OHRID

(ФОТО) Георгиески: Инвестициите во сообраќајната инфраструктура се нашиот приоритет

Инвестициите во сообраќајната инфраструктура се нашиот приоритет.Во завршна фаза се градежните активности од проектот за реконструкција на улицата „Марко Цепенков“ во населбата „Видобишта“. Деновиве беше поставен завршниот асфалтен слој на коловозот, а претходно се изведуваа работни активности за поставување на нови рабници и поплочување на пешачката патека од едната страна на улицата.Во текот на наредниот период планирано е поставување на соодветна хоризонтална и вертикална сигнализација.

Македонија | пред 5 години

Мобилните тимови на локалната самоуправа и ЦК од Охрид околу девет месеци секојдневно укажуваат помош и поддршка на ранливите категории на граѓани

По повод Меѓународниот ден на волонтерите кој се одбележува денеска сакам уште еднаш да упатам јавна благодарност и признание за сите членови на Мобилните тимови на локалната самоуправа и Црвениот крст од Охрид кои околу девет месеци секојдневно укажуваат помош и поддршка на ранливите категории на граѓани од нашата општина, напиша на својот ФБ профил градоначлникот на Охрид, Константин Георгиески.Во продолжение на својата објава градоналникот додава:Нивната неуморна работа и нивните несебични напори за ублажување на последиците од кризата предизвикана од пандемијата на КОВИД-19 се вистински пример за хуманост и човечност и имаат непроценливо значење за заедницата.Деновиве овие мобилни тимови спроведоа уште една голема хуманитарна акција при која што беа доставени вкупно 100 пакети со прехранбени производи до социјално ранливи семејства од Охрид и околината.Прехранбените пакети беа обезбедени преку донација од позната трговска компанија.

Македонија | пред 5 години

(ФОТО) Поставен првиот асфалтен слој на улицата „Абас Емин“

Како резултат на истрајната и максимално посветена работа на сложениот инфраструктурен проект за реконструкција на улицата „Абас Емин“, на мое големо задоволство, денеска беше поставен првиот асфалтен слој на дел од коловозот, напиша на својот ФБ профил градоначалникот на Охрид, Константин Георгиески.Тој во објавата додава:Согласно предвидената динамика, претходно, во рамки на првата фаза од проектот за реконструкција, на овој потег беше поставена нова атмосферска, фекална и водоводна линија со ископ во длабочина од 3,5 метри и ширина од 2 метри и беше извршено преприклучување на корисниците. Исто така беа реализирани активности за соодветно тампонирање и поставување на рабници.Паралелно со асфалтирањето на коловозот тековно се изведуваат градежните активности за поставување на атмосферската, фекалната и водоводната мрежа на останатиот дел од улицата. Според планираното, доколку дозволат временските услови, во текот на овој месец ќе биде поставен асфалт на коловозот, на потегот до пресекот со улицата „Охридска Бригада“.Со подеднаква посветеност како и до сега, продолжуваме да работиме за успешна реализација на целокупниот проект.

Македонија | пред 5 години

(ФОТО) Во Охрид нови типизирани куќарки за улична продажба на јавни локации во централното градско подрачје

Со цел да се обезбедат посовремени услови за улична продажба на јавни локации во централното градско подрачје и да се подобри урбаната слика во градот, Општина Охрид преку ЈП „Градски пазар“ набави 10 типизирани куќарки(урбана опрема).Куќарките имаат автентичен изглед, изработени се од соодветен дрвен материјал и располагаат со сите потребни сегменти за продажба. Куќарките ќе се поставуваат на јавни локации во градот согласно потребите и Програмата за поставување на урбана опрема. Според планираното, во иднина Општина Охрид ќе дозволува продажба на отворено само во вакви куќарки и нема да биде дозволена продажба на отворено на монтажни тезги од секаков вид.Куќарките ќе бидат поставени за прв пат на градскиот плоштад во Охрид за потребите на Новогодишниот базар. Поради економската криза која ја предизвика светската пандемија и со цел да им се излезе во пресрет на локалните трговци, Општина Охрид донесе одлука во текот на Новогодишниот базар, куќарките да бидат изнајмени промотивно и без закуп. Во текот на наредните денови ќе биде објавен наменски јавен повик за изнајмување на куќарките.

Македонија | пред 5 години

Нема фотографија

Георгиески: Охрид има неколку успешни бизнис приказни, кои се вистински пример за развој на локалната економија

Охрид има неколку успешни бизнис приказни, кои се вистински пример за развој на локалната економија.Заедно со вицепремиерот за економски прашања, Фатмир Битиќи и директорот Царинската управа, Ѓоко Танасоски денеска ја посетивме компанијата "АСП-ПАК" која постојано инвестира во развој и унапредување на производствениот процес, континуирано отвора нови работни места и освојува нови пазари.Како локална самоуправа, во доменот на своите ингеренции, секогаш стоиме на располагање за поддршка на локалните бизниси кои го зајакнуваат економскиот потенцијал на Охрид, напиша на својот ФБ профил градоначалникот на Охрид, Константин Георгиески. 

