НОВОСТИ

(Видео) Жена се соблече гола среде улица пред малолетници кај „Млечен“ во Карпош

Жена се соблече гола среде булеварот „Метрополит Теодосиј Гологанов“. Сведоци на ваквиот нејзин потег биле минувачи, меѓу кои и малолетници кои ја снимале и извикувале од страна. Од снимките кои ги доставија, се гледа дека таа прво го соблекла долниот дел од облеката, а потоа се соблекува и целосно гола.Засега не е познато дали реагирала полицијата, како и дали случајот бил пријавен. Нејасен е и мотивот за ваивкиот потег. Снимките покажуваат дека таа застанувала пред возила кои ја одминувале.

Скопје | пред 6 месеци

Како дете бил жртва на сексуално вознемирување, сега пешачки 111 километри за институциите да ги чујат другите жртви

Кирил Ангелов, кој во детството бил жртва на сексуално злоставување, а подоцна успешно се изборил и со канцерот, најави хуманитарен подвиг – пешачење во должина од 111 километри, со цел подигнување на свеста за сексуално злоставување на деца, булинг и сите форми на насилство.Ангелов објави дека акцијата ќе се одржи од 30 март до 4 април 2026 година. Почетната точка ќе биде Скопје, а завршната Демир Капија, иако рутата може да претрпи промени, зависно од условите на терен.„Молкот на државните структури низ годините ме натера на овој потег. Верувам дека народот може да промени сѐ, ако има желба. Можам ова пешачење да го направам сам, но целта ми е да покажеме дека жртвите не треба да поминуваат сами низ сопствените тегобни патешествија,“ напиша Ангелов.Тој ги охрабри сите заинтересирани да му се приклучат – било од Скопје, Велес, Неготино или за само еден дел од патот – со цел да се покаже заедништво и поддршка. „Да ги утешиме жртвите дека треба да побараат помош, да се доверат некому и да го поминат животот во љубов и пријателство, а не сами и во изолација. Болката не треба да е табу, а ни тишина,“ порача тој.Ангелов, кој денес пишува за сопствените трауми, вели дека подвигот е начин да се испрати силна порака дека општеството мора да ја крене свеста и да застане зад најранливите.

Македонија | пред 7 месеци

Загина младо момче во тешка сообраќајка која се случи ноќеска кај Градско - тројца повредени

Тешка сообраќајна несреќа се случи синоќа, околу 00:10 часот, на локалниот пат од село Горно Чичево кон Долно Чичево во општина Градско. Во несреќата животот го загуби 21-годишен жител на Градско, а тројца негови пријатели се здобиле со тешки телесни повреди.Возилото „БМВ“, управувано од 22-годишниот П.А., излетало од патот. При тоа тешко се повредиле возачот и неговите сопатници Љ.О. (21) и Б.П. (20) од Градско, како и Х.Л. (22) од село Ногаевци. Од здобиените повреди починал Љ.О., додека останатите се пренесени во Општата болница во Велес.По наредба на јавен обвинител, телото на починатиот е предадено на обдукција. На местото на несреќата увид извршиле полициски службеници од СВР Велес, кои работат на целосно расветлување на трагичниот настан.

Македонија | пред 7 месеци

Во Македонија и понатаму постои сериозен проблем со детските бракови

Во Македонија и понатаму постои сериозен проблем со детските бракови, предупредуваат од невладината организација „Отворена порта“, која се бори против насилството и трговијата со луѓе.Според податоците, 1.355 девојчиња на возраст од 15 до 19 години веќе се мажени, додека бројот на момчиња во иста возрасна група е само 260. Дополнителна загрижувачка состојба претставува адолесцентната бременост, која е особено присутна во сиромашни и маргинализирани заедници.Најпогодени се девојчињата од ромската заедница, кои се соочуваат со прекин на образованието, губење на детството и ограничување на слободата.„Детскиот брак уништува детство, образование и слобода. Ако препознавате ваков случај, јавете се на 0800 11111“, порачуваат од „Отворена порта“.

