СКОПЈЕ

ФОТО: Падна потпорен ѕид во Скопје, сите служби на терен

Екипи од ЈП Улици и патишта интервенират во расчистување на разрушениот потпорен ѕид на бул. „Борис Трајковски“ во населба ПинтијаДенеска екипите на ЈП Улици и патишта - Скопје со брза интервенција веднаш по настанатото оштетување на паднатиот потпорен ѕид на булеварот „Борис Трајковски“ на семафорите во населба Пинтија, вршат негово расчистување.Се работи за разрушен потпорен ѕид во должина од над 30-тина метри, а причина за негово оштетување се неповолните временски услови односно наносот на поројниот дожд кој овие два дена го зафати Скопје.Се работи на отстранување на градежниот шут кој е настанат како последица на разрушувањето на потпорниот ѕид, за истиот да не преставува опасност при движењето на возилата.Дежурните екипи се на терен и вршат и контрола на светлосната сигнализација, се врши увид во потенцијални дефекти и нивна санација.

Скопје | пред 3 години

Посетители на концерт во Скопје фатени со дрога

На 28/29.05.2022 од страна на Единица за недозволена трговија при СВР Скопје, во содејство со Единицата за интервентна полиција и Единицата за внатрешни работи Карпош, при извршена контрола на посетители на музички концерт во објект на подрачјето на Карпош и во два угостителски објекта во Скопје лишени се од слобода 7 лица.Притоа, кај Р.Д.(25) и кај Х.А.(32), двајцата од Р.Косово биле пронајдени три пакувања бела прашкаста материја, кај Ј.К.(37) од Гостивар била пронајдена грутчеста материја, кај З.Д.(32) од Кичево е пронадена марихуана, а кај Ц.С.(27) од Демир Капија – марихуана и грутчеста материја. Лицата се приведени во Полициска станица Карпош и по документирање на случајот против нив ќе бидат поднесени соодветни поднесоци.Во Полициска станица Центар, пак, е приведен С.Г.(24) од Свети Николе, а во Полициска станица Аеродром приведен е И.Х.(20) од Скопје, затоа што при извршена контрола во угостителски објекти кај нив била пронајдена прашкаста материја. И против овие лица ќе биде поднесена пријава по член 215 од Кривичниот законик.

Скопје | пред 3 години

(ВИДЕО) Силни громови и невреме во Скопје

По Охрид и Тетово, силно невреме го зафати и Скопје. Громотевици, силен дожд и ветер ноќва го погодија главниот град. Скопјани се вознемирени од силните громови, по кои десетина пати се слушнаа силни пукања. За разлика од Охрид, во Скопје на паѓаше град. Невремето траеше половина час, по што остана само дождот.Центарот за управување со кризи ги повика граѓаните во земјава на внимателност од силно локално невреме и можни опасни порои од обилен дожд викендов.Од УХМР известија дека викендов земјава на места ќе биде зафатенa од метеоролошка нестабилност со интензивен пороен дожд (за кратко време поголема количина), грмежи и силен ветер, локално во форма на невреме, грмежи и можна појава на град. Во недела дневната температура ќе се намали за неколку степени, а од понеделник ќе се намали метеоролошката нестбилност и ќе преовладува потопло време.

Скопје | пред 3 години

139 казнети возачи во Скопје бидејќи зборат на телефон, возат пијани, со нерегистрирани возила

Министерството за внатрешни работи во текот на вчерашниот ден (23.05.2022) продолжи со засилените акциски контроли во областа на сообраќајот.„На територија на град Скопје изречени се вкупно 139 мерки, меѓу кои за возење повеќе од дозволената брзина 26 санкции, 16 мерки за недавање првенство на минување на пешаци, 14 санкции за прекршоци што ги прават возачите на мотоцикл, 11 мерки за возење без возачка дозвола.Изречени се седум мерки за користење на мобилен телефон, четири санкции за возење под дејство на алкохол, три мерки за возач почетник, пет санкции за нерегистрирани возила, пет мерки за некористење сигурносен појас...Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.

