осомничен или обвинет актуелен функционер на власта предводена од ВМРО-ДПМНЕ.Со што ли го држи Мицкоски Коцевски под своја целосна контрола?СДСМ остави простор истрагата да биде завршена целосно и се надеваше дека ќе има правда. Денес е јасно дека правда нема. Ниеден од актуелните финкционери не е обвинет!Од денес ги поставуваме клучните прашања и ги изнесуваме клучните докази кои очигледно се кријат за да се заштитат оние од власта. Прво заштитено лице е Дејан Салтировски.Обвинителството мора да одговори:Дали постои пишана наредба за акциска контрола во која стои дека вратите на дискотеката Пулс треба да бидат затворени? Ова е спротивно на стандардните операциски процедури. Прашуваме кој бил потпишан на таквата наредба?Зошто ако обвинителството поседува ваков документ нема ниту еден обвинет актуелен полициски функционер од таа вечер?Понатаму, Обвинтелството и Власта мора да одговорат зошто нема обвинение против тогаш актуелниот началник на СВР Штип, Дејан Салтировски? Тој знаел или морал да знае дека во наредбата за акциска контрола спротивно на СОП стои дека ќе бидат затворени вратите во дискотеката Пулс?!Понатаму, зошто обвинителството не го објави јавно видеото на кое се гледа началникот на СВР Штип, Дејан Салтировски во периодот 12:30 до 01:20 част пред дискотеката Пулс во Кочани.Дали обвинителството го запраша Салтировски што барал во овој период пред дискотеката и зошто полицијата не влегла да врши акциска контрола како што било предвидено во 12:30 часот кога започнува забавата наместо на крајот од истата?Дали Дејан Салтировски во меѓувреме фалсификувал документација дека вечерта не бил на работа или за тоа постојат конкретни докази?Дали Дејан Салтировски е заштитен од кривичен прогон затоа што ее во кумовска врска со Орце Тодоровски - Ефто еден од најблиските соработници и бизнис партнери на Христијан Мицкоски со кој градеше хидроцентрални и кој беше обвинет за милионски криминал во случајот Делчевски ниви?Дали Дејан Салтировски е заштитен лично од Панче Тошковски кој што бил негов адвокат и не само што правно го застапувал туку како вработен во гранична полиција на полицајците им нудел потпишано полномошно од адвокат Панче Тошковски со цел да испумпуваат пари од буџетот на државата?Дали е точно дека Дејан Салтировски подолго време не можел да добие безбеносен сертификат и ако е така како е можно да биде поставен на една така висока позиција во МВР?Мајките завиени во црно и стотиците повредени најмалку што заслужуваат е правда!Одговорност за оние кои го завија Кочани и Македонија во црно мора да има!Вистината за трагедијата во Пулс мора да излезе на виделина! Јавно го повикуваме обвинителството да се ослободи од стегите на властазатоа што селективната правда е неправда!Во меѓувреме СДСМ ќе продолжи јавно да ги објавува сите информации кои ги има поврзани со трагедијата во Кочани се додека нема одговорност за актуелните функционери на власта.Ова е само првиот во серијалот пресови за она што се случувало во кочанската дискотека Пулс.

Македонија | пред 9 месеци