САД

Блокадата на американската влада стопирала извоз на оружје вреден повеќе од 5 милијарди долари, погодени и НАТО сојузниците

Блокадата на американската влада, која трае веќе 40 дена, го замрзна извозот на американско оружје во вредност од над 5 милијарди долари, наменет за НАТО-сојузниците и Украина, објави порталот Axios.Според извори од Стејт департментот, застојот во работењето на федералните институции има сериозни последици за сојузниците, но и за домашната воена индустрија, која не може да ги испорача договорените системи.„Ова навистина им штети и на нашите партнери и на американската индустрија која треба да обезбеди критични способности во странство,“ изјавил висок функционер на Стејт департментот за Axios.Меѓу земјите засегнати од блокадата се Данска, Хрватска и Полска, а меѓу опремата чија испорака е стопирана се наоѓаат ракетите AMRAAM, системите Aegis, како и HIMARS – мобилни артилериски системи со висок дострел.Иако не се открива кои пратки се наменети за Украина, дел од продажбите на НАТО-сојузниците подоцна се пренасочуваат како воена помош за Киев.Прекинатите трансакции се однесуваат и на државни продажби на оружје, и на лиценци за извоз на приватни американски компании. Под нормални услови, овој процес се одвива рутински, но поради блокадата голем дел од службениците се на принуден одмор, што го парализира системот.Проблемот произлегува од Законот за контрола на извозот на оружје, кој налага Конгресот да ги разгледа сите предлози за продажба на вооружување. Бидејќи дел од службениците кои го известуваат Конгресот не работат, процесот практично е запрен.Одделот за политичко-воени прашања во Стејт департментот моментално функционира со само една четвртина од редовниот број вработени, потврдија американски претставници.Од Стејт департментот тврдат дека демократите ја задржуваат продажбата на оружје, вклучително и кон НАТО-сојузниците, што, како што велат, ја ослабува безбедноста на САД и партнерите.Слична порака испрати и Џејмс Риш, претседател на Сенатскиот комитет за надворешни односи:„Кина и Русија не мируваат. Нивните напори да ги поткопаат САД и нашите сојузници стануваат полесни додека нашата индустрија трпи, а потребите на сојузниците остануваат неисполнети,“ рече Риш.

Свет | пред 4 месеци

Лавров и Рубио подготвени за средба – Москва бара признавање на нејзините интереси во Украина

Рускиот министер за надворешни работи Сергеј Лавров изјави дека е подготвен да се сретне со американскиот државен секретар Марко Рубио, но нагласи дека секој мировен процес за Украина мора да ги земе предвид интересите на Русија.„Државниот секретар Марко Рубио и јас разбираме дека редовната комуникација е неопходна. Таа е важна за дискусија на украинското прашање и за унапредување на билатералната агенда. Затоа комуницираме телефонски и подготвени сме за средба лице в лице кога ќе има потреба,“ изјави Лавров за агенцијата РИА Новости.Од Кремљ демантираа дека Лавров ја изгубил довербата на претседателот Владимир Путин, откако минатиот месец беа замрзнати напорите за организирање самит меѓу Путин и американскиот претседател Доналд Трамп.Според Reuters, Вашингтон го откажал планираниот самит поради ставот на Москва дека нема да отстапи од своите барања во врска со Украина.Financial Times цитираше извор според кој исходот од телефонските разговори меѓу Лавров и Рубио бил клучен фактор за одлуката на Вашингтон да го одложи средбата на највисоко ниво.

Свет | пред 4 месеци

(Видео) Снимка од Трамп се прошири со молскавична брзина: спиеше или не на средба?

Фотографии на кои се чини дека претседателот Доналд Трамп задремал во Овалната сала за време на официјален настан, се проширија со молскавична брзина низ социјалните мрежи, отворајќи нова лавина коментари за неговата работна способност и здравствена состојба, пренесува CNN.Снимките се направени во четврток, додека Трамп објавувал мерки за намалување на цените на популарните лекови за слабеење. На фотографиите се гледа како тој држи затворени очи, а во некои моменти се чини дека се бори да остане буден, триејќи го лицето со рака.Критиките од политичките противници не изостанаа. Канцеларијата на гувернерот на Калифорнија, Гавин Њусом, на „X“ објави фотографии со саркастичен коментар: „Поспани Дон се врати.“На обвинувањата остро реагираше портпаролката на Белата куќа, Тејлор Роџерс, која ги нарече вестите „бесмислени“.„Претседателот не спиеше; напротив, зборуваше цело време и одговараше на прашања од новинарите. Настанот беше важен – најави историско намалување на цените на два клучни лека кои им помагаат на Американците што се борат со дијабетес, срцеви заболувања и дебелина. Наместо да се зборува за тоа, пропаднатите либерални медиуми туркаат празни приказни,“ изјави Роџерс за CNN.Иако фотографиите отворија сомнежи за замор, Трамп често држи долги говори и редовно одговара на новинарски прашања, а негови соработници ја истакнуваат неговата енергија.Само еден ден пред настанот во Белата куќа, Трамп имал повеќе од еден час говор во Мајами, а неодамна се вратил од интензивна турнеја во Азија.Сепак, прашањата за неговото здравје не престануваат, особено бидејќи со 79 години е највозрасниот претседател во американската историја. Минатиот месец откри дека направил магнетна резонанца, без да објасни зошто, а претходно Белата куќа објави дека лекарите му дијагностицирале хронична венска инсуфициенција поради оток на нозете.

