ХРИСТИЈАН МИЦКОСКИ

Мицкоски: Создаваме услови во кои знаењето ќе се претвора во иновација, иновацијата во производ, а производот во нови работни места

Денес е значаен момент за нашата држава. Со формирањето на Советот за иновации, научно-технолошки развој и претприемништво, ја потврдуваме нашата јасна и силна определба Македонија да се позиционира како земја на знаење, наука, истражување, иновации и модерна, конкурентна економија, вели Христијан Мицкоски.„Како Влада преземаме целосна одговорност да ја водиме оваа трансформација. Овој Совет не е само формалност, тој е инструмент на стратешка промена. Тој е механизам преку кој науката, истражувањето и дигитализацијата ќе станат двигатели на економскиот раст.Денес светот се менува со огромна брзина. Дигитализацијата, новите технологии и истражувањата го дефинираат напредокот на нациите. Нашата цел е јасна – да создадеме услови во кои знаењето ќе се претвора во иновација, иновацијата во производ, а производот во нови работни места и подобар животен стандард за граѓаните.Самата структура и состав на Советот, кој ги обединува клучните министерства и ресори, академската заедница и експертите од различни области, гарантира интегриран и стратешки пристап во носењето одлуки. Ова тело ќе обезбеди координација помеѓу образованието, науката, дигиталната трансформација и економските политики. Нашата цел е мерките да бидат конзистентни, транспарентни и ефективни, со јасни индикатори и мерливи резултати.На оваа прва седница го усвојуваме клучниот документ за следните четири години – Четиригодишната програма за поттикнување на иновациите, научно-технолошкиот развој и претприемништвото. Оваа програма не е само административен акт. Таа е визија за развој заснован на наука, истражување и дигитализација. Таа создава рамка за поддршка – од првата идеја, преку истражувачки развој и пилотирање, до целосна комерцијализација.Со оваа политика создаваме основа за отворање нови, квалитетни и добро платени работни места. Поддржувајќи ги стартапите, технолошките компании, истражувачките центри и иновативните мали и средни претпријатија, директно инвестираме во подобра економија – економија што создава вредност, извезува знаење и гради долгорочна стабилност.Во координација со Министерството за образование и наука, Министерството за дигитална трансформација и Министерството за економија и труд како креатори на политиките, Агенцијата за иновации, научно-технолошки развој и претприемништво – ИНОВА е главен имплементатор на програмата. Но успехот нема да биде резултат на една институција – туку на заедничка работа. Владата, ИНОВА, универзитетите, истражувачките институти, приватниот сектор и претприемачите мора да дејствуваат како единствен екосистем.Овој Совет испраќа јасна порака: Македонија избира економија базирана на знаење. Избираме инвестиции во наука и истражување. Избираме дигитална трансформација. Избираме нови работни места, повисока продуктивност и подобар стандард за сите граѓани.Време е идеите да ги претвориме во конкретни проекти, истражувањата во решенија, а визијата во реални резултати.Ви благодарам на посветеноста. Како претседател на Владата, силно верувам дека заедно ќе изградиме посилна, поиновативна и поразвиена држава, држава што создава можности за сегашните и идните генерации.“, вели Мицкоски.

Македонија | пред 1 месец

Откако премиерот Мицкоски ја нарекол Ленче Ристоска „медиокритет“, Советот на јавни обвинители отвори постапка

Советот на јавни обвинители отвори постапка за да утврди дали јавните изјави на премиерот Христијан Мицкоски претставуваат притисок и нарушување на самостојноста на јавна обвинителка Ленче Ристоска.Постапката е покрената по писмено известување од нејзина страна, која реагираше на изјавите во кои, како што тврди, била јавно наречена „медиокритет“ и поврзана со „клиентелистичко-политичка матрица“. Таа оцени дека ваквите квалификации се обид за влијание врз нејзината работа.Советот ќе се постапува според Правилникот за заштита на самостојноста на јавните обвинители. Според процедурата, ќе биде формирана тричлена комисија која ќе ги утврдува фактите и околностите, ќе собира информации и, доколку е потребно, ќе побара изјаснување и од обвинителката и од премиерот.Доколку комисијата утврди такво нарушување, Советот може јавно да го соопшти заклучокот и да го достави до надлежните институции.Изјавите на Мицкоски беа дадени во јавноста, во контекст на неговите критики за ставовите на Ристоска околу измените на Кривичниот законик, по што Ристоска побара јавно извинување.Тензиите меѓу владејачката ВМРО-ДПМНЕ и обвинителката се засилија откако Владата ја поништи листата на кандидати за судија во Стразбур, на која Ристоска беше меѓу највисоко рангираните. Таа тврди дека од тогаш е изложена на јавни напади и дискредитации, кои ги поврзува со нејзините професионални одлуки во тековни судски предмети.

