ОХРИД

Шесто издание на Beach Film Festival во Охрид

Од 19-ти до 23-ти јули во Охрид ќе се одржува шестото издание на Beach Film Festival. Овогодинешната програма нуди многу филмски проекции, мастер класови и музички перформанси на четири локации во Охрид, и тоа: Плажа Славија, Плажа Сараиште, Брод Армада и Младински Центар Охрид.Љубителите на филмот ќе имаат можност да погледнат 8 долгометражни играни филмови, 16 краткометражни, 9 студентски, 5 француски (земја во фокус Франција) и 4 специјални проекции. Фестивалот се отвора со краткометражниот филм „Сценарио“ на Александра Кардалевска и долгометражниот филм „Преекспонирано“ на Елеонора Венинова, а ќе се затвори со словенечкиот филм „Нешто слатко“.

Охрид | пред 2 години

12. издание „На зајдисонце“ во Трпејца

Во организација на Здружението „За Трпејца со љубов“ и под покровителство на општина Охрид од денес до 28 јули во селото Трпејца ќе се одржи културно-забавната манифестација „На зајдисонце“.Утре, четврток 20 јули, приустните ќе можат да ја видат изложбата на дела од Интернационалната уметничка колонија која се одржува во Трпејца, а во музичкиот дел ќе настапат Влатко Броз и диџеј Марама.Во петок во истиот термин публиката ќе може да се запознае со минатото на дел од околината на Трпејца. Младиот Петар Симоноски ќе прикаже видео презентација на тема: „Тврдина Осој од VI век“.Викендот е резервиран за документарни филмови. Во сабота навечер публиката ќе го гледа документарно – туристичкиот филм „Трпејца на дланка“ работен по сценарио на Милчо Јованоски.Следната вечер од 20:30 часот публиката ќе се запознае со Љупчо Паункоски и неговиот документарен филм „Охридските пливачки легенди“.Неделното утро е резервирано за традиционалната прошетка на домаќините и гостите по патеката Чоколско.Во понеделник на 24 јули во Трпејца ќе гостува бендот 3.0 ( три промили ) а денот потоа е резервиран за традиционалната Кајакарска регата „Номче Митрески“ и натпреварот во пливање.Вечерта е резервирана за прошетката „Со кајче по езерото“.Во среда на 26 јули од 19:30 часот посетителите на манифестацијата „На зајдисонце“ ќе можат да учествуваат на атрактивната трка со куфери по скалинадата во Трпејца.Час подоцна ќе следи интересната видео презентација „Пчелите ќе го спасат светот“ од Петар Стојаноски од фирмата „Органски природен мед“ од Трпејца.Претпоследната вечер од културното лето во Трпејца е резервирана за Драмското студио „Цвет 75 “ од Охрид под раководство на Драгана Боцевска. Младите актери ќе ја одиграат претставата „Пепелашка од Охрид“.На крајот од дванаесеттото издание на „зајдисонцето“ охридскиот сликар, фотограф и филмофил Ѓоко Симјаноски ќе гостува со изложбата на портрети „Беше еднаш Холивуд“.Летото во свој стил со пародијата „Дојдете во Трпејца“ ќе го затворат познатата македонска актерка Марија Кондовска и угостителот Марјан Митрески – Мац.

Охрид | пред 2 години

Темелно машинско миење на чаршијата во Охрид

Од раните утрински часови се спроведе темелно машинско миење на чаршијата, објави Охридски Комуналец.„Беше употребено и дезинфекционо средство, а на одредени места каде имаше потреба беше дополнето со рачно чистењеСогласно Програмата за работа за 2023 год. машинско миење на коловозите во летната сезона се спроведува секојдневно, според категоризација на улици, во периодот од 22 часот до 5 часот наутро“, велат од претпријатието.