Свет | пред 4 месеци

Прекинат воздушниот сообраќај во САД – илјадници летови откажани поради недостиг на контролори на летање

Соединетите Американски Држави се соочуваат со сериозен колапс во воздушниот сообраќај, откако повеќемесечниот застој во работата на федералната влада доведе до тежок недостиг на контролори на летање.Според податоците на Федералната управа за авијација (FAA), проблемите со смените на контролорите ги зафатиле 42 кули и контролни центри, со доцнења во најмалку 12 големи градови, меѓу кои Њујорк, Чикаго, Сан Франциско и Атланта. Околу 1.500 летови биле откажани, а над 6.000 доцнеле.Поради безбедносни причини, FAA им наложи на авиокомпаниите да го намалат бројот на дневни летови за 4%, а од вторник намалувањето ќе достигне 6%, додека на 14 ноември ќе изнесува 10%. Контролорите, околу 13.000 на број, како и 50.000 припадници на безбедносните служби, работат без плата речиси шест недели, што доведе до масовни отсуства и дополнителен хаос.Авиокомпаниите American Airlines, Delta, Southwest и United веќе откажаа стотици летови и предупредија дека е „речиси невозможно“ да се планира распоред на летање доколку кризата продолжи.Проблемите се резултат на политичка блокада во Сенатот, која трае рекордни 38 дена. Републиканците, со поддршка на претседателот Доналд Трамп, инсистираат на „чист“ закон за финансирање на владата, додека демократите бараат вклучување на продолжување на субвенциите за здравствено осигурување (ACA).Демократскиот лидер Чак Шумер понудил компромис – повторно отворање на владата со едногодишно продолжување на субвенциите – но предлогот бил одбиен како „неприфатлив“.„Ова е интергалактички циркус,“ изјави републиканскиот сенатор Џон Кенеди од Луизијана, додека демократот Бен Реј Лухан предложи „да ги заклучат сите во сала додека не постигнат договор“.Доколку не се постигне политички договор, FAA предупреди дека ќе мора да се намали бројот на летови и до 20%, што може да доведе до нови доцнења и масовни откажувања.Во меѓувреме, стотици илјади државни службеници работат без плата, а патниците низ целата земја остануваат заглавени на аеродромите, додека Вашингтон останува без компромис помеѓу републиканците и демократите.

Свет | пред 4 месеци

Орбан: САД ѝ дадоа на Унгарија целосно изземање од санкции за руската енергија

Унгарскиот премиер Виктор Орбан изјави во Вашингтон дека неговата земја постигнала договор со САД, со кој Унгарија добила потполна и неограничена изземеност од американските санкции за користење руска енергија преку гасоводот „Турски тек“ и нафтоводот „Дружба“.Орбан, кој се сретна со американскиот претседател Доналд Трамп, по средбата одржа заедничка прес-конференција со шефот на унгарската дипломатија Петер Сијарто, нагласувајќи дека овој договор ја „спасил унгарската политика на ниски режиски трошоци“.„Од американскиот санкциски систем сега успеавме да се извлечеме, но со европските санкции допрва ќе водиме борба“, рече Орбан, додавајќи дека Унгарија повеќе не мора да стравува дека најавените американски мерки против руските енергенти ќе се применат и врз неа.Сијарто потврди дека и други држави се обиделе да добијат сличен изземок.„Да санкциите стапеа на сила, сметките на домаќинствата драстично ќе пораснеа. По денешната средба, таа опасност повеќе не постои за Унгарија“, изјави тој.Еден од најважните делови на договорот, според Орбан, се однесува на гасоводот „Турски тек“ и нафтоводот „Дружба“, преку кои Унгарија увезува руски гас и нафта.„Овие две стратешки линии добија изземок без временско ограничување. Со тоа успеавме да ја одбраниме политиката на пониски трошоци за граѓаните“, истакна Орбан.Тој прецизираше дека без постигнатиот договор, сметките за струја и греење во декември би биле двојно повисоки.Орбан објави и дека САД повлекле сè што било проблематично околу изградбата на нуклеарната електрана „Пакс 2“, проект кој се реализира во соработка со Русија.„Во врска со завршувањето на ‘Пакс 2’ нема повеќе американски сомнежи. Такви санкции во иднина нема да бидат воведени,“ рече Орбан.Американската страна, според Будимпешта, потврдила дека нема да воведува ниту да одржува санкции кои би ја попречиле изградбата на нуклеарката.Иако Унгарија успеала да обезбеди изземок од американските мерки, санкциите на Европската Унија остануваат, а Орбан најави „борба во Брисел“.Тој потсети дека се спротивставува на планот на ЕУ до крајот на 2027 година постепено да се отфрлат руските енергенти, оценувајќи дека станува збор за одлука што може да се донесе со квалификувано мнозинство, без согласност на сите членки.Трамп: „Некои земји зборуваат едно, а купуваат руско гориво“Американскиот претседател Доналд Трамп коментираше дека многу европски држави и натаму купуваат руска нафта, иако тврдат дека не зависат од неа.„Некои европски земји немаат проблем каков што има Унгарија, а сепак купуваат многу руска нафта. Тоа ме вознемирува повеќе,“ рече Трамп.Орбан, пак, повтори дека географијата е реалност и дека алтернативите, како снабдувањето преку Хрватска, имаат премал капацитет за да ги задоволат енергетските потреби на Унгарија.

Свет | пред 4 месеци

Вашингтон ја блокираше зделката: „Гунвор“ се повлекува поради американските обвинувања за врски со Кремљ