Македонија | пред 2 месеци

Мицкоски: „Бугарите во устав не е единственото барање, туку комплетно редефинирање на македонскиот идентитет“

По божиќната литургија во храмот „Свети Климент Охридски“ во Скопје, премиерот Христијан Мицкоски одговарајќи на прашањето за тврдењето на бугарското МНР дека наместо македонски јазик постои достапен јазик, рече дека тоа него воопшто не го чуди.Со ова само ги потврдуваат тезите за кои ние одамна реагираме, а тоа дека дека Бугари во устав не е нивното единствено барање, туку комплетно редифинарење на македонскиот идентитет. Но ова се денови кога треба да простуваме, да се сплотуваме, да се обединуваме и мислам дека конечно како народ ќе сфатиме дека за некои за некои прашања да бидеме заедно. Жалам што претходната влада влезе во една ваква авантура и што комплетно го заглави евроинтеграцискиот процес, жалам што тогаш го прифати ултиматумот од нашиот источен сосед, наместо да не послушаа и тогаш, но подадена е раката, треба да ги напуштат оние тези што ги слушаме во јавноста и да застанат конечно во одбрана на македонските национални интереси., изјави премиерот

Македонија | пред 2 месеци

Премиерот Мицкоски заедно со семејството на бадниковата вечера: „Паричката од бадниковото лепче се падна кај мене“ - изјави Мицкоски

Премиерот Христијан Мицкоски објави фотографија со семејството од бадниковата вечера, а паричката се паднала кај него, изјави денеска премиерот по литургијата во Соборниот храм „Свети Климент Охридски“ во Скопје.„На традиционална бадникова вечера кај моите родители. Ова се празници на љубов, дарување и почитување.Честит Бадник. За многу години!“, напиша Мицкоски.

Македонија | пред 2 месеци

Мицкоски: „Софија го блокира Акциониот план за малцинства затоа што е напишан на македонски“

Иако Акциониот план за заштита на малцинствата беше изготвен како дел од европскиот интеграциски процес на Македонија, Бугарија поднесе забелешка на документот – не поради неговата содржина, туку поради тоа што е напишан на македонски јазик, изјави премиерот Христијан Мицкоски.Тој посочи дека токму на вакво сценарио предупредувал во разговорите во Брисел: дури и најдобро подготвен план, развиен во консултација со експерти и со учество на јавноста, ќе наиде на отпор од Софија. „Ниту една земја членка не реагираше, ниту едно малцинство во Македонија не се спротивстави. Единствениот проблем бил – јазикот,“ рече Мицкоски, нагласувајќи дека македонскиот е мајчин и официјален јазик на државата и во меѓународната комуникација.Премиерот наведе дека сите технички и политички барања биле испочитувани. Во разработката на документот биле вградени и предлози од меѓународни експерти, меѓу кои и од Италија, а на барање од Брисел планот бил доставен до Бугарија и пред официјалниот рок – како гест на добра волја.„Ова повторно покажува дека спорот нема врска со малцинствата, ниту со нивната заштита. Станува збор за нешто многу подлабоко,“ изјави Мицкоски, сугерирајќи дека бугарските реакции се движат надвор од рамката на уставните измени и правата на заедниците.Тој исто така додаде дека во моментов нема директни контакти меѓу двете влади, но Скопје останува подготвено за разговори „во секое време, на секое место и во било која организација“, со цел аргументите на Македонија да бидат јасно презентирани.Акциониот план за малцинствата е еден од чекорите што Македонија ги реализира во текот на пристапните преговори со Европската Унија.

Македонија | пред 2 месеци

Мицкоски: „Избегнувам јавно да зборувам, темата се злоупотребува од политички глодари“, вака одговори премиерот за помошта за семејствата на загинатите од „Пулс“

„Секогаш избегнувам да зборувам јавно бидејќи гледам дека одредени политички структури и блиски до одредени политички глодари се обидуваат таа тема да ја злоупотребуваат и да добиваат политички поени на маката на ожалостените семејства. Се што имам да кажам, јас го кажувам на тие состаноци со родителите и Здружението. Се појавив на Анкетната комисија, иако знаете дека имаше многу шпекулации и има многу шпекулации во јавноста за еден од тие состаноци со родителите. Можам да кажам дека дел од работите што се кажуваат во јавноста не се вистинити,“ вака одговори премиерот Христијан Мицкоски од Кочани на прашањето за тоа до каде е можноста за еднократна парична помош за семејствата на загинатите во трагедијата во дискотеката „Пулс“.Мицкоски нагласи дека намерно избегнува јавни настапи на оваа тема, бидејќи смета дека одредени политички структури ја користат трагедијата за дневнополитички цели.Тој додаде дека комуникацијата со семејствата ја остварува директно, на средби, а не преку медиуми, и повтори дека некои од тврдењата кои се појавуваат во јавноста не се точни.

Македонија | пред 2 месеци

Мицкоски: Поддржуваме раст на домашните компании, „Алкалоид“ е одлична приказна

Претседателот на Владата, Христијан Мицкоски, при денешната посета на фармацевтската компанија А.Д. „Алкалоид“ во Скопје изјави дека претставува голема чест и задоволство да се видат производни капацитети кои се рамноправни со најсовремените светски фармацевтски компании.Мицкоски истакна дека посебна гордост е тоа што „Алкалоид“ е македонска компанија, која со своето работење ја претставува државата на најдобар можен начин. Тој упати благодарност до директорот, менаџментот и сите вработени кои, како што рече, секојдневно покажуваат со што располага македонската фармацевтска индустрија.„Повеќе од 3.000 вработени ја градат својата иднина во ‘Алкалоид’, најголемиот дел од нив во Македонија, а дел и во претставништвата надвор од државата. Повеќе од две третини од портфолиото на компанијата е извозно, што директно влијае на економската состојба, растот на БДП и индустриското производство“, нагласи Мицкоски.Тој порача дека Владата ќе продолжи да ги поддржува ваквите успешни македонски приказни, бидејќи, како што рече, нема поголем промотор за една држава од компании кои успешно работат и надвор од нејзините граници.На крајот, премиерот им честиташе на вработените и на менаџментот на „Алкалоид“, упатувајќи благодарност и до министерот за здравство и директорот на Фондот за здравствено осигурување, со порака дека заеднички ќе продолжат да нижат успеси и да го унапредуваат работењето и портфолиото на компанијата.

