ТОШКОВСКИ

Министерот Тошковски во посета на Комората за приватно обезбедување

Министерот за внатрешни работи Панче Тошковски, денеска (20.09.2024) беше во работна посета на Комората за приватно обезбедување, каде меѓу другото истакна дека Министерството за внатрешни работи, како надлежен регулатор на овој аспект во работењето има за цел континуирано да биде во тек со сите потреби, активности и трендови во приватното обезбедување.„МВР навремено да ги детектира сите можни нови форми на соработка кои се подеднакво во интерес како на приватната така и на јавната безбедност“, потенцираше министерот Тошковски при посетата на Комората на приватно обезбедување.Акцент беше ставен на потребата од постојаната стручна и професионална надградба како на процесите така и на самиот човечки кадар во дејноста на приватното обезбедување и постојаниот контакт и размена на искуства и стручна соработка.За време на посетата на Комората на приватно обезбедување беше потенцирано дека соработката меѓу Министерството и Комората е добар пример за меѓуинституционално партнерство со високо ниво на комуникација со конкретни резултати во функционирањето.

Македонија | пред 1 година

Министерот Тошковски на конференција на министри за внатрешни работи во рамки на Берлинскиот процес

Денеска (17.09.2024) делегација предводена од министерот за внатрешни работи, Панче Тошковски учествува на конференција на министри за внатрешни работи во рамки на Берлинскиот процес, која се одржува во Берлин, Сојузна Република Германија.Одбележувајќи ја десетгодишнината од постоењето на оваа иницијатива, беше истакнато дека регионот на Западен Балкан живее историски моментум во однос на неговата европска перспектива, а токму Берлинскиот процес може да постигне синергија на индивидуалните напори на шесте земји од Западен Балкан како механизам за подготовка за пристапување кон ЕУ.Во рамки на сесијата посветена на борбата против нерегуларна миграција како и нелегално криумчарење мигранти, министерот Тошковски истакна дека миграцијата и миграциските движења веќе подолго време се еден од главните предизвици, не само за регионот на Западен Балкан, туку и за Европа и дека е неопходна координација на сите постоечки иницијативи и мерки за справување со илегалната миграција, криумчарењето мигранти и трговијата со луѓе, и тоа не само од страна и во регионот на Западен Балкан, туку и на ниво на Европската унија и нашите меѓународни партнери.Во обраќањето во рамки на сесијата за борба против организиран криминал, министерот Тошковски подвлече дека без оглед дали станува збор за организиран криминал, трговија со луѓе, илегални миграции, трговија со наркотици... навистина е важна секоја иницијатива за регионално поврзување во борбата против организираниот криминал и брзата размена на информации меѓу службите. Во таа заедничка борба против организираниот криминал, а особено кога станува збор за следењето на парите и финансиските структури на организираните криминални групи, од есенцијална важност е да се интегрираат сите надлежни институции, развивајќи на тој начин систем за рано предупредување како моќна алатка во борбата против организираниот криминал и другите незаконски активности.На маргините на Министерската конференција, предвидена е билатерална средба со министерот за миграција и азил на Елинската Република, г. Николаос Панајотопулос.

Македонија | пред 1 година

Средба на министерот Тошковски со в.д. амбасадорот на Република Словенија, Ѓиле Вишај

Министерот за внатрешни работи Панче Тошковски денеска (04.09.2024) оствари работна средба со вршителот на должност амбасадор на Република Словенија, Ѓиле Вишај и помошник на генералниот директор на словенечката полиција, Јоже Сеница. На средбата присуствуваше и новоназначеното полициско аташе на Република Словенија.Министерот Тошковски се заблагодари за поддршката на Словенија за нашата држава, како наш најголем поддржувач и промотор во евроинтегративниот процес, а беа потенцирани и традиционално добрите односи помеѓу двете земји и одличната соработка помеѓу министерствата за внатрешни работи. Посебно беше акцентирана помошта што Словенија ни ја даде во справувањето со пожарите.На средбата се разговараше и за динамиката за имплементација на заедничките проекти на македонската и словенечката полиција во следниот период, а стана збор и за приоритетните цели на МВР, како што се безкомпромисната борба против организираниот криминал и корупцијата, ефективна имплементација на модерен интегриран систем за гранично управување, борбата со илегалната миграција како заеднички проблем, дигитализирање на голем дел од процесите во МВР.

Македонија | пред 1 година

Министерот Тошковски: Ветено-сторено, гужвите за вадење на лични документи веќе се минато, апел до граѓаните за промена на возачките дозволи до крајот на декември