Трговската компанија „Гунвор“ (Gunvor Group) од Швајцарија ја стопираше својата намера да ги купи меѓународните имоти на руската енергетска корпорација „Лукоил“ (Lukoil), откако американското Министерство за финансии ја обвини дека делува под влијание на Кремљ и јасно порача дека САД не го поддржуваат овој договор, објави „Ројтерс“ (Reuters).Одлуката претставува значаен пресврт за „Гунвор“, која со тоа ќе ја изгуби најголемата можност за проширување во својата историја. Истовремено, потегот го потврдува американскиот пристап да ги користи санкциите како средство за ограничување на руските економски активности и за намалување на приходите што Москва ги насочува кон војната во Украина.Во соопштение на платформата X, Министерството за финансии наведе дека претседателот Доналд Трамп „е решен војната веднаш да заврши“, додавајќи: „Сè додека Путин продолжува со бесмисленото крвопролевање, марионетата на Кремљ – ‘Гунвор’ – нема да добие дозвола да работи и да остварува добивка.“Директорот за корпоративни односи на „Гунвор“, Сет Пиетрас, ги нарече изјавите на американските власти „во целост погрешни и неточни“, нагласувајќи дека компанијата е подготвена да соработува за „разјаснување на недоразбирањата“. Тој потврди дека, додека трае процесот, „Гунвор“ ја повлекува понудата за купување на имотите на „Лукоил“.Вашингтон минатиот месец воведе нови санкции против „Лукоил“ за да ги намали руските приходи што, според проценките на САД, се користат за финансирање на војната.Руската компанија има рок до 21 ноември да ги продаде своите странски средства — датум што го поставија американските власти како краен рок за сите фирми кои сè уште имаат деловни врски со „Лукоил“.Според аналитичарите на московската брокерска куќа „ПСБ“ (PSB), ограничениот временски период може да доведе до продажба по значително пониска вредност, но и до проблеми при враќањето на средствата во Русија.

Свет | пред 4 месеци

(Видео) Три жртви во нов напад на САД: Продолжува ловот на нарко-терористите во Карибите

Американското Министерство за одбрана соопшти дека во нов удар врз пловило во водите на Карибите загинаа три лица, потврди министерот за одбрана Пит Хегсет. Нападот е дел од серија операции кои администрацијата на претседателот Доналд Трамп ги спроведува со цел да го спречи криумчарењето дрога кон САД, објави „Си-Ен-Ен“ (CNN).„Денес, по налог на претседателот Трамп, Министерството за одбрана изведе смртоносен удар врз пловило кое го управуваше организација што американските власти ја сметаат за терористичка“, напиша Хегсет на платформата X. Додаде дека пловилото криумчарело наркотични средства во карипските води и било погодено во меѓународни води. Американските сили, според него, немаат загуби.Овој инцидент е дел од поширока кампања: во 17 досегашни напади американската војска, како што се тврди, убила вкупно 70 лица и уништила 18 пловила. Регистрирани се само три преживеани — двајца биле кратко задржани од американската морнарица пред да бидат вратени во матичните земји, додека третиот е сметан за мртов по пребарување изведено од страна на мексиканската морнарица.Администрацијата известила дека од 2 септември САД се во „оружен конфликт“ против нарко-картелите, па убиените лица ги означува како „непријателски борци“. Со тоа, како што тврди администрацијата, се создава правна основа за изведување смртоносни напади без обичен судски надзор, повикувајќи се на таен налог на Министерството за правда.Меѓутоа, дел од членовите на Конгресот и групите за заштита на човековите права ја оспоруваат таа правна основа. Тие сметаат дека осомничените за криумчарење дрога би требало да бидат лишени од слобода и кривично гонети, како што беше практиката пред преземањето на функцијата од страна на Доналд Трамп. Дополнителни прашања буди фактот што администрацијата досега не објавила јавни доказни материјали за присуството на дрога на погодените пловила ниту за врските на тие бродови со картелите.Контроверзијата околу правната и оперативната рамка на овие акции продолжува да предизвикува политички и правни дебати во Вашингтон, додека семејствата и локалните власти во регионите погодени од операциите бараат појаснувања и докази.

Свет | пред 4 месеци

Блокадата на САД ги приземји авионите, откажани 4.000 летови

Се очекува американскиот министер за транспорт Шон Дафи да нареди намалување од 10 отсто на воздушниот сообраќај на 40-те најголеми аеродроми во Соединетите држави почнувајќи од петок, доколку не биде прекината блокадата на владата, соопштија извори запознаени со ова прашање.Намалувањата ќе се спроведуваат постепено почнувајќи од петок, а денеска ќе биде објавено кои аеродроми ќе бидат засегнати од оваа мерка, известува CBS.Речиси 13.000 контролори на летање и 50.000 службеници на Администрацијата за безбедност на транспортот (TSA) се принудени да работат без плата поради затворањето на владата, а десетици илјади летови се одложени, пишува Reuters.Министерот Дафи предупреди во вторникот дека доколку затворањето на владата продолжи уште една седмица, тоа би можело да предизвика голем хаос и тој би можел да биде принуден да затвори дел од воздушниот простор.Авиокомпаниите бараат крај на блокадата на владата, предупредувајќи на ризици за безбедноста на воздухот.

Свет | пред 4 месеци

Можно е затворање на целиот воздушен простор во САД, тотален хаос на американските аеродроми - доцнат летовите бидејќи нема контролори!

Повеќе од 3,2 милиони патници во САД се погодени од доцнења и откажувања на летови, бидејќи нема доволен број на контролори на летање, додека сојузната влада е блокирана веќе 34 дена, соопштија во понеделникот авијациските власти и авиокомпаниите.Сојузната управа за авијација (FAA) информира дека поради недостиг на контролори се воведени доцнења на летовите во Далас и Остин, а слични мерки може да ги погодат и аеродромите во Хјустон и Вашингтон. Само во понеделникот биле забележани речиси 2.900 доцнења на летови.Околу 13.000 контролори на летање и 50.000 службеници на Управата за безбедност во сообраќајот (TSA) се принудени да работат без плата, откако републиканскиот претседател Доналд Трамп и демократите во Конгресот не успеале да постигнат договор за буџетот, што довело до блокада на работата на владата. Поради изостаноци на службениците на TSA последните денови се забележани повеќечасовни редици на безбедносните проверки, особено во Хјустон и Сан Диего.„Ако оцениме дека безбедноста на патувањата повеќе не е загарантирана, ќе го затвориме целиот воздушен простор. Засега станува збор само за значителни доцнења“, изјави министерот за сообраќај Шон Дафи.Здружението Airlines for America, кое ги обединува најголемите американски авиопревозници, предупреди дека од почетокот на застојот на 1 октомври, поради недостиг на персонал, повеќе од 3,2 милиони патници биле погодени од доцнења или откажувања на летови и повика Конгресот итно да ја прекине буџетската блокада.FAA претходно предупреди дека ѝ недостигаат околу 3.500 контролори на летање и дека продолжувањето на блокадата може да предизвика сериозни нарушувања во воздушниот сообраќај за време на празничната сезона.