Охрид | пред 2 години

Пецаков: Ја подобруваме ефикасност на општинските јавни претпријатија

Со набавка на неколку нови комунални возила ја подобруваме ефикасност на општинските јавни претпријатија и обезбедуваме поквалитетни услуги за граѓаните, вели градоначалникот на Охрид, Кирил Пецаков.„За ЈП „Нискоградба“ набавени се• Tрактор SOLIS 75 PH со кабина и најсовремена цистерна за фекалии со носивост од 6000l во вкупна вредност од 1.623.600,00 денари со вклучен ДВВ. (Програма за „Јакнење на капацитетите на ЈКП преку набавка на опрема“)• Комунално возило - Комбе Фургон со агрегат за чистење на канализација во товарен простор со вкупна вредност од 60.640,00 евра без ДДВ. ( „Проект за обезбедување на Општина Охрид со комунално возило“ - гранд од Јапонска амбасада)За ЈП „Охридски комуналец“ набавен е• Трактор со кабина и плуг со ширина од 2,5 m за чистење на една коловозна лента и соларка од 1200 l со современи хидраулични решенија за ефикасно справување при падавини на снег и појава на голомразица во вкупна вредност од 1.513.638,00 денари со вклучен ДДВ. (Програма за „Јакнење на капацитетите на ЈКП преку набавка на опрема“)За ЈП „Водовод“ набавено е• Возилото Камион кипер – марка ИСУЗУ - со двојна кабина со кој се очекува поефикасно и поекономично извршување на работните обврски на Секторот за водоснабдителни објекти. Во вредност од 4.350.000,00 денари со вклучен ДДВ. (Програма за „Јакнење на капацитетите на ЈКП преку набавка на опрема“)“, додава тој.

Охрид | пред 2 години

Општина Охрид обезбеди ново товарно возило за потребите на ЈП „Водовод“

Општина Охрид континуирано работи во насока на подобрување на условите во Јавните комунални претпријатија и овозможува поголема ефикасност во работењето.„Само во текот на оваа година инвестиравме значителни средства во набавка на опрема и обезбедивме повисок квалитет на услугите за граѓаните.Денеска го промовиравме новото товарно возило за потребите на ЈП „Водовод“. Се работи за Камион кипер – марка ИСУЗУ - со двојна кабина кое е набавено преку проектот „Јакнење на капацитетите на ЈКП преку набавка на опрема“, одобрен од страна на Министерството за локална самоуправа и Бирото за регионален развој, а реализиран од Центарот за развој на Југозападниот плански регион во партнерство со Општина Охрид.Новото возило се очекува да придонесе за подобра ефикасност на Секторот за водоснабдителни објекти, производство и третман на вода за пиење во ЈП „Водовод“. Ќе се обезбеди поефикасно и поекономично извршување на работните обврски, потребите за транспорт на вработените, пропратниот алат и полесните градежни машини до местото каде е потребно да се вршат одредени интервенции, како и за одведување на ископаниот материјал од градилиштето до депонија за градежен шут.Би сакал да упатам благодарност до Центарот за развој на југозападниот плански регион за соработката на проектот за подобрување на капацитетите на општинските претпријатија, преку кој обезбедивме опрема за ЈП Водовод, Охридски Комуналец и Нискоградба во вкупен износ од 7,5 милиони денари. Овој проект општина Охрид и финансиски го поддржа издвојувајќи значаен износ на средства од буџетот на општината.Се надевам дека и во иднина ќе продолжиме да работиме на имплементација на уште многу значајни проекти во Охрид и сите населени места во општината“, вели градоначалникот на Охрид, Кирил Пецаков.

Охрид | пред 2 години

Изложба на фотографии „Охрид1940-1945“

Заменик градоначалникот на Охрид, Перчо Божиноски синоќа во куќата на Уранија присуствуваше на отворањето на изложбата на стари фотографии на Јонче Поп Стефанија коишто го „оживеаја“ Охрид во периодот 1940 до 1945 година. Изложбата е на универзитетскиот професор Роберт Јанкулоски и е изработена од негативите на познатиот охридски сликар, пред скоро еден век. Изложените фотографии се сведоштво на животот на обичниот човек во Охрид пред почетокот на Втората светска војна и потоа.Изложени се 33 вредни фотографии отпечатени на архивска хартија, кои имаат документарна вредност и претставуваат вредно културно богатство.Изложбата „Охрид 1940-45“ ќе биде претставена и во Битола, а во иднина се планира да се дополни колекцијата со вредните фотографии од Јонче Поп Стефанија и да се изработи монографија. Како дел од овој проект беа исчистени, препакувани, дигитализирани и дигитално реставрирани 1.025 негативи од фотографската збирка на Поп Стефанија.