Скопје | пред 3 години

Тешка сообраќајка во Аеродром, возач со Брза помош е однесен итно во болница

На 23.05.2022 во 08,00 часот на бул. Јане Сандански во Скопје пред спортска обложувалница пријавено е дека се случила сообраќајна несреќа помеѓу мопед „кивеј“ со скопски регистарски ознаки, управуван од А.Д.(21) од Скопје, и товарно моторно возило „фиат добло“ со скопски регистарски ознаки, управувано од Е.М.(42) од Скопје.А.Д. бил пренесен во Комплекс клиники „Мајка Тереза“ каде му се констатирани тешки телесни повреди, а на сопатничката од товарното моторно возило А.Т.(22) од Скопје и се констатирани повреди. Увид на местото на настанот извршила екипа од СВР Скопје.Фото:Илустрација

Скопје | пред 3 години

Нема фотографија

Се уредува просторот кај Соборниот храм „Св. Климент Охридски“, во пресрет на утрешниот празник

Во пресрет на утрешниот празник, екипите на ЈП „Улици и патишта“ деновиве работат на средување на просторот кај Соборниот храм „Св. Климент Охридски“.Во рамките на овие активности, на околните сообраќајници и крстосници, како и на тротоарите во близина извршена е санација на оштетувањата на коловозите, обновена е хоризонталната сообраќајна сигнализација со ноќно бележење, поставени се нови заштитни столчиња, а санирани се и оштетените столпчиња.

пред 3 години

(ФОТО) Скопје во една слика: Коњот заврзан на тераса во напуштен објект во Дебар Маало е спасен

Коњ бил заврзан во напуштена зграда во Дебар Маало. Според информациите на спасувачите, тој бил оставен дехидриран, без храна и вода. За него јавија случајни минувачи и медиуми, по што следеше акција за негово извлекување.„Вчера на неколку портали беше објавено дека во Дебар Маало има коњ на тераса од стан во напуштена зграда, а полицијата добила и неколку пријави од граѓани. Колегите од Скопје ЗОО, заедно со директорот Кристијан Стаменов, МВР и инспектор на АХВ излегоа на терен и ја започнаа спасувачката мисија на коњчето кое за жал било врзано во руинираниот објект и оставено без храна и вода. Доцна вечерта коњот беше пренесен во Скопје ЗОО каде што ќе му обезбедиме ветеринарна грижа и најдобра нега. Апелираме да не се измачуваат овие најпрекрасни животни и што поскоро да се направи план на централно ниво за што поголема благосостојба на коњите“, објави ЗОО-Скопје.

Скопје | пред 3 години

Нема фотографија

Арсовска незаконски постави Генерален секретар, Велковски да си поднесе оставка, бара Шутаров

„Покрај неработата како главна одлика во првите 6 месеци на новата градска администрација на ВМРО-ДПМНЕ, сведоци сме и на непочитување на законските пропис и норми. Данела Арсовска и ВМРО-ДПМНЕ незаконски го именуваат за Секретар на Градот Скопје, Ѓоко Велковски кој што истовремено е и член на Советот на Општина Чаир, непосредно избран од страна на граѓаните на последните Локални Избори“, вели Гордан Шутаров, советник во Советот на Град Скопје.Тој додава:„Тоа значи дека Велковски зема и две плати, една од 50.000 денари како секретар и уште една од околу 18.000 денари како Советник.Ова не е само неетички, туку е и спротивно на чл.44 од Законот за спречување на корупција и судир на интереси , каде во ставот 2 се вели:Функцијата претседател на државата, претседател на Владата, министер, пратеник, член на совет, градоначалник, судија, јавен обвинител, јавен правобранител, народен правобранител и други функции кои ги избира или именува Собранието, Владата или органите на локалната самоуправа се неспојливи една со друга !Ја повикуваме Државната комисија за спречување на корупција да постапи за непочитување на законите, прописите и правилата за неспоивост на функции.Секретарот на Град Скопје, Ѓоко Велковски да си даде оставка од позицијата секретар на Град Скопје, да не ја чека Државната комисија за спречување корупција (ДКСК)“.

Скопје | пред 3 години

ФОТО: Ужасна сообраќајка во Влае, повредени однесени во болница

Маж и жена се повредени по тешка сообраќајка која се случи во Влае, пред мостот „Обединети нации“. Според првичните информации станува збор за судир меѓу возила. Очевидци велат дека судрени се две возила, од кои едното е „Фиќо“.Први на помош истрчаа очевидците на настанот кои се обидуваа да им помогнат на мажот и жената. По нив, дојде и Брза помош. Лицата кои им се обидоа да помогнат, велат дека жената тешко реагирала, а мажот можел да мрда.„Скопје 1“ се обрати и до МВР од каде се очекуваат детали за страшната несреќа.