Македонија | пред 3 месеци

Атина го потсети Мицкоски за Преспа: „Државата се вика Северна Македонија“!

Од официјална Атина пристигна јасна и недвосмислена порака во врска со почитувањето на Преспанскиот договор, откако грчкото Министерство за надворешни работи објави реакција во која го нагласува меѓународно-правниот карактер на договорот и обврската за неговата целосна примена.Грција истакнува дека уставното име „Северна Македонија“ е прецизно дефинирано во член 1 од Преспанскиот договор и дека за двете држави е обврзувачко на сите нивоа – домашни и меѓународни. „Нема место за искривување или менување на содржината на договорот“, порачаа од МНР на Грција, додавајќи дека почитувањето на договорите е темел за стабилни односи и мирен соживот меѓу државите.Оваа реакција следи по изјавата на премиерот Христијан Мицкоски во програма на ТВ Сител, каде, одговарајќи на критики од СДСМ, рече дека „го вратил името“.Во соопштението од Атина дополнително се нагласува дека Преспанскиот договор не е политичка декларација, туку дел од меѓународното право чија примена мора да биде „униформна и универзална“.Грција потсетува и дека развојот на билатералните односи, како и непреченото продолжување на европскиот пат на Северна Македонија, се условени од доследното почитување на договореното и од принципите на добрососедство.

Македонија | пред 3 месеци

Мицкоски: Советниците на ВМРО-ДПМНЕ со иницијатива до советите за документ дека мигрантски кампови нема да има, ширењето на лажна паника e кривично дело

Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во земјата и кампањата на Венко Филипче за мигранти каде што потенцира дека мигрантски кампови нема да има, а дополнително и советниците на ВМРО-ДПМНЕ ќе поднесат иницијативи до советите во општините, да гласаат документ дека мигрантски кампови на териториите  на општините нема да има.„Не можам да се изначудам се уште кој ги насанка на оваа тема, бидејќи оваа тема тотално не оди во нивна полза, бидејќи самите тие се тие кои што на владина седница гласале за да се градат такви приватни мигрантски кампови и за што имало протести во минатото, вклучително и ние. Јас тоа го кажав во една моја изјава, дека во темелните вредности на ВМРО-ДПМНЕ, е антиемигрантската политика, за што бевме обвинувани дека сме ксенофобична партија. Сега, сосема спротивни обвинувања од страна на СДСМ, а вистината е јасна. Апсолутно таква работа ниту ќе се случи ниту има некој план, или размислувал дека такво нешто се случило. Впрочем такви беа изјавите од единствениот официјален извор, од Британската амбасада во земјава“ кажа Мицкоски.Мицкоски истакна дека советниците на ВМРО-ДПМНЕ во текот на следната недела ќе достават до советите да се гласа таков документ дека мигрантски кампови на териториите на тие општини нема да има.„Инаку, советниците на ВМРО-ДПМНЕ во текот на следната недела ќе достават до советите да се гласа еден таков документ, со којшто ќе се јасно стави до знаење дека таа е политиката, односно антиемигрантската политика, политика која што се бори против нелегалната миграција и генерално таков тип на процеси.  Нема на територијата на тие општини да се создадат такви мигрантски кампови и ќе побара од надлежните институции согласно Кривичиниот законик, да поведат процеси против сите оние кои што сеат страв паника. И покрај  јавно изнесените деманти од страна на Владата, тие се кривично одговорни за тоа што го прават, бидејќи јас разбирам да вие имате во вашата партија проблеми, не можете да мобилизирате извршен одбор, никој не ви се нафаќа да формирате структура, општински организации како и да ги викаат и тоа е во ред“ истакна Мицкоски.Мицкоски истакна дека и покрај сите деманти од Владата и министерствата, СДС и понатаму свесно шири страв и паника кај населението а за тоа во Кривичниот законик се предвидени одредени санкции.„И разбирам еве таа тема да ја покренете еднаш два пати, но кога веќе официјално стигнува демант од претседателот на Владата, од соодветните министерства внатрешни и надворешни, мислам дека од тој момент па натаму вие го поминувате рубиконот и вие свесно и покрај демантите ширите паника и страв и за тоа во Кривичниот законик се предвидени одредени санкции“ нагласи Мицкоски.Мицкоски ги повика соодветните органи да поведат процеси против тие лица.„Јас ги повикувам соодветните органи да излезат од тие октруирани стеги на претходната влада на СДСМ и ДУИ и против овие лица да покренат, би рекол, процес. Затоа што, многумина од граѓаните се загрижени со право, ми се јавуваат и ме прашуваат и покрај тоа што веќе една недела цело време зборуваме со деманти и кажуваме дека такво нешто неа да се случи. Еве ќе поминат месец, два, три, ќе дојде пролет“ рече Мицкоски.Мицкоски потенцира дека мигранти нема да има и нагласи дека трајно ќе ја напушти политиката доколку некој од СДС пронајде барем еден мигрант. „Мигранти нема никој да види. Впрочем јас реков еве трајно ја напуштам политиката, ако раководството на СДСМ, тоа бар што остана таму од СДСМ пронајде и еден мигрант, којшто е дел од договорот со Обединетото Кралство или било кој друг договор, јас реков дека заминувам трајно од политиката. Еве нема подобар начин, бидејќи се уплашени континуирано од мене, сега мене ми ги бројат овие последни четири години како претседател на ВМРО-ДПМНЕ и сега тие од СДСМ, практично во овој случај, имаат начин еве како да се спасат од мене и порано. Еве нека најдат еден таков мигрант, којшто е резултат на договорот со Обединетото Кралство или со некој друг договор, па да видиме. Ако не јас реков еве не барам да заминат од политиката, тие нека си одлучат, не им се мешам тоа е нивна внатрешна работа. Велам, да се извинат. Ќе дојде и февруари и март, нели го кажаа, нема да има избори, нема да има мигранти и свесно некој ширел паника меѓу граѓаните. Јас разбирам слобода на говор, ама кога веќе 5 пати некој демантира дека тоа ќе се случи, тогаш треба да се застане со таа работа“ истакна Мицкоски.