Охрид | пред 2 години

Пецаков на средба со Британскиот амбасадор Метју Лосон

Остварив официјална средба со Британскиот амбасадор Н.Е. Метју Лосон. Ова е прва официјална посета на британскиот амбасадор на Охрид, вели градоначалникот на Охрид, Кирил Пецаков„На разговаравме за предизвиците со кои се соочува Охрид. Истакнав дека како Локална самоуправа сме подготвени за справување со истите и воедно паралелно реализирање на зацртаните проекти. На амбасадорот му ги презентира тековните и проектите кои ќе се реализираат во наредниот период.Разговаравме и за УНЕСКО и исполнувањето на препораките. Го уверув амбасадорот дека Охрид се движи во правилна насока и се надевам дека со ангажирање на сите засегнати страни ќе се добие посакуваниот резлутат. Разговаравме и за заштитата на животната средина и заштитата на Охридското езеро.Се разговараше за продлабочување на соработката во областа на туризмот преку организирање на промоции во Британија, како и за проширување на директните авио линии.Заедно со Амбасадорот ја потенциравме веќе добро воспоставената меѓусебна соработка и заклучивме дека кај двете страни има воља за надоградување“, додава тој.

Охрид | пред 2 години

На 19 јули театарска претстава за деца ,,Во домот на Волшебникот” во Охрид

Општина Охрид во рамките на програмата за култура оваа година активно работи на програма за нашите најмлади охриѓанчиња.На 19 јули на сцената кај ТЦ Амам најмладите ќе имаат прилика да ја проследат театарската претстава за деца ,,Во домот на Волшебникот”. Претставата е работена наменски и е посветена на децата. Токму овој период кога во регионот сериозно е видливо насилството помеѓу децата, а и кај нас, нужна е потребата преку театар да се прикаже дека за секој проблем и недоразбирање не е решение насилството, туку разговорот, меѓусебното подавање на рака, искреното пријателство. Низ низа драмски ситуации во кои главната нитка е мудроста на волшебникот, наспроти денешното однесување на децата, ќе упатиме јасна порака: Со насилство НЕ, со дружба може СЕ!Во претставата има многу комичнини, едукативни, педагошки елементи, но што е најважно интеракцијата на децата од публиката е многу присутна. Важноста заедно со актерите ќе дојдат до главната порака на претставата, а притоа да увидат дека само преку искрен и другарски пристап можеме да успееме во се.Претставата изобилува со преубава музика, сценографија и костимографија. Во неа играат актерите кои децата ги познаваат од народните приказни: Магдалена Ризова-Черних и Сашо Ристовски, а покрај нив игра и младата Тамара АнгелескаУлогата на Волжебникот ја игра актерот Сашо Ристовски, а улогата на помошничката ја игра актерката : Магдалена Ризова-Черних ,улогата на девојчето ја игра Тамара Ангелеска.

Охрид | пред 2 години

Интензивни подготовки на првото издание на Ohrid Water Festival

Интензивно се одвиваат активностите за подготовка на првото издание на големата промотивно-спортска манифестација Ohrid Water Festival, која ќе се одржува во Охрид од 18-ти до 27-ми август.На координативен состанок кој се одржа денеска, претставниците на охридските клубови за водени спортови информираа за деталите за сите 17 спортски настани кои се предвидени во рамки на официјалната програма.Како пропратен дел на фестивалот планирани се и голем број социјално-забавни настани на повеќе локации во градот, музички концерти, промоција на реквизити за водени спортови, промоција на традиционална храна, изложби на фотографии, панел дискусии и други културни и едукативни содржини.Во финална фаза е и подготовката на официјалната веб страница на Ohrid Water Festival на која ќе бидат поместени сите информации и детали за времето и местото за организирање на десетте фестивалски денови.Фестивалот е под целосно покровителство на Општина Охрид, а неговата основна цел е промоција на водените спортови, афирмација на уникатноста на Охридското Езеро и туристичките потенцијали со кои изобилува нашиот град.

Охрид | пред 2 години

(ФОТО) Општина Охрид изгради детско игралиште на плажата во Пештани

Во рамки на реализацијата на Градската плажа во Пештани, започнавме да работиме на изградба на детско игралиште. Денес, се работи на поставување на детските реквизите, вели градоначалникот на Охрид, Кирил Пецаков.Изведувач на активностите е ЈП „Градски пазар“ и компанијата „Дион градител“.Средставата за изградба на игралиштето се обезбедени од буџетот на Општина Охрид.