Македонија | пред 5 години

Заврши педесет и втората седница на советот на Општина Охрид

На почетокот на денешната седница предлагачот од дневен ред ја повлече 61. точка, односно Предлог-одлуката за обезбедување финансиски средства за функционирање на служби за заштита и спасување на подрачјето на општина Охрид во состав на Црвен Крст Охрид. Дополнително, предлагачот дневниот ред го надополни со уште шест точки и тоа Нацрт програма за млади и невладини организации за 2021 година, Предлог одлука за аплицирање и кофинансирање на кофинансирање на регионален проект предлог, „Проект за поддршка на регионалниот економски развој: туризам, култура и други економски дејности“, Предлог одлука за измена и дополнување на програмата за комунални услуги Ј8 финансирани преку средства од домашни и меѓународни институции, Предлог одлука за проширување на буџетот за 2020 година, Предлог одлука за прифаќање донација на хуманитарни пакети наменети за социјално ранливи семејства донирани од КАМ ДОО, Предлог одлука за доделување на посебно признание на НУ „Охридско лето“ за достигнувања во областа на културата во изминативе 60 години, кои подоцна беа усвоени.На денешната седница советниците ги усвоија предлог одлуките за константирање престанок на мандат на член во Советот на општина Охрид, за дополнување на статутот на општина Охрид.Советниците ги усвоија прелог одлуките за усвојување на Извештајот за реализација на Програмата за работа на Советот на општина Охрид за 2020 година за периодот од 01.01. до 30.09.2020 година, за усвојување на Извештајот за реализација на Програмата за поттикнување на развојот на туризмот на општина Охрид 2020 за периодот од 01.07. до 30.09.2020 година, за усвојување на Извештајот за реализација на Програмата за поддршка на локалниот економски развој на општина Охрид за периодот од 01.07. до 30.09.2020 година, за усвојување на Извештајот за реализација на Програмата за финансиските потреби на територијалната противпожарна единица Охрид за периодот од 01.07. до 30.09.2020 година, за усвојување на Извештајот за реализација на Програмата за изработка на урбанистички планови на територијата на општина Охрид за 2020-2022 година за периодот од 01.07. до 30.09. 2020 година, за усвојување на Извештајот за реализација на Програмата за заштита на животната средина и природата за 2020 година за периодот од 01.01. до 30.09.2020 година, за усвојување на извештајот за реализација на програмата за енергетска ефикасност за 2020 година за периодот од 01.01. до 30.09.2020 година, за усвојување на извештајот за реализација на програмата за други комунални услуги за периодот од 01.01. до 30.09.2020 година, за усвојување на извештајот за реализација на програматa за изградба и реконструкција на локални патишта и улици за периодот од 01.01. до 30.09.2020 година, за усвојување на извештајот за реализација на програмата за одржување јавна чистота за периодот од 01.01. до 30.09.2020 година.Предлог-Одлука за усвојување на извештајот за реализација на програмата за јавно осветлување за периодот од 01.01. до 30.09.2020 година, за усвојување на извештајот за реализација на програмата за одржување и заштита на локални патишта, улици и регулирање режим на сообраќај за 2019 година за периодот од 01.01. до 30.09.2020 година, за усвојување на извештајот за реализација на програмата за одржување и користење на паркови и зеленило за периодот од 01.01. до 30.09.2020 година, за усвојување на извештајот за реализација на развојната програма за изградба на системи за водоснабдување 2020 – 2022 година за периодот од 01.01. до 30.09.2020 година, за усвојување на извештајот за реализација на развојната програма за изградба на системи за одведување и прочистување на отпадни води 2020 – 2022 година за периодот од 01.01. до 30.09.2020 година, за усвојување на извештајот за реализација на програмата за изградба на сообраќајна сигнализација за периодот од 01.01. до 30.09.2020 година, за усвојување на извештајот за реализација на развојната програма за уредување на градежно земјиште за 2020 – 2022 година за периодот од 01.01. до 30.09.2020 година, за усвојување на Извештајот за реализација на Програма за активностите на Општина Охрид во областа на образованието за 2020 година за периодот од 01.01. до 30.09.2020 година.Предлог-Одлука за усвојување на Извештајот за реализација на Програма за детска заштита за 2020 година за периодот од 01.01. до 30.09.2020 година, за усвојување на Извештајот за реализација на активностите од Програмата за социјална заштита за 2020 година за периодот од 01.07. до 30.09.2020 година, за усвојување на Извештајот за реализација на Програмата за спорт и рекреација за 2020 година за периодот од 01.07.2020 до 30.09.2020 година, за усвојување на Извештајот за реализација на Програмата за културни манифестации и творештво за 2020 година за периодот од 01.01. до 30.09.2020 година, за усвојување на Извештајот за реализација на Програмата за млади и невладини организации за 2020 година за периодот од 01.07. до 30.09.2020 година, за усвојување на Извештајот за остварување на буџетот на општина Охрид за периодот од 01.01. до 30.09.2020 година.Советот на општина Охрид ги усвои предлог одлуките за усвојување на извештаите од работењето на ЈП „Градски гробишта“ – Охрид за периодот од 01.01. до 30.09.2020 година, на ЈП Градски Пазар Охрид за периодот од 01.07. до 30.09.2020 година, на ЈП „Билјанини извори“ – Охрид за периодот од 01.01. до 30.09. 2020 година, на ЈП „ Охридски комуналец “ – Охрид за периодот од 01.07. до 30.09.2020 година, на Извештајот за работењето на ЈП„Нискоградба Охрид“ – Охрид за периодот од 01.07. до 30.09.2020 година, на ЈП „ВОДОВОД“-Охрид за периодот од 01.01. до 30.09.2020година.На денешната седница беа усвоени нацрт програмите за поттикнување на развојот на туризмот на Општина Охрид за 2021 година, за поддршка на локалниот економски развој на Општина Охрид за 2021 година, за изработка на урбанистички планови на територијата на Општина Охрид за 2021 – 2023 година, за финансиските потреби на територијалната противпожарна единица Охрид за 2021 година, за заштита на животната средина и природата за 2021 година, за спорт и рекреација за 2021 година, за активностите на Општина Охрид во областа на образованието за 2021, за детска заштита за 2021 година, за социјална заштита за 2021 година, за одбележување празници и манифестации во 2021 година, за активностите на општина Охрид во областа на култура за 2021 година, за работа на Советот на Општина Охрид за 2021 година, за унапредување на родовата рамноправност на локално ниво за 2021 година, за енергетска ефикасност за 2021 година, за одржување јавна чистота за 2021 година, за подигање и одржување на паркови и зеленило за 2021 година, за јавно осветлување за 2021 година, за одржување и заштита на локални патишта, улици и регулирање режим на сообраќај за 2021 година, за други комунални услуги за 2021 година, за изградба на системи за водоснабдување за периодот од 2021- 2023 година, за изградба и реконструкција на локални патишта и улици за 2021 година, за изградба на системи за одведување и прочистување на отпадни води за 2021 – 2023 година, за изградба на сообраќајна сигнализација за 2021 година, за уредување градежно земјиште за 2021 -2023 година.Советнците од советот на општина Охрид ги усвоија и предлог одлуките за утврдување фискална стратегија и развојни програми на Општина Охрид за 2021 година, за усвојување на Нацрт буџетот на Општина Охрид за 2021 година, за давање на трајно користење движни ствари-опрема-унифицирани продажни пултови, за давање согласност на одлуката за дополнување на одлуката за утврдување на цени за користење на спортските објекти и паркинг простори со кои стопанисува ЈП „Билјанини Извори“ – Охрид, за донесување на Деловник за работа на парципативно тело од областа на урбанизмот, за усвојување на техничка исправка за ГП 3 на Кп 8951/1 во КО Охрид 2, во ДУП за УЗ 9, УБ 9.2 општина Охрид, за усвојување на техничка исправка за ГП 2.24 од ДУП за УЗ 2, УБ 2.3-опфат 4, општина Охрид, плански период 2010-2015 донесен со Одлука на Советот на општина Охрид бр. 07-6092/37 од 30.06.2014 година.