Министерот за внатрешни работи Панче Тошковски денеска (03.09.2024) беше во посета на пунктот за промена на лични документи „Пролет“ со цел на утврдување на фактичката состојба во делот на издавањето на лични документи. Од констатираното на лице место утврдено беше дека гужвите со издавањето на лични документи е надминато и севкупната состојба е вратена во нормала.„Ветено-сторено. Она што го најавивме пред два месеци, дека сето она што требаше да следи од аспект на издавање на лични документи е основно човеково право и право на македонските граѓани, дека ќе го вратиме во нормала се исполни. Од оваа седмица натаму секој македонски граѓанин, ќе поднесе барање за издавање на некој личен документ како лична карта, партна исправа, возачка дозвола, ќе може да ги оствари во рамки на она законско право, во рок од 15 дена. Тешко беше, требаше полициските службеници да работат вонредно во две смени, да дадат се од себе и оддавам огромна благодарност до нив. Македонските граѓани заслужуваат еден достоинствен начин на вадење на документи и отсега натаму во рамки на законски дозволениот период.“, потенцираше министерот Тошковски.Мнисерот Тошковски информираше дека на територија на целата држава досега се променети над 1.750.000 патни исправи, над 1.450.000 лични карти и над 750.000 возачки дозволи.Воедно министерот Тошковски уште еднаш потсети дека важноста на возачките дозволи со старото уставно име согласно со промената на законот која беше направена во февруари, e заклучно со 31.12.2024 година и апелираше граѓаните да го искористат преостанатиот период што побрзо да ја обноват својата возачка дозвола, до истекот на рокот, со цел да не се создаваат непотребни гужви. Министерот Тошковски потенцираше дека сите капацитети и шалтери на управните служби на министерството функционираат во полн капацитет и можат да ги услужат граѓаните да ги заменат своите возачки дозволи во редовниот рок, без никакво доцнење и гужви.

Македонија | пред 1 година

Министерот Тошковски на средба со директорот на Агенцијата за одбранбена индустрија на Турција, Халук Ѓорѓун

Министерот за внатрешни работи Панче Тошковски денеска (02.09.2024) оствари работна средба со директорот на Агенцијата за одбранбена индустрија на Турција, Халук Ѓорѓун. На средбата присуствуваа и високи претставници на компании од одбранбената индустрија на Турција.На средбата, турската делегација ги претстави капацитетите и можностите што ги нуди турската одбранбена индустрија како лидер во регионот, во насока на опремување и зголемување на капацитетите на министерството во борбата против тероризмот, транснационалниот организиран криминал и нелегалната миграција.„Турција е еден од нашите најблиски партнери, заедно сме во НАТО, а нашиот взаемен пријателски и партнерски однос е верифициран со силна економска, трговска, безбедносна и културна соработка, на која двете држави остануваат посветени. Ги разгледуваме можностите за соработка со турските компании производители во одбранбената и безбедносната индустрија за унапредување на капацитетите на нашата полиција. Градиме модерна и опремена европска полиција која ќе овозможи безбедност за секој граѓанин, бидејќи функционалноста на безбедносниот систем е предуслов за функционирање и напредок на правната држава и благосостојбата на нејзините граѓани“, потенцираше министерот Тошковски.Министерот Тошковски ги претстави приоритетите на МВР во делот на дигитализацијата, континуирани обуки на вработените и јакнење на капацитетите за интегриран систем за гранично управување. Во таа насока директорот Ѓорѓунги презентираше можностите и решенијата што ги имаат развиено и имплементирано со примена на најнови технологии како вештачката интелигенција.

Македонија | пред 1 година

Тошковски на терен заедно со полициските службеници кои ја одржуваат безбедноста на главниот град: За една седмица лишени од слобода 67 лица

Министерот за внатрешни работи Панче Тошковски вчера (01.09.2024), ги посети пунктовите на полициските службеници кои учествуваат во рамките на оперативната акција со зголемено присуство на полицијата за безбеден град Скопје, а го посети и мониторинг системот „Безбеден град“, во рамки на оперативната акција за бескомпромисна борба против сите видови криминал и нарушување на јавниот ред и мир, како во градот Скопје, така и во целата држава.Министерот Тошковски уште еднаш потенцираше дека никој нема право да го нарушува мирот и спокојот на граѓаните, без разлика дали се работи за сообраќајни прекршоци, нелегална трговија со дрога и оружје, вандализам итн. Законот важи подеднакво за сите и сите оние кои ќе го прекршат ќе ги сносат последиците за своите постапки.Во рамки на акцијата за враќање на безбедноста во град Скопје до сега од нејзиниот почеток на 24.08 до 01.09.2024 полициските службеници во рамки на своите надлежности извршиле преглед на 987 лица, 452 патнички моторни возила и моторцикли.Притоа, лишени од слобода се 67 лица. Од нив 40 лица по член 215 од кривичниот законик. Четири лица се приведени поради кршење на законот за оружје. Полициските службеници пронашле и лишиле од слобода седум лица барани по потерница и седум лица барани по други членови од кривичниот законик...Министерот Тошковски со полициските службеници разговараше и за проблемите со кои се соочуваат на терен, како недостаток на материјално-технички средства и ги информираше дека раководството на министерството работи интензивно на создавање услови за обезбедување на сите неопходни средства како нови униформи, возила за ефикасност во обезбедување на безбедноста на сите граѓани.

