ОРБАН

СДСМ: Мицкоски денеска отиде кај Орбан за да договара враќање на Никола Груевски

Додека политичката сцена во Унгарија се менува, а поддршката за Виктор Орбан драматично опаѓа, Христијан Мицкоски останува тера со своите политики на изолација, корупција и одработување за туѓи интереси, велат од опозициската СДСМ.„Орбан, кој веќе е исвиркан и од сопствените поддржувачи на митинзи, е симбол на една политика која Европската Унија веќе не ја толерира. Коруптивна политика која служи на бизнис и руски интереси, наместо на европските вредности и иднината на граѓаните.Додека граѓаните на Унгарија го избираат европскиот пат Мицкоски ја турка Македонија во спротивна насока – кон изолација, неизвесност и назадување кое сака да трае со децении.Мицкоски ги продава македонските национални интереси а денеска отиде кај Орбан за да договара враќање на Никола Груевски.Какави други договори се прават зад затворени врати?Што ќе се случи со 40% од медиумите во Македонија кога ќе падне Орбан, кои ги контролира ВМРО?Што ќе биде со бизнисите на Орбан во Македонија, во енергетиката и телекомуникациите“, се вели во соопштението.

Македонија | пред 3 часа

Средба Мицкоски – Орбан: Фокус на економијата и инвестициите

Денеска во Будимпешта се одржа значајна и содржајна средба меѓу македонскиот претставник и унгарскиот премиер Виктор Орбан, на која во фокусот беа економската соработка, новите инвестиции и реализацијата на конкретни проекти од заемен интерес.„Разговаравме за продлабочување на економската соработка, нови инвестиции и конкретни проекти кои ќе донесат придобивки за граѓаните.Унгарија е наш искрен и докажан партнер, а заедничките вредности, меѓусебната почит и силната соработка се темел на нашето стратешко партнерство.Во време на предизвици, силните пријателства и јасната визија се клучни за стабилност и развој. Македонија продолжува напред со достоинство, со реформи и со поддршка од вистинските пријатели“, објави Мицкоски.

Македонија | пред 4 часа

Мицкоски во Будимпешта: Средба со Орбан и бизнис форум за економска соработка

Премиерот Христијан Мицкоски, заедно со владина делегација, денес престојува во, како што велат од Владата, политичко-економска посета на Будимпешта, Унгарија.„Мицкоски ќе оствари средба со премиерот на Унгарија, Виктор Орбан, на која ќе се разговара за унапредување на билатералните односи, економската соработка и актуелните регионални и европски прашања“, соопштија од владината прес-служба.Најавено е дека премиерот ќе има свое обраќање на бизнис форумот во Будимпешта, насловен „Ден на деловна соработка помеѓу Унгарија и Северна Македонија“, каде ќе се воспостават нови контакти и ќе се разгледаат можностите за продлабочување на економската соработка меѓу унгарските и македонските компании.Во состав на владината делегација се и вицепремиерот и министер за транспорт и врски, Александар Николоски, министерот за економија и труд, Бесар Дурмиши, генералниот секретар на Владата, Игор Јанушев, директорот на Агенцијата за странски инвестиции и промоција на извозот, Рефик Џемаили, директорот на Дирекцијата за технолошки индустриски развојни зони, Гоце Димовски, како и директорката на Агенцијата за иновации, научно-технолошки развој и претприемништво, Даниела Димовска.

Македонија | пред 11 час

Трамп му даде поддршка на Орбан пред изборите во Унгарија

Претседателот на Соединетите Американски Држави, Доналд Трамп, јавно го поддржа унгарскиот премиер Виктор Орбан пред парламентарните избори во Унгарија закажани за 12 април.Во објава на мрежата Truth Social, Трамп го нарече Орбан „силен и моќен лидер“ кој постигнал „феноменални резултати“ и кој, како што наведе, „неуморно се бори за својата земја и народ“.„Виктор напорно работи на заштита на Унгарија, развој на економијата, создавање работни места, промоција на трговијата, запирање на нелегалната имиграција и обезбедување закон и ред“, наведе Трамп.Тој истакна и дека односите меѓу Соединетите Американски Држави и Унгарија достигнале ново ниво на соработка за време на неговата администрација, во голема мера благодарение на раководењето на Орбан.„Со нетрпение очекувам продолжување на блиската соработка со него за двете наши земји дополнително да го унапредат овој значаен пат кон успех и соработка“, нагласи Трамп.Тој потсети дека го поддржал Орбан и на изборите во 2022 година и порача дека повторно му дава „целосна и апсолутна поддршка“ за реизбор.Трамп во објавата ги повика граѓаните на Унгарија да излезат на изборите и да гласаат за Орбан, наведувајќи дека тој е „вистински пријател, борец и победник“.„Виктор Орбан никогаш нема да го изневери големиот народ на Унгарија. Со него сум до крај“, нагласи Трамп.