Македонија | пред 3 месеци

Ако Филипче, Фрчкоски и Жерновски најдат макар еден мигрант, ќе се повлечам од политиката, порача Мицкоски!

„Граѓаните треба да знаат каква е состојбата, СДСМ нема тема, притисокот е голем за Венко Филипче од внатре и од надвор да си замине и сега наеднаш пи-ар тимот му вели, сега темата ќе бидат мигрантите, еве два таблоиди во Велика Британија објавија и сега ајде на оваа тема да се закачиме и да ја туркаме, мислејќи дека на тој начин политички ќе преживее и ќе собере луѓе околу себе“, вели претседателот на Владата на Република Северна Македонија, Христијан Мицкоски одговарајќи на новинарско прашање.Мицкоски им порача на Венко Филипче, Фрчкоски и Жерновски дека е спремен да се повлече од политиката доколку најдат еден мигрант во Македонија, во спротивно како што рече тој да се извинат јавно.„Две тези имаше денешната прес-конференција. Првата се мигрантите, а втората недостасуваше во буџетот 1 милијарда евра, околу 60 милијарди денари и дека договорот со Велика Британија бил тие да ни ја покријат оваа дупка, а ние да прифатиме илегални мигранти. Од прилика ова беше. Но, ајде сега да видиме каква е суштината и вистината. Прво политички да му одговорам на раководството на СДСМ, бидејќи го спомна пролет, оставам простор до пролет Венко Филипче заедно со професорот Фрчкоски, со Андреј Жерновски, да бараат низ Македонија и да најадат мигрант кој што е дел од овој договор со Велика Британија, или било каков договор и ако најдат еден, јас трајно ја напуштам политиката. Во спротивно они да ми се извинат мене и на граѓаните, што шират паника без потреба. Мислам дека е фер, еве ова јас го давам како понуда. И ова ќе важи бесконечно, додека сум јас претседател на Владата“, рече Мицкоски и додаде: „Додека тие зборуваат за милијарди кои недостасуваат, веќе 10 милијарди во првите пет дена од декември влегоа во буџетот. И сега не се веќе 300 милијарди, се 310 милијарди денари приходи. Но, никој од нив не ја коментира расходната страна, бидејќи и приходната и расходната страна на Буџетот одат паралелно. Тие што следат економија и економистите знаат за што зборувам. За да ви фалат во буџетот и да треба вие тој буџетски дефицит да го покриете потребно е и расходите да бидат согласно планирањата. Нас расходите ни се помали, односно штедевме и во име на тоа, се случува сето ова кое што јас денес го зборувам. И приходите и расходите се пратат едни со други и на крај кога ќе ги споредите капиталните инвестиции и буџетскиот дефицит, тие горе доле ќе бидат исти. Што значи дека ние нема да се задолжиме да го зголемиме долгот. Напротив, до крајот на годината тој долг ќе биде помал, од оној кој што сме го имале. И еве втора работа ќе кажам, следната година треба да вратиме нешто повеќе од 2,2 милијарди евра. Ќе ги вратиме сите тие пари кои што тие претходно ги украдоа, и за Стабри и за марихуаните и за ред други скандали кои што ги имаа во минатото. Се надевам дека сега новиот обвинител и ослободеното обвинителство многу поефикасно и многу послободно ќе работат, отколку овој октруираниот којшто конечно заминува односно ќе замине од таму каде што е сега.“ Мицкоски посочи граѓаните да не се грижат, бидејќи нема да има мигранти. „На крај да заклучам да не се грижат граѓаните, нема мигранти, буџетот е во одлична кондиција. Македонија е позади Данска, која што има 3,9, заедно со Кипар со 3,8 проценти раст на БДП, инфлацијата е за 0,5 проценти помала на годишно ниво споредбено со минатата година и очекувам таа консолидација односно смирување да продолжи и во периодот кој што следи“, истакна Мицкоски.

Македонија | пред 3 месеци

(Видео) Политичари растураат пердуви и креираат лажна слика за Кочани, изразувам длабоко сочувство до семејствата на настраданите