Македонија | пред 7 месеци

Трагична сообраќајка кај Макази: Загинат маж од Битола, повеќе повредени

Попладнево на регионалниот пат Битола–Ресен, кај месноста Макази, се случи тешка сообраќајна несреќа во која загина 52-годишен битолчанец. Според првичните информации, има и други лица со повреди.Судирот се случил меѓу две патнички возила – едното со странски, а другото со охридски регистерски ознаки. Ударот бил толку силен што едно од возилата целосно изгорело.Полицијата и истражните органи вршат увид на местото на несреќата. Сообраќајот на овој дел од патот е во прекин од 13:20 часот и ќе остане затворен сè додека трае истрагата.

Македонија | пред 7 месеци

(Видео) Сообраќајка на автопатот Тетово–Скопје, има помал застој

На авопатот Тетово-Скопје се случи сообраќајна несреќа, во која неофицијално, нема тешко повредени.На овој дел, после Групчин, има застој, бидејќи двете возила се сеуште на патот.

Македонија | пред 7 месеци

(Фото) Исчезнат струмичанец – семејството бара помош во потрагата

Дрвошанов Роберт, 39-годишен жител на Струмица, се исчезнат од вчера околу 14 часот.Според информациите, во моментот на исчезнувањето Роберт бил облечен во црвени шорцеви, кафенкаста маица, црна капа и бели патики, а со себе носел и црн ранец.Семејството апелира до сите граѓани кои имаат било каква информација за неговото движење да се јават на телефонскиот број 077/619-822 – Љубинка, мајка на исчезнатиот.„Скопје1“ побара информации од Министерството за внатрешни работи, од каде потврдуваат дека се трага по Дрвошанов, кој е пријавен од страна на член на семејството, за исчезнат.„Денеска (14.08.2025) во СВР Струмица во 08:40 часот Д.Љ.(64) од Струмица пријавила дека на 13.08.2025 околу 13:00 часот нејзиниот син Р. Д. (39) се оддалечил во непознат правец. Се преземаат мерки за пронаоѓање на лицето“, велат од МВР.

Македонија | пред 7 месеци

(Видео) Снимка од несреќата на автопатот-Тетово-Скопје, каде загинаа три лица, а дете заврши во болница

Надзорна камера ја снимила несреќата на автопатот Тетово-Скопје каде загинаа три лица, а од која се гледа како автомобилот, со нагло свртување на лево, влегувајќи во спротивна насока на движење, се судира со автобус.Најпрво, автомобилот се движи споро на првата сообраќајна летна. По десетина метри, свртува лево, а во втората летна веќе се движи цистерна. За среќа, цистерната избегнува сообраќајна несреќа, но веќе во последната летна, има автобус, кој иако се обидува со свртување, не успева да спречи директен судир. Автомобилот кој движи зад автобусот, свртува и избегнува да удри во автомобилот „опел“.Неофицијалните информации и сомнежите се дека возачот имал здравствени проблеми, во моментот кога свртува на лево. Издадена е наредба за обдукција. Се проверува и исправноста на возилото „опел“, а повикан е и сообраќаен вештак за да се испитаат сите околности.За возачот на автобусот е наложено испитување за евентуално присуство на алкохол или психоактивни супстанции. Во несреќата, тешко повредено е дете, кое е во болница.Претходно:

Македонија | пред 7 месеци

(Видео) Тепачка среде улица во Струмица, еден од нив со секира замавнува кон другиот