Скопје | пред 3 години

Позната состојбата на повредените од вчерашната сообраќајка во Влае

Двете лица кои вчера беа повредени во сообраќајката која се случи меѓу „Венто“ и „Фиќо“, кај мостот „Влајко“ немале тешки повреди. Иако на местото имаше локви крв, тие биле надвор од животна опасност.Докторите од болницата „8 септември“ по укажување на лекарската помош, ги пуштиле на домашно испитување.Увидот од страна на полицајците и крим техника, траеше повеќе часа, до доцна вечерта. Се утврдуваше како се судриле двата автомобили. По ова, се очекуваат и официјални детали.

Скопје | пред 3 години

175 казни за прекршоци во Скопје

Министерството за внатрешни работи во текот на вчерашниот ден (20.05.2022) продолжи со засилените акциски контроли во областа на сообраќајот.„На територија на град Скопје изречени се вкупно 175 мерки, меѓу кои за возење повеќе од дозволената брзина 16 санкции, 46 мерки за прекршоци што ги прават пешаците, 16 мерки за возење без возачка дозвола.Изречени се осум мерки за користење на мобилен телефон, 13 санкции за прекршоци што ги прават возачите на мотоцикл, три мерки за минување на затворен сигнал (црвено светло), шест санкции за возење под дејство на алкохол, седум санкции за некористење сигурносен појас...Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.

Скопје | пред 3 години

Шилегов: Од АлиЕкспрес не бидува градоначалник, уште помалку се бира

Поранешниот градоначалник на Скопје, Петре Шилегов, објави реакција на Фејсбук, кон актуелната градоначалничка на Скопје, Данела Арсовска:„Од Ali Express Градоначалник не бидува:Почитувана (нит моја и верувајте нит било чија) градоначалничка (со мало г) г-ѓо Арсовска:Од не знам кои причини, заради Вашата денешна глупост, ме споменувате во Вашата реакција (а јас, заради нашиот ГРАД упорно ги премолчувам Вашите глупости и Ви молчам 6 месеци). Епа еве вака Ali Express girl:Од Ali Express градоначалник(чка) не бива. Уште помалку се бира …Секој со својот избор (и последиците од него) !П.С. за протоколот (и надлежната) 😉: 26-ти Јули е ден за протокол во Скопје. Тажен, но е ден. Се викаат делегации, семејства, збратимени градови, Влада, НОВИНАРИ …Ама не можам се’ да ве учам. Како што Ви кажав: од Ali Express 😉 градончалник (чка) не бидува. Џабе се трудите . Толку Ви е нивото. Еве нема да ги спомнам паметот и способноста …Живеј, Ali Express …П.С.С. Какви нови достигнувања за пожарникарите ?“

Скопје | пред 3 години

Драчево доби вода

ЈП Водовод и канализација – Скопје, го санираше дефектот на ул. Борис Трајковски, кој предизвика прекин на водоснабдувањето во Драчево, Батинци, Моране, Долно Лисиче и околните места е саниран.„Отстранувањето на дефектот беше успешно реализирано во 16:45, а водоснабдувањето за населените места Усје, Пинтија, Батинци, Студеничани и село Моране кои се снабдуваат со вода преку резервоари (висока зона), се нормализира по 18 часот. Овој тип на дефекти, се случуваат навистина ретко, но нивната природа предизвикувапрекинато водоснадбусвање во подолг временски интервал. ЈП Водовод и канализација – Скопје, изразува благодарност до граѓаните од овој дел на градот Скопје, за трпението и разбирањето за време на отстранување на овој дефект“, веалат од претпријатието

Скопје | пред 3 години

Арсовска не може принтери да обезбеди а не па проекти, реагира власта

„Поради неспособноста на Арсовска администрацијата на Град Скопје остана без печатачи“, велат од СДСМ.Тие додаваат:„Град Скопје и целата администрација без 31 принтер значи проблем во обезбедувањето на редовните услуги од кои штета имаат граѓаните.Нејзиното неодоговорно работење ги остава вработените во Градот без средства за работа, а граѓаните без потребните документи.Одново на дело се покажа неспособноста на Арсовска и ВМРО-ДПМНЕ.Толку е менаџерскиот капацитет на кадрите на Мицкоски. Арсовска и ВМРО-ДПМНЕ не можат да обезбедат принтери во Град Скопје, а не пак да реализираат капитални проекти за градот и граѓаните.Освен што не реализира ниту еден свој проект, Арсовска прекина и веќе започнати проекти од претходниот градоначаник како што Бас рапид транзит, реконструкција на Универзална сала, реконстукцијата на улицата Есенинова...но затоа во време на криза троши 670.000 евра на вдомување на партиски кадри во Град Скопје.Одамна е јасно дека Арсовска е најнепособната градоначалничка на Град Скопје“.