Охрид | пред 2 години

Започна Балканскиот фестивал на народни песни и игри во Охрид

Синоќа во ЦК „Григор Прличев“ свечено беше отворено 62-то издание на Балканскиот фестивал на народни песни и игри. Пред присутните се обрати заменик градоначалникот на Охрид, Перчо Божиновски.– Вечерва тука, заедно во нашиот убав Охрид ја продолжуваме долгогодишната традиција, со одржувањето на оваа манифестација на највеличествен начин да го прославиме значењето на танцот и музиката како универзални вредности на народите. Облечени во боите на својата земја, со сјај во очите и нескротлива енергија учесниците од повеќе европски земји ја претставуваат својата култура, традиции и обичаи кај нас, а со тоа потврдуваат дека најдобрата врска меѓу народите е музиката и танцот. А токму прек нив од дамнина се изразувала тагата или радоста, гордоста или очајот на Балканските народи. Преку фолклорот се отсликува генетскиот код на еден народ и токму затоа Балканскиот Фестивал кој е најстара културна манифестација од ваков тип на Балканот е толку значаен и го зазема фестивалскиот примат.Полека но сигурно ја ситниме седмата деценија од првото заиграно оро и отпеана песна на сцената на Доллни Срај. Оттогаш почнува магијата, а до денес на фестивалот учествувале неколку десетици илјади учесници, инструменталисти, играорци, пејачи од сите континенти во Светов. Сите тие дефилирајќи низ охридската чаршија најавуваат долго топло лето во Охрид со надеж за плодна туристичка сезона.Јас верувам дека уживавте на синоќешната изложба од „Љубанишча до Дебор“ од колекцијата на Љупчо Милошески, а повеќе од сигурен сум дека ќе уживате и во претстојните фестивалски ноќи.На крај им се заблагодарувам на вработените од ЦК „Григор Прличев“ за одличната организација на фестивалот. На учесниците им посакувам најубаво фестивалско претставување со желба да понесат убави впечатоци од древниот Охрид и повторно да се вратат кај нас– рече Божиновски.Свое обраќање пред присутните имаше и Заменик претседателот на македонското Собрание, Горан Мисоски. Настанот е во организација на Министерството за култура на Р. МакедонијаВлезот за фестивалските ноќи е слободен.

Охрид | пред 2 години

Отстранети кајчињата од плажата во Пештани, се уредува просторот

Градоначалникот на Охрид, Кирил Пецаков, на Фејсбук сподели фотографија од уредувањето на плажата во Пештани.„После отстранувањето на кајчињата од плажата во Пештани, денес, започнаа активностите за уредување на просторот.Со тоа жителите во Пештани, но и туристите ќе добијат уредена плажа која ќе можат да ја користат“, објави Пецаков.

Охрид | пред 2 години

Нема фотографија

Општина Охрид објави конкурс за најдобар расказ по повод традиционалната културна манифестација „Вечер на Живко Чинго“

По повод традиционалната културна манифестација „Вечер на Живко Чинго“, Општина Охрид го распишува годинешниот:КОНКУРС ЗА НАЈДОБАР РАСКАЗУслови за учество на Конкурсот:Право на учество на Конкурсот со свој расказ има секој полнолетен граѓанин на Република Македонија;Трудовите треба да се достават во печатена форма во три примероци, под шифра, без лични податоци за авторот, на адреса:ОПШТИНА ОХРИД, ул. „Димитар Влахов“ бр.57, со назнака: ЗА КОНКУРСОТ ЗА РАСКАЗ;Авторското право се докажува со четвртиот примерок;Краен рок за доставување на трудовите е 31.07.2023 г.;Жири – комисијата ќе ги објави резултатите од Конкурсот во дневниот печат најдоцна до 08.08.2023 г.Наградата за најдобар расказ е една и изнесува 30.000 денари, а истата ќе биде врачена на културната манифестација „Вечер на Живко Чинго“, која во негова чест традиционално, секоја година се одржува во неговото родно Велгошти.Доставените трудови не се враќаат.