Свет | пред 4 месеци

Трамп дефинитивно одлучи: Нема „Томахавк“ ракети за Украина

Американскиот претседател Доналд Трамп изјави дека не планира да ѝ испрати ракети со долг дострел „Томахавк“ на Украина, и покрај претходните најави дека тоа прашање е разгледувано во Белата куќа.Одговарајќи на новинарско прашање во претседателскиот авион Air Force One, дали САД размислуваат да го испратат ова оружје во Киев, Трамп кусо изјави:„Не, всушност не.“Според CNN, Пентагон веќе дал зелено светло за потенцијално снабдување со крстосувачки ракети „Томахавк“, откако проценил дека тоа нема значително да влијае врз американските воени резерви. Но, крајната политичка одлука ја има претседателот Трамп, потврдија неколку американски и европски извори запознаени со ситуацијата.Трамп претходно овој месец, за време на работниот ручек со украинскиот претседател Володимир Зеленски во Белата куќа, рекол дека не би сакал да ги испрати проектилите во Украина, бидејќи му се потребни „за заштита на САД“.Здружениот генералштаб на американската армија ја доставил својата проценка уште пред состанокот меѓу двајцата лидери. Зеленски, пак, побарал ракетите за да може поефикасно да ја таргетира руската нафтна и енергетска инфраструктура во внатрешноста на земјата.Проектилите „Томахавк“ имаат дострел од околу 1.000 километри, што би им овозможило на украинските сили да погодат цели далеку во Русија.Неколку дена пред средбата со Зеленски, Трамп изјави дека САД располагаат со „многу Томахавци“ кои би можеле да ѝ се дадат на Украина, но дека „сѐ уште не е донесена конечна одлука“. Со синоќешната изјава, таа дилема очигледно е затворена.

Свет | пред 4 месеци

САД убија тројца по напад на брод осомничен за шверц со дрога во Карипско море

Американската војска извела напад во меѓународни води на брод за кој, според Пентагон, постоеле индиции дека превезувал дрога, при што биле убиени три лица, соопшти денеска шефот на Пентагон, Пит Хегсет.Во кратка објава на платформата X, Хегсет појасни дека операцијата се случила во Карипското море и дека во неа не бил повреден ниту еден припадник на американските сили. Тој наведе дека, врз основа на разузнавачки податоци, бродот „пристапувал на познати рути за трговија со дрога и превезувал илегални супстанции“, но не даде детали за точната локација на нападот ниту за видот и количината на предметната стока.Тврдењата на Хегсет првично не беа можно да се независно потврдат од други извори. Во својата објава, министерот за одбрана ги опиша сторителите како „наркотерористи“ и порача дека Министерството „ќе продолжи да ги следи, мапира, лови и елиминира“ наспроти заканите кои, како што оцени, ги упатуваат кон САД. Тој го спомена и споредбата со операциите против Ал Каида.Официјални претставници не доставија дополнителни информации за идентитетот на убиените, ниту за тоа дали биле државјани на трети земји. САД во последните години интензивираа акции против поморски шверц со дрога во регионот, а американската реторика за силна акција кон криминалните мрежи беше истакнувана и од претседателот Доналд Трамп при неговите јавни настапи.

Свет | пред 4 месеци

Трамп нареди на Пентагон да подготви можен воен напад врз Нигерија, поради убивањето на христијани

Американскиот претседател Доналд Трамп соопшти дека ѝ наредил на американската армија да започне подготовка за потенцијална воена акција во Нигерија, обвинувајќи ја нигериската влада дека не успева да го спречи прогонството на христијаните во таа западноафриканска земја.„Ако нигериската влада продолжи да дозволува убиства на христијани, САД веднаш ќе ја прекинат целата помош и поддршка за Нигерија, и многу е можно да влеземе во таа срамно компромитирана земја со полна сила, за целосно да ги уништиме исламските терористи кои ги извршуваат овие страшни злосторства“, напиша Трамп на својата платформа Truth Social.„Му наредувам на нашето Министерство за војна да се подготви за можна акција. Ако нападнеме – ќе биде брзо, сурово и одлучно, исто како што тие терористички злосторници напаѓаат наши возљубени христијани,“ додаде тој.Американскиот министер за одбрана Пит Хегсет ја сподели изјавата на Трамп, коментирајќи: „Да, господине. Убивањето на невини христијани во Нигерија – и било каде – мора веднаш да престане. Министерството за војна се подготвува за акција.“Трамп ја додаде Нигерија на списокот на земји од „посебна загриженост“ според американскиот Закон за меѓународна верска слобода, обвинувајќи ја владата дека толерира систематски и тешки прекршувања на верските права.Нигерискиот претседател Бола Ахмед Тинубу реагираше дека ваквата квалификација „не ја одразува реалноста“ и дека државата вложува „искрени напори за заштита на верските слободи“.„Соработуваме со владата на САД и со меѓународната заедница за да го продлабочиме разбирањето и соработката во заштитата на сите верски заедници,“ изјави Тинубу.Неговиот портпарол го нарече тврдењето за „масакр врз илјадници христијани“ – „грубо претерување“, истакнувајќи дека насилствата во земјата често се насочени и кон муслимани, цркви и џамии.Со 232 милиони жители, Нигерија е најнаселена држава во Африка. Според податоците на CIA World Factbook, населението е поделено на 53,5% муслимани и 45,9% христијани.Земјата со децении се соочува со екстремистички напади, пред сè од групата Боко Харам, која се стреми кон воспоставување радикална исламска држава. Освен тоа, земјата се соочува со етнички конфликти, вооружени судири меѓу сточари и земјоделци, како и криминални групи кои ги напаѓаат селата во централните делови на земјата.Организацијата Genocide Watch предупредува дека во последните две децении во Нигерија се убиени повеќе од 62.000 христијани, а дел од меѓународните набљудувачи зборуваат за геноцид врз христијанските заедници.Во јуни годинава, вооружени напаѓачи убија најмалку 100 лица во селото Јелевата во државата Бенуе, при што беа раселени повеќе од 500.000 луѓе. Според Amnesty International, нападите биле извршени од фулански џихадисти, кои веќе подолго време делуваат во регионот.