Скопје | пред 3 години

Почина скопски шоумен, пејач и угостител, Џамбазов прв се прости од него

На 57 годишна возраст, почина Сашо Пижевски - Пиже — познат скопски шоумен, пејач и угостител. Тажната вест на социјалните мрежи прв ја објави Игор Џамбазов. Тој се прости од Пиже преку социјалните мрежи.Пиже е роден е во скопско Дебар маало, каде го поминал своето детство, за потоа да се преселил во Влае, каде што и до денеска живееше. Тој е еден од главните творци на ноќниот и забавен живот во Скопје од крајот на 80-тите па со мали паузи сè до денес. Заедно со Горан Атанасов - Зеко и Игор Џамбазов бил основач и член на култната група Хавана Бенд, која била своевидна атракција на македонската естрада во раните 90-ти, позната по хитовите Шток ми бејби, Нема спас, Дај ми, жити се и др. По нејзиното распаѓање, се посветил на својот бизнис - угостителството и само повремено, како гостин, учествувал во неколку музички проекти.Во последно време актуелен беше со повторното обединување на Хавана Бенд и нивниот хит Балада за мајка ти и татко ти, плод на соработката со Александар Митевски и како сопственик на привлечниот кафе-бар Мајка ти и татко ти.Џамбазов, се прости од него.„Каде бе Пиже? Каде бе брате? Само пред пет дена пиевме кафе кај мене у маало. Ми збореше за Скјатос, а во очите ти светкаа тинејџерски искри на радост. Имаше повеќе живот во тебе од сите гости во бавчата. Ми рече: "Џамбаз, уште не и ме се дааме на копиљациве, така? Па шо бе, боље изглеаме од нив". Довидување, другар мој. И сликни едно селфи од горе. Ја ќе го објавам, ти шерни го. Тага. Збогум брате...“, напиша Џамбазов.

Скопје | пред 3 години

(ФОТО) Можеше да биде трагично, потрупан патот кон граничниот премин со Косово

Одрон од камења и земја го парализираше сообраќајот од и кон граничниот премин Блаце. Според очевидци, сѐ се случило за неколку секунди. Двете ленти се целосно затрупани.Првичните информации се дека во моментот кога се случил одронот не поминувале возила. Но затоа, колона возила чека за во двата правци. Истовремено, се очекуваат екипи на Македонијапат да го расчистат теренот.

Скопје | пред 3 години

Половина Скопје, утре ќе биде затворено

Министерството за внатрешни работи ја информира јавноста дека на 15.05.2022 година (недела), поради одржување на спортско рекреативната трка „Прв до врв“ ќе биде спроведен посебен сообраќаен режим. .Велосипедската трка почнува во 09.45 часот, при што почетната точка е од пред Музеј на град Скопје – ул.„Св. Кирил и Методиј“, а продолжува со траса на движење по бул.„Св. Климент Охридски“, бул.„Мајка Тереза“, ул.„Тодор Александров“, локален пат за Средно Водно до врв на Водно („Милениумски Крст“). Планинарите стартуваат во 10.00 часот, а трасата на движење почнува пред Основно училиште „Кочо Рацин“ на бул.„Мајка Тереза“, ул.„Тодор Александров“ и ул.„Салвадор Аљенде“, ридско пешачките патеки кон Средно Водно, од Средно Водно кон врв на Водно („Милениумски Крст“).Од тие причини Одделението за безбедност на патниот сообраќај ќе преземе мерки за посебен режим на сообраќајот на горенаведените сообраќајници, а сообраќајот ќе се пренасочува по околните сообраќајници.МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива трката.

Скопје | пред 3 години

Ако се движите низ Скопје, до 12 часот ќе има затворени улици

Поради натпреварот „Триоги Триатлон“ денеска во периодот од 9 до 12 часот ќе има посебен сообраќаен режим по одредени улици низ Скопје.-Стартно-целната позиција на натпреварот е Спортскиот центар „Борис Трајковски“, а натпреварувачите ќе се движат на дел од улиците околу СЦ „Борис Трајковски“ и по десната коловозна лента од бул.„Илинден“, потоа на потегот од крстосницата на бул.„8 Септември“ до крстосницата со ул.„Љубљанска“ и обратно, информираат од МВР.Сообраќајот ќе се пренасочува по околните сообраќајници, а од МВР апелираат до граѓаните да ги почитуваат наредбите на полициските службеници.