Снимка на која се гледа физичка пресметка меѓу две лица, од кои едното држи секира, предизвика бурни реакции на социјалните мрежи, откако беше објавена од случајни минувачи. Според неофицијални информации, инцидентот се случил вчеравечер во центарот на Струмица, а видеото прикажува како вербална расправија преминува во турканица и отворена тепачка на улица.На видеото се гледа дека едно од лицата замавнува со секира, додека друго возвраќа физички, а во обид да ги раздвои се вмешува и жена која се наоѓала меѓу нив. Ситуацијата ескалира, по што граѓаните што снимале решаваат да се тргнат, стравувајќи за сопствената безбедност.Покрај снимката, на социјалните мрежи се појавија и коментари кои тврдат дека овој инцидент е кулминација на долгогодишен проблем, поврзан со лица кои агресивно просат во центарот на градот, вознемируваат минувачи и вклучуваат деца во собирање пари.Во моментот не е познато дали случајот е пријавен во полиција, ниту дали надлежните институции презеле мерки.Граѓаните бараат поголема безбедност и надзор во централното градско подрачје.

Македонија | пред 8 месеци

(Видео) Група деца вербално и физички малтретирани на Школка – родителите алармираат, случајот пријавен во полиција

Група од четири деца, меѓу кои три девојчиња и едно момче, биле изложени на вербален и физички напад од друга група деца на Школка во Градски парк, објави загрижена мајка на едно од нападнатите деца.Инцидентот се случил пред два дена, кога децата мирно седеле, по што им пришла група од околу 5 до 6 деца на возраст од 12 до 13 години, кои почнале да дофрлаат навредливи зборови како „секташи“ и „педери“. Иако нападнатите деца не реагирале, едно од другата група плукнало во нивната насока, при што една девојка била погодена во лицето.„Таа му викнала, тој се повлекол, но по десетина минути се вратиле со постари деца кои им се заканиле дека ќе ги претепаат“, раскажува мајката. Едно од нив го плукнало момчето, а друго го снимало со камера додека го принудувало да се извини затоа што биле таму.Според сведочењето, ситуацијата ескалирала и следниот ден, кога истата група повторно ги пресретнала децата на излегување од паркот. Додека се движеле кон автобуската постојка, едно дете на тротинет го удрило со клоца, додека друго со сина маица и црни бермуди го удрило по рамото и се обидело да го сопне.„Се јави да каже дека пак ги следат. Му реков веднаш да снима и да не се мрдаат, а јас ќе повикам полиција. Штом кажал дека ќе дојде полиција, децата се разбегале“, вели мајката.На крај, пријател на семејството дошол со автомобил да го земе, а случајот бил пријавен во полиција.Родителите на нападнатите деца бараат институциите итно да реагираат, бидејќи станува збор за повторено малтретирање од малолетници, кое лесно може да прерасне во посериозно насилство. Повеќе граѓани бараат поголема безбедност и полициско присуство во делот околу Школка, кој често станува сцена на слични инциденти.

Скопје | пред 8 месеци

Напишал „не играјте си со оние што немаат што да изгубат“, па го убил внукот и 13-годишниот Милан

Панчо Чупаркоски и неговиот 13-годишен син Милан се жртвите на ликвидаторот Пеце Белото.Пред да го стори грозоморниот злочин, попладнето во 17 часот, објавил и фејсбук статус со морничава фотографија. Напишал: „Мојата сестра Љуба Чупаркоска и нејзиниот син ... Ми украде и одзеде скоро Сее, останатото им го дадов Сам, но... Не играјте си со оние кои што немаат што да изгубат!“. Потоа го извршил злочинот.[caption id="attachment_342865" align="alignnone" width="1366"] Screenshot[/caption]Пријавата до МВР, дека ги нема Панчо и Милан, дошла во 21:20 минути, кога се јавила мајката односно сопругата на двете жртви, кои биле ликвидирани со огнено оружје. Во куќата е влезено по повеќе од три часа, кога се најдени безживотните тела на двете жртви, но и на ликвидаторот кој се самоубил.Вечерта кога се случи грозоморниот настан, ликвидаторот имал именден. Жртвите ги намамил додека бил надвор од домот, а потоа, кога ги внел во неговата куќа, им ги одземал телефоните и им се заканувал. Со него освен огнено оружје, имал и бомба. Засега не е познато во кој дел од денот ги извршил убиствата.Ликвидаторот има низа контроверзни и морбидни објави на неговиот профил на „Фејсбук“. Ги величи Путин и севернокорејскиот лидер Ким Јонг Ун, напишал „Човекот е најголемото зло на земјата“.Сомневањата на обвинителот се дека убиствата се сторени поради семејни недоразбирања кои траеле подолг период, а поврзани со имнотно-правни прашања. Ликвидаторот имал 63 години.