Свет | пред 4 месеци

Доларот зајакна и покрај намалувањето на каматните стапки на Федералните резерви

На светските финансиски пазари, вредноста на американскиот долар порасна и минатата недела, втора по ред, иако американската централна банка ја намали клучната каматна стапка – чекор што беше очекуван.Индексот на доларот, кој ја мери вредноста на американската валута во однос на шестте најважни светски валути, порасна за 0,8 отсто, достигнувајќи 99,72 поени.Доларот зајакна за 0,8 отсто во однос на еврото, па курсот на еврото падна на 1,1535 долари, а во однос на јапонскиот јен американската валута зајакна 0,75 отсто, достигнувајќи 154 јени за еден долар.Федералните резерви (Fed) минатата недела ги намалија каматните стапки за 0,25 процентни поени, исто како и во септември. Иако тоа беше очекувано поради забавувањето на пазарот на трудот, инвеститорите ги изненади изјавата на претседателот на Fed, Џером Пауел, кој порача дека ново намалување во декември не е сигурно.Пауел нагласи дека голем број членови на Комитетот сметаат дека треба да се почека со дополнителни чекори поради високата инфлација и неизвесниот економски развој.Како резултат на тоа, очекувањата за уште едно намалување на каматите оваа година нагло опаднаа – од повеќе од 90 отсто на почетокот на неделата, на под 70 отсто по изјавата на Пауел.Ова му даде поддршка на доларот, бидејќи каматите во САД сè уште се повисоки од оние во другите големи економии. Каматните стапки на Fed се движат меѓу 3,75 и 4 отсто, додека кај Европската централна банка (ЕЦБ) тие се меѓу 2,0 и 2,15 отсто.Дополнителна поддршка на доларот донесе и начелниот договор меѓу САД и Кина за идните трговски односи.По средбата со кинескиот претседател Си Џинпинг, американскиот претседател Доналд Трамп изјави дека е договорено намалување на царините за увоз на кинеска стока на 10 отсто, додека Кина ќе продолжи да купува американска соја, ќе ги ублажи ограничувањата за извоз на ретки метали и ќе преземе мерки против нелегалната трговија со фентанил.Сепак, аналитичарите ова го оценија како тактичко примирје, а не како суштински напредок во односите меѓу двете земји.

Свет | пред 4 месеци

Американското разузнавање: Путин решен да ја доведе војната до крај

Според најновата проценка на американските разузнавачки служби, рускиот претседател Владимир Путин е решен повеќе од кога било да го продолжи војувањето во Украина и да постигне победа на бојното поле. Во анализата, која овој месец им била претставена на членовите на Конгресот, се наведува дека разузнавачките агенции не гледаат никакви знаци дека Русија е подготвена за компромис, и покрај напорите на американскиот претседател Доналд Трамп да посредува во мировни преговори, пишува NBC News.Оваа проценка е во согласност со ставовите на американските и западните разузнавачки служби уште од почетокот на руската инвазија во февруари 2022 година. Сепак, високите американски функционери сега веруваат дека Путин е поцврст во своите ставови од кога било. И покрај огромните човечки загуби и економските проблеми во земјата, Путин, според процената, останува целосно посветен на освојувањето украински територии за да ги оправда жртвите што неговата држава веќе ги поднела.Како јасен знак на растечка фрустрација, претседателот Трамп минатата недела го откажа планираниот состанок со Путин во Будимпешта и првпат откако се врати на функцијата во јануари воведе санкции против Москва. Новите мерки се насочени кон двете најголеми руски нафтени компании. „Едноставно почувствував дека е време,“ изјави Трамп за новинарите, опишувајќи ги санкциите како „огромни“. Тој додаде дека „долго чекал“ за нивно воведување, но се надева дека „нема да траат долго“ и дека „војната ќе биде решена“.Белата куќа одби да ја коментира разузнавачката проценка, повикувајќи се на јавните изјави на Трамп. „Како што рече претседателот, ова се големи санкции против нивните две нафтени компании, со цел да се поттикне крај на војната,“ изјави еден американски функционер. „Тој јасно порача дека е време да престане убивањето и да се постигне договор за мир. Соединетите Држави ќе продолжат да се залагаат за мирно решение, но трајниот мир зависи од подготвеноста на Русија да преговара со добра волја.“Трамп одамна ветуваше дека ќе посредува во запирањето на конфликтот и во изборната кампања тврдеше дека може да постигне мир во рок од 24 часа по враќањето во Белата куќа. Но неговите досегашни обиди да ја убеди Москва на прекин на огнот и директни преговори не донесоа резултати. Последните месеци неговата реторика се промени, а фрустрацијата и нетрпеливоста кон Путин станаа поочигледни. „Секогаш кога разговарам со Владимир, имаме добри разговори, но тие никогаш не водат никаде,“ изјави Трамп минатата недела.