Премиерот Христијан Мицкоски по завршувањето на седницата на Анкетната комисија за случајот во Кочани изјави дека опозицијата се обидувала да креира „лажна слика“ дека претставници на власта нема да се појават на расправата, но, како што рече, целата пратеничка група на ВМРО-ДПМНЕ била присутна.„И покрај тоа што опозицијата се обидуваше да креира, како по обичај, лажна слика, да растура пердуви дека нема да се појавам јас и пратеничката група на ВМРО-ДПМНЕ за време на Анкетната расправа, видовте дека сите бевме присутни и Претседателката дојде исто така да биде дел од Анкетната расправа, претседателот на Собранието, јас лично“, изјави Мицкоски.Тој нагласи дека внимателно ги следеле дискусиите:„Тука бевме да слушаме, ги слушнавме ставовите од родителите, тие коишто земаа збор. Ги слушнавме, исто така, дискусиите на дел од организациите како ‘Супорт Кочани’, ‘Кој е следен’, и дел од дискусиите на некои од пратениците.“Мицкоски додаде дека „континуираните лаги на опозицијата“ не успеале да создадат поинаква слика во јавноста.„Сите тие лаги им се распрснуваат во рака како обична лага, а вистината е сосема поинаква“, рече премиерот.Тој повторно изрази сочувство до семејствата погодени од трагедијата:„Уште еднаш сакам да изразам сочувство до сите оние кои ги изгубија најмилите во овој трагичен настан, до оние кои се повредени од овој трагичен настан.“Мицкоски истакна дека државата ќе ја даде целата потребна поддршка:„Ние како држава ќе сториме сѐ што е во наша моќ да помогнеме на тие коишто се лекуваат, да ја дадеме сета онаа нега која е потребна, и се разбира, сочувствуваме со болката на сите оние семејства коишто ги загубија своите најмили.

Македонија | пред 3 месеци

СДСМ за премиерот Мицкоски: „Мали Вучко“ го следи моделот на Вучиќ

СДСМ обвини дека најавите на лидерот на ВМРО–ДПМНЕ, Христијан Мицкоски, за можни избори се дел од, како што велат, „усогласени политички чекори“ со власта во Србија. Од партијата потсетуваат дека претседателот Александар Вучиќ истиот ден зборувал за избори, а неколку часа подоцна слични пораки стигнале и од Мицкоски.Во соопштението се тврдеше дека Мицкоски го следи политичкиот модел на Вучиќ, особено во делот на најави за избори по реконструкција на владата — процес што македонската влада го започна вчера. Од СДСМ оценуваат дека овој политички пристап е веќе виден „во повеќе земји од регионот“.Паралелно, партијата ги поврзува случувањата со изборните процеси што напролет ја очекуваат Унгарија и можните избори во Србија. Во соопштението се наведува дека протестите во Унгарија, Словачка и Србија се последица на корупциски скандали и дека дел од тие случаи, според нив, имаат регионални импликации и политички поврзаности.СДСМ потсетува и на истрагите и обвиненијата поврзани со реконструкцијата на Железничката станица во Нови Сад, како и на обвинувањата што американскиот претседател Доналд Трамп ги упати за вмешаност на белградска ИТ-фирма во изборите во САД. Сето тоа, според партијата, го отсликува „регионалниот политички контекст“ што може да влијае и врз Северна Македонија.Од СДСМ тврдат дека доколку Србија оди на избори напролет, Македонија би можела да се соочи со сличен развој на настаните, особено, како што велат, поради зависноста на политичките актери во земјава од исходите во соседството.

Македонија | пред 3 месеци

Поради здравствени проблеми, премиерот Мицкоски денес нема да се појави на македонско–српскиот бизнис форум

Премиерот Христијан Мицкоски утрово ја откажа својата агенда и нема да присуствува ниту да се обрати на големиот македонско–српски бизнис форум што во текот на денот ќе се одржи во хотелот „Александар палас“ во Скопје. Владиниот портпарол соопшти дека причината е здравствена, но не се посочуваат дополнителни детали.И покрај отсуството на премиерот, настанот ќе се одвива според предвидената програма. На форумот ќе учествуваат над 200 компании од двете држави, со повеќе од 300 претставници од приватниот сектор, со цел да се отворат нови економски канали и да се забрза соработката.Пред почетокот на форумот, во зградата на Владата ќе биде потпишан Меморандум за разбирање меѓу Северна Македонија и Србија. Документот ќе го стават потписите заменик-претседателот на македонската Влада и министер за односи меѓу заедниците, Иван Стоилковиќ, и српската заменик-претседателка на Владата и министерка за економија, Адријана Месаровиќ.Стоилковиќ и Месаровиќ вчера ги посетија „Пекабеско“ и винаријата „Камник“, каде што во изјави за медиумите посочија дека потенцијалот за продлабочување на економските врски е значително поголем од досегашните резултати. Особено е нагласен просторот за раст во прехранбената индустрија и плановите за зголемување на билатералната размена.Иако годинава е забележано зголемување на трговската размена меѓу двете земји, функционерите на двете влади се согласни дека реалните можности се многу пошироки и дека само дел од нив е искористен.

Македонија | пред 3 месеци

„Син ми е подобар, очекувам од понеделник да се врати на училиште“: Премиерот потврди дека примал инфузија три дена, но дека сега се чувствува добро

Премиерот Христијан Мицкоски денеска изјави дека меѓу учениците кои се разболеле по инцидентот со храната во основното училиште „Димо Хаџи-Димов“ во Карпош бил и неговиот син. Тој додаде дека детето било хоспитализирано и три дена примало инфузиона терапија, но дека во моментот се чувствува добро.„Антони беше дел од таа група кое им се случи труење. Имаше медиуми кои известија дека бил во тешка состојба, сакам да демантирам, имаше симптоми како и сите други деца. Да, беше жртва на тоа труење, три дена примаше инфузија, три дена не одеше на учичиште. Тој е храбро и пргаво момче, сака да се дружи, и претпоставувам дека сите меѓу себе биле на ручек, конзумирале иста храна. Оставам институциите да кажат дали е од храната или од нешто друго. Како што знам од Агенцијата за храна и ветеринарство ги прават тие неопходни испитувања, и апелирам да почекаме да не даваме суд. Денеска син ми е веќе подобар, и очекувам од понеделник да се врати на училиште“, рече Мицкоски.