Македонија | пред 8 месеци

Пукање во скопско Батинци, едно лице е застрелано

Ново пукање ги вознемири утрово жителите на Батинци, дознава „Скопје1“. Едно лице е погодено и пренесено во болница. Извори за „Скопје1“ велат дека станува збор за лицето Африм М.Детали за случајот засега не се познати, како и дали е уапсено лицето кое пукало. Минатата година, во ова село имаше и убиство.По увидот, повеќе детали се очекуваат од МВР.

Скопје | пред 8 месеци

(Видео) Вознемирувачка снимка: Монструозно малтретирање дете – врзано со јаже околу врат и раце, случајот е наводно во струмичко

Дете врзано за врат и раце со јаже, обесено на цевка, снимано и малтретирано оти украло пари од маалски дуќан – ваква снимка е објавена на социјалните мрежи која предизвика голема вознемиреност кај граѓаните. Засега нема детали за случајот, а објавувачот посочува дека истата е направена во струмичко Ново село.На почетокот, лицето кое го врзало детето, го прашува „Зошто си така врзан?“, тоа вика „Земав пари“, тој вика „Зема или украде?“, а тоа одговара „Зема“.Потоа, го прашува детето што им направил на парите, а тоа одговара „земав да јадам“. На потпрашање „каде се другите пари“, тоа одговори...Детето вели дека секојпат крадело, па вели дека нема да краде.„Нема да крадам, пушти ме“, вели детето, а тој одговара „нема пуштање, кажах ти“.Се слуша како детето вика и плаче, додека човекот го снима и испрашува.„Можеш ли малку да ме олабавеш?“, прашува детето, а тој вели „Не“.„Скопје1“ го испрати видеото до полицијата, оттаму чекаме детали. Од објавувачот на видеото, побаравме детали каде било првично споделено и од кое лице, како и кога е снимено.

Македонија | пред 8 месеци

(Фото) Чистење пред чистка: Кривичен суд добива нов лик однадвор, а можеби и нова внатрешна поставеност

Пред да започнат евентуалните кадровски промени, викендов започна темелно чистење на надворешниот дел од Кривичниот суд во Скопје. Зградата и дворот беа средени – заменети се старите знамиња, шалтерите се исчистени, а тревата покосена.[caption id="attachment_342308" align="alignnone" width="1600"] Фото: Skopje1.mk[/caption]Овие активности доаѓаат само неколку дена по изборот на новата в.д. претседателка на судот, Даниела Димовска. Иако засега не е познато дали ќе следува и внатрешна „чистка“ меѓу позиционираноста на судиите согласно годишниот распоред, некои ја гледаат акцијата како сигнал за поинаков пристап и нова слика за институцијата која во изминатите години беше постојано мета на јавни критики.[caption id="attachment_342309" align="alignnone" width="1602"] Фото: Skopje1.mk[/caption]Дали симболичното чистење е само почеток на подлабоки реформи во Кривичниот суд – останува да се види.[caption id="attachment_342310" align="alignnone" width="1592"] Фото: Skopje1.mk[/caption]

Македонија | пред 8 месеци

(Видео) Скопје: Удрил во две паркирани возила и си заминал – д-р Маја Кирјас: „Се срамам каде живеам“