Охрид | пред 2 години

Официјално примопредавање на комуналното возило од јапонската амбасада за Општина Охрид

Градоначалникот на Охрид Кирил Пецаков во придружба на амбасадорот на Јапонија во земјава Н.Е. Оцука Казуја и директорот на ЈП „Нискоградба“, Александар Трпеноски присуствуваше на церемонијата со која се официјализира примопредавањето на комуналното возило кое е донација од јапонската влада за Општина Охрид . Возилото е наменето за чистење на канализационата мрежа во градов и ќе го користи ЈП „Нискоградба“.Градоначалникот Кирил Пецаков укажа на значењето на оваа вредна донација која доаѓа во вистинско време имајќи ја во предвид заложбата на Општина Охрид за заштита на животната средина и Охридското Езеро.-Станува збор за голема донација на Јапонската влада вредна 60,640.00 EUR. Имајќи ја предвид заложбата на Општина Охрид за заштита на животната средина, акцентирајќи ја заштитата на Охридското Езеро, оваа донација доаѓа во вистински момент. Со новото комунално возило се врши брза и навремена санација на дефктите на канализационата мрежа при што многу ефикасно започнавме да се справуваме со загадувањето. Секако тука има уште доста работа, но сум сум уверен дека претходните средби со делегациите од Јапонија и поддршката што Јапонската амбасада и лично Амбасадорот ја даваат на Општина Охрид ќе резултира со скоро решавања на овој проблем.Убеден сум дека веќе добрата меѓусебна соработка која ја негуваме ќе придонесе и во иднина да бидеме дел од вакви настани, кои по своето значење се повеќе од локални, бидејќи заштитата на животната средина е светска обврска, не само локална.Во оваа прилика од мое и од името на сите охриѓани се заблагодарувам на оваа вредна донација. Пријателска Јапонија во неколку наврати донирала општи блага во Охрид и со тоа ни покажавте дека Охрид има посебно место кај Вас. Впрочем тука би цитирал една народна изрека која вели „Штом еднаш го посетиш Охрид, повторно ќе се вратиш со уште повеќе пријатели“. Во таа насока нека се развива и оваа наша понатамошна соработка- рече градоначалникот Пецаков.Директорот на ЈП „Нискоградба“ Александар Трпеноски заедно со вработени во претпријатието извршија презентирање на статистиките и мала демонстрација на работењето на возилото.-Донираното возило веќе еден месец е пуштено во употреба и успеа да санира приближно 200 дефекти во канализационата мрежа од кои голем дел се во стариот дел на градот којшто претставува специфичен терен за работа– рече Трпеноски.Со денешниот настан се комплетира GGP – проектот на јапонската амбасада. Пред официјалното примопредавање, градоначалникот Пецаков и амбасадорот Казуја имаа протоколарна средба на која беа изразени заложбите на двете страни да продолжи и да се зацврсти континуираната соработка помеѓу Македонија и Јапонија.

Охрид | пред 2 години

Во Охрид се одржа дискусија за зајакнување на локалниот младински совет

Градоначалникот Кирил Пецаков денеска се вклучи на дискусијата за зајакнување на Локалниот младински совет, која се одржа во Младинскиот центар во Охрид, како дел од проектот „Од ЕУ за Вас: Опремување на локалните младински совети со најдобрите европски практики #TeamEurope“. Дискусијата ја организираше Центарот за меѓукултурен дијалог (CID) и Амбасадата на Хрватска во Република Македонија.На дискусијата присуствуваше амбасадорката на Република Хрватска во Македонија, Н.Е. Нивес Тигањ, која со младите охриѓани разговараше за перспективите на локалната младина и сите потреби и предизвици, како и за начинот на делување на Локалниот младински совет во Охрид.По завршување на официјалниот дел на настанот, градоначалникот Пецаков оствари средба со амбасадорката Тигањ на која се разговараше за можноста за воспоставување на соработка на Охрид и градот Дубровник, како и за неколку заеднички теми и проекти од заеднички интерес на двата града.

Охрид | пред 2 години

Настанатите штети од невремето во Охрид може да се пријават до петок

Се информираат жителите на Општина Охрид дека настанатите штети од невремето може да ги пријават до 30.06.2023 година (петок).Барањата за пријава на штети се подигаат во архивата на Општина Охрид, а кон барањето задолжително се приложува имотен лист и лична карта.Настанати штети може да се пријават само за недвижен имот и за земјоделски култури.