Македонија | пред 4 месеци

Мицкоски: Покачувањето на пензиите го подига животниот стандард, Уставниот суд ќе покаже дали има поинакви намери

„Ќе кажам дека вчера за време на пратеничките прашања бев многу прецизен и кажав дека имам информации дека е отпочната постапка и оти судијата известител ставил потпис на конечниот извештај со кој се укинува линеарното зголемување на покачувањето на пензиите за пензионерите од следниот месец“, вели премиерот Христијан Мицкоски. Премиерот Мицкоски потенцираше дека со линеарното зголемување на пензиите како Влада сакале да го подобрат животниот стандард на околу 330.000 пензионери, но како што рече Уставниот суд ќе покаже дали има поинакви намери.„Дали тоа ќе се случи ќе видиме наскоро, дали сум бил во право, дали информацијата била точна или не. Многу скоро ќе добиеме одговор. Јас би сакал да не сум во право. Еве посакувам да не сум во право, но што ако сум во право? Тогаш кој е тој што прави хаос и кој свесно удира по стандардот на пензионерите. Владата со тие мерки сакаше да го подобри стандардот на повеќе од 330 до 350 илјади пензионери. Некој друг има поинакви намери“, дециден е премиерот Мицкоски.

Македонија | пред 4 месеци

Мицкоски тврди: Од декември помали пензии, Уставен веќе одлучил да го укине линеарното зголемување

Уставен суд веќе донел одлука за укинување на законската одредба за линеарно зголемување на пензиите и веќе од наредниот месец најголемиот број од пензионерите ќе добиваат помали пензии, ова на собраниска говорница го изјави премиерот Христијан Мицкоски.Мицкоски рече дека наводно, Уставниот суд ќе ја укине и одредбата за платите на судиите и обвинителите, со што нивните примања енормно ќе се зголемат.Што се однесува до линеарнот зголемување на пензиите, Мицкоски рече дека одлуката веќе била донесена и потпишана, и ја нападна уставната судијка Добрила Кацарска, иако не го спомена нејзинот име, но таа пред Уставниот суд ја иницираше постапка за оцена на уставноста на последните законски измени со кои пензионерите добија по илјада денари линеарно зголемување во септемри, а исто толку треба и во март идната година. Мицкоски „таа судијка“ ја нарече „пример на неправдата“.„Последните информации се дека веќе одлуката е донесена и потпишана од нејзина страна и дека пензионерите веќе нема да добиваат линеарно зголемување на пензиите, туку согласно процентите утврдени по законот. И тоа само за информација значеше дека 70 проценти од пензионерите ќе добиваат помала пензија од следниот месец, поради оваа иницијатива на оваа судијка која е дел од Уставниот суд“, рече тој.Мицкоски истакна дека ваквата одлука не е фер, бидејќи Уставниот суд ја укинува одлуката, а нема да се зачуди доколку истата судијка во Уставниот суд донесе одлука за одмрзнување на платите на судиите и обвинителите.„Од аспект на фискален товар, помалку пари ќе даде Буџетот, но од аспект дали е тоа фер, не е фер затоа што во време на транзиција кога малкумина олигарски го приватизираа и разграбаа македонското стопанство или поголем дел го уништија, најголем дел од овие пензионери со ниски примања, 8.000, 9.000, 10.000 или 12.000 денари се резултат на тој процес во времето на транзицијата. И затоа тие добиваат така ниски пензии.Целта на линеарното зголемување беше да се намали ХДИндексот, а да се зголеми стандардот на пензионерите и на тој начин да се намали степенот на сиромаштија“, нагласи Мицкоски и додаде:„Замислете истовремено најверојатно следната одлука којашто ќе дојде од истиот суд е да ги одмрзнеме платите на судиите и обвинителите. Значи на пензионерите им се укинува правото, но затоа пак на овие обвинители и судии бидејќи се незадоволни со 2.500, 3000, 4.000 евра ќе треба да им се одмрзнат платите, а пензионерите со 10.000, 12.000 денари коишто треба да добијат 1000 денари зголемување сега овој месец, тие се побогати од овие малкумина судии и обвинители коишто ја контаминираат оваа професија“.Според премиерот Мицкоски, ваквата одлука е неправда за пензионерите.„Со ова ќе се нанесе неправда на пензионерите“, дециден е Мицкоски.

Македонија | пред 4 месеци

Мицкоски за случајот „Пулс“: „Болката на семејства е огромна и должност ни е да ја ублажиме колку што можеме„

Премиерот Христијан Мицкоски денеска истакна дека институциите ќе останат максимално ангажирани околу трагедијата во дискотеката „Пулс“ во Кочани и дека поддршката за семејствата на загинатите нема да изостане.Во врска со иницијативата да се формира собраниска анкетна комисија која би го разгледала случајот, Мицкоски посочи дека одлуката е во рацете на пратениците.„Тоа прашање треба да им се постави на народните избраници. Сметам дека јавноста многу скоро ќе има можност да ги слушне сите детали кога ќе започне судската постапка“, изјави премиерот.Тој се осврна и на барањето за еднократен финансиски надомест за семејствата на жртвите, по примерот на трагедијата во модуларната болница во Тетово.„Целосно ги разбирам барањата. Како Влада, досега правевме сѐ што е во наша моќ, и ќе продолжиме да го правиме истото. Болката на овие семејства е огромна и должност ни е да ја ублажиме колку што можеме“, истакна Мицкоски по поставувањето на камен-темелник за нова детска градинка.