Сведоштво од познатата докторка Маја Кирјас разоткри уште една несовесност на улиците во Скопје. Според нејзината објава, неидентификуван возач во раните утрински часови со своето возило удрил во две уредно паркирани коли – едната од нив нејзиното „Нисан“ – и потоа го напуштил местото на несреќата.„Возилото е мое! Поточно, уште на лизинг… Паркирано уредно. Позади паркирано друго возило. Во 6 часот од гостилница 'Дукат' се слуша силен удар од трето возило кое ги удира возилото позади мене и моето Нисан возило!“, напиша д-р Киријас, потенцирајќи дека снимката од безбедносните камери „за жал покажува сè“.Несреќата се случила пред зградата каде што таа живее, а како што тврди, иако нејзиното возило било правилно паркирано, штетата е значителна.Докторката упати и остри критики до дел од порталите кои, според неа, ја злоупотребиле несреќата за сензационализам: „Одредени портали на несреќата на граѓаните прават шоу. Се срамам каде живеам. За порталите би дала сугестија – не пренесувајте лажни вести, за да ни оставите барем трошка верба во тоа што го читаме!“Случајот е пријавен и се очекува полицијата да го идентификува и санкционира возачот кој избегал од местото на настанот.

Скопје | пред 8 месеци

Се огласи ќерката на загинатиот скопјанец: Ми го прегазија татичко свирепо на пешачка зона на кеј, ќе има ли крај на ова?

Тешка сообраќајна несреќа се случи вчера околу 19:30 часот на пешачката патека во близина на улицата „Ленинова“ во Скопје, кога моторцикл „Кавасаки“ со скопски регистарски ознаки удрил во пешакот Ј.Н. (68) од Скопје, информира Министерството за внатрешни работи.По ударот, мотоциклистот го напуштил местото на несреќата. Од силината на ударот, пешакот се здобил со тешки телесни повреди и бил итно пренесен во Комплексот клиники „Мајка Тереза“, каде за жал подоцна им подлегнал на повредите.По објавувањето на трагичната вест, на социјалните мрежи се огласи и ќерката на загинатиот скопјанец, која сподели трогателна порака:„Ми го прегазија татичко свирепо на пешачка зона на кеј, пред сопствениот прозор. Се зацрни уште една фамилија. Дали ќе има крај на ова, до кога се прашуваме, до недоглед!!! Дали е тоа место за возење на мотори!? Ќе ми фалиш бескрајно, еден дел од мене засекогаш згасна“, напиша таа, додавајќи дека семејството ќе бара правда за својот татко.

Коментари | пред 8 месеци

(Фото) Скопјанец усмртен на кејот кај „Жабарот“ на пешачка зона, прегазен под прозорецот на станот каде живеел

Излегол на улица, а смртно бил прегазен под прозорецот на станот каде живеел. Ваква судбина доживеа скопјанецот Југо, кој вчера го загуби животот на кејот на Вардар, спроти Паркот на Франкофонијата. Неговите роднини за „Скопје1“ посочуваат дека сѐ се случило околу 20 часот кога имало преку 30 деца во близина. На моторот, според нивните информации, имало две лица, кои бегале од полиција.„Го убија на пешачка зона“ вели роднина на загинатиот Југо.Преку социјалните мрежи од него се простуваат и пријателите.„Да умрам недалеку од местото кај што се родив, најчесто се поистоветува со човековата желба, честопати вкоренета во чувството на поврзаност со сопственото потекло и желбата за враќање кон домот, корените... Чичко Југо, татко на две прекрасни ќерки кои израснаa во прекрасни мајки и му подарија три внучиња. Чичко Југо на никого ништо не му згришил, да не го знаеш ќе се чудиш од каде толку фин, културен, кога и да те види ќе те поздрави, ќе ти направи секогаш фин муабет. Нема човек кој не го сакаше, не го почитуваше. Чичко Југо загина под сопствениот прозор, буквално под сопствениот прозор. Го убија со мотор, скап мотор, без таблички, бегајќи од полиција на Кеј 13 Ноември, покрај Паркот на Франкофонијата, каде што секогаш си играат нашите деца, кои беа сведоци на настанот. Секогаш ќе те памтиме само по добро чичко Југо“, вели неговиот пријател Дончо Наумовски.„Скопје1“ побара детали од МВР. Оттаму очекуваме одговор.