Охрид | пред 2 години

Одбележан денот на балканските Египќани во Охрид

Со средба на претставниците на Египќаните од Македонија, Албанија и Косово, денес во Охрид се одбелжува 24 јуни – Денот на Балканските Египќани. Градоначалникот Кирил Пецаков оствари средба со претставниците на Египќаните, меѓу кои присуствуваше и Елберт Красниќи, министер за локална самоуправа во Косово.Градоначалникот Пецаков, истакна дека како локална самоуправа, Охрид има преземено многу работи, со кои недвосмислено се покажува дека нашите сограѓани Египќани, се нераскинлив дел од заедничкото живеење во Охрид, со сите други етнички заедници. Верувам дека и како држава ќе продолжиме да ги унапредуваме правата на Египќаните во заедничкиот дом – Македонија, за заедно да градиме просперитетна заедница за сите граѓани –истакна Пецаков.Според здруженијата на Египќаните од Албанија и Косово, нивниот број е далеку поголем од официјалните пописни резултати во овие земји. Па така, во моментв во Косово живеат околу 20 илјади, а во Албанија над 200 илјади Египќани. Претставниците на оваа заедница во Косово имаат едно загарантирано пратеничко место во Косовскиот парламент, а во Албанија во моментов се во фаза на формирање на политичка партија.

Охрид | пред 2 години

Меѓународен турнир во таеквондо во Охрид

Денес во спортската сала „Билјанини извори“, започна меѓународен турнир во Таеквондо. Пред присутните натпреварувачи се обрати градоначалникот Кирил Пецаков.– Како голем поддржувач на спортот, секогаш ми е посебно драго да бидам дел од вакви спортски случувања, кои оставаат траен белег во спортскиот живот на нашиот град и се позитивен пример за афирмација и промоција на различни спортски дисциплини.Таеквондото е вековна боречка вештина која со своите правила и техники е вистински психички и физички предизвик, па затоа на сите натпреварувачи им честитам за нивната посветеност и ентузијазам да бидат истрајни во сите борбени подвизи.Оваа можност би сакал да ја искористам и да истакнам дека сум особено горд што Охрид веќе има неколку истакнати имиња кои на наша голема радост имаат остварено врвни резултати во оваа боречка дисциплина.Помеѓу нив е и европската златна титула на младата Христијана Парулеска која ја прославивме пред два месеци. Верувам дека во подем се и нови генерации на успешни таеквондисти, од кои во иднина очекуваме уште поголеми достигнувања.Се надевам, дека овој спортски настан ќе продолжи да се одржува и во иднина, со уште поголем број на учесници и дека значително ќе придонесе за промоција на потенцијалите за развој на спортскиот туризам во Охрид.Ви посакувам успешни натпревари и одлични резултати, како и многу нови пријателства. До сите гости упатувам покана да го искористат својот престој тука, за да уживаат во убавините на нашиот туристички бисер Охрид – исткана Пецаков.

Охрид | пред 2 години

Промоција на книгата „Пловните објекти и веслањето низ историјата на Охридското Езеро и пошироко во Македонија“

Во сабота ( 01. 07. 2023 г.) со почеток во 12:30ч. во кафе бар „Босфор“ во охридската чаршија ќе се одржи промоција на книгата „Пловните објекти и веслањето низ историјата на Охридското Езеро и пошироко во Македонија“ од Здравко Тупаре.Книгата е издадена со поддршка на Општина Охрид.

Охрид | пред 2 години

Во кафе барот „Кадмо“ одржана дебата на тема: „Европеизација на Македонија-дали сме на добар пат“

Во организација на Паневропската Унија на Македонија, денес во кафе барот „Кадмо“, се одржа дебата на тема: „Европеизација на Македонија-дали сме на добар пат“. Свои излагања имаа претседателот на Паневропската Унија на Македонија Андреј Лепавцов, универзитетските професори Љубомир Кекеновски и Марјан Бојаџиев, екс амбасадорот Марјан Ѓорчев, Огнен Цубалевски,менаџер во ОДВ Електрик и Олег Маленко од компанијата Вис Пој од Охрид.Гостите од името на локалната самоуправа ги поздрави градоначалникот Кирил Пецаков.– Денешната тема се провлекува низ политичко- општествениот живот на Македонија повеќе децении, а деновиве стана особено актуелна со последните потези што ги влече владата. Претпоставувам дека сите ќе се согласиме, а тоа е политички консензус кој трае –европеизацијата на Македонија никогаш не била доведена во прашање, само начините, методите и политичките средства како тоа се остварува, биле различни.Благодарност до Паневропската унија на Македонија за реализација на денешната дебата, на која се надевам дека ќе има плодни дискусии, погледи и размислувања, која ќе фрлат нова светлина на европската перспектива за Македонија и ќе покажат дали сме навистина на добар пат – истакна во своето обраќање Пецаков.Заедничко именител во излагањето на сите панелисти беше дека, на патот за полноправно членство во Европската Унија, грешките се во недоволниот капацитет што го покажавме како држава, но и не секогаш принципиелните и конзистентни ставови на Европа кон нашата земја.