Свет | пред 5 дена

Дипломатски инцидент ja тресе ЕУ, Орбан итно се огласи: „Ова е сериозен напад врз Унгарија“

Украинските разузнавачки служби го прислушувале мобилниот телефон на унгарскиот министер за надворешни работи, Петер Сијарто, откако го добиле неговиот број од унгарски новинар, соопшти премиерот на Унгарија, Виктор Орбан.Орбан истакна дека наложил Министерството за правда да го истражи случајот, кој би можел да се квалификува како кривично дело.„Прислушкувањето на член на владата е сериозен напад врз Унгарија. Наложив на министерот за правда веднаш да ги истражи информациите во врска со прислушувањето на телефонските повици на Петер Сијарто“, напиша Орбан на социјалните мрежи.Од своја страна, Сијарто нагласил дека бил шокиран кога дознал дека му се прислушкува телефонот по дојава од унгарски новинар, додавајќи дека „е срамно што овој новинар, кој соработува со разузнавачки служби, е близок до раководството на партијата „Тиса“.Портпаролот на унгарската влада, Золтан Ковач, објавил аудио-снимка од новинарот Саболч Панји, која протекла, на која новинарот признава дека го дал бројот на Сијарто на странски разузнавачки агенции за да ги следат неговите повици.Според „Политико“, повикувајќи се на неименувани дипломати и официјални лица, лидерите на Европската унија престанале да ја повикуваат Унгарија на состаноци каде се разговара за доверливи информации поради страв од пренесување информации на Русија.Будимпешта ги нарекла овие тврдења лажни и како проукраинска пропаганда насочена кон поддршка на опозициската партија „Тиса“ пред претстојните парламентарни избори.Потсетуваме, парламентарните избори во Унгарија се закажани за 12 април.

Свет | пред 1 седмица

Дали Орбан ја намести ЕУ? Судирот со Брисел му носи политички поени

Дел од критичарите на унгарскиот премиер Виктор Орбан предупредуваат дека европските лидери можеби несвесно му ја зајакнале позицијата пред претстојните избори, откако на последниот самит на Европската Унија отворено го нападнаа поради блокирањето на клучен заем од 90 милијарди евра за Украина.Орбан повторно одби да ја поддржи финансиската помош, барајќи повторно воспоставување на снабдувањето со руска нафта преку нафтоводот „Дружба“, кој беше оштетен во воени дејствија. Овој став предизвика силни реакции кај европските лидери, при што, според сведоштва од самитот, ретко кога еден лидер бил изложен на толку остри критики.Сепак, дел од европратениците и аналитичарите сметаат дека токму овој судир може да му оди во корист на Орбан на домашен терен. Тие предупредуваат дека конфронтацијата со Брисел му овозможува да се претстави како единствениот политичар што ги брани унгарските национални интереси, што е централна порака во неговите изборни кампањи.Француската европратеничка Клое Ридел оцени дека Европската Унија требало да го одложи конфликтот и да не му даде дополнителен политички капитал во чувствителен изборен период, нагласувајќи дека Орбан веќе се соочува со сериозна конкуренција и пад на поддршката.Аналитичарите укажуваат дека Орбан со години ја гради својата политичка стратегија врз наративот за надворешни закани, при што Брисел често се претставува како противник на унгарските интереси. Во таков контекст, секој јавен судир со европските институции може да биде искористен за мобилизација на гласачкото тело.И покрај тоа, дел од европските претставници сметаат дека Унијата немала многу избор, со оглед на тоа што Орбан со години води политика на блокирање и условување на заедничките одлуки.Пратеници од неговата партија Фидес признаваат дека тврдата позиција на Орбан може да му донесе политички поени, бидејќи се перцепира како доследен лидер кој не попушта под притисок. Сепак, аналитичарите предупредуваат дека евентуалната изборна победа може да биде „пирова“, бидејќи односите со Европската Унија би можеле дополнително да се влошат, со долгорочни последици за Унгарија.Во вакви околности, исходот од изборите во Унгарија ќе има значење не само за внатрешната политика, туку и за идните односи меѓу Будимпешта и Брисел, како и за единството на Европската Унија во време на сериозни геополитички предизвици.

Свет | пред 1 седмица

Орбан: Ние би се предале ако преживеавме само половина од она што го преживеа Додик

Челникoт на владејачката партија во Република Српска, Милорад Додик, ги повика Србите кои живеат во Унгарија да го поддржат актуелниот премиер Виктор Орбан на претстојните парламентарни избори. Додик го кажа ова додека беше во Будимпешта на предизборен митинг на партијата на Орбан, на кој се собраа истакнати десничари.На својот профил на социјалната мрежа X, Додик нагласи дека Унгарија и Република Српска „делат исти вредности“ и дека Орбан покажал дека е лидер со храброст да ги заштити националните интереси и слободата на својот народ. „Ги повикувам Србите во Унгарија да го поддржат Виктор Орбан и политиката која ја чува стабилноста, идентитетот и суверенитетот на Унгарија“, напиша Додик, додека Орбан од говорницата го пофали како храбар и решителен политичар.Орбан истакна дека Додик заслужува најголеми признанија, бидејќи „преживеа американски санкции, закани од Германија и малтретирање во Босна и Херцеговина“. „Ние би поклекнале ако преживеавме само половина од она што го преживеа Додик. Но, тој успеа и благодарам, Милорад, што денес сте со нас“, рече Орбан, изразувајќи благодарност и кон другите гости на митингот, меѓу кои имаше значајни промотори на десничарски, суверенистички и антимигрантски политики во Европа и САД.Во својот говор, Орбан ја повтори својата критика на политиката на Европската Унија, особено на продолжувањето на помошта за Украина против руската агресија. Тој го обвини ЕУ дека ја поттикнува војната и тврдеше дека само САД и сегашната унгарска влада се вистински застапници на мирот. Орбан исто така инсистираше на правото на Унгарија да продолжи да купува нафта од Русија преку нафтоводот преку Украина, што го мотивираше да го блокира заемот за Украина од 90 милијарди евра на состанокот на Европскиот совет.Митингот во Будимпешта беше организиран под логото на Американската конзервативна политичка акција (CPAC), чија активност е тесно поврзана со администрацијата на американскиот претседател Доналд Трамп.Парламентарните избори во Унгарија се закажани за 12 април, а анкетите покажуваат значајна предност на опозицискиот лидер Петер Мадјар и неговата партија Тиса во однос на актуелниот премиер Орбан и неговиот Фидес. Сепак, Орбан најавува победа на изборите.