Македонија | пред 1 година

Министерот Тошковски на Џорџ Маршал безбедносниот форум во Охрид: Безбедносните предизвици ги надминуваме во соработка со нашите партнери

Министерот за внатрешни работи Панче Тошковски, денеска (31.08.2024) учествуваше на традиционалниот „Охридски безбедносен форум“ во организација на дипломираните студенти на Маршаловиот центар за безбедносни студии, а во соработка со Европскиот центар за безбедносни студии и амбасадите на САД и СР Германија.Министерот Тошковски во обраќањето истакна дека заедничките евроатлански вредности се основен двигател на земјите од Западен Балкан во надминување на своите разлики и продолжување на својот пат кон евроатланска интеграција.„Како членка на НАТО, безбедноста и стабилноста значително се унапредија како за нашата земја така и за целиот регион. Многу потесно соработуваме со сите наши соседи кои се членки на Алијансата и заеднички придонесуваме кон самото функционирање н развој на Алијансата“, потенцираше меѓу другото министерот Тошковски.Тошковски во обраќањето ги дефинираше главните безбедносни закани, трендови и предизвици со кои се соочува нашата земја како организираниот криминал и корупција, илегалната миграција, трговијата со луѓе, шверцот на мигранти...„Илегалната миграција и различните форми на прекуграничен криминал се едни од нашите главни предизвици како министерство. Тука можам да ги спомнам и хибридните закани кои се регионални и глобални и преку неконвенционални акции, психолошки и сајбер напади, шпионажа, ширење на дезинформации чија цел е создавање на перцепција на несигурност и недоверба на граѓаните во демократските институции. Да се потсетиме на хибридните напади кои што ги имавме во 2022 и 2023 година на територија на целата држава“, подвлече министерот Тошковски.Тошковски истакна дека со цел да се намали можноста за ширење на лажни вести, шпекулации и паника, МВР во склоп на своите надлежности редовно ги информира граѓаните и во таа насока го подвлече фактот дека за 2024 година министерството за внатрешни работи достигна 95.7% индекс на активна транспарентност, што го става во најдобрите три владини институции во транспарентност и отчетност пред граѓаните.На крај Тошковски ги спомна и останатите предизвици со кои се справува министерството како тероризмот, насилниот екстремизам и радикализам во сите свои форми - национален, политички и религиозен и подвлече дека останува посветено, заедно со другите земји од Западен Балкан и регионот и пошироко преку тесна соработка со сите меѓународни безбедносни институции да се бори во надминување на тие предизвици и обезбедување безбедност за сите свои граѓани.

Македонија | пред 1 година

Средба на министерот Тошковски со претставничката на УНИЦЕФ, Милер

Денеска (30.08.2024), министерот за внатрешни работи Панче Тошковски оствари работна средба со новоименуваната претставничка на УНИЦЕФ во земјата, Лесли Милер.Министерот Тошковски ја изрази својата благодарност за тридецениското партнерство на УНИЦЕФ со нашата земја и потенцираше дека промените на подобро во општеството можат да започнат токму со унапредување и заштита на правата на децата.Акцент на средбата, покрај повеќето аспекти на соработка на МВР и УНИЦЕФ, беше ставен и на проектот за онлајн заштита на децата од насилство и сексуална експлоатација, чиј носител е Секторот за компјутерски криминал. Проектот е насочен кон онлајн заштита на децата од насилство и сексуална експлоатација, вклучително и преку спречување на нелегална трговија со луѓе, во поддршка на националната стратегија за ставање на крај на насилството врз децата (2020-2025), новата стратегија за борба против сајбер криминалот, јакнење на едукативните кампањи и свесноста, развивање на механизами за превенција, јакнење на капацитетите, усогласување на законодавството итн.Нагласена беше и заложбата на МВР кон континуирана обука на полициските службеници во справување со случаи во кои жртви на насилство се децата.

Македонија | пред 1 година

Тошковски: Со дозвола за оружје ќе се стекне само оној кој ги исполнува сите законски услови за тоа

Министерот за внатрешни работи Панче Тошковски во интервју за дневникот на МРТ запрашан за присуството на нелегално оружје по улиците на Скопје и државата истакна дека полицијата е силно посветена за справување со овој проблем.„Во текот само на 2024 година се запленети 104 парчиња оружје од страна на МВР, од кои девет автоматски пушки, 39 пиштоли, 35 ловни пушки итн. Криминал имало, има и ќе има. Прашањето е како безбедносните служби, како МВР ќе одговори на тој криминал. Дали ќе биде соучесник како претходно многу пати или ќе одговори соодветно и ќе даде максимум од себе и за два часа ќе ги уапси сторителите кои што го сториле убиството како примерот кај трговскиот центар Мавровка.“, истакна министерот Тошковски.На прашањето дали може да се иницира акција за предавање на истото и да се засилат мерките за поседување на оружје кој треба да го има а кој не, министерот Тошковски потенцираше дека мора да се работи и дефинира кој се може да поседува оружје во нашата држава.„Веќе работиме интензивно во насока на откривање како досега од страна на МВР се издавале дозволи за поседување на оружје. Секој еден граѓанин кој побарал дозвола, посебно ловџиите знаат дека се злоупотребувале овластувањата кои што ги дава законодавецот и интензивно работиме на утврдување како е дозволувано привилегирање на лице за добивање дозволи, да издаваат дозволи на лица кои што согласно закон не би смеело да им се издава. Ќе истражиме и ќе преземеме соодветни чекори. Над 5000 луѓе не можеле да се стекнат со дозволи иако ги исполнувале условите, а одреден број на луѓе кои никако не би смееле се стекнале со право на поседување оружје. Во иднина ќе утврдиме јасна и прецизна процедура како да се стекнат со оружје исклучиво граѓаните кои ги исполнуваат сите законски услови за тоа.“, дециден беше министерот Тошковски.