Свет | пред 5 месеци

САД ги укина санкциите против Милорад Додик

Канцеларијата за контрола на странски средства на Министерството за финансии на САД ги тргна Милорад Додик, претседателот на Алијансата на независни социјалдемократи и Жељка Цвијановиќ, членка на Претседателството на БиХ, од листата на санкции.Претходно санкционираните членови на семејството на Додик, нивните компании и блиски соработници исто така беа отстранети од листата. Додик, поради анти-Дејтонски активности два пати беше САД редовно ги преиспитуваат своите санкции за да се осигурат дека тие ги промовираат економските цели на САД, како и целите на националната безбедност и надворешната политика.„Конструктивната акција на Народното собрание на Република Српска во последните недели треба да го подобри нивото на стабилност во Босна и Херцеговина и ќе овозможи партнерство со Соединетите Американски Држави врз основа на заеднички интереси, економски потенцијал и заеднички просперитет. Ќе продолжиме тесно да соработуваме со политичките и другите актери од целиот политички спектар во Босна и Херцеговина со цел да промовираме заеднички приоритети“, се наведува во одлуката.

Свет | пред 5 месеци

„Анти-Грета“ тврди дека ѝ се заканува смрт, бара азил во САД и помош од Илон Маск

Германската конзервативна активистка Наоми Сајбт, позната како „анти-Грета Тунберг“, тврди дека и се заканува смртна опасност и дека побарала азил во САД, со поддршка од милијардерот Илон Маск.Дваесет и петгодишната Сајбт стана позната во 2020 година, кога ја ангажираше конзервативен тинк-тенк како „лице на борбата против зелената агенда“. Денес таа тврди дека поддршката што ѝ ја дала крајно десничарската партија Алтернатива за Германија (AfD) ја претворила во мета во нејзината татковина.Сајбт се надева дека ќе го искористи новиот закон за азил што го воведе администрацијата на Доналд Трамп, кој, според неа, дава предност на Европјани и жители на Јужна Африка.„Илон е свесен колку е опасна Европа, особено за луѓе со конзервативни ставови, и тоа ми го потврди лично“, изјави таа за Fox News Digital.„Одлучив да побарам азил во САД, а тој ми даде своја поддршка за тоа“, додаде таа.Сајбт вели дека во моментов престојува „легално“ во САД, каде што чека интервју за азилски статус, а од кога Маск почнал да ги споделува нејзините објави на платформата X, тие останале во личен контакт.„Мојата цел е да станам американска државјанка, затоа што оваа земја ми даде надеж“, изјави таа.Активистката вели дека германските власти ја шпионираат и заплашуваат со години, додека таа прима закани по живот од левичарски групи, вклучувајќи и припадници на Антифа.„Отидов во полиција, но ми рекоа дека не можат ништо да направат додека не ме силуваат или убијат“, рече Сајбт. „Не добивам никаква заштита од германската влада, иако сум во реална опасност.“Таа тврди дека, доколку се врати во Германија, би била уапсена поради своите јавни настапи и ставови.Според Daily Mail, Белата куќа досега не одговорила на барањето за азил на Наоми Сајбт.

Свет | пред 5 месеци

Трамп: Уставот не ми дозволува трет мандат, но ќе видиме што ќе се случи

Американскиот претседател Доналд Трамп изјави дека, според неговото разбирање, Уставот на САД не му дозволува да се кандидира за трет мандат, но додаде дека „ќе видиме што ќе се случи“.„Според она што го прочитав, претпоставувам дека не ми е дозволено да се кандидирам повторно, но ќе видиме што ќе се случи“, изјави Трамп пред новинарите во авионот Air Force One, на пат кон Јужна Кореја, каде што присуствува на регионален самит, пренесува CNN.Трамп нагласи дека има „највисок рејтинг во анкетите“ и додаде дека е „штета што не може повторно да се кандидира“.Претседателот на Претставничкиот дом, Мајк Џонсон, ги отфрли шпекулациите дека Трамп би можел да се кандидира за трет мандат, потсетувајќи дека секое менување на Уставот би било можно само по завршување на неговиот актуелен мандат.Идејата за можен трет мандат повторно се појави поради шпекулации на поранешниот советник Стив Бенон, кој во неодамнешно интервју изјави дека „постои план“ за тоа, што дел од функционерите на Белата куќа го оценија како обид за привлекување внимание.Според 22. амандман на Уставот на САД, усвоен во 1947 година, ниеден претседател не може да биде избран повеќе од два пати.Во јавноста кружеше и тезата дека Трамп (79) би можел во иднина да се кандидира за потпретседател, додека актуелниот потпретседател Џеј Ди Венс би бил претседателски кандидат, но Трамп ја отфрли и таа можност.

Свет | пред 5 месеци

Трамп: Уште 10% царина за Канада поради измама и непријателски чин

Американскиот претседател Доналд Трамп најави воведување дополнителни 10% царина за Канада, поради, како што оцени тој, сериозно искривување на фактите во неодамнешна реклама што ја критикува американската царинска политика.„Рекламата требаше веднаш да биде повлечена, но сепак беше прикажана синоќа за време на World Series, знаејќи дека станува збор за измама“, напиша Трамп на својата платформа Truth Social.Според Трамп поради сериозното искривување на фактите и непријателскиот чин ја зголемува царината за 10% повеќе од постоечката стапка.Рекламата ја прикажуваше изјавата на поранешниот американски претседател Роналд Реган од 1987 година, каде што тој коментира недостатоци во трговските царини, особено за увоз од Јапонија. Објавата предизвика остри реакции и ги доведе до прекин на трговските преговори со Канада.Трамп претходно воведе царини од 35% на многу канадски увозни производи, како дел од својата трговска политика во вториот мандат, со образложение дека Канада не успева да спречи криумчарење дрога кон САД.