Македонија | пред 4 месеци

„Господине Премиер, ја преминувате границата“ – судиите остро му возвраќаат на Мицкоски

Правосудните институции денеска со заедничка и необично остра реакција излегоа против Премиерот, обвинувајќи го дека неговите јавни коментари за судството одамна излегле надвор од рамките на коректната критика и преминале во, како што велат, „паушални, неаргументирани и штетни напади“. Соопштението е потпишано од Судскиот совет, Врховниот суд и Здружението на судии.Во писмото, упатено директно до премиерот, се наведува дека преку таквите изјави се создава атмосфера во која „општествената апатија и незадоволството на граѓаните се префрлаат врз судовите“, наместо државниот врв да понуди реални решенија за системските проблеми.Институциите категорично ги отфрлаат тврдењата дека судството е финансиски товар на државата, нарекувајќи ги ваквите перцепции неточни и опасни.„Судскиот систем никогаш не создал долгови. Нејасно е зошто се поврзува со државниот долг од 2 милијарди евра“, се вели во реакцијата.Правосудните органи потсетуваат дека токму судовите секоја година генерираат значителни приходи за буџетот преку наплата на казни и судски такси, додека за возврат не добиваат ниту основна поддршка – ниту за нови вработувања, ниту за дигитализација, ниту за опремување на судниците.Како клучен аргумент, Судскиот совет, Врховниот суд и Здружението на судии се повикаа и на последниот извештај на Европската комисија. Во документот, како најголем проблем на македонското правосудство се нотира „мешањето на извршната и законодавната власт“ во работата на судството, како и финансиската зависност од државниот буџет.Тие истакнуваат дека ова се теми што државата мора да ги адресира без одлагање, бидејќи се суштински за европската интеграција на земјата.Правосудните институции го предупредуваат Премиерот дека со неговите настапи директно се нарушува уставната поставеност на одвоените власти.„Судската власт е уставна категорија. Уставот и независноста на судството мора да се почитуваат“, стои во заедничката реакција, која завршува со порака дека судиите нема да молчат кога независноста на правосудството е доведена во прашање.

Македонија | пред 4 месеци

И понатаму неизвесно за обвинителот Коцевски: „Почекајте, ќе видите“ – порача Мицкоски

Смената на државниот јавен обвинител Љупчо Коцевски веќе подолго време е во фокусот на јавноста, но и денеска премиерот Христијан Мицкоски не даде конкретен одговор за тоа дали ќе има разрешување. На новинарско прашање што ќе се случува со Коцевски, премиерот кусо одговори:„Почекајте, ќе видите.“Говорејќи за реформите во судството и обвинителството, Мицкоски изјави дека е подготвен да ја донира својата плата на судиите и обвинителите – но само под услов тие навистина да судат согласно закон. Тој нагласи дека не може да се согласи со зголемувања на плати во систем што, како што рече, нема никаква доверба меѓу граѓаните.Премиерот потсети дека државата се соочува со тешка економска состојба и дека следната година ќе треба да врати долг од две милијарди евра – износ кој, според него, претставува една третина од вкупниот буџет од шест милијарди.„Од тие пари треба да се исплатат пензии, плати, социјални трансфери и комунални обврски, а во исто време мора да вратиме над две милијарди евра. Некој неодговорно ја задолжил државата и идните генерации“, изјави Мицкоски, алудирајќи на претходната влада.Во однос на судските реформи, тој посочи дека ако сето тоа се сведува само на зголемување на платите во судството и обвинителството – тогаш таква реформа нема да ја направи. „Не можеме да одвојуваме повеќе средства за независно финансирање на судството и обвинителството отколку што тоа го прават најразвиените земји во ЕУ“, додаде тој.Премиерот истакна дека суштински промени нема, иронично забележувајќи дека единствените реформи се „за повисоки плати“, а не за вистински системски подобрувања. Како пример ја посочи измената на Кривичниот законик што, според него, била направена под притисок на Уставниот суд и овозможила политички амнестии.„Претходната влада го измени законикот и овозможи политичка амнестија за многумина. Сега, кога ние ќе поведеме постапка против некој од нив, тие ќе се повикуваат на тој закон донесен шверцерски, под европско знаме“, изјави Мицкоски, додавајќи дека дел од меѓународните извештаи тогаш „срамежливо премолчале“ за ваквите случувања.Во продолжение, премиерот се осврна и на европскиот пат на земјата, потсетувајќи на ветувањата дека промената на името ќе ја приближи Македонија до ЕУ. „Нè убедуваа дека сме ‘фронтранери’ и дека за три-четири години ќе станеме членка на Унијата. Тоа време одамна помина, а ние сè уште сме таму каде што бевме пред 25 години,“ рече Мицкоски, додавајќи дека Македонија не треба да прифаќа нови условувања што, според него, ја загрозуваат националната идентитетска позиција.