Свет | пред 1 седмица

Орбан повторно доби закани

Унгарскиот премиер Виктор Орбан добил нова закана со смрт од Украина, овојпат од инфлуенсер кој го поддржува украинскиот претседател Володимир Зеленски, објави порталот „Маѓар Немзет“.Во видео објавено на Јутјуб каналот на аналитичката платформа „Ресургам“, основачот на порталот, Дмитро Корнијенко, го навредува унгарскиот премиер и демонстративно покажува самурајски меч.Заканите следуваат во контекст на претходни изјави на украинскиот претседател, кој порано изјави дека ќе испрати војници во Унгарија за да „разговараат“ со Орбан.Корнијенко во видеото сугерира дека најефикасна „казна“ за Орбан би била негов изборен пораз, додека мечот го користи како симбол на закана.Овие случувања доаѓаат во момент кога Орбан продолжува да става вето на одобрувањето кредити за Украина.

Свет | пред 1 седмица

Орбан: Европа нема да ја надмине енергетската криза без руската нафта

Европа нема да може да ја надмине енергетската криза без повторна достапност на руската нафта, изјави унгарскиот премиер Виктор Орбан, повикувајќи ја Европската унија да ги укине санкциите кон рускиот енергетски сектор.Во видеообраќање емитувано на унгарската телевизија, Орбан рече дека конфликтот на Блискиот Исток предизвикал недостиг на суровини и нагло зголемување на цените на горивата низ Европската унија.„Европа, како и целиот свет, нема да може да ја надмине нафтената криза без помош од евтината руска нафта“, изјави Орбан, додавајќи дека САД веќе почнале да ублажуваат дел од мерките, додека во Брисел, како што рече, политиката на санкции не е променета.Тој посочи дека последиците од санкциите се видливи во растот на цените на горивата во европските земји. Според него, литар бензин во Австрија веќе чини околу две евра, во Германија повеќе од две евра, додека во Холандија цената е повисока од 2,5 евра.Орбан порача дека унгарската влада нема да дозволи таков раст на цените во својата земја. Владата во Будимпешта претходно воведе ограничување на малопродажните цени на горивата, при што бензинот од 95 октани чини околу 1,5 евра за литар, а дизелот околу 1,6 евра.Унгарија претходно ја повика Европската унија да го следи примерот на САД и да ја суспендира забраната за увоз на руска нафта.Во меѓувреме, американското Министерство за финансии ги укина санкциите за продажба на руска нафта и нафтени деривати натоварени на бродови пред 12 март. Според општата лиценца што ја издаде Канцеларијата за контрола на странски средства (ОФАК), ваквите трансакции ќе бидат дозволени до 11 април.Американскиот министер за финансии Скот Бесент изјави дека оваа одлука може да ја зголеми количината на нафта на светскиот пазар и да придонесе за намалување на цените на суровата нафта.

Свет | пред 2 седмици

Орбан до Зеленски: Не ѝ се заканувајте на Унгарија со војници, прекинете со уцените

Унгарскиот премиер Виктор Орбан денеска на социјалната мрежа Икс објави порака упатена до украинскиот претседател Володимир Зеленски, во која го обвини за закани и уцени и побара да престане со притисоците и да овозможи непречен премин на унгарските пратки на нафта.„Претседателе, ја примив вашата порака. Ми се заканивте со војници и преку мене на цела Унгарија. Претседателе, тоа не поминува. Престанете со тоа. Ова е Унгарија. Унгарците не може да се уценуваат, а мене не можете да ме заплашите. Синоќа Унгарците порачаа дека не сакаат влада наклонета кон Украина и не сакаат проукраински премиер во Унгарија. Подобар е мирот. Престанете со уцените и заканите. Прекинете ја нафтената блокада и пуштете ги унгарските пратки на нафта. Наместо закани и уцени, дајте им на Унгарците почитта што ни припаѓа“, напиша Орбан.Нивниот спор во последните денови ескалираше откако Зеленски на средба со новинарите изјави дека би можел „да даде адреса на една личност во Европската Унија“ која ја блокира европската помош за Украина, за украинските војници „да ја повикаат и да разговараат со неа на свој јазик“.Во Будимпешта, но и во дел од Европската Унија, ова беше протолкувано како алузија на Орбан, кој повеќепати се судри со европските партнери околу пакетите помош за Киев. Паралелно трае и спорот околу енергетиката, при што унгарската страна зборува за „нафтена блокада“ и тврди дека се загрозува снабдувањето со енергенси.

Свет | пред 3 седмици

Орбан до Зеленски: Ќе ја пробиеме нафтената блокада, не се плашам од закани по живот