Свет | пред 5 месеци

Санкциите на Трамп ја зголемија цената на нафтата

Санкциите на американскиот претседател Доналд Трамп против Русија имаат силен ефект.Сепак неизвесно е дали светот ќе престане да купува руска нафта и гас.Анализата на угледниот Гардијан наведува дека новата офанзива на американскиот претседател против приходите од фосилни горива во Русија може да претставува и шанса за мир во Украина и економска придобивка за САД.Трамп минатата недела воведе санкции против двете најголеми руски нафтени компании, Роснефт и Лукоил, со цел да ја ослаби способноста на Москва да ја финансира својата воена машинерија.Новите санкции значат дека сите компании кои купуваат руска нафта ризикуваат да го изгубат пристапот до финансискиот систем заснован на американскиот долар. Ова може да има сериозни последици за Индија и Кина, кои се најголеми купувачи на руска нафта и гас.по целосната инвазија на Украина. Влијанието на санкциите се почувствува веднаш — глобалната цена на нафтата порасна за 6%, а се појавија и извештаи дека големите индиски и кинески рафинерии моментално го стопирале увозот.Доколку Москва ги изгуби тие пазари, може да остане без околу 7,4 милијарди долари месечни приходи, што претставува приближно 3,6 милијарди долари во месечни даноци што директно одат во воениот буџет на Кремљ.

Свет | пред 5 месеци

Нема средба Трамп-Путин: Американскиот претседател не сака да губи време

Американскиот претседател Доналд Трамп изјави дека не сака да губи време и нема да се сретне со рускиот претседател Владимир Путин сè додека не се постигне конкретен договор за мир меѓу Русија и Украина.Тој додаде дека секогаш имал одличен однос со Путин, но дека ситуацијата е разочарувачка.Специјалниот претставник на рускиот претседател Владимир Путин за инвестиции и економска соработка, Кирил Дмитриев, претходно за Си-Ен-Ен во Вашингтон изјави дека верува оти неговата земја, САД и Украина се блиску до дипломатско решение за ставање крај на војната во Украина.

Свет | пред 5 месеци

Американските санкции против руската нафта веќе го потресуваат пазарот – цените растат, експертите предупредуваат на нов бран поскапувања

Со најновите санкции против руските нафтени гиганти „Росњефт“ и „Лукоил“, Вашингтон го следи примерот на Обединетото Кралство, кое минатата недела воведе речиси идентичен пакет мерки.Според податоците на британската влада, овие две компании дневно извезуваат над 3,1 милион барели нафта. Само „Росњефт“ произведува речиси половина од целокупната руска нафта, што претставува околу 6% од светското производство. Претходно годинава, и САД и Велика Британија веќе санкционираа други руски енергетски гиганти, меѓу кои „Гаспром њефт“ и „Сургутњефтегас“.Нафтата од типот Brent се зголеми за 5,4%, достигнувајќи цена од 65,99 долари за барел, додека американската WTI порасна за 5,6%, на 61,79 долари за барел – највисоко дневно зголемување од јуни наваму.Намалениот извоз на руска нафта значи помала понуда на глобалниот пазар, што, според основниот економски принцип на понуда и побарувачка, неминовно ќе доведе до нов раст на цените на горивата.Енергетскиот експерт Ивица Јакиќ за „Индекс“ изјави дека растот на цените е очекуван, но верува дека ќе биде краткорочен.„Можно е горивата да поскапат поради ограниченото производство, но не очекувам драматичен удар. САД ќе настојуваат да ја стабилизираат цената на пазарот, а со новите испораки од Нигерија, Иран и Ирак, пазарот ќе се балансира“, рече тој.Поранешниот министер за економија и нафтен експерт Давор Штерн пак, смета дека поскапувањето е неизбежно.„Кога има помалку нафта на пазарот, цената расте. Прашањето е колку долго ќе трае ова и колку ќе поскапи. Ако санкциите потраат, може да има и долгорочни последици, бидејќи престанувањето со црпење нафта ги оштетува бушотините – ќе треба време за повторно активирање“, предупреди Штерн.Според Reuters, ефектот на санкциите ќе зависи од тоа дали Трамп ќе воведе секундарни санкции и дали ќе биде подготвен да ризикува нов раст на цените.„Клучот е во реакцијата на Кина, Индија и Турција – најголемите купувачи на руска нафта“, наведува колумнистот Рон Бусо.Веќе има конкретни резултати: кинеските државни нафтени компании ја стопираа набавката на руска нафта преку море, а и индиските рафинерии најавија намалување на увозот за да се усогласат со американските мерки.Со тоа, Москва се соочува со пад на приходите, а светските пазари – со нова енергетска неизвесност.

Свет | пред 5 месеци

Пратеникот на Путин во САД со закана дека бензинот ќе поскапи по санкциите

Кирил Дмитриев, специјалниот претставник на рускиот претседател Владимир Путин за инвестиции и економска соработка, долета во Соединетите Држави на долго планиран состанок и го сметал тоа за доказ дека дијалогот меѓу САД и Русија продолжува.Дмитриев одби да каже со кого се среќава, но предвидува дека американските санкции за нафта ќе им се вратат на САД.,,Ова само ќе го направи поскап бензинот на американските бензински пумпи“, рече Дмитриев.Американскиот претседател Доналд Трамп оваа недела воведе санкции врз најголемите руски нафтени компании за да изврши притисок врз лидерот на Кремљ да ја прекине војната во Украина.

Свет | пред 5 месеци

Огромна покер-превара во САД: користеле НБА ѕвезди и очила со ренген

Американските власти открија голема мафијашка покер-превара во која учествувале славни личности, професионални спортисти и богати коцкари. Жртвите биле измамени за најмалку 7 милиони долари во незаконски партии на Texas Hold’em, користејќи висока технологија — ренген маси, скриени камери, означени карти и специјални очила и леќи што ги „читаат“ картите.Меѓу уапсените се членови на криминалните семејства La Cosa Nostra, тренерот на Портланд Трејл Блејзерс Чонси Билапс и поранешниот НБА-играч Дејмон Џонс. Шемата, според ФБИ, оперирала во Њујорк, Мајами и Лас Вегас од 2019 година, а дел од заработката се користел за финансирање мафијашки активности.Жртвите, нарекувани „риби“, биле привлекувани да играат со познати личности, не знаејќи дека целата игра е наместена – од дилерите до технологијата. Соработниците тајно комуницирале преку сигнали и криптирани пораки за да ги контролираат резултатите.ФБИ соопшти дека оваа сложена измама „предизвикала хаос низ целата земја“, комбинирајќи слава, технологија и мафијашки структури за да ги ограби најбогатите играчи.