Скопје | пред 8 месеци

(Фото) Семафор искршен, перничиња активирани, интервенира Брза помош – судар кај Собранието

Сообраќајна несреќа се случи на раскрсницата кај Собрание. Очевидци посочуваат дека автомобил марка „ауди“ и „алфа“ се судриле, а веднаш била повикана и Брза помош бидејќи еден од возачите се жалел на повреди.Од фотографиите може да се види дека поголеми оштетувања има автомобилот „алфа“ во кои се отвориле и воздушните перничиња. Од силината на ударот, искршен е и семафорот.Повеќе детали се очекуваат од МВР.

Скопје | пред 9 месеци

Огласена продажбата на луксузните станови на Никола Груевски – државата нуди имот вреден над 2,4 милиони евра

Пет станови. за кои судот посочи дека се на поранешниот премиер Никола Груевски, а кои беа конфискувани во случајот „Плацеви на Водно“, се официјално ставени на продажба, објави Фокус.Агенцијата за управување со одземен имот го огласи недвижниот имот, кој вклучува три ексклузивни стана во комплексот „Панорама“ на Водно, со вкупна површина од 750 м² и вредност од над 2,4 милиони евра. Становите се луксузно уредени со пространи балкони, од кои се пружа панорамски поглед кон Скопје.Стан 1: 155 м² + 95 м² балкон – 760.000 евраСтан 2: 199 м² + 48 м² балкон – 847.000 евраСтан 3: 200 м² + 48 м² балкон – 851.000 евраПокрај имотот на Водно, на продажба се и два стана во Кисела Вода, во зградата каде Груевски живееше пред бегството. Едниот од 57 м² се продава за 63.000 евра, а другиот од 38 м² за 44.000 евра.Становите се нудат согласно новиот Закон за управување со одземен имот, усвоен во март 2025, со кој се забранува учество на членови од семејството на поранешните сопственици на јавни аукции. Оваа законска измена доаѓа откако дел од имотот на Сашо Мијалков беше купен од неговиот син, што предизвика критики и потреба од правни измени за да се спречи враќањето на имотот кај осудени лица или нивни блиски.Продажбата на имотот на Груевски се смета за симболичен, но важен чекор во напорите на државата за враќање на средствата стекнати преку криминал и зајакнување на принципот на правна држава.

Македонија | пред 9 месеци

(ВОЗНЕМИРУВАЧКО ВИДЕО) Татко насилник шамара 4-годишно дете: „Ќе те утепам, ќе ти ја искршам главата“