Унгарскиот премиер Виктор Орбан изјави дека лично не е загрижен поради заканите по живот кои, како што тврди, му ги упатил украинскиот претседател Володимир Зеленски, нагласувајќи дека нема да дозволи неговата татковина да биде загрозена.Орбан истакна дека спорот околу нафтоводот „Дружба“ не е прашање што се однесува лично на него, туку, како што рече, станува збор за снабдувањето на Унгарија со енергија.Тој предупреди дека ќе ги искористи сите политички средства за да ја пробие украинската нафтена блокада.Орбан, како што пренесува унгарскиот медиум Hirado, јасно ставил до знаење дека Унгарија не може да биде принудувана или уценувана кога станува збор за енергетската безбедност.Според неговите зборови, Украинците ја ставиле Унгарија под нафтена блокада, што владата има намера да ja спречи со сите расположливи средства.Тој нагласи дека нафтата која чека транзит е сопственост на Унгарија, а украинската страна е должна да ја испорача врз основа на договорите на Европската Унија.Орбан додаде дека ќе ги искористи сите политички и финансиски средства за пробивање на нафтената блокада, но исклучи воена интервенција, бидејќи, како што рече, „унгарската влада стои на страната на мирот“.Енергијата е прашање на внатрешната политика и директно ги погодува џебовите на секое унгарско семејство. Ако не се браниме, Унгарците ќе ја платат цената. Затоа ќе се браниме и ќе го разбиеме ова – ќе ја пробиеме нафтената блокада, и никакви закани по живот не можат да ме одвратат од тоа“, нагласи Орбан.Претходно денеска, украинскиот претседател Зеленски му порача на Орбан дека украинските вооружени сили би можеле да бидат насочени кон него доколку Унгарија продолжи да го блокира заемот на Европската Унија за Украина во износ од 90 милијарди евра.Се надеваме дека одредена личност нема да го блокира кредитот од 90 милијарди евра или неговата прва транша во Европската Унија, а тогаш Украинците ќе имаат оружје. Во спротивно, ќе им ја дадеме адресата на таа личност на нашите вооружени сили, на нашите синови – нека го повикаат и разговараат со него на свој начин“, најави Зеленски, пренесува Hirado.Будимпешта го презеде овој чекор како одговор на одлуката на Киев да го запре транзитот на руска нафта преку нафтоводот „Дружба“.

Свет | пред 3 седмици

Орбан: Блокадата на нафтоводот „Дружба“ од страна на Украина претставува уцена

Унгарскиот премиер Виктор Орбан повтори дека блокадата на нафтоводот „Дружба“ од страна на Украина претставува уцена од страна на претседателот на таа земја, Володимир Зеленски, со цел да ѝ помогне на унгарската опозициска партија Тиса да дојде на власт.Орбан го напиша ова на својот Фејсбук, прикачувајќи изјава на генералниот директор на националната енергетска компанија MOL, Жолт Хернади, кој рече дека нафтооводот „Дружба“ сам по себе не е оштетен.Унгарија нема да остане пасивна. Ќе ја разбиеме блокадата на нафтата и ќе го заштитиме снабдувањето на Унгарја со енергенти“, напиша Орбан, пренесува MTI.Хернади посочи дека бил претходно информиран дека пожарот ќе биде изгаснат и нафтоводот ќе почне со работа повторно за два или три дена, но украинската страна подоцна соопштила дека сè уште не е донесена одлука за повторно пуштање во функција, што, според него, тешко може да се објасни како технички проблем.Унгарскиот премиер остро реагираше на одговорот на украинскиот претседател Зеленски, нарекувајќи го „дрзок“, откако Украина одби да го отвори нафтоводот „Дружба“ кој ја снабдува Маѓарска со сурова нафта.Орбан на Фејсбук напиша дека додека на Зеленски не му се „врати здравиот разум“, Унгарија ќе ја одбива секоја одлука која ја фаворизира Украина, пренесува MTI.Тој истакна дека Зеленски во петокот дал „циничен“ одговор, барајќи од Унгарија да биде благодарна на Украина, дури и кога „ја затворила славината“ на споменатиот нафтовод.Премиерот на Унгарија нагласи дека Зеленски одбива да го отвори нафтоводот, и покрај постоечките договори меѓу Украина и Европската Унија кои го обврзуваат на тоа.Тој исто така посочи дека испратил писмо до претседателката на Европската комисија, Урсула фон дер Лајен, во кое ја известил за ситуацијата.

Свет | пред 3 седмици

(Видео) Зеленски: Орбан не сака да ја купи нафтата од Хрватска, тука се работи за европската цена, а таму за руската

Украинскиот претседател Володомир Зеленски изјави дека Унгарија ја одбила понудата на Хрватска за снабдување со нафта бидејќи не ѝ одговара цената.Зеленски рече дека е запознаен со тоа дека Хрватска понудила потребни количини на нафта на Унгарија, но унгарската влада ја одбила понудата, пренесува Ukrinform.Се сретнав со хрватскиот премиер Андреј Пленковиќ. Тој ми потврди дека Хрватска е подготвена да ги обезбеди годишно потребните количини на нафта и за Словачка и за Унгарија. Рече дека Орбан едноставно не сака да ја купи таа нафта“, изјави Зеленски одговарајќи на прашања на новинарите.Според неговото мислење, причината е исклучиво финансиска.Тука се работи за европската цена, а таму за руската. Тоа е сè. Со други зборови, некој сака на тоа да заработува. Јасно е и кој“, додаде украинскиот претседател.Оваа изјава доаѓа во време на зголемени тензии меѓу Киев и Будимпешта поради нафтoводот Дружба, кој е клучен за снабдување на Унгарија и беше оштетен во руски напади.Украинското Министерство за надворешни работи двапати го повика унгарскиот амбасадор на разговор, обвинувајќи ја Будимпешта за искривување на украинската позиција и за изнесување лажни тврдења против Украина.Нафтoводот Дружба, преку кој руската нафта се доставување во Унгарија и Словачка, беше оштетен на 27 јануари, кога руски сили со беспилотни летала го погодиле енергетскиот инфраструктурен комплекс во регионот на Лавов. Украинската компанија Naftogaz потврди напад, наведувајќи дека тоа бил 15-ти напад на нивните постројки во еден месец, без да прецизира кои делови точно биле погодени.Унгарија ја прекина испораката на дизел гориво кон Украина додека транзитот на нафтата преку Дружба не се обнови. Исто така, најави дека ќе разгледа и прекин на извозот на електрична енергија и гас доколку Киев не обезбеди продолжување на испораките на руската нафта.