Свет | пред 5 месеци

Од Будимпешта до санкции: Еден телефонски разговор на Путин скапо го чинеше

Само пет дена по оптимистичниот телефонски разговор со рускиот претседател Владимир Путин, американскиот лидер Доналд Трамп ја откажа најавената средба во Будимпешта и воведе нови санкции кон Москва – првпат во неговиот втор мандат, пренесува CNN.Прекинот на плановите дојде откако американските власти сфатиле дека ставот на Путин во однос на војната во Украина останал непроменет. Продолжените напади врз цивили, максималистичките барања кон Киев и одбивањето на прекин на огнот биле доволен сигнал за Трамп дека нема простор за напредок. „Едноставно не ми изгледаше исправно“, изјави тој. „Не чувствував дека ќе стигнеме таму каде што треба, затоа го откажав.“Оваа одлука беше поздравена од европските сојузници на Вашингтон и дел од американската јавност, но остро осудена од Москва. По месеци закани без конкретни потези, Трамп конечно презеде најдиректен чекор во насока на казнување на Русија поради продолжувањето на војната. „Едноставно почувствував дека е време“, рече тој при објавата на санкциите од Белата куќа.Според извори од администрацијата, не постоел еден пресуден момент, туку постепено разочарување поради тоа што Путин не покажувал вистинска волја за прекин на конфликтот. Трамп дури се пожалил: „Секој пат кога зборувам со Владимир, имаме добри разговори – а потоа не водат никаде.“По телефонскиот разговор, Трамп одржал средба со украинскиот претседател Володимир Зеленски, која, според американските медиуми, била напната. Иако го притискал Киев за територијални отстапки, на крајот предложил план за прекин на огнот долж постојните фронтови – нешто што Москва категорично го одбива.Одлучувачкиот пресврт дошол по разговорот меѓу државниот секретар Марко Рубио и рускиот министер за надворешни работи Сергеј Лавров, кога станало јасно дека Москва нема намера да попушти. Трамп заклучил дека самитот во Будимпешта би бил „губење време“ и го стопирал процесот.Во следните часови, по состанокот со министерот за финансии Скот Бесент – кој подолго време се залагал за санкции – Трамп неочекувано одобрил пакет мерки против нафтените гиганти „Росњефт“ и „Лукоил“. Одлуката го изненадила дури и неговиот најтесен круг на соработници.„Ова се големи санкции“, му рекол Трамп на генералниот секретар на НАТО, Марк Руте, кој тој ден го посети Вашингтон. „Се надеваме дека нема да траат долго. Се надеваме дека војната ќе биде завршена.“Според извори од Белата куќа, Трамп бил мотивиран и од успехот на прекинот на огнот во Газа, кој го припишува на својот „построг пристап“. „Кога стана поцврст, работите се придвижија“, изјавил еден висок функционер.Иако со месеци двоумел да воведе санкции од страв дека ќе го оддалечи Путин од масата за преговори, сега Трамп ја промени тактиката. Сепак, Белата куќа не ја исклучува можноста за нова средба меѓу двајцата лидери во иднина.„Се надеваме дека еден ден тоа повторно ќе биде можно“, изјави портпаролката Каролин Левит. „Но, овојпат сакаме да бидеме сигурни дека од тој состанок ќе произлезе конкретен, позитивен резултат.“

Свет | пред 5 месеци

Орбан: Унгарија работи на начин да ги заобиколи американските санкции кон Русија

Унгарија работи на план за заобиколување на новите американски санкции кон руските нафтени компании „Лукоил“ и „Росњефт“, изјави премиерот Виктор Орбан, без да открие детали за можниот механизам. Изјавата следува по одлуката на американскиот претседател Доналд Трамп, кој за првпат во својот втор мандат воведе санкции кон Русија со цел да ја принуди Москва да прифати прекин на огнот во Украина.„Работиме на тоа како да ги заобиколиме овие санкции“, рече Орбан во интервју за државниот радио сервис Kossuth, додавајќи дека веќе разговарал со раководството на унгарската нафтена и гасна компанија MOL.Трамповиот потег предизвика раст на цените на нафтата и загриженост кај Унгарија и Словачка – двете најголеми купувачки на руска нафта во Европската унија. Двете земји и досега уживаа изземања од европските ограничувања поради нивната висока зависност од руската суровина.MOL управува со две рафинерии – во Унгарија и Словачка – со заеднички капацитет од 14,2 милиони тони нафта годишно. Двете постројки речиси целосно зависат од испораките преку нафтоводот „Дружба“, кој ја поврзува Русија со централноевропските земји.Словачката подружница на компанијата, Slovnaft, соопшти дека веќе спроведува анализа за потенцијалните последици од американските санкции, кои треба да стапат на сила кон крајот на ноември.Минатата година MOL се соочи со сериозни проблеми во снабдувањето откако Украина воведе свои санкции кон „Лукоил“. Според економските аналитичари, новиот американски пакет мерки би можел дополнително да ја влоши ситуацијата во регионот, особено во делот на транспортот и дистрибуцијата на гориво.Орбан, кој е познат по своите блиски односи со Москва, веќе порача дека „енергетската безбедност на Унгарија е над политичките притисоци“ и дека земјата ќе продолжи да се снабдува „таму каде што е најповолно и најсигурно“.

Свет | пред 5 месеци