Скопје | пред 3 години

Жена нападната и ограбена во автобус додека патувала од Волково до Центар

На 10.05.2022 во 19.50 часот во СВР Скопје, Т.Ч. од Скопје пријавила дека во автобус, кој сообраќал на релација Волково – Центар, била физички нападната од неколку лица, кои ѝ одзеле лични предмети.Се преземаат мерки за расчистување на случајот.

Скопје | пред 3 години

166 казнети возачи во Скопје, 52 пешаци

Министерството за внатрешни работи во текот на вчерашниот ден (10.05.2022) продолжи со засилените акциски контроли во областа на сообраќајот.На територија на град Скопје изречени се вкупно 166 мерки, меѓу кои за возење повеќе од дозволената брзина 11 санкции, 52 мерки за прекшоци што ги прават пешаците, девет мерки за возење без возачка дозвола, три санкции за возење под дејство на алкохол.Изречени се пет мерки за прекршоци што ги прават возачите на мотоцикл, седум мерки за користење на мобилен телефон, три санкции за минување на затворен сигнал - црвено светло...Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Скопје | пред 3 години

(ВИДЕО) Маж во Тафталиџе згрози многумина со неговиот потег: „Ѓубре од човек!“

Возрасен маж украл кутии за бездомни мачки кои биле поставени од здружението „Ангелкетс“. Снимката направена од безбедносните камери покажува како тој прво доаѓа и ги забележува кутиите кои се скривалиште од ладното за бездомните животни, потоа заминува, па повторно се враќа за да ги земе„Си дошол, си разгледал, си отишол. Размислил два саати, па се врати и си ги земал. Му требаат за нешто. Со дупка, со дупка во кутијата, што има врска. Ова се кутии за бездомни мачки што заедно со неколкумина активисти се изработени изминатава зима со мал грант од Цивика Мобилитас. Срцкава е снимен во Тафралиџе кај пазарчето во еден трговски локал“, стои во објавата.Овој потег предизвика лавина реакции, дотолку што по потегот, повеќемина коментираат: „Ѓубре од човек“.

Скопје | пред 3 години

(ВИДЕО) Сечени катанците и пуштани животните од кафези во скопската ЗОО, сомневањата се за намерна саботажа

Непознати сторители влегле во скопската Зоолошка градина и ги сечеле катанците на кафезите на животните. Според директорот Кристијан Стаменов, тоа го сториле поединци, односно група на луѓе.„Најпрво на 10.04.2022 поединци направиле неовластен влез на група од дванаесетина луѓе, петнаесет минути пред затворање на градината. Истото е уредно пријавено и се повикани претставници од Министерството за внатрешни работи за увид во неовластениот влез на групата луѓе. На 28.04.2022 од службите во Зооолошката градина е направен увид во живеалишатта на животните и е констатирано дека се пресечени неколку катанци, по што биле пуштени неколку животни, во рамки на просторот во зоолошката градина. Истото е пријавено и констатирано рано утрото од страна на зоо негувателите кои дошле на работа дека се работи за видливо и намерно пуштање на неколку животни од нивните живеалишта“, пишува Стаменов.Исто така, имало обид да се ограби и благајната, за што е објавено и видео.„По рекордната посетеност во Зоолошката градина со над 14.000 посетители, на 09.05.2022 во 00:30 часот имаше обид да се обие влезната врата од благајната. Сторителот е фатен од безбедносните камери на Зоолошката градина како во два наврати се обидува да го обие влезот на благајната, претпоставуваме со цел да направи финансиска штета. Но, снимениот поединец останал само на обидот, затоа што како што се гледа на снимката не можел да го обие влезот на билетарата и благајната по што настаната е незначителна материјална штета. Истиот настан веднаш по случувањето уште вечерта е пријавен во полициска станица Карпош. Покрај тоа што сите овие настани се пријавени до надлежните органи за постапување, односно до Министерството за внатрешни работи, зголемена е будноста кај персоналот, а дополнително е зголемено и обезбедувањето во ноќната смена“, додаде Стаменов.Тој се сомнева во намерна саботажа.„Цениме дека сите овие обиди наликуваат на намерна саботажа на работата и функционирањето на самата Зоолошка градина, треба да се прашаме на кого му пречи успешноста на Зоолошката градина. Остро ги осудуваме сите овие обиди да се наштети на нашата работа, но и на безбедноста на животните, се надеваме дека службите од Министерството за внатрешни работи ќе работат интензивно на откривање на сторителите, со цел да се спречат и понатамошни вакви обиди.Сакам да потенцирам исто така дека и покрај овие обиди доколку вистина станува збор за саботажа на нашето работење и функционирање нема да не обесхрабрат, туку напротив ни даваат мотив плус да работиме уште повеќе за поубава и попосетена Зоолошка градина Скопје“, додаде Стаменов.