Охрид | пред 2 години

Поплавени се куќи, уништени се кровови, објавува Пецаков за состојбата во Охрид

„Веднаш после завршувањето на состанокот на кризниот штаб при Општина Охрид, комисијата за проценка на штети излезе на терен. Во моментов се врши проценка каде што имаме сознанија дека се најголеми штетите, односно каде што има големи оштетувања на домовите“, објави градоначалникот на Охрид, Кирил Пецаков.„Најпогодени се домовите во населбата Видобишта каде на поголем број куќу се оштетени крововите и е дојдено до поплавување. Се постапува и по пријавите за штети кои што се пристигнати и до Територијалната противпожарна единица и јавните претпријатија. Веднаш на терен излегува екипа и врши проценка дали станува збор за поплави и врши достава на пумпи или е за нешто друго“, додаде тој.Посочи и: „Постојано сме на терен и работиме на санација на оштетувањта кои се во голем обем. Сите граѓани кои имаат штети треба да ги пријават до Центарот за урпавување со кризи на телефонскиот број 112“.

Охрид | пред 2 години

(ВИДЕО) Страшното невреме направи поплави во Охрид, поплавени се и подруми

Невремето во Охрид остави последици во градот. Дел од улиците се поплавени, а има и штети. Веќе има поплаки за оштетени автомобили, поплавени простории во руралните делови.Водата од улиците, се излева и по тротоарите. Има и паднати дрвја. Додека траеше невремето, градот беше парализиран.„Инаку водата од поројниот дожд во Охрид се слеала најмногу на булеварот ,,АСНОМ", од каде што е можно да се прелева во околните дворови, приземја и подруми на куќи“, вели ЦУК.Силното невреме ги зафати Охрид, Струга, Дебрца и Кичево. Пороен дожд и грмотевици, проследени со ветер повеќе од еден час има во охридско-струшкиот регион.Според прогнозата на УХМР, локално процесите ќе бидат поинтензивни во форма на невреме проследени со обилен пороен дожд за кратко време, електрични празнења, силен ветер (над 60 км/час) и изолирана појава на град.Невреме се очекува и во Скопје.

Охрид | пред 2 години

(Видео) Авион со патници не може да слета во Охрид поради невремето, кружи над градот

Авион од компанијата „Визер“ кој патува од Малме, Шведска, не може да слета на охридскиот аеродром. Причината е силното невреме кое го погоди градот. Авионот кружеше околу границата Албанија-Македонија, потоа и над Струга.Имаше и обид за слетување, но наместо тоа, пилотот помина само преку аеродромот „св. Петар и Павле“ во Охрид. Авинот направи круг и над селата Оровник, Горенци, Требеништа, Мислешево. Бидејќи немаше услови да слета, го надлетуваше и Охридското Езеро.Планирано време за слетување било во 11 часот.

Охрид | пред 2 години

Охрид домаќин на културниот настан „Заборавениот звук – во спомен на Климе Садило“