Македонија | пред 1 година

Министерот Тошковски на средба со турскиот амбасадор Фатих Улусој, потврдена одличната соработка

Денеска (29.08.2024), министерот за внатрешни работи Панче Тошковски оствари работна средба со амбасадорот на Република Турција, Н.Е. Фатих Улусој.На средбата беше потврдено дека Турција е еден од нашите најблиски партнери, како и важен сојузник во НАТО, а взаемниот долгогодишен пријателски и партнерски однос е надополнет со силна економска, трговска, безбедносна и културна соработка на која двете држави остануваат посветени.Министерот Тошковски изрази и огромна благодарност за брзиот одзив на повикот за помош во справување со пожарите, бидејќи Турција беше прва земја која испрати помош од два авиони и еден хеликоптер, кои учествуваа во гасењето на пожарите.Акцент на средбата беше ставен на договорот за безбедносна соработка меѓу македонската и турската влада, кој е во финална фаза, со кој ќе се отвори простор за многу поинтензивна соработка во борбата против тероризмот, транснационалниот организиран криминал и нелегалната миграција. Се разговараше и за иницијативата на нашето министерство за поинтензивна соработка помеѓу центрите за обука на полициските служби на двете земји, како продолжение на досегашната одлична соработка со турската полициска академија, која стипендира студенти на безбедност од нашата земја, како и за припадници на МВР на додипломски и постдипломски студии.

Македонија | пред 1 година

(Видео) Низ Скопје, полиција на „секој чекор“, Тошковски: Лично ја иницирав акцијава

,,63 санкционирани возачи на мотоцикли во Скопје за еден ден, ja враќаме безбедноста на улиците.Во последниот период, до Министерството за внатрешни работи пристигнаа многу поплаки од граѓаните за несовесно и агресивно возење, особено на возачи на мотоцикли во централното градско подрачје на Скопје. Исто така и самиот сум бил сведок на такво непримерно однесување кое ги нарушува јавниот ред и мир и безбедноста на граѓаните.Поради овие причини, лично иницирав спроведување на акциска контрола, насочена кон санкционирање на овие прекршоци и враќање на безбедноста на нашите улици.Во тој контекст во текот на вчерашниот ден (27.08.2024) од страна на Одделението за сообраќајно и ескортно обезбедување во соработка со Одделението за безбедност на патниот сообраќај при СВР Скопје во периодот од 19.00 до 00.00 часот, во рамките на планот за зголемено присуство на полицијата и зголемување на безбедноста во градот Скопје, беше реализирана зајакната акциска контрола за санкционирање на прекршоци што ги чинат возачите на мотоцикли. Во акцијата беа контролирани повеќе од 130 мотоцикли и мотори, а санкционирани се 63 возачи. Од нив, 32 возачи не користеле заштитна кацига за време на возење, шест возачи возеле без возачка дозвола, 12 возачи имале несоодветна категорија, два мотоцикли не биле регистрирани и еден возач поминал на црвено светло. Акциските контроли во рамките на оперативната акција ќе продолжат и во идниот период со засилен интензитет.Статистиките на жртви во сообраќајот покажуваат дека во Македонија има повеќе жртви споредено со земјите од ЕУ и МВР презема мерки, во склоп на своите надлежности, тоа да се промени. Во текот на минатата 2023 година имало 127 жртви во сообраќајни незгоди на територијата на цела држава, од кои 39 се во Скопје. За првите шест месеци од оваа година пак, има 57 жртви, од кои 14 се во Скопје.Министерството за внатрешни работи почнува бескомпромисна борба против сите видови криминал и нарушувања на јавниот ред и мир. Никој нема право да го нарушува мирот и спокојот на граѓаните како во Скопје, така и во целата држава, без разлика дали се работи за криминална нарко банда или несовесен возач на мотор кој го нарушува мирот и безбедноста на булеварот „Партизански одреди“. Законот мора и ќе важи за сите и секој што го крши, ќе биде казнет.", напиша министерот за внатреши работи, Панче Тошковски.

Скопје | пред 1 година

Потпишан договор за соработка помеѓу МВР и Управата за финансиска полиција за електронска размена на податоци преку Платформата за интероперабилност

Министерот за внатрешни работи Панче Тошковски денеска (27.08.2024) оствари работна средба со директорот на Управата за финансиска полиција Слободан Ивановски. На средбата беше потпишан договор за соработка и давање на податоци во електронска форма преку Националната платформа за интероперабилност, со што соработката на овие две институции во борбата со организираниот криминал, перењето пари и сите други надлежности кои заеднички ги имаат ќе биде многу побрза и поефикасна.„Со потпишување на овој договор ќе овозможиме целиот процес на размена на документи во истраги и друг вид на соработки да се води преку Платформата на интероперабилност, наместо со физичка размена како што беше до сега. Министерството за внатрешни работи ја препознава потребата од водење на финансиските истраги паралелно со истрагите за организиран криминал и во таа насока градење на ефикасен систем кој ќе обезбеди конкретни резултати“, потенцираше министерот Тошковски.Во Министерството за внатрешни работи, поточно во рамките на Одделот за криминалистичка полиција и во Одделот за сузбивање на организиран и сериозен криминал веќе успешно функционираат организациони единици во чија надлежност меѓу другото се и финансиските истраги.„Со овој меморандум се овозможува побрза и поефикасна меѓуинституционална соработка која е потребна за постапките кои се водат преку управата за финансиска полиција и министерството за внатрешни работи, како и олеснување на процесот на пристап до базите на податоци. Сметам дека овој меморандум е само почеток на успешната соработка помеѓу двете наши институции.”, истакна директорот Ивановски, по денешната средба.