Скопје | пред 3 години

Малолетник од Скопје нападнал полицаец, па се обидел да го прегази со моторцикл

На 07.05.2022 во 23.10 часот на Плоштад „Македонија“ во Скопје, полициски службеници од СВР Скопје лишиле од слобода малолетник од скопско село затоа што физички нападнал полициски службеник кој извршувал службени дејствија, а се обидел и да го удри со мотоциклот кој го управувал.По целосно документирање на случајот против него ќе биде поднесен соодветен поднесок.

Скопје | пред 3 години

(ВИДЕО) Ѓубре и преполни канти за отпадоци на скопскиот кеј, снимката ја сподели Шилегов

Снимка на која се гледа расфрлан смет, сподели ексградоначалникот на Скопје, Петре Шилегов. Локацијата каде е направена е на кејот од реката Вардар, близу галијата чие отстранување беше започнато но не и довршено. Освен расфрланиот шут, се гледаат и препочни канти. Веројатно, ова е последица на вчерашното издание на „Виноскоп“.Инаку, градоначалничката Данела Арсовска постојано организира акции за чистење. Таа вчера и самата учествуваше во една таква, во Градскиот парк. Вакви снимки беа споделувани и во време на Шилегов, кога граѓаните реагираа на лошата хигиена. Ова на јавноста и остава впечаток дека градот не може да исчисти толку колку што граѓаните можат да расфрлаат

Скопје | пред 3 години

Познати најдобрите тркачи на „Халкеко“ кои истрчаа 10 километри

Во организација на Сојузот на спортови на Скопје, заедно со Атлетскиот Клуб Работнички, под покровителство на Градот Скопје и Агенцијата за Млади и спорт, се одржа 6тото издание на HalkEco Skopje RUN 10KM.Околу 1300 натпреварувачи, истрчаа 10 километри, а почетокот и целта на трката беше фонтаната „Лотос“.„Пред 6 години, се јави потреба, поради преголема заинтересираност, да се организира и оваа трка, која е во склоп на Виз Ер Скопски Маратон. HalkEco Skopje Run 10KM, почна како локална, а многу брзо прерасна во меѓународна трка. Со оваа трка, исто и како со другите кои се дел од Виз Ер Скопски маратон, секоја година докажуваме дека нашата земја има активно, спортско население. Ја користам оваа прилика да ги поздравам сите учесници на трката, а на оние најдобрите им честитам за постигнатите резултати“,- изјави Гордана Николовска од Сојуз на Спортови на Скопје.Победник во машката категорија на овогодинешната десеткилометарска трка, како и претходните 5 изданија, е Дарио Ивановски, со нов рекорд од 29:42, на второто место се најде Џастин Фриман, со време од 32:03, а третото место му припадна на Атанас Анчевски, со време на трчање од 32:36. Од женските прва беше Билјана Кираџиева, со 37:48 минути, второто место го зеде Mиљана Ристиќ со 41:27 минути и на третото место заврши Весна Кираџиева со 43:18 минути.„Среќни сме што сме дел од овој настан, кој ги спојува луѓето, без разлика на возраста и полот. Ние ќе продолжиме со исто темпо и мотив, да се залагаме за повеќе настани од овој тип, каде секој учесник има своја причина зошто се пријавил и цел што сака да ја постигне. Искрени честитки до сите натпреварувачи за храброста и за постигнатите резултати“,- изјави Кире Синадиновски.Оваа трка, како и другите кои се дел од Виз Ер Скопски маратон, е мотивација за сите учесници, кои го даваат максимумот од себе, да продолжат со тренирање, вежбање и одржување на здрави навики.

Скопје | пред 3 години