Градоначалникот на Охрид, Кирил Пецаков синоќа во предворјето на ЦК “Григор Прличев“ присуствуваше на културниот настан „Заборавениот звук – во спомен на Климе Садило“, што се реализира со поддршка на Општина Охрид и Министерството за култура.Во своето обраќање пред присутните градоначалникот Пецаков се осврна на музичките достигнувања на Садило и културниот придонес што тој го имал за Охрид.–Огромно е задоволството да се присуствува на овој културен настан посветен на најпознатиот трубадур и чалгаџија на сите времиња, Климе Садило чија музика сведочи за традицијата и културата што се негувале во 19-от и 20-от век на овие простори. Секако нема охриѓанец, а верувам и Македонец кој не слушнал и не посакал да ги чуе убавите звуци отсвирени на садиловото ќемане. Дека станува збор за невиден музички талент и гениј кој ја исцрта чалгиската традиција во Охрид говори и фактот што тој на најспецифичен начин, држејќи го гудалото во левата рака успевал на единствен препознатлив стил да ги отсвири нотите на најубавите охридски песни. Вечерва под месечевата светлина слушајќи ги препевите од Садиловци нурнуваме во нашето дамнешно минато, горди сме на нашата традиција и култура кои во суштина се генетскиот код на еден народ. Еден век по Садило се родиле нови трубадури, нови музички таленти кои тргнале по неговиот пат, па дури и го опеале овој врвен музички мајстор. Но ниту еден од нив не успеал да ги дофати неговите височини. Тајфата на Садило која ја сочинувале Наум Курте на виолина, Паско Пепелко на лаута, Димче Карче на лаута, Кирил Кузманов- Катиљ на виолина, Ме(х)мет Исмаил-Утчи на ут, Ѓорѓи Чочег/овски на дајре и прерано починатиот син, Димче Садило кој свирел виолина, уште пред еден век докажале дека музиката нема граници. Тие биле една од ретките тајфи која свирела на забави и семејни веселби надвор од Македонија во Србија, Албанија, Бугарија, Америка, а дискографската куќа “Југотон“ издала грамофонска плоча со нивна музика. Да, музиката е најголемата универзална вредност, не познава простор и време. Се што е убаво е безвременско, а такви се песните од тајфата на Садило. Тие не враќаат во едни убави времиња на серенади кога се пеело под пенџерите на своите сакани дами, кога се негувале вистинските вредности. И ноќва ќе се вратиме во тоа убаво време . Ќе уживаме во чалгиските песни на Садило изведени од нашите добри музичари. Упатувам срдечни поздрави до Ѓоко Алоски кој е организатор на овој прекрасен музички настан и до Здружението за култура и уметност „Арт Вивенди” – Охрид. Верувам дека сите заедно ќе уживаме во музичките содржини кои вечерва ни се нудат во рамки на „Заборавениот звук – во спомен на Климе Садило“, кој како проект стана исклучително допадлив за Општина Охрид. А се што е убаво и квалитетно и го промовира градов на најдобар начин и во иднина ќе биде поддржувано од Локалната власт – рече градоначалникот Пецаков.Организатори на настанот се културниот работник Ѓоко Алоски и членовите на Здружението за култура и уметност „Арт Вивенди” – Охрид во соработка со етно -музикологот Александра Кузман.

Охрид | пред 2 години

Наградени ученици и ментори од основните и средните училишта во Општина Охрид

Врз основа на член 50 став 1 точки 5, 11 и 16 од Законот за локална самоуправа (Службен весник на Р.М. бр.5/2002), член 34 став 1 точки 4, 10 и 15 од Статутот на Општина Охрид (Службен гласник бр.08/07, 01/08, 10/10, 05/11, 09/14, 14/14 и 10/2019), програмите Н1 – основно образование и Н2 – средно образование, препораките за видовите, критериумите, висината и начинот на спроведување на постапки за финансиска поддршка од средствата предвидени во буџетот на општина Охрид и во годишните програми за работа од Секторот за образование, детска, здравствена и социјална заштита за учебната 2022/23 година наменети за ученици, студенти и наставници број 08-9420/3-1 од 12.07.2022 година донесени од страна на Советот на општина Охрид, Правилникот за начинот, постапката, условите и критериумите за доделување на парични награди за постигнати успеси на учениците и нивните ментори од општинските основни и средни училишта во општина Охрид како и избор на првенец на генерацијата број 09-5578/1 од 07.04.2023 година како и записникот со предлог од работата на стручната комисија број 28-9084/1 од 21.06.2023 година, Градоначалникот на општина Охрид донесе решение со кое одобри исплата на учениците и нивните ментори од основните и средните училишта во општина Охрид кои постигнале значајни резултати на државни и меѓународни натпревари во знаење. Со оваа активност општина Охрид е првата општина во Република Македонија која на овој начин ги наградува своите талентирани ученици. Дополнително оваа година и превозот за учество на натпреварите на учениците и нивните ментори комплетно беше обезбеден од општина Охрид. Учебната година завршува со промоција на најуспешните! Честитки до учениците и нивните ментори за постигнатите успеси!Повеќе на линкот

Охрид | пред 2 години