Македонија | пред 1 година

До сега одговараа врховен судија и член на совет на јавни обвинители, се водат истраги, очекувам повеќе признанија за повеќе кривични дела, вели Тошковски

Во интервју за ТВ Сител министерот за внатрешни работи Панче Тошковски запрашан за најавите за водење на истраги низ институциите кои индицираат големи криминали, нагласи дека истраги имало, има и ќе има и потенцираше дека тие се водат врвно професионално и очекува силни ефекти од истите.„Јас не се сеќавам во последните дваесеттина години од историјата на Македонија, да одговарал врховен судија или член на совет на јавни обвинители и претходно да признаат вина дека на сметка на македонските граѓани се богателе финансиски изминатиот период. Во рамки на една максимално професионална постапка беше истерана целокупната работа.Ќе продолжиме со докази и факти, со конкретни дејствија да работиме во насока на интересот на граѓаните. Во иднина очекувам повеќе признанија за повеќе кривични дела. Притоа сето она што е ограбено на сметка на граѓаните да се врати таму каде што му е местото“, дециден беше министерот Тошковски.

Македонија | пред 1 година

Тошковски за патувањето на Гаши во Косово: Биле најавени дека ќе остварат излез, не е целосно запазена процедурата на евидентирање на сите лица и патници

Се огласи министерот Панче Тошковски во врска со патувањето на претседателот на Собранието Африм Гаши во Косово. Гаши во неделата со службен автомобил и обезбедување одпатува на свадба во Косово.,,Во врска со настанот поврзан со патувањето во Косово на претседателот на Собранието Африм Гаши, Министерството за внатрешни работи во последните три дена изврши интензивни проверки кои вклучуваат преглед на камерите на граничниот премин Блаце, увид во евиденција на системот за контрола на патници и возила и евиденција во книгите на настани и процедури на граничниот премин.Утврдено е дека планот за патување на претседателот Гаши е уредно најавен и заведен во евидентните книги по претходно известување од Министерството за надворешни работи од 16.08.2024 година. Во известувањето покрај претседателот на Собрание, опфатени се и членовите на неговото семејство, членови на обезбедувањето и три полициски службени возила.Граничниот премин на 18.08.2024г. во период од 18:40 часот до 18:42 часот го поминале шест возила под полициска придружба од кои три полициски и едно ВИП возило.Праксата на работењето на граничниот премин во поглед на преземање на зајакнати мерки и активности за обезбедување на делегација, поради недоволен број на сообраќајни ленти, значи во моментот на поминување на делегацијата со цел обезбедување на простор без други возила, гранични проверки да се вршат со попуштен режим согласно со член 17 од Законот за гранична контрола, како што се одвивало и во овој случај и траело многу кратко време.Со извршените контроли во Системот за контрола на патници и возила утврдено е дека носителот на делегацијата, како и членовите на неговото семејство кои биле најавени дека ќе остварат излез, не евидентираат во системот за контрола на патници и возила.Исто така констатирано е дека не е целосно запазена процедурата на евидентирање на сите лица и патници кои поминуваат на граничниот премин во системот за контрола на патници и возила.За утврдените пропусти во работењето на Регионалниот центар за гранични работи Север кон раководителот на смена на граничниот премин ќе бидат преземени соодветни мерки за утврдување на одговорност согласно Колективниот договор на МВР.Она што е важно и кон што се стреми Министерството за внатрешни работи е законите да важат за сите исто. За секоја активност која не е во рамки на пропишаните законски и работни процедури мора да има конкретна индивидуална одговорност. Навистина поминаа времињата кога беше нормално полициски службеник заштитен од корумпирана власт да се впушта во активности кои ги надминуваат неговите законски овластувања и обврски. Никој не е, и не може да биде над законот.Уште еднаш апелирам до сите полициски службеници да работат согласно законите и правилата и да ја одбијат секоја незаконска наредба или непринципиелно барање од било кого.", напиша министерот Тошковски на својот Фејсбук профил.

Македонија | пред 1 година

Тошковски позитивен на Ковид 19

Министерот за внатрешни работи, Панче Тошковски преку својот Фејсбук профил информираше дека по изврешно тестирање е позитивен на ковид 19.,,Почитувани,Ве информирам дека утрово во Клиничкиот Центар „Мајка Тереза“ по извршеното тестирање за Ковид 19, резултатите кои ги добив се позитивни.Оваа работна седмица работните обврски ќе ги извршувам во изолација од дома, се до исчезнување на симптомите.", напиша министерот Панче Тошковски.