Скопјанка, сподели видео на кое се гледа како татко претепува сопствено дете. Снимката е вознемирувачка, а таа прашува „Зарем вакво детство заслужува едно дете“. Видеото е дел од доказите на Обвинителството, кои побараа, а судот одобри притвор за насилникот.Zarem vakvo detstvo zasluzuva edno dete?Bez pricina, zatoa shto ima bolni umovi i ne razmisluvaat vo momentot, nashle...Posted by В. Ѓ. on Monday, June 23, 2025„Зарем вакво детство заслужува едно дете?Без причина, затоа што има болни умови и не размислуваат во моментот, нашле да покажуваат сила на деца. Ако возрасните имаат проблеми, што се виновни децата? Стресно е и за другите – 3 сестрички се, 3, 4 и 9 години. Се случува во саботата сабајлето, вечерта он веќе е во полициска станица, а сега во притвор. И пак јас сум виновна што сум пријавила и сакам децата да си ги заштитам. Детството е најубавиот период и некој вака да им го уништи... не може. Детето има телесни повреди и набиеници на лицето, а сите три ќе имаат доживотни трауми...“, напиша скопјанката која сподели и фотографии..Обвинителството вчера соопшти дека го гони 28-годишниот скопјанец за нанесување телесна повреда.„Основното јавно обвинителство Скопје ја иницираше постапката поради основано сомнение дека тој, во семејниот дом во населбата Драчево, при вршење семејно насилство, телесно ја повредил неговата малолетна ќерка родена 2021 година. Додека мајката на детето приготвувала јадење, тоа си играло со нејзините две сестри. Во еден момент девојчето се качило на креветот во дневната соба за да ги земе играчките, поради што осомничениот започнал да ја навредува и да ја удира со шлаканици по лицето, нанесувајќи и телесни повреди – набиеница на главата и огреботини на кожата на лицето. Продолжил и со вербални закани дека ќе ја убие. Имајќи предвид дека согласно вербалните искази при пријавата на настанот, осомничениот подолго време манифестирал агресивно однесување во семејството, јавниот обвинител оцени дека постои ризик од повторување на насилството со несомнени последици врз нормалниот психофизички развој и воспитувањето на децата. Исто така, доколку биде пуштен да се брани од слобода, постои опасност од бегство, со цел да ја избегне кривичната одговорност за стореното кривично дело. Од тие причини Основното јавно обвинителство Скопје до судијата на претходна постапка поднесе предлог за определување мерка притвор“, велат од Обвинителството.ВИДЕОТО ТУКА.

Македонија | пред 9 месеци

Уапсен бизнисменот Крмзов, кого го поврзуваа со Заеви

Рано утринава, полицијата го уапси бизнисменот Ристо Крмзов. Апсењето било по најлог на јавен обвинител, а откако за него беше отворена истрага при која пред неколку месеци беа направени претреси и беше одземена документација. Последните информации од премиерот Христијан Мицкоски, кажани на новинарски брифинг, беа дека Крмзов направил злоупотреби тешки 15 милиони евра, а шемата допира до политичари.Еуростандард банка, ископ на јаглен во РЕК Битола, случајот „Синџир“, шверц на брендирана гардероба, поврат на ДДВ... Ова се дел од случаите со кои изминативе години, медиуми и тогашната опозиција – ВМРО-ДПМНЕ – директно или индиректно го поврзуваа струмичкиот бизнисмен Ристо Крмзов.Од партијата ВМРО-ДПМНЕ обвинуваа дека Крмзов е близок до семејството на поранешниот премиер Зоран Заев, а неговиот хотел „Вила Парк“ во Струмица го нарекуваа „омиленото место на фамилијата Заеви за собирање рекет“.Во емисијата „Код“, Крмзов изјави дека неговите проблеми започнале на самиот крај на минатата 2023 година, кога Управата за јавни приходи започнала да спроведува контроли во негови компании. Меѓутоа, контролите постојано се одложувале и инспекторите не доаѓале во контрола, со цел, според него, државата да има изговор да не ги префрлува парите. Инаку, тогаш директорка на УЈП беше Сања Лукаревска, актуелна пратеничка на СДСМ.„Работам 31 година, овој бизнис го работам од 1993 година. Ова го прават од повеќе причини. Едноставно им сметам и во транспорт и во градежништво и во се. Цела таа акција започна за време на СДСМ, се е на локално ниво. Одредени локални моќници кои мислат дека државата е нивна и можат да прават што сакаат, оркестрираат лажни и инфилтрирани податоци до министри, премиери, служби, за јас да бидам криминалец. Океј, има институции, ќе се провери дали е така или не“, рече тој.

Македонија | пред 9 месеци

По две децении, уапсен командант Бреза во Ченто и спроведен во затворот во Шутка

Хамди Бајрамовски, познат како командант Бреза од скопското село Брест, кој беше во бегство од 2003 година, вчеравечерта е уапсен, и спроведен во затворот „Скопје“ во Шутка, дознава „Скопје1“. Тој бил осуден за разбојништво и други кривични дела, по што, избегал од Македонија и се барал со меѓународна потерница.Според информации на „Скопје1“, тој бил апсен во скопско Ченто односно местото викано Камник, а за доизлежување има уште пет години затвор.Во 2005 година, при претреси кај командатот Бреза беа најдени купишта оружје. Од униформи, минофрлачи, гранати за РПГ, тенковски гранати до тешко воено оружје и 300 илјади парчиња куршуми.