Македонија | пред 4 месеци

„Нема рекострукција на владата засега, фокусирани сме партискиот конгрес“: Премиерот рече да не им се верува на шпекулациите

Премиерот Христијан Мицкоски изјави дека реконструкција на Владата засега ќе нема, а испразнетите ресори со кои раководеше вицепремиерот и министер за животна средина и просторно планирање Изет Меџити ќе бидат пополнети.Во однос на информациите дека по заминувањето на Меџити како градоначалник на општина Чаир, коалицискиот партнер ВРЕДИ го предложил Беким Сали за прв вицепремиер и оти за министер за животна средина и просторно планирање ќе биде назначен друг, Мицкоски рече дека тоа е одлука на коалицискиот партнер и оти не значи дека ќе има место повеќе во владиниот кабинет.Јас имам високо мислење за Беким Сали. Апсолутно, тука не треба да имаме никаква дилема. Но тоа не значи дека ќе има место повеќе во владиниот кабинет, рече Мицкоски, одговарајќи на новинарски прашања по поставувањето камен темелник на нов Културен дом во општина Петровец.Во однос на прашањето за реконструкција на Владата, тој посочи дека се фокусирани на редовниот партиски конгрес, што ќе се одржи на 6. декември во Кавадарци, но и дека реконструкција на влада не се прави само заради реконструкција. Рече дека ако тоа се прави, треба да се размисли новото кадровско решение да биде подобро од претходното.Во меѓувреме, додека сето тоа, трае ќе размислуваме за одредени кадровски поместувања во рамките на владата. Јас сум подготвен со секој да разговарам. Апсолутно, тука нема никаква дилема во рамките на коалицијата. Но се разбира, мандатар сум јас. Така што, нормално е дека последниот збор, како мандатар на Владата, ќе го имам јас, рече Мицкоски.Тој повтори да не им се верува на шпекулациите за смена на одредени министри и очекува наскоро за испразнетите кадровски места да добие имиња.– Да видиме дали тие имиња апсолутно се во рамките на тие што очекувам да бидат. И тие имиња да ги пополнат испразнетите места во Владата и институциите. Ова ќе биде процес кој што ќе трае, нема да биде од денес за утре. Ќе повторам реконструкција како реконструкција нема да значи ништо ако реконструираме некој и донесеме после, како што беше пракса во минатотот. Секој кој треба да замени треба да понуди подобра програма, подобри перформанси за да имаме подобра испорака. Ако ставиме име што нема да има подобра програма, нема подобри перформанси и подобра испорака за бадијала сме направиле реконструкција не е суштината на реконструкцијата, посочи Мицкоски.

Македонија | пред 4 месеци

Мицкоски по враќањето од Брисел: „Да ги направиме уставните измени, па нека ни дадат уште едно вето – ќе бидеме шампиони“

Според премиерот Христијан Мицкоски, во однос на Извештајот на Европската комисија, земјава е веднаш зад Црна Гора, односно дека Македонија е заедно со Србија, па дури потоа следува Албанија и другите земји од регионот.-Да ги направиме уставните измени, најдобро ќе биде и потоа да добиеме ново вето и повторно нови проблеми. Тогаш сигурно ќе добиеме „петка“ и ќе бидеме шампиони, вели премиерот, кој истовремено нагласи дека е задоволен од тоа што било објавено за земјава во официјалниот документ од Брисел.-Од она што е напишано, јас сум исклучително задоволен бидејќи нема назадување. Има стагнација во неколку области и тоа сите го зборуваме – владењеето на правото и борбата против корупцијата. Затоа нон-стоп зборувам дека се потребни промени во Судскиот совет, Обвинителството…Сега по завршување на изборите, многу сериозно ќе се занимаваме со таа тема. Во сите области има мал напредок или значителен. Генерално Извештајот го оценувам како добар, порача Мицкоски.

Македонија | пред 4 месеци

„(Видео) „Да беше Пинокио, носот ќе ти удреше во крстот на Водно“: Јакимовски му одговори на Мицкоски

Откако вчера лидерот на ВМРО-ДПМНЕ, Христијан Мицкоски тврдеше дека по првиот круг на претходните локалните избори Стевче Јакимовски дошол кај него ненајавен и исплашен и го молел за поддршка во вториот круг, за да победи, денеска во видео обраќање, актуелниот градоначалник на Карпош кој на овие локални избори влегува во вториот круг, тврди дека Мицкоски изнел големи лаги.„Да беше Пинокио, носот ќе ти удреше во крстот на Водно. Јас за свои 65 години таква реченица немам изговорено. Тоа се реплики од турски серии, не од сериозни политичари“, му одговори Јакимовски на Мицкоски.Тој вели дека не е точно дека му покажувал детални урбанистички планови на Мицкоски, и додава дека во првите 30 дена од мандатот немало ниту еден нов урбанистички план, затоа што приоритет му била блокираната сметка на општината.„Вистината е дека дојде со список од 37 луѓе за вработување, бараше секретар на општината, директор на јавно претпријатие и на училиште, како и урбанистичка маркица за фирма блиска до негов пријател од „Гранит“. Сето тоа – надвор од било каков институционален ред и закон. Мицковски спомнува „пресуда“ – нема никаква пресуда! Постои само политички прогон за барака која денес е пренаменета во простор каде се згрижени деца од градинката Мајски цвет“, вели Јакимовски.

Скопје | пред 5 месеци

„Д-р Кузмановски имал моменти на слабост, но има импозантна биографија“, премиерот Мицкоски одговори за разрешениот директор

Премиерот Христијан Мицкоски ја „оправда“ постапката на разрешениот директор на Клиниката за неврологија, д-р Игор Кузмановски, со тоа што денеска изјави дека имал моменти на слабост.„Тоа што се случи, се случи, и тука не треба да се враќаме назад. Инаку, кога ќе ја гледате биографијата на професорот и мој колега, ќе дојдете до заклучок дека има импозантна биографија која што многу ретко ја има, генерално зборувам, на Балканот. Тоа што на моменти на слабост имал директорот поранешен, претпоставувам дека ќе го следи во текот на неговиот живот, тоа е негова приватна работа, јас тука немам што да кажам. Ние како Влада, тоа што требаше да го направиме, го направивме и реагиравме