Македонија | пред 5 години

Избрани најдобрите поетски творби во чест на Св. Климент Охридски - патронот на Охрид

По завршувањето на распишаниот Конкурс за најдобра поетска творба што го распишува општина Охрид по повод Св. Климент Охридски – Патронот на Охрид за стимулирање на творештвото на учениците од прво одделение до четврта година од средните училишта, Жири- комисијата во состав: Славе Ѓорѓо Димоски (претседател), Светлана Голабоска (член) и Ирена Бачиќ (член) донесе одлука за избор на најдобрите творби.Oд вкупно 18 пристигнати поетски творби посветени на животот и делото на Св. Климент Охридски одлучено е:Наградата во I категорија (за ученици од одделенска настава –од  прво до четврто одделение) да ѝ се додели на песната: „За Климент“ под шифра „Букви“.Придужни награди: „Учителот“ од Охрид, шифра „Охриѓанче“ и „Охриде“, шифра „Светлина“.Наградата во II категорија (за ученици од предметна настава – од шесто до деветто одделение) да ѝ се додели на песната „Охридска вечност“, под шифра „Лик“.Придружни награди: „Охрид раскажува за св. Климент“, под шифра „Зрак 10“ и „Климентово дело“, шифра „Учител“.Наградата во третата категорија за ученици во средно образование од прва до четврта година Жири-комисијата одлучи да не ја додели. Затоа предложи наградата предвидена за нив да се подели како придужна награда на првонаградените во претходните категории.Се повикуваат добитниците на наградите да дојдат во Одделението за култура во општина Охрид, најдоцна до 07.12. 2020 гoдина (понеделник) до 12 часот и со себе да го понесат четвртиот примерок од творбата со која конкурирале.

Македонија | пред 5 години

Битиќи: Владата ги поддржува домашните компании за поголема конкурентност на меѓународните пазари

Заменикот на Претседателот на Владата задолжен за економски прашања, координација на економските ресори и инвестиции Фатмир Битиќи денес изврши посета на неколку компании од Охрид со кои Владата има склучено договори за државна помош.Посетата на Охрид, Вицепремиерот Битиќи, ја започна со посета на компанијата АСП-ПАК, домашна успешна компанија, еден од двата најголемите производители на решенија за пакување и мрежни решенија во Европа, која лани потпиша договор за инвестициски циклус за 5 години за нивни инвестиции во вредност од над 5 милиони евра.„Мене ме радуваат повеќе информации во врска со оваа компанија, тоа е бројот на вработени кои се околу 300, креирани се солидно платени работи места , производството на компанијата околу 97% оди за извоз, значи станува збор за целосно извозна компанија. Токму вакви компании, кои создаваат добро платени работни места, кои се конкурентни на меѓународните пазари, кои создаваат производи со повисока додадена вредност се двигатели на нашата економија и тие се оние кои ги задржуваат младите да останат да работат во нашата земја“, нагласи Вицепремиерот.Битиќи додаде дека успешните домашни компании Владата ќе продолжи и понатаму да ги поддржува, да ги стимулира да го прошируваат своето производство, да се модернизираат и дигитализират, да го прошируваат асортиманот на производи, да отвораат нови работни места и да освојуваат нови пазари.„Колку повеќе извозно ориентирани компании имаме во нашата земја, тоа ќе придонесе за побрз развој и одржливост на економијата. Владата ќе биде партнер на компаниите и понатаму да продолжат да се развиваат. И АСП-ПАК и сите други кои се охрабруваат на нови инвестиции во производство ќе бидат стимулирани да продолжат со успех да работат и да придонесуваат кон поубаво заедничко општество“, потенцираше вицепремиерот Битиќи обраќајки се на сопственикот на АСП-ПАК, Петар Спасески.Сопственикот на АСП-ПАК, Петар Спасески истакна дека е многу задоволен што Владата го донесе Законот за финансиска поддршка на инвестиции, со кој се изедначија странските и домашните фирми по статусот, односно се изедначија по можностите што нашето општество и нашата држава ги пружа на сите правни субјекти.„Дури и во оваа година, во година на криза, можам да кажам дека нашата фирма постигнува резултати поголеми во однос на минатата година, благодарение на исклучителниот напор на сите вработени и благодарение на нашите партнери што се ширум Европа и во светот. Во однос на нашата фирма сакам да ви кажам дека постои околу 25 години и секоја година бележи раст во производство, раст во број на производи, раст во коминтенти и освојување на пазари. Моментално сме присутни на европскиот пазар и пазарите на Блискиот исток и традиционално веќе работиме солидно, но започнавме активности и за први испораки на северноамериканскиот континент, во САД и во Канада каде оваа година очекуваме први испораки да се случат кон крај на декември. Благодарение на договорот со Владата за поддршка на домашните компании, ние се наоѓаме во фаза на реализација на проект за дигитализација на севкупното производство во фабриката. Тој проект ќе заврши за 2 години и на крај очекувањата се поголема ефикасност на производството за околу 30%, намалување на шкартот или постигнување на повисоко ниво на квалитет на нашите произоди. Во исто време очекуваме олеснување на работата за сите вработени во фирмата и на крај бенефитот кон кој се стремиме сите е зголемување на платите или приближување до европските стандарди за нашите вработени“, посочи сопственикот на АСП-ПАК Петар Спасески.Сопственикот на АСП-ПАК додаде дека оваа компанија продолжува со нови инвестиции во изградба на нова хала, која очекува да биде завршена за 2 години, со што ќе се добие нов модерен производствен капацитет и уште подобри услови за работа на вработените во компанијата.

Македонија | пред 5 години

Министерот Бочварски во работна посета на Општина Охрид

Градоначалникот Константин Георгиески оствари работна средба со министерот за транспорт и врски Благој Бочварски, кој денеска беше во прва работна посета на Општина Охрид.На средбата беше разговарано за тековните инфраструктурни проекти кои општината ги реализира со поддршка на Министерството за транспорт и врски, како и за идните планови за заедничка соработка.-Сакам да се заблагодарам на Министерството за транспорт и врски за поддршката која ја имам јас како градоначалник и општината. Во Охрид, во изминативе три години со поддршка на Министерството за транспорт и врски се реализираа неколку крупни инфраструктурни проекти. Како прво би ја споменал реконструкцијата на булеварот „Туристичка“, потоа реконструкцијата на улицата „Абас Емин“ каде што министерството е задолжено за поставување на новата атмосферска и фекална канализација, како и поставување на нова водоводна линија, а општината е задолжена за инвестициите во делот на горниот строј на улицата. Заеднички го реализираме и проектот за влезот во Охрид, односно реконструкцијата на улицата „15-ти Корупус“. Разговаравме и за проектот за реконструкција на улицата „Македонски Просветители“ кој ќе биде финансиран од програмата на Светска Банка, како и за други проекти кои ги работиме и ќе ги работиме заедно во иднина, изјави градоначалникот Георгиески по работната средба.Тој истакна дека со министерот Бочварски разговарале и за носењето на урбанистичките планови кои се во надлежност на министерството, како и за идните активности на локалната и централната власт во делот на уредување на крајбрежјето на Охридското Езеро, почитување на одредбите од Планот за управување со светското природно и културно наследство на Охридскиот регион, применувањето на законските прописи и исполнувањето на препораките од УНЕСКО.