Македонија | пред 9 месеци

(Видео) Пак прскалки во затворена просторија, организаторот казнет

Со пиротехника се прославила победата на кошаркарскиот клуб „Маџари“ кој издвои победа над клубот „Ангели“, иако Собранието донесе измени на Законот за прекршоци против јавниот ред, со кои, се забранува употреба на прскалки во затворени простории. Натпреварот се одиграл во затворена сала, а зад лед дисплејот, покрај конфетите, се гледаат и прскалките.Побаравме став од Кошаркарската федерација на Македонија, дали се тие организатори, но и дали знаат дека употребата на пиротехника во затворени простории е казниво – до овој момент не добивме одговор. Го контактиравме и кошаркарскиот клуб кој славеше победа за употребените прскалки – но и од таму молк.Од Министерството за внатрешни работи, посочуваат дека постапиле и дека ќе има прекршочна пријава за организаторот.„Констатирано е дека организаторот нема пријавено до МВР користење пиротехника, согласно закон за пиротехника. СВР Скопје го повика организаторот при што ќе му биде поднесен прекршок согласно новиот закон за користење на пиротехника“, велат од МВР за „Скопје1“.Со измените не е дозволена употреба на пиротехнички средства во објекти и простории од затворен тип, а двојно се зголемени и прекршочните глоби за физичките и правните лица кои постапуваат спротивно на забраната. Доколку прекршокот се повтори, се предвидува затворска казна. Овие измени дојдоа по големата трагедија во Кочани, каде при употреба на прскалки, искра го зафати таванот и изби пожар, по што загинаа 62 лица.Инаку, кошаркарскиот клуб „Маџари“ славеше победа за влез во првата лига со трофеј.

Македонија | пред 10 месеци

(Фото) Запален автомобил на политичар во Битола

На паркинг во Битола, ноќеска, се запалени два автомобили. Според неофицијални информации, едниот е сопственост на поранешниот кандидат за градоначалник од редовите на СДСМ, Христо Кондовски.Од полицијата потврдуваат дека се опожарени две возила, а екипи на противпожарната служба интервенирале веднаш по дојавата и спречиле пошироко проширување на огнот. Немало повредени лица.Христо Кондовски важи за еден од најпознатите бизнисмени во Битола.

Македонија | пред 10 месеци

Ужас во кичевско: со секира ги нападнал родителите, го убил татко му, мајката е во неконтактибилна состојба

Денеска (11.05.2025) во 07:10 часот, полициски службеници од ОВР Кичево го лишија од слобода Е.А.(48) од селото Србјани, кичевско, поради сторено кривично дело „убиство“.„Околу 07 часот во ПС Кичево од Итната медицинска помош Кичево, било пријавено дека кај нив се јавил Е.А. и кажал дека во семејната куќа во с. Србјани со секира ги нападнал неговите родители. Со возило на Итна медицинска помош двете лица се пренесени во Медицинскиот центар Кичево, каде У.А.(74), татко на сторителот, им подлегнал на повредите, а Ф.А.(67), мајка на сторителот, е во неконтактибилна состојба. Е.А. е лишен од слобода и по документирање на случајот, против него ќе биде поднесена кривична пријава“, велат од МВР.Од Обвинителството велат дека лицето е задржано.„Во врска со настанот во кичевско каде маж со секира ги нападна родителите, јавен обвинител од Основното јавно обвинителство Кичево изврши увид на лице место во семејната куќа во селото Србјани, прибрани се траги кои ќе бидат предмет на вештачење. Лицето е задржано и текот на денот ќе следи постапка“, велат оттаму.

Македонија | пред 10 месеци