Македонија | пред 1 година

Потпишан Меморандум за соработка со Ресурсен центар на родители на деца со посебни потреби

Денеска (16.08.2024), министерот за внатрешни работи Панче Тошковски и Претседателката на Ресурсниот центар, Радмила Цветковска потпишаа Меморандум за соработка помеѓу Министерството за внатрешни работи – Центар за обука и Здружението на граѓани - Ресурсен центар на родители на деца со посебни потреби.Овој Меморандум има за цел развивање на меѓусебна соработка во делокругот на обезбедување и промовирање на правата на децата/лицата со попреченост и нивните семејства преку организирање и спроведување на заеднички обуки за постапување и третман на овие лица.Преку Центарот за обука на МВР ќе се спроведуваат обуки за полициските службеници, со цел соодветно постапување, поедноставен пристап и комуникација доколку при своето работење наидат на деца/лица со попреченост.

Македонија | пред 1 година

Средба на министерот Тошковски со в.д. амбасадорката на Соединетите Американски Држави, Н.Е. Никол Варнс

Денеска (09.08.2024) министерот за внатрешни работи Панче Тошковски оствари работна средба со вршителот на должноста амбасадор на Соединетите Американски Држави, Н.Е. Никол Варнс.На средбата беше потврдена одличната соработка и стратешкото партнерство меѓу двете земји. Акцентот на средбата беше ставен на тековните проекти, кои со поддршка на Амбасадата на Соединетите Американски Држави се спроведуваат во МВР, континуитетот во заедничката соработка во борбата против тероризмот, компјутерскиот криминал и други форми на организиран криминал, со цел зајакнување на безбедноста на државата.Министерот Тошковски и Н.Е. Варнс го потенцираа значењето на целокупната поддршка што Соединетите Американски Држави му ја даваат на Министерството за внатрешни работи и на државата во сите домени, а особено во евроинтегративниот процес и беше изразена подготвеност за нејзино натамошно интензивирање и продлабочување, особено во делот на безбедноста и соработката против криминалот.

Македонија | пред 1 година

Тошковски: МВР ќе преземе жестоки мерки кон секој кој намерно предизвикува пожари и ја загрозува безбедноста и животите на нашите граѓани

,,Во овие тешки моменти кога се соочуваме со катастрофални пожари, уште еднаш апелирам до сите граѓани да постапуваат совесно и одговорно, да избегнуваат активности кои можат да предизвикаат пожари и да пријавуваат сомнителни активности. Воедно, сакам да потенцирам дека МВР ќе преземе жестоки мерки кон секој кој намерно предизвикува пожари и ја загрозува безбедноста и животите на нашите граѓани." напиша Панче Тошковски, министер на внатрешни работи.Денес маж од радовишко беше лишен од слобода затоа што подметнал пожари.На 30.07.2024 полициски службеници од СВР Струмица - ОВР Радовиш го лишиле од слобода С.Р. од с. Али Коч, радовишко, затоа што подметнал пожари во близина на с. Али Коч. На 30.07.2024 во 12:00 во ОВР Радовиш од страна на ТППЕ Радовиш било пријавено дека на две места во близина на с.Али Коч настанале пожари, при што горела дабова шума.

Македонија | пред 1 година

Средба на министерот Тошковски со амбасадорката на Украина Н.Е Лариса Дир

Денеска (30.07.2024) во Министерството за внатрешни работи се одржа работна средба помеѓу министерот Панче Тошковски и амбасадорката на Украина Н.Е. Лариса Дир.Од страна на амбасадорката Н.Е. Дир беа упатени честитки до министерот Тошковски за изборот да раководи со Министерството за внатрешни работи, изразувајќи надеж дека соработката помеѓу двете полиции ќе се интензивира во наредниот период. Меѓу другото беше побарано да се зајакне билатералната соработка во делот на кризниот менаџмент. Амбасадорката, притоа изрази голема благодарност за украинските граѓани кои се под привремена заштита во нашата земја, со надеж дека нивната заштита ќе продолжи онолку колку што е потребно.Министерот Тошковски изрази уверување дека привремената заштита ќе продолжи, најавувајќи интензивирање на соработката помеѓу двете министерства преку сите меѓународни и регионални канали на полициска соработка.На средбата двете страни изразија задоволство од долгогодишната одлична соработка, со акцент на партнерството помеѓу двете министерства, особено во делот на осовременување на капацитетите, како и размената на информации, сознанија преку Интерпол.

Македонија | пред 1 година

Средба на министерот Тошковски со амбасадорот на Чешката Република Н.Е Јарослав Лудва

Денеска (29.07.2024) во Министерството за внатрешни работи се одржа работна средба помеѓу министерот Панче Тошковски и амбасадорот на Чешката Република Н.Е. Јарослав Лудва.На средбата двете страни изразија задоволство од долгогодишната одлична соработка, со акцент на партнерството помеѓу двете министерства, кое изминативе години, особено за време на миграциската криза, но и периодот после се покажа дека е од голема важност за нас како министерство особено во делот на осовременување на капацитетите на МВР.Од страна на министерот за внатрешни работи Тошковски, беше изразена благодарност како за поддршката и соработката преку бројните донации за подобрување на капацитетите на вработените во Министерството за внатрешни работи, така и за пружената поддршка со испраќање на чешки полициски службеници на нашата граница за справување со илегалната миграција во периодот од декември 2015 до април 2023 година, што резултираше со намалување на интензитетот на миграциските текови.Амбасадорот на Чешката Република Н.Е. Лудва, истакна дека нашата држава е од исклучително значење за одржување на безбедноста во овој дел од Европа, изразувајќи надеж дека соработката ќе биде уште подобра во иднина со заеднички фокус за нејзино уште поголемо продлабочување.Билатералните договори меѓу двете министерства се од областа на безбедноста, техничка соработка, реадмисија, борба против криминалот и спроведување на заеднички иницијативи за решавање на актуелните безбедносни предизвици.