Македонија | пред 5 години

Познати добитниците на наградата и повелбаите „Патрон на градот - Св. Климент Охридски“

Добитник на највисокото општинско признание, наградата „Патрон на градот- Св. Климент Охридски“ за 2020 година е академик Вера Битракова- Грозданова, неуморен истражувач, универзитетски професор и еминентен научник од областа на археологијата и историјата на уметноста.Академик Вера Битракова- Грозданова е родена на 19 јули 1939 година во Охрид. Во родниот град го завршува основното и гимназиското образование, дипломира, магистрира и докторира на Филозофскиот факултет во Загреб на тема „Ранохристијанските споменици во Охридскиот регион“. Од 1975 година до пензионирањето е професор на Филозофскиот факултет на Институтот за историја на уметноста и археологија на Универзитетот „Св. Кирил и Методиј“, а за редовен член на МАНУ е избрана во 2009 година.Во текот на работниот век учествувала во многу археолошки истражувања, особено во Охрид, има објавено околу 150 научни и стручни трудови и учествувала на бројни студиски престои во  Франција, Германија, Грција, Бугарија, Албанија и други земји, а била учесник на бројни меѓународни научни собири. Академик Вера Битракова- Грозданова е носител на повеќе научни и општествени признанија меѓу кои се наградата „Гоце Делчев“, престижната европска награда Herder-Preise и наградата „Климент Охридски“ .Добитници на повелбaта „Патрон на градот „Св. Климент Охридски“ се:-ЈЗУ „Општа болница“ – Охрид- како главен носител  на борбата со пандемијата на Ковид 19, посветеноста, стручноста и пожртвуваноста на сите вработени во оваа здраствена установа.-Д-р Мимоза Влаши Хиса- специјалист по гинекологија и акушерство, раководител  на Одделот  за гинекологија, акушерство и неонатолошка опсервација во ЈЗУ „Општа болница“ – Охрид- заради нејзиниот ентузијазам, издржливост, посветеност кон пациентите  и соработка со колегите.-Проф. д-р Рубин Земон, социо – културален антрополог- долгогодишен активист во невладиниот сектор  за промоција на мултикултурализмот и толеранција, на богатото културно наследство на Охрид, заштитата на културното и природно наследство, еминентен научник во општествените науки и универзитетски професор. 

Македонија | пред 5 години

Бочварски од Охрид најави решавање на дивоградбите на крајбрежјето на Охридското Езеро

Министерството за транспорт и врски следната година ќе ја преземе обврската да го реши крајбрежјето на Охридското езеро преку етапна урбанизација. Се што е во зона на езерото надвор од Генералниот урбанистички план нема да влезе во рамките на новиот Урбанистичкиот план. Со овој чекор ќе решиме голем проблем на општина Охрид, истакна министерот за транспорт и врски Благој Бочварски при денешната работна посета на општина Охрид.”Имаме заклучок од Владата, во 2021 година министерството за транспорт и врски да предвиди средства за изработка на Урбанистички план за крајбрежјето на Охридското езеро, но само за општина Охрид. Согласно ГУП-от на општиниата, етапно ќе го решаваме проблемот со дивоградбите во крајбрежниот појас на езерото и се што е во зоната на езерото и надов од ГУП-от нема да влезе во тој Урбанистички план. Државата нема да ги преземе плажите, ние само етапно ќе урбанизираме, а тоа значи дека сите нелегални објекти надвор од плановите ќе бидат отстранети, притоа да и дадеме можност на општината во иднина да работи согласно нејзините приоритети”, изјави министерот за транспорт и врски Благој Бочварски.Министерот Бочварски на средбата со градоначалникот на општина Охрид, Константин Георгиевски, разговараа за урбанизацијата на градот, за препораките на УНЕСКО како и за капиталните проекти што се реализираат во општината како на локално ниво така и со поддршка на централната власт.Министерот потенцираше дека преку министерството во Охрид се работи на изградба на канализациона и водоводна мрежа, како и рехабилитација на транзитната улица. Преку министерството за транспорт и врски до крај на годината ќе се распиште и јавен повик за рехабилитација на улицата “Македонски Просветители” во вредност од 537 илјади евра.Градоначалникот Константин Георгиевски ја истакна значајноста на поддршката што ја овозможува Владата и ресорните министерства за решавање на горливите проблеми на општина Охрид, како преку инвестиции во капитални проекти така и во делот на урбанизмот и градежништвото.На новинарско прашање за дивоградбите во Струга, министерот Бочварски потенцираше дека законите еднакво важат за сите и во рамките на законските прописи секој градоначалник треба да постапува соодветно. Тој најави средби со градоначалниците и решавање на проблемите со дивоградбитеВо рамки на посетата на општина Охрид, министерот Бочварски ја посети и Капетанија на пристаништата и оствари средба со Капетанот Горан Устијаноски, на која се разговараше за тековните проекти за подобрување на езерскиот сообраќај.

Македонија | пред 5 години

Георгиески: Сочувство до семејството на Малиќи, загубивме значаен локален функционер, вреден стопанственик

Во мое лично име и во името на Општина Охрид упатувам искрено сочувство за смртта на заменик-градоначалникот на Град Скопје, Енвер Малиќи.Загубивме значаен локален функционер, вреден стопанственик и влијателен член на бизнис секторот.Нека почива во мир, напиша на својот ФБ профил градоначалникот на Охрид, Константин Георгиески.

Македонија | пред 5 години

Нема фотографија

Георгиески: Спасески Охридски беше човек од кого многу можеше да се научи, со него се консултирав за најкрупните мои животни одлуки

Охриѓани со тага и неверување ја примија веста за смртта на докторот и уметник Драган Стасески Охридски. Градоначалникот Константин Георгиески  истакна:Останавме без врвен доктор, вреден охридски интелектуалец, ликовен уметник, писател и обичен човек со ретки естетски вредности и филозофски размисли. Јас останав без голем пријател и колега, со кого делевме многу добри и важни нешта и успешно се справувавме со сите предизвици.  За жал, останавме без еден голем човек кој ќе влезе во колективната меморија на древниот Охрид. Неговото дело ќе биде гордост за неговото семејство, сограѓаните и интелектуалните кругови, не само во нашата држава, туку и во целиот свет.Видеото може да го погледнате на овој линк. 

Македонија | пред 5 години

Свикана педесет и втората седница на охридскиот совет

Педесет и втората седница на охридскиот совет ќе се одржи на 4 декември, петок со следниот дневен ред:Предлог- одлука за константирање престанок на мандат на член во Советот на општина Охрид.Предлог- статутарна  одлука  за дополнување на статутот на општина Охрид.Предлог-Одлука за усвојување на Извештајот за реализација на Програмата  за работа на Советот на општина Охрид за 2020 година за периодот од 01.01. до 30.09.2020 година.Предлог-Одлука за усвојување на Извештајот за реализација на  Програмата  за поттикнување на развојот на туризмот на општина Охрид 2020 за периодот од 01.07. до 30.09.2020 година.Предлог-Одлука за усвојување на Извештајот за реализација на Програмата за поддршка на локалниот економски развој на општина Охрид за периодот од 01.07.  до  30.09.2020 година.Предлог-Одлука за усвојување на Извештајот за реализација на Програмата за финансиските потреби на територијалната противпожарна единица Охрид за  периодот од 01.07. до  30.09.2020 година.Предлог-Одлука за усвојување на Извештајот за реализација на Програмата за изработка на урбанистички планови на територијата на општина Охрид за 2020-2022 година за периодот од 01.07. до 30.09. 2020 година.Предлог-Одлука за усвојување на Извештајот за реализација на Програмата за заштита на животната средина и природата за 2020 година за периодот од 01.01. до 30.09.2020 година.Предлог-Одлука за усвојување на извештајот за реализација на програмата за енергетска ефикасност за 2020 година за периодот од 01.01. до 30.09.2020 година.Предлог-Одлука за усвојување на извештајот за реализација на  програмата за други комунални услуги  за периодот од 01.01. до 30.09.2020 година.Предлог-Одлука за усвојување на извештајот за реализација на програматa за изградба и реконструкција на локални патишта и улици  за периодот од 01.01. до 30.09.2020 година.Предлог-Одлука за усвојување на извештајот за реализација на програмата за одржување  јавна чистота   за периодот од 01.01. до  30.09.2020 година.Предлог-Одлука за усвојување на извештајот за реализација на  програмата за  јавно осветлување   за периодот од 01.01. до 30.09.2020 година.Предлог-Одлука за усвојување на извештајот за реализација на  програмата за одржување и заштита на локални патишта, улици и регулирање режим на сообраќај за 2019 година за периодот од 01.01. до 30.09.2020 година.Предлог-Одлука за усвојување на извештајот за реализација на програмата за одржување и користење на паркови и зеленило  за периодот од 01.01. до 30.09.2020 година.Предлог-Одлука за усвојување на извештајот за реализација на развојната програма за изградба на системи за водоснабдување 2020 – 2022 година за периодот од 01.01. до 30.09.2020 година.Предлог-Одлука за усвојување на извештајот за реализација на развојната програма за изградба на системи за одведување и прочистување на отпадни води 2020 – 2022 година за периодот од 01.01. до 30.09.2020 година.Предлог-Одлука за усвојување на извештајот за реализација на  програмата за изградба на сообраќајна сигнализација   за периодот од 01.01. до 30.09.2020 година.Предлог-Одлука за усвојување на извештајот за реализација на развојната програма за уредување на градежно земјиште за 2020 – 2022 година за периодот од 01.01. до 30.09.2020 година.Предлог-Одлука за усвојување на Извештајот за реализација на Програма за активностите на Општина Охрид во областа на образованието  за 2020 година за периодот од 01.01. до 30.09.2020 година.Предлог-Одлука за усвојување на Извештајот за реализација на Програма за детска заштита  за 2020 година за периодот од 01.01. до 30.09.2020 година.Предлог-Одлука за усвојување на Извештајот за реализација на активностите од Програмата за социјална заштита за 2020 година за периодот од 01.07. до 30.09.2020 година.Предлог-Одлука за усвојување на Извештајот за реализација на Програмата за спорт и рекреација  за 2020 година за периодот од  01.07.2020 до 30.09.2020  година.Предлог-Одлука за усвојување на Извештајот за реализација на Програмата за културни  манифестации и творештво за 2020 година за периодот од 01.01. до 30.09.2020 година.Предлог-Одлука за усвојување на  Извештајот за реализација на Програмата за млади и невладини организации за 2020 година за  периодот од 01.07. до 30.09.2020 година.Предлог-Одлука за усвојување на Извештајот за остварување на буџетот на општина Охрид за периодот од 01.01. до 30.09.2020 година.Предлог- одлука за усвојување на Извештајот од работењето и остварените резултати на ЈП „Градски гробишта“ – Охрид за периодот од 01.01. до 30.09.2020  година.Предлог- одлука  за усвојување на Извештајот oд работењето и остварените резултати на ЈП Градски Пазар Охрид за периодот од 01.07. до 30.09.2020 година.Предлог- одлука  за усвојување на Извештајот за работaта на ЈП „Билјанини извори“ – Охрид за периодот од 01.01. до 30.09. 2020 година.Предлог- одлука за усвојување на Извештајот за работењето и остварените резултати на ЈП „ Охридски комуналец “ – Охрид за периодот од 01.07. до 30.09.2020  година.Предлог- одлука за усвојување на Извештајот за работењето на ЈП„Нискоградба Охрид“ – Охрид за периодот од 01.07. до 30.09.2020  година.Предлог- одлука  за усвојување на  извештајот за работата  и финансискиот извештај на ЈП „ВОДОВОД“-Охрид за периодот од 01.01. до 30.09.2020година.Нацрт-програма за поттикнување на развојот на туризмот на Општина Охрид за 2021 година.Нацрт-програма за поддршка на локалниот економски развој на Општина Охрид за 2021 година.Нацрт- Развојна програма за изработка на урбанистички планови на територијата на Општина Охрид за 2021 – 2023 година.Нацрт- програма за финансиските потреби на територијалната противпожарна единица Охрид за 2021 година.Нацрт- програма за заштита на животната средина и природата за 2021 година.Нацрт-програма за спорт и рекреација за 2021 година.Нацрт -програма за активностите на Општина Охрид во областа на образованието за 2021.Нацрт – програма за детска заштита за 2021 година.Нацрт -програма за социјална заштита за 2021 година.Нацрт-програма за одбележување  празници и манифестации во 2021 година.Нацрт -програма за активностите на општина Охрид во областа  на култура  за 2021 година.Нацрт -програма за работа на Советот на Општина Охрид за 2021 година.Нацрт-програма за унапредување на  родовата рамноправност на локално ниво  за 2021 година.Нацрт -програма за енергетска ефикасност за 2021 година.Нацрт -програма за одржување  јавна чистота за 2021 година.Нацрт -програма за подигање и одржување  на паркови и зеленило за 2021 година.Нацрт – програма за јавно осветлување за 2021 година.Нацрт-програма за одржување и заштита на локални патишта, улици и регулирање режим  на сообраќај за 2021 година.Нацрт -програма  за други комунални услуги за 2021 година.Нацрт – развојна  програма  за  изградба  на системи за  водоснабдување за периодот од 2021- 2023 година.Нацрт-програма за изградба и реконструкција на локални патишта и улици за  2021 година.Нацрт-развојна програма за изградба на системи за одведување и прочистување  на отпадни води за 2021 – 2023 година.Нацрт-програма за изградба на сообраќајна сигнализација за 2021 година.Нацрт-развојна програма за уредување  градежно земјиште за 2021 -2023 година.Предлог- одлука  за утврдување фискална стратегија и развојни програми на Општина Охрид за 2021 година.Предлог-одлука за усвојување на Нацрт буџетот на Општина Охрид за 2021 година.Предлог-одлука за давање на трајно користење движни ствари-опрема-унифицирани  продажни  пултови.Предлог – одлука за давање согласност на одлуката за дополнување на одлуката за утврдување на цени за користење на спортските објекти и паркинг простори со кои стопанисува ЈП „Билјанини Извори“ – Охрид.Предлог-одлука за обезбедување финансиски средства за функционирање на служби за заштита и спасување на подрачјето на општина Охрид во состав на  Црвен Крст Охрид.Предлог-одлука за донесување на Деловник  за работа на парципативно тело од  областа на урбанизмот.Предлог- одлука за усвојување на техничка исправка за ГП 3 на Кп 8951/1 во КО Охрид 2, во ДУП за УЗ 9, УБ 9.2 општина Охрид.Предлог-Одлука за усвојување на техничка исправка за ГП 2.24 од  ДУП за УЗ 2, УБ 2.3-опфат 4, општина Охрид, плански период 2010-2015 донесен со Одлука на  Советот  на општина Охрид бр. 07-6092/37 од 30.06.2014 година.Седницата ќе се одржи преку конференциска врска со употреба на интернет комуникација во  11:00 часот.

Македонија | пред 5 години

Георгиески со осуда за оштетувањето на споменикот во чест на загинатите бугарски туристи

Градоначалникот на Охрид, Константин Георгиески упати јавна осуда поради оштетувањето на споменикот поставен во спомен на бугарските туристи кои ги загубија своите животи во потонувањето на бродот „Илинден“ во Охридското Езеро.„Во мое лично име и во името на Општина Охрид упатувам јавна осуда до несовесните граѓани кои во текот на претходните денови извршиле оштетување на споменикот ‘Солза на Роза’, кој беше поставен годинава по повод одбележувањето на единаесет годишнината од несреќата на бродот ‘Илинден’ во која загинаа 15 бугарски туристи“, се наведува во објавата на градоначалникот на социјалните мрежи.Тој воедно апелира до граѓаните да се воздржат од вандалско однесување и да покажат повисока свест за чување на јавните површини, споменици и објекти.Бродот „Илинден“ потона на 200 метри од брегот, на 5 септември во 2009 година. На бродот имаше над 50 лица од Бугарија, кои патувале кон манастирот „Свети Наум“.Вечерва и македонското Министерството за надворешни работи го осуди инцидентот.„Министерството најостро го осудува вандалскиот акт на скрнавење на споменикот во Охрид. Надлежните служби се информирани и во најскоро време ќе го отклонат ова злодело на неодговорни и злонамерни поединци, за да можеме достоинствено да ја паметиме ова трагедија. Вратите на историскиот Охрид остануваат ширум отворени за сите туристи, а посебно се секогаш добредојдени нашите пријатели од соседна Бугарија“, се наведува во соопштението на македонското МНР.

Македонија | пред 5 години

Георгиески: Јас останав без голем пријател и колега,а Охрид без голем човек кој ќе влезе во колективната меморија на древниот Охрид

Почина Драган Спасески-Охридски. Останавме без врвен доктор, вреден охридски интелектуалец, ликовен уметник, писател и обичен човек со ретки естетски вредности и филозофски размисли.Јас останав без голем пријател и колега, со кого делевме многу добри и важни нешта и успешно се справувавме со сите предизвици, напиша на својот ФБ профил градоначалникот на Охрид, Константин Георгиески.Тој во објавата додава:За жал, останавме без еден голем човек кој ќе влезе во колективната меморија на древниот Охрид. Неговото дело ќе биде гордост за неговото семејство, сограѓаните и интелектуалните кругови, не само во нашата држава, туку и во целиот свет.Почивај во мир и нека ти е вечна слава.Со најискрена почит

Македонија | пред 5 години

Мобилни тимови ќе пружаат здравствени услуги во Охрид

Градоначалникот  Константин Георгиески  присуствуваше  на промоција на  прекуграничниот проектот „ Cross 4 all” што Општина Охрид го имплементира во соработка со  Заводот за превенција на кардиоваскуларни заболувања „Св. Стефан“ , солунскиот универзитет „Аристотел“,  Факултетот за  информатички  и комуникациски технологии „Св. Климент Охридски“ од Битола и Општина Неаполис од Грција.За значењето  на проектот кој е финансиран преку ИПА програмата за прекугранична соработка помеѓу Република Северна Македонија и Република  Грција 2014- 2020 , градоначалникот Константин Георгиески, изјави:– Во време кога целиот Свет се соочува со здравствената криза од КОВИД 19 која предизвика проблеми во сите општествени сегменти,   може да се каже дека  промоцијата на проектот  ”Cross 4 all”  е особено значајна  ако се земе во предвид дека најсуштински дел од проектот е   Пилот Програмата за воведување на Мултидисциплинарни тимови на здравствени експерти, обучени соодветно и опремени со иновативни мобилни комплети.  Тие тимови  ќе  испорачаат многубројни здравствени  услуги од областа на превенција, дијагностика, претходна оценка, упатства, услуги на рецепт и слично  во домовите на лица со попреченост  или намалена мобилност, а посебен акцент ќе биде ставен на домашните посети,медицински и психолошки прегледи на пациенти позитивни на Ковид-19. Овие мобилни тимови во голема мера би ја олесниле работата на здравствените институции и медицинскиот персонал во услови кога тие се преоптоварени  со работа,  а нивните капацитети максимално исполнети. Овие тимови периодов  ќе  бидат нивна дополнителна помош. Мобилните тимови започнуваат со работа на терен во вторник. Станува збор за четири тимови, по два  формирани  од општина Охрид и два од   Заводот за превенција на кардиоваскуларни заболувања  „Св. Стефан“.  Во секој тим има доктор, медицинска сестра, психолог и социјален работник .За мобилните тимови  за кои набавивме комплетна опрема за лекарски прегледи на располагање ќе биде и  возилото кое општината го набави преку овој проект. Општина Охрид, наредниов период ќе продолжи да поддржува и други вакви проекти  во кои се вмрежуваат релевантни здравствени институции во насока на олеснување на функционирањето на преоптоварениот  здравствен систем со цел полесно и побрзо да се надмине кризата предизвикана од КОВИД 19  – рече Георгиески.Покрај градоначалникот Георгиески на настанот присуствуваа претставници од Заводот за превенција на кардиоваскуларни заболувања „Св. Стефан“ од  Охрид ,Црвен Крст и претставници од ТЛЕР при Општина Охрид.Времетраењето на имплементација на проектот  „Cross 4 all “е 24 месеци.Вкупен буџет на проектот е 1.130.290,00  Евра  а, за Општина Охрид буџетот изнесува 142.810,00 Евра.

Македонија | пред 5 години

Конкурс за прибирање на барања за користење на средства од буџетот на општина Охрид

Општина Охрид согласно Одлуката за спроведување на мерки за субвенционирање на трошоци за користење на спортски терени на ЈП ,,Билјанини извори”- Охрид бр. 07-785/20 донесена од страна на Советот на Општина Охрид, на седницата одржана на ден 29.10.2014 година и Одлуката за дополнување на Oдлуката за утврдување на цени за користење на спортските објекти бр.07-4189/41 од 30.12.2014 година,  објавува конкурс за прибирање на барања за користење средства од Буџетот на Општина Охрид преку субвенционирање на трошоци за користење на спортски терени на ЈП ,,Билјанини извори”- Охрид.Субвенционирањето на трошоците за користење на спортските терени на ЈП„Билјанини Извори“ – Охрид се однесува за периодот од 01.01.2021 заклучно со 31.12.2021 година.КОНКУРС ЗА ПРИБИРАЊЕ НА БАРАЊА ЗА КОРИСТЕЊЕ НА СРЕДСТВА ОД БУЏЕТОТ НА ОПШТИНА ОХРИД ПРЕКУ СУБВЕНЦИОНИРАЊЕ НА ТРОШОЦИ ЗА КОРИСТЕЊЕ НА СПОРТСКИТЕ ТЕРЕНИ НА ЈП ,,БИЛЈАНИНИ ИЗВОРИ” – ОХРИД (word doc.)    

Македонија | пред 5 години

(ФОТО) Започнаа активности за санација и ревитализација на Охридскиот чинар

Денеска започнаа предвидените работни активности за санација и ревитализација на единечното дрво – Чинар (Platanus orientalis) лоцирано во Охридската чаршија на плоштадот „Чинар“.Активностите се дел од овогодинешната Програма за заштита на животната средина и природата и се финансирани од буџетот на Општина Охрид. Санацијата и ревитализацијата на стеблото се очекува да заврши за околу десетина дена и истата ќе се одвива под надзор на стручни лица од Шумарскиот факултет од Скопје.Единечното дрво – Чинар (Platanus orientalis) кое е од големо природно, културно и историско значење за Охрид извесен период се наоѓаше во многу лоша состојба и беше неопходно е да се преземат соодветни мерки за санација и ревитализација, со цел да се обнови и да му се продолжи животниот век.Минатата година од страна на Министертвото за животна средина и просторно планирање беше донесено Решение за прогласување на „Чинар-Охрид“ за природна реткост. 

Македонија | пред 5 години

Меѓудржавен состанок за нацрт планот за управување со сливот на Охридското Езеро

Денеска се одржа он-лајн состанок на членовите на Меѓудржавниот комитет за управување со сливот на Охридското Езеро и претставниците на GEF (Global Environment Facility) DRIN Project.Со состанокот претседаваше градоначалникот Константин Георгиески, кој е актуелен претседател на Меѓудржавниот комитет за управување со сливот на Охридското Езеро. Главни теми на состанокот беа Нацрт-планот за управување со сливот на Охридското Езеро и проектните активности од проектот „Овозможување на прекугранична соработка и интегрирано управување со водните ресурси во проширениот слив на реката Дрим“ кој е имплементиран од UNDP и Global Water Partnership со поддршка на GWP-Mediterranean (GWP-MED) и во соработка со UNECE.Во рамки на состанокот беа посочени приоритетните мерки и беа потврдени стратешките определби на Меѓудржавниот комитет за управување со сливот на Охридското Езеро, во насока на исполнување на препораките на УНЕСКО за зачувување на светското природно наследство во регионот на двете страни од езерото.  Меѓудржавниот комитет за управување со сливот на Охридското Езеро е формиран согласно со Договорот меѓу Владата на Република Северна Македонија и Советот на министри на Република Албанија и во него членуваат претставници на централните и локалните власти на двете земји како и претставници на невладиниот сектор.

Македонија | пред 5 години

Граѓаните можат да се вклучат во креирањето на буџетот на Охрид за 2021 година

Со цел да се креираат соодветни проекти кои ќе се финансираат од општинскиот буџет за 2021 година, Општина Охрид веќе десетина дена преку соодветна дигитална алатка поставена на општинската веб страница „Вклучи се-Граѓански буџет“ прибира идеи и предлози за решавање на приоритетни потреби и проблеми на граѓаните.Оваа дигитална алатка годинава се имплементира за прв пат и истата овозможува граѓаните, невладиниот сектор, деловниот сектор и другите чинители во локалната заедница на едноставен начин, преку елекектронски пат да се вклучат во давање на предлози при креирање на програмите и општинскиот буџет за наредната 2021 година.ВКЛУЧИ СЕ – ГРАЃАНСКИ БУЏЕТ 2021Потребно е да се пополни дигитален прашалник при што се селектира урбана и месна заедница, се впишуваат контакт информации, се избира област и се впишува краток опис на предлог идејата.Во оваа насока во текот на претходниот период, Општина Охрид организираше средби со граѓаните од урбаните и месните заедници, а во текот на наредниот период ќе биде организирана Јавна расправа за Предлог програмите и Предлог буџетот за 2021 година.

Македонија | пред 5 години

Георгиески: Тековно ги подобруваме условите во сите подрачни училишта

Тековно ги подобруваме условите во сите подрачни училишта.Со средства на Општина Охрид извршена е комплетна промена на подовите во подрачниот објект на ОУ "Кочо Рацин" во село Долно Лакочереј. Поставен е нова пластифицирана подна облога во сите училишни простории.Претходно во централниот објект на ова училиште беше извршено молерисување на внатрешните ѕидови, напиша на својот ФБ профил градоначалникот на Општина Охрид, Константин Георгиески.

Македонија | пред 5 години

Апел до граѓаните на Општина Охрид

Општина Охрид упатува апел и молба до граѓаните на општината да ги редуцираат своите активности во просториите на општинската зграда и своите контакти со службите на општината да ги остваруваат телефонски или електронски. Активните телефонски линии и електронските адреси на одделенијата и секторите од општината се достапни на општинската веб страница.Во просториите на Општина Охрид се препорачува да влегуваат само странки кои имаат итни и неодложни работи поврзани со општината, при што задолжително треба да се носи заштитна маска и да се врши дезинфекција на раце.Овој апел е во насока на поголема заштита на граѓаните и на вработените од ширењето на корона вирусот КОВИД 19 и обезбедување на непречено и побезбедно функционирање на општинските служби.Упатуваме апел до граѓаните за максимално почитување на сите актуелни мерки за заштита и превенција кои се донесени од страна на Министерството за здравство.

Македонија | пред 5 години

Јавна презентација и расправа по нацрт извештајот за стратегиска оцена за влијанието на животната средина за ДУП УЗ 8, дел од УБ8,1, опфат 1

Градоначалникот на општина Охрид организираЈавна презентација и јавна расправа по Нацрт Извештајот за стратегиска оцена на влијанието на животната средина за детален урбанистички план за измени и дополнувања на ДУП за УЗ 8, дел од УБ 8.1 – опфат 1, КО Охрид 2, Општина Охрид. Се информира јавноста дека ставен е на увид и јавна расправа, Нацрт Извештајот за стратегиска оцена на влијанието на животната средина  за детален урбанистички план за измени и дополнувања на ДУП за УЗ 8, дел од УБ 8.1 – опфат 1, КО Охрид 2,  Општина Охрид.Нацрт извештајот за Стратегиска оцена на влијанието на животната средина е изложен во Одделението за заштита и влијание врз животната средина во Општина Охрид секој работен ден од 8 – 16 часот    почнувајќи  од 23.11.2020 год. до 23.12.2020 год.и web страната на општина Охрид, www.ohrid.gov.mkЈавната презентација и јавната расправа ќе се одржи на ден 11.12.2020год.во големата сала  на Општина Охрид,со почеток во 12 часот. Со задолжително носење маски и пропишана дистанца согласно протоколите за заштита од Ковид 19Правните и физичките лица и јавноста можат да го достават своето мислење во врска со Извештајот до Општина Охрид во рок од 30 дена од денот на објавување на оваа информација. Сите заинтересирани страни се поканети да учествуваат на јавната расправа и да го дадат своето мислење,забелешки и предлози  по Нацрт извештајот за стратегиска оцена на влијанието на животната средина и истите можете да ги испраќате на е_маил : zivotna sredina@ohrid.gov.mk , или по пошта на следната адреса Општина Охрид , ул. Димитар Влахов бр.57 Охрид

Македонија | пред 5 години

(ФОТО) Општина Охрид стана попристапна за граѓаните

Од денес општина Охрид е подостапна за сите благодарение на вклученоста на граѓаните преку Форумите во заедницата организирани во рамките на проектот „Зајакнување на општинските совети“, финансиран од Швајцарската агенција за развој и соработка, а спроведуван од УНДП во соработка со Општина Охрид. Денеска, амбасадорката на Швајцарија, Сибил Сутер и постојаната претставничка на УНДП, Нарине Сахакјан беа во посета на општинa Охрид за да ги видат резултатите од овој проект и воедно одржаа средба со градоначалникот на Охрид, Константин Георгиески и претседателката на советот, Живка Ангелоска.На средбата беше дискутирана соработката меѓу Владата на Швајцарија, УНДП и oпштина Охрид во унапредување на процесот на децентрализација и зајакнување на капацитетите на општината за отчетно и транспарентно работење, како и за понатамошните можности за вклучување на граѓаните во одлучувачките процеси врзани со локалниот развој.– Проектот е финансиран од  Швајцарската амбасада во Република Северна  Македонија со вкупен буџет од 50 000 швајцарски франци. Со реализација на проектот се  реконструираа  влезните скали кои водат до големата општинска сала. Се постави  хидраулична лифт платформа за лица со телесен инвалидитет и   целосно се  реновира и опреми големата општинска сала. Со тоа  се овозможи полесен пристап за подобри општински услуги. Салата исто така внатрешно се уреди со ново осветлување, озвучување и  мебел. Со тоа се обезбедија  посоодветни услови за работа на општинските советници, но и за  сите граѓани и здруженија што ја користат салата за различни потреби. –  изјави градоначалникот на Охрид, Константин Георгиески.Во текот на 2018 година, граѓаните на Општина Орхид преку четири форумски сесии одлучија да и дадат приоритет на иницијативата „Полесен пристап за подобри општински услуги и граѓанска вклученост“ чија цел е подобрување на пристапноста на општинската зграда.– Проектот беше избран од страна на повеќе работни групи, во кои имаше претставници на Советот на општина Охрид, општинската администрација, претставници на невладиниот и бизнис сектор. Главната тема на Форумот беше социјалната инклузија, а целта на форумските сесии беше да се предложат и утврдат приоритетни проекти кои може да придонесат во оваа општествена област. Граѓаните сами ги предлагаа и ги рангираа проектите. Овој проект е многу значаен, бидејќи за прв пат во Општина Охрид беше организиран Форум на заедници, додаде претседателката на советот на Општина Охрид, Живка Ангелоска.Со вкупно 3,5 милиони франци, Швајцарската агенција за развој и соработка го поддржува зајакнувањето на општинските совети во 24 општини низ земјата како тела кои се клучни за развојот на партиципативната демократија и транспарентното и отчетно работење на општините.– Проектот за зајакнување на општинските совети овозможува наша постојана вклученост во децентрализацијата на власта преку поддржување  на општинските совети и нивното подобрување  во однос на надзорните, легислативните и претставничките улоги. Како резултат на овој проект, граѓаните ќе добијат полесен пристап до информации, додека општинските претставници подобро ќе ги разбираат потребите на јавноста. – објасни Сибил Сутер, амбасадорката на Швајцарија, за време на нејзината посета на Охрид.Проектот на Швајцарската агенција за развој и соработка „Зајакнување на општинските совети“ го спроведува Програмата за развој на обединетите нации (УНДП), во согласност со глобалните Цели за одржлив развој поставени од Обединетите нации и приоритетите на Програмата во земјата, меѓу кои е и зајакнувањето на локалниот развој и самоуправа.– УНДП активно гo поддржува подобрувањето на владеењето во Северна Македонија бидејќи распространетите ефекти од доброто владеење позитивно влијаат на економјата, животната средина и општеството како целина. Доколку власта и граѓаните останат посветени кон взаемна соработка, за каква што покажаа дека се способни преку овие општински форуми, верувам дека државата ќе излезе од кризата предизвикана од пандемијата во многу подобра состојба од претходно.- додаде Нарине Сахакјан, постојаната претставничка на УНДП.Проектот се спроведува во партнерство со Министерството за локална самоуправа, Министерството за финансии, ЗЕЛС, Здружението на финансиски работници и Телото на ОН за родова еднаквост и зајакнување на жените (UN Women). Преку проектот досега беа спроведени низа активности за зајакнување на капацитетите на советниците и нивно вмрежување, подобрување на транспарентноста и отчетноста на општините преку примена на иновативни алатки, и зголемување на граѓанското учество во донесувањето одлуки на локално ниво. Почнувајќи од 2018 година одржани се вкупно 108 форумски сесии во рамки на 24 форумски процеси низ целата земја, на кои учествуваа над 6.900 граѓани, жители од избраните општини. Досега, целосно реализирани се приоритетни иницијативи во девет општини, а во тек е реализацијата на иницијативи избрани преку Форумите во заедниците во уште 15 општини кои се дел од проектот „Зајакнување на општинските совети“. 

Македонија | пред 5 години