Свет | пред 3 седмици

„Го прекинувам блокирањето“: Орбан подава рака кон Зеленски

„Го прекинувам блокирањето“: Орбан подава рака кон ЗеленскиПремиерот на Унгарија, Виктор Орбан, синоќа изјави дека Унгарија денеска, во понеделник наутро, ќе ги презентира доказите собрани за време на викендот во врска со состојбата на украинскиот дел од нафтоводот „Дружба“.Во објава на Фејсбук, Орбан напиша дека пристигнале вредни информации.Во друга објава, направена за време на обиколка на рафинеријата Дунав, тој рече дека унгарската влада нема да дозволи цените на бензинот да пораснат на 1.000 форинти и дека ќе го прекине блокирањето на украинскиот претседател Володимир Зеленски.На видео-снимка, претседателот и генерален директор на нафтено-гасната компанија MOL, Жолт Хернади, му го покажува на Орбан местото каде што нафтоводот „Дружба“ се поврзува со рафинеријата.Во моментов нема сурова нафта. Испораките преку нафтоводот се прекинати 22 пати од почетокот на војната во Украина. Досега успевавме да ја решиме ситуацијата, но тоа одеднаш се промени и не знаеме која е причината. Дури понудивме и техничка помош“, рече тој, пренесува MTI.

Свет | пред 4 седмици

Крај на ерата Орбан, опозицијата со историска предност

Унгарија е пред пресврт, досега неприкосновениот Виктот Орбан, првпат по 15 години според анкетите ја губи довербата.Унгарија ја очекуваат парламентарни избори што би можеле да означат политичка пресвртница по повеќе од 15 години цврста власт на премиерот Орбан.Првпат од неговото враќање на власт во 2010 година, наспроти него стои сериозен предизвикувач – Петер Маѓар, кој за кратко време успеа да мобилизира дел од разочараните гласачи.Според Reuters, опозициската партија Tиса дополнително ја зголемила предноста пред владејачкиот Фидес во пресрет на изборите закажани за 12 април.Истражување на угледната агенција Median покажува дека Тисa меѓу определените гласачи ужива поддршка од 55 отсто, додека Фидес има 35 проценти – разлика од 20 процентни поени, во споредба со 12 поени во јануари. Кога се зема предвид вкупната популација, Тиса има поддршка од 42 отсто од испитаниците, а Фидес 31 процент.Орбан ја води кампањата под слоганот „Сигурен избор“, порачувајќи дека ќе ја држи Унгарија надвор од војната во Украина и ќе го спречи приливот на илегални мигранти. Според Politico, за оживување на ослабената кампања му е потребен отворен судир со Брисел.Како што објави Deutsche Welle, Маѓар презел дел од реториката и изборните тактики на Орбан, но со клучна разлика, тој има изразен проевропски став. Партијата ветува обновување на довербата со сојузниците во ЕУ и НАТО, како и приклучување кон еврозоната до 2030 година.Обновата на владеењето на правото се гледа како средство за одмрзнување на 18 милијарди евра од фондовите на ЕУ, кои се блокирани поради системски прекршувања на правилатаМаѓар изјави дека, доколку дојде на власт, неговата почетна позиција кон Украина би била признавање на Москва како агресор. Сепак, додава дека неговата влада нема да го промени ставот за воената поддршка за Киев, ниту ќе се залага за нагло прекинување на врските со Русија, пренесува Financial Times. Инаку, Тиса во Европскиот парламент гласаше против заем од 90 милијарди евра за Украина.

Свет | пред 1 месец

Орбан бара мисија на ЕУ за нафтоводот „Дружба“, најавува можност за деблокада на средствата за Украина

Унгарскиот премиер Виктор Орбан побара од ЕУ испраќање „мисија за утврдување факти“ за да се процени штетата на нафтоводот „Дружба“ и навести дека тоа би можело да помогне во деблокирање на новото финансирање на ЕУ за Украина, се наведува во писмо до Антонио Кошта.Унгарија ја поддржува идејата за мисија за утврдување факти со учество на експерти делегирани од Унгарија и Словачка за проверка на статусот на гасоводот ‘Дружба’“, наведе Орбан во писмото.Орбан рече дека е свесен за политичките тешкотии предизвикани од одложувањето на огромниот кредит на ЕУ за Украина.Мојата иницијатива исто така има за цел да ја олесни временската рамка за решавање на ова прашање“, се наведува во писмото.Унгарија оваа недела блокираше нови санкции кон Русија и кредит за Украина, како одговор на прекинот на протокот на нафта преку нафтоводот „Дружба“.Украина тврди дека нафтоводот сè уште не е поправен по оштетувањата во руските напади кон крајот на јануари.Нафтоводот „Дружба“ е еден од најголемите системи за транспорт на руска сурова нафта кон земјите од Централна Европа и претставува важен правец за снабдување на Унгарија.Унгарскиот премиер го обвини претседателот на Украина, Володимир Зеленски, дека и понатаму не ги обновува испораките на нафта преку нафтоводот „Дружба“, со што ја загрозува енергетската безбедност на Унгарија.Испораките на нафта мора веднаш да продолжат! Знаеме дека нафтоводот е оперативен. Знаеме дека испораките на нафта за Унгарија не се обновени поради политичка одлука на претседателот Зеленски“, напиша Орбан на мрежата Икс.Тој додаде дека Зеленски „по Брисел тврди дека нафтоводот не може повторно да се стави во функција“.Унгарскиот премиер наведе дека очекува Украина да ги исполни своите обврски кон Европската унија и нејзините членки и повторно да ги обнови испораките.Поради актуелната ситуација, Орбан рече дека денеска ќе одржи консултации со премиерот на Словачка, Роберт Фицо.

Свет | пред 1 месец

„Војната не ја осакатува Русија, туку Европа“ – Орбан критики кон Брисел

Унгарскиот премиер Виктор Орбан денес ги обвини европските лидери предводени од Урсула фон дер Лајен дека се согласиле со претседателот на Украина – Володимир Зеленски за продолжување на војната.„Ова се лоши вести за Европа. Војна за која очигледно нема решение на фронтот, но која подразбира ужасно уништување, се продолжува. Околу 35.000 луѓе умираат или се осакатуваат секој месец, додека линиите на фронтот едвај се движат, оставајќи стотици илјади вдовици, сирачиња, мајки кои тагуваат по своите синови. Ова е она што Брисел го поддржува“, се наведува во објавата на Орбан на Фејсбук.Орбан изјави дека стотици милијарди евра се горат „залудно“ и додаде дека војната во Украина не ја осакатува Русија, туку Европа, како и дека создава ризик од нуклеарен конфликт и конфронтација на Европа со нуклеарна сила, пренесува МТИ.

Свет | пред 1 месец

Унгарскиот премиер со остри критики кон Брисел

Унгарскиот премиер Виктор Орбан на предизборен митинг во Бекешчаба повторно ја критикуваше западната стратегија кон војната во Украина, споредувајќи ја политиката на Европската унија со историските неуспеси на Наполеон Бонапарта и Адолф Хитлер.„Денес војната сè уште трае затоа што европските лидери сакаат да продолжи“, изјави Орбан пред поддржувачите. Во своето обраќање тој не ја спомена одговорноста на Русија за започнувањето на војната.Минатата недела, во годишното обраќање до нацијата, Орбан порача дека „путинизацијата“ е примитивна и неозбилна, додавајќи дека вистинската закана за слободата на Унгарците, според него, не доаѓа од Москва, туку од Брисел.Говорејќи за мотивите на европските лидери, Орбан изјави дека тие веруваат оти доколку ја поразат Русија на украинска територија, ќе можат да ја натераат да плати отштета и на тој начин да ги вратат средствата што ѝ ги дале на Украина во форма на заеми.„Тоа го пробаа и Наполеон и Хитлер. Ним не им успеа. Ќе ѝ успее ли на Каја Калас?“, рече Орбан.Тој ја оцени како погрешна стратегијата на очекување дека Русија економски ќе се исцрпи поради санкциите на Европската унија, додавајќи дека „на крајот црвеното знаме обично се вее на берлинските кули“.Изјавите на унгарскиот премиер доаѓаат во период на засилени несогласувања меѓу Будимпешта и Брисел околу санкциите кон Русија и воената и финансиска поддршка за Украина.

Свет | пред 1 месец

Орбан за војната во Украина: Наполеон и Хитлер не успеаја, ниту ќе успее Каи Калас

Унгарскиот премиер Виктор Орбан на предизборен собир во Бекешчаба повторно ја критикуваше западната стратегија кон војната во Украина, споредувајќи ја политиката на Европската унија со неуспесите на Наполеон и Хитлер. „Војната сè уште трае затоа што европските лидери сакаат да продолжи“, рече Орбан, без да ја спомне одговорноста на Русите кои ја започнаа војната. Минатата недела, во годишното обраќање кон нацијата, тој објасни дека „путизирањето“ е примитивно и неодговорно и дека вистинската опасност за слободата на Унгарците доаѓа од Брисел, а не од Москва.Според него, европските лидери сакаат да ја продолжат војната со надеж дека, ако ја поразат Русија на територијата на Украина, ќе ја принудат да плати отштета и така ќе го врати паричниот кредит кој ЕУ ѝ го дала на Украина. „Тоа го обиделе и Наполеон и Хитлер. На нив не им успеа, а дали ќе успее Каи Калас?“ изјави Орбан. Тој го критикува стратегијата да се очекува Русија економски да се исцрпи од санкциите на ЕУ, тврдејќи дека „на крајот, црвеното знаме обично се виори на берлинските кули“.

Свет | пред 1 месец

Унгарија пред пресврт? Инфлација, замрзнати европски фондови и скандали – најтешки избори за Орбан по 2010 година

Унгарскиот премиер Виктор Орбан влегува во нова изборна година во поинаква политичка атмосфера од онаа на која навикна во изминатите 15 години. Неговата партија Фидес од 2010 година редовно освојуваше двотретинско мнозинство во парламентот, а политичкиот систем во меѓувреме беше реобликуван така што ѝ обезбедува стабилна предност. Сепак, според актуелните анкети, Фидес првпат сериозно заостанува зад новата опозициска партија Тиса.Во изминатите мандати Орбан го менуваше уставот, го реформираше изборниот систем и ја зацврсти контролата врз клучните институции, вклучително и судството и јавните медиуми. Критичарите го опишуваат моделот како силно централизирана структура со формални демократски механизми, но со изразена структурна предност за владејачката партија.Во 2022 година Европски парламент оцени дека Унгарија повеќе не може да се смета за целосна демократија. Европска Унија и понатаму задржува повеќе од 20 милијарди евра средства наменети за Унгарија поради загриженост околу владеењето на правото, корупцијата и независноста на судството. Иако средствата би можеле да бидат одблокирани со реформи, Будимпешта засега не покажува подготвеност за значајни отстапки.Паралелно, економските услови во земјата се влошија. Инфлацијата во 2023 година надмина 17 проценти, а цените на храната од 2019 до 2025 година пораснаа за повеќе од 80 проценти. Реалните приходи на дел од населението се под притисок од високите трошоци за живот, што сè почесто се наведува како причина за падот на поддршката за Фидес.Во таков контекст се појави нов политички фактор – Тиса, предводена од Петер Маѓар, поранешен висок функционер на Фидес. За разлика од претходните избори, пошироката опозиција покажува поголема подготвеност за соработка, обидувајќи се да ги избегне поделбите кои во минатото му обезбедуваа комотни победи на Орбан.Сепак, аналитичарите предупредуваат дека освојувањето повеќе гласови можеби нема да биде доволно. Поради распределбата на изборните единици и структурата на системот, опозицијата би требало да освои значително повеќе гласови на национално ниво за да обезбеди парламентарно мнозинство.Унгарија и натаму е во вонредна состојба воведена поради војната во Украина, што ѝ овозможува на владата проширени овластувања за носење одлуки со уредби. Таквиот правен рамковник дополнително ја усложнува политичката ситуација во случај на тесен изборен резултат.Надворешната политика на Орбан исто така е под засилен надзор. Унгарија е меѓу ретките членки на ЕУ кои ги задржаа силните енергетски врски со Русија, а Будимпешта повеќепати ги блокираше или одложуваше европските одлуки поврзани со помошта за Украина. Истовремено, земјата ги продлабочува економските односи со Кина, која стана нејзин најголем трговски партнер надвор од Европа.Дополнителен притисок создаде и политичкиот скандал од минатата година, кога поранешната претседателка Каталин Новак поднесе оставка поради помилување лице поврзано со случај на злоупотреба на деца, што предизвика масовни протести.И покрај падот на поддршката, Фидес и понатаму располага со силна организациска инфраструктура и државни ресурси. Прашањето што останува отворено е дали незадоволството на гласачите ќе се претвори во доволно силен и организиран политички пресврт, или системот што Фидес го обликуваше со години повторно ќе му обезбеди останување на власт.

Свет | пред 1 месец

Тензии меѓу Будимпешта и Киев пред унгарските парламентарни избори

Украинскиот претседател Володимир Зеленски директно се вклучил во предизборната кампања во Унгарија со напади врз унгарската влада, изјави премиерот на Унгарија Виктор Орбан.Унгарските граѓани на 12 април ќе гласаат на парламентарни избори на кои Орбан, кој е на власт од 2010 година, го бара својот петти мандат. Анкетите покажуваат дека негов главен предизвикувач е опозициската партија Тиса, предводена од неговиот поранешен сопартиец Петер Маѓар.Орбан оцени дека политичките напади од Украина достигнале ново ниво.„Кога претседателот Зеленски лично ме напаѓа затоа што не го поддржуваме забрзаното пристапување на Украина во Европската унија, тој всушност ја доведува во прашање суверената одлука на унгарскиот народ“, изјави лидерот на Фидес, пренесува МТИ.Според Орбан, унгарските граѓани веќе се изјасниле против членството на Украина во ЕУ преку националното советување „Вокс2025“, спроведено минатата година. Владата тврди дека во анкетата учествувале 2,2 милиони луѓе, во земја со околу 9,6 милиони жители.„Како премиер на Унгарија, моја должност е да ги спроведувам одлуките на унгарскиот народ. Тоа ќе го правам повторно и повторно, без разлика дали му се допаѓа на претседателот Зеленски или не“, порача Орбан.Во изминатиот период, унгарскиот премиер ја нарече Украина „непријател“ на Унгарија, обвинувајќи ја дека во Брисел бара прекин на снабдувањето со евтина руска енергија за Будимпешта. Унгарија, која пред војната беше силно зависна од руските енергенси, и натаму одржува контакти со Москва, а Орбан од почетокот на руската офанзива врз Украина најмалку трипати ја посети руската престолнина.Орбан изборите во април ги претставува како одлука „за војна или за мир“, додека аналитичарите оценуваат дека прашањето за Украина е во фокусот на кампањата, во услови кога унгарската економија се соочува со стагнација по периодот на висока инфлација.

Свет | пред 1 месец

Орбан тврди: Клинтон побара Унгарија да ја нападне Србија во 1999 година

Унгарскиот премиер Виктор Орбан изјави дека во 1999 година, за време на неговиот прв мандат, поранешниот американски претседател Бил Клинтон побарал од Унгарија да ја нападне Србија по копно за да отвори втор фронт во средината на војната во Косово.Орбан го изнесе ова тврдење за време на викендот на состанокот на Дигиталните граѓански кругови на Фидес во Сомбатели, пишува Телекс.Според Орбан, Клинтон барал Унгарија да ја нападне Србија или „барем да пука во нив од Унгарија преку Војводина па сè до Белград“.Владата на Орбан, како што тврди тој, одбила, а на изричното барање на американскиот претседател, тие одговориле со „Не, господине!“. „Да имавме тогаш премиер кој знаеше само да каже „Да, господине“, ќе бевме во војна до врат“, заклучи Орбан.Унгарскиот премиер вели дека потоа го прашал Клинтон што ќе се случи со 300.000 Унгарци што живеат во Војводина во тој случај. Тој тврди дека го предупредил и Клинтон дека враќа на оган од една локација и прашал:„Дали треба да дозволиме бомбардирање на Сегед, тоа е планот? Или на Ходмезовашархеј и Мако?“ Орбан рече дека се согласиле да разговараат за тоа лично на самитот на НАТО една недела подоцна, но тврди дека Американците никогаш повеќе не го отвориле прашањето.„Можно е да се каже „не“ кога имате храброст“, им рече тој на присутните во Сомбатеј. Додаде дека за неколку години, дипломатската историја ќе открие преку кои канали и информации го убедиле американскиот претседател никогаш повеќе да не поднесе такво барање.

Свет | пред 1 месец

Орбан: Добив покана за седница на Одборот за мир на Трамп во Вашингтон

Унгарскиот премиер Виктор Орбан во саботата најави дека „за две недели“ ќе отпатува во Вашингтон, каде што ќе присуствува на инаугуративниот состанок на „Одборот за мир“, иницијатива на американскиот претседател Доналд Трамп за ставање крај на вооружените судири во светот.Говорејќи на предизборен собир во Самботел, во западна Унгарија, во пресрет на парламентарните избори во април, Орбан изјави дека добил официјална покана за повторна средба со американскиот претседател. Според неговите зборови, токму во Вашингтон ќе се одржи првиот состанок на новоформираното тело.Според планот на Трамп за завршување на војната во Појасот Газа, Националниот одбор за управување со Газа привремено би управувал со палестинската територија, под надзор на Одборот за мир, со кој ќе претседава самиот американски претседател. Сепак, во нацрт-повелбата на Одборот не се споменува изречно палестинската територија, туку се поставува поширока мисија – придонес кон решавање на вооружени конфликти на глобално ниво.Во преамбулата се наведува дека Одборот за мир треба да има „храброст да се оддалечи од пристапи и институции кои премногу често потфрлиле“, што се толкува како индиректна критика кон Обединетите нации.Покани за приклучување кон новото тело добиле повеќе светски лидери, меѓу кои и Орбан, познат како близок сојузник на Трамп, кој веќе ја прифатил поканата. За државите што ќе сакаат постојано место во Одборот за мир, ќе биде потребно да уплатат сума од една милијарда долари.

Свет | пред 1 месец

Орбан: Постигнав договор со Трамп, Путин и Ердоган

Унгарскиот премиер Виктор Орбан изјави дека без интервенција на владата сметките на домаќинствата би се зголемиле за околу 30 отсто поради екстремно студеното време, нагласувајќи дека државните мерки се клучни за заштита на граѓаните. Во редовното утринско интервју на радиото „Кошут“, Орбан рече дека постигнал договор со американскиот претседател Доналд Трамп, рускиот претседател Владимир Путин и турскиот претседател Реџеп Таип Ердоган за натамошно снабдување на Унгарија со евтин гас.Според Орбан, претстојните избори во април ќе бидат одлучувачки за опстанокот на намалените цени на енергенсите, за кои тврди дека Брисел сака да ги укине. Тој истакна дека рускиот гас е неопходен за одржување на сегашното ниво на цени и дека Унгарија има рок од околу година и пол за да најде начин да ја заобиколи забраната на Европската унија.Европската унија оваа недела усвои регулатива со која постепено се укинува увозот на природен гас од руски гасоводи и течен природен гас. Целосната забрана за увоз на течен гас треба да стапи на сила на почетокот на 2027 година, додека забраната за увоз преку гасоводи е предвидена за есента истата година. Орбан оцени дека доколку Унгарија не најде решение во предвидениот рок, домаќинствата ќе се соочат со сериозен хаос, додавајќи дека со оваа одлука Брисел, според него, настојува да ѝ помогне на Украина.Тој посочи дека Европската унија не би требало да се меша во трговските прашања, освен кога станува збор за санкции, за кои, како што нагласи, е потребна согласност од сите земји членки. Истовремено додаде дека за трговските одлуки не е потребна едногласност.Осврнувајќи се на Украина, Орбан потсети на планот за нејзино обновување, со кој од Европа се бараат стотици милијарди евра. Според него, целта е во Унгарија да дојде на власт проукраинска влада, што, како што тврди, би го уништило унгарското стопанство, а поради географската близина со Украина, најмногу би страдале токму унгарските граѓани.Орбан оцени дека Украина не ја зајакнува, туку ја ослабува Европа и дека таа треба да се задржи во, како што рече, преодна состојба. Тој порача дека во Брисел се води битка која мора да се добие, наведувајќи дека како што Унгарија, според него, ја добила битката околу миграциите, така може да ја добие и битката околу членството на Украина во Европската унија. Премиерот изрази уверување дека и западноевропските земји ќе се спротивстават и ќе ги принудат своите лидери да не ги поддржуваат, како што ги нарече, погрешните политики, нагласувајќи дека за тоа најпрво е потребна победа на домашен терен, а потоа и во Брисел.

Свет | пред 2 месеци

Орбан: Украина ја премина границата

Унгарскиот премиер Виктор Орбан денес изјави дека украинското раководство ја преминало границата и дека неговата земја не барала конфликт, а сепак Унгарија веќе неколку дена е цел на притисоци.„Сè додека Унгарија има патриотска влада, овие прашања нема да се решаваат во Киев или Брисел. Украинците тоа го знаат, затоа сакаат нова, пријателска влада во Будимпешта и сè закануваат на секој чекор“, напиша Орбан на својата страница на Фејсбук.Орбан додаде дека неговата влада нема да испраќа пари во Украина, затоа што тие пари се подобро наменети за унгарските семејства отколку, како што рече, „во бањата на украински олигарх“.Тој исто така потенцираше дека Унфарија нема да дозволи забрана за увоз на руска нафта и гас, бидејќи, според него, без овие ресурси нема да биде возможно намалување на трошоците за комуналии и обезбедување пристапна енергија за маѓарските семејства.„Нема да дозволиме Украина да биде втурната во Европската унија за две години кршејќи ги законите на ЕУ, бидејќи тоа би значело и увоз на војна“, додаде Орбан.

Свет | пред 2 месеци