Македонија | пред 1 година

Средба Тошковски – Дачиќ во Белград: Соработката помеѓу полициите мора да биде подобра од соработката помеѓу криминалните групи

Министерот за внатрешни работи Панче Тошковски во рамки на дводневната посета на Република Србија, денеска (26.07.2024) оствари билатерална средба со српскиот вицепремиер и министер за внатрешни работи Ивица Дачиќ.На средбата, македонскиот и српскиот министер разговараа за унапредување на соработката помеѓу двете министерства во областа на граничната соработка, борбата со организираниот транснационален криминал, како и заеднички обуки меѓу полиции.Министерот за внатрешни работи Тошковски му се заблагодари на српскиот колегата Дачиќ за гостопримството, размената на искуства и практики со цел уште подобра соработка како министерства и полиции.„За нас е од круцијално значење, заеднички да делуваме против криминалните групи, со цел да можеме да се справиме со организираниот криминал. Разговаравме и за подобрување на соработката во делот на граничните премини. Оценивме дека можеме да ја подобриме фреквенцијата на возила на граничниот премин. Се договоривме да формираме една работна група која и претходно постоела и се надеваме дека за краток временски период ќе даде резултати кои ќе ги доведат граничните проверки на една позиција, а не на две како што е сега. Во превод, да го примениме „one stop“ системот, за проверка на нашите државјани“, рече меѓу другото министерот Тошковски.Тој најави дека заедно со колегата Дачиќ, како дел од одличната соработка на двете полиции е договорено четири српски полициски службеници за време на месец август да бидат присутни во регионот на Охрид, каде има голем број српски државјани како туристи.Српскиот министер за внатрешни работи Дачиќ, исто така потенцираше дека фокус на средбата било обновувањето на работната група помеѓу двете полиции кои треба да ги олеснат процедурите на граничните премини особено на ГП Табановце каде фреквенцијата е најголема.„Основната идеја е да ја направиме и повторно да ја активираме оперативната група која треба да се занимава во поедноставување на процедурите кои постојат на тој граничен премин, за навистина да имаме една контрола. Зборувам за граѓаните, а не за транспортот на стоки со камиони и слично. Идејата е тоа да го поедноставиме за да излеземе во пресрет на граѓаните“, истакна министерот Дачиќ.Српскиот министер појасни дека е договорена и соработка кога станува збор за вонредни ситуации.Министрите се сложија дека соработката помеѓу министерствата и двете полиции мора да биде подобра од соработката помеѓу криминалните групи и дека напорите за унапредување на соработката во сите сегменти како две соседни пријателски држави ќе продолжи и ќе се унапредува.

Македонија | пред 1 година

Средба на министерот Панче Тошковски со премерот на Србија Милош Вучевиќ

Министерот за внатрешни работи Панче Тошковски, денеска (27.07.2024) во рамките на посетата на Република Србија оствари работна средба со премиерот на Република Србија, Милош Вучевиќ.На средбата министерот Тошковски изрази благодарност за гостопримството потенцирајќи дека Србија е сосед кој е секогаш тука за нас кога е најпотребно и тоа многу пати во минатото е потврдено, а особено неодамна кога беше испратен српски хеликоптер за да помогне во гаснењето на пожарите.Министерот Тошковски потенцираше дека соработката меѓу двете држави е на одлично ниво и само ќе се продлабочува во иднина.Од страна на премиерот Вучевиќ беа упатени честитки за изборот на новата Влада и посочи дека ваквите средби се од големо знаење во негувањето на одличните односи меѓу двете земји.Воедно премиерот Вучевиќ потенцираше дека Србија е земја која нема ниту едно отворено прашање со нашата држава и во тој контекст ќе биде наш поддржувач на секое поле, особено на евроинтегративниот пат.Премиерот Вучевиќ исто така го поздрави назначувањето на министер од српската заедница во македонската влада, оценувајќи го како потег значаен за Србија во негувањето на традиционално добрите односи.

Македонија | пред 1 година

Тошковски седна со премиерот на Србија: Тие се сосед кој е секогаш тука за нас

„Како дел од посетата на Република Србија денеска остварив средба со премиерот Милош Вучевиќ“, објави министерот за внатрешни работи, Панче Тошковски и додава:„На средбата изразив благодарност за одвоеното време и топлиот прием и потенцирав дека Србија е сосед кој е секогаш тука за нас кога е потребно што многу пати во минатото е потврдено, а особено неодамна кога беше испратен српски хеликоптер да помогне во гасењето на пожарите. Исто така посочив дека соработката меѓу двете држави е на одлично ниво и само ќе се продлабочува во иднина.Од страна на премиерот Вучевиќ беа упатени честитки за изборот на новата Влада и посочи дека ваквите средби се од големо значење за негување на одличните односи меѓу двете земји.Воедно потенцираше дека Србија е земја која нема ниту едно отворено прашање со нашата држава и во тој контекст секогаш ќе бидат наш поддржувач на секое поле, особено на евроинтегративниот пат. Исто така го поздрави и назначувањето на министер од српската заедница во македонската Влада, оценувајќи го како потег значаен за Србија во негувањето на традиционално добрите односи“.

Македонија | пред 1 година

Министрите Тошковски и Дачиќ од превентивната акција „Вози одморен“: Безбедноста во сообраќајот и во туристичката сезона мора да биде на највисоко ниво

Денеска (25.07.2024) министерот за внатрешни работи Панче Тошковски и претседателката на РСПБС Гордана Кожуваровска заедно со министерот за внатрешни работи на Република Србија, Ивица Дачиќ и в.д. директорот на Агенцијата за безбедност во сообраќајот на Република Србија, Душко Пешиќ ја почнаа заедничката превентивна кампања „Вози одморен“ на граничниот премин Табановце.Праксата покажува дека заморот е една од главните причини за предизвикување на сообраќајни несреќи особено во летниот период од годината при патување на годишен одмор. Овие превентивни активности се насочени особено на делницата од граничниот премин Табановце до Граничниот премин Богородица, каде во летниот период енормно се зголемува бројот на возила кои минуваат преку овој коридор.Министерот Тошковски потенцираше дека оваа заедничка кампања е значајна за унапредување на полициската соработка меѓу двете пријателски земји и му се заблагодарил на министерот Дачиќ за помошта што Министерството за внатрешни работи на Србија ѝ ја испрати на Македонија во гаснењето на шумските пожари.„Денеска сме тука заедно со колегите од Србија да ја поддржиме превентивната акција „Вози одморен“ и да испратиме порака дека е исклучително значајно да се фокусираме сите во превенција на несакани настани кои најчесто се случуваат од премореност на возачите. На долгите патувања како што е патувањето на годишен одмор, клучни се паузите за одмор, на секои 2 до 3 часа неопходно е правење пауза од барем 15-тина минути. Возачите да тргнат на пат одморени бидејќи заморот е голем непријател на безбедното возење. Статистиките покажуваат дека сообраќајните незгоди предизвикани од замор за жал најчесто завршуваат фатално“, рече министерот Панче Тошковски.Министерот за внатрешни работи на Република Србија Ивица Дачиќ го изрази своето задоволство од оваа заедничка акција помеѓу Република Србија и Република Северна Македонија потенцирајќи го фактот што во текот летната сезона се случуваат голем број сообраќајни несреќи со смртни последици, како и дека податоците покажуваат дека на патиштата во Србија во овој период речиси секој ден по две лица го губат животот во просек.„За нас е многу важно да го спасиме секој човечки живот, особено животот на децата. Важно е возачите да возат одморени“, кажа српскиот министер и ја истакнал важноста од соработката со македонската полиција во оваа превентивна акција.Во рамките на активноста на возачите кои во моментот ја минуваа границата им беа поделени вода и летоци со едукативни совети и рекламен материјал во рамките на кампањата „Вози одморен“.

Македонија | пред 1 година

Средба Тошковски - Лосон: Одлична соработка на професионално ниво и поддршка во борбата со корупцијата и организираниот криминал

Денеска (25.07.2024) министерот за внатрешни работи Панче Тошковски оствари работна средба со амбасадорот на Обединетото Кралство, Н.Е. Метју Лосон.На средбата министерот Тошковски ја изрази својата благодарност за одличната соработка и континуираната поддршка од Обединетото кралство како на нашата држава така на министерството во областа на безбедноста, особено за последната донација на дронови кои ќе се користат од страна на граничната полиција во обезбедување на нашите граници.Министерот Тошковски ги објасни приоритетите на новата Влада и посветеноста во борбата со организираниот криминал и корупција, планот за реорганизација на управните служби во успешен услужен систем на своите граѓани, планот за унапредување на вкупната ефикасност на полицијата преку нова систематизација, креирање на систем на континуирани обуки и дигитализација на голем број процеси во министерството.„Полициската соработка е на високо професионално ниво, што подразбира брза, квалитетна и ефикасна размена на оперативни сознанија, односно редовно постапување по барања упатени од двете држави за различни видови на проверки во сите форми на организиран криминал, тероризам, трговија со луѓе, кривични дела поврзани со илегална миграција, трговија со дрога и оружје и наша тенденција е само да ја унапредуваме“, потенцираше министерот Тошковски.Амбасадорот Метју Лосон упати честитки до министерот и за посветеноста на новата Влада во целост, особено во борбата со организираниот криминал и корупција и потенцираше дека Обединетото Кралство останува да биде еден од најголемите партнери на нашата држава како на оперативно така и на стратешко ниво. Од негова страна беше истакната и илегалната миграција како значаен проблем со кој се справуваат и двете земји и потенцираше дека и во справувањето можеме да сметаме на поддршката на Обединетото Кралство во иднина.

Македонија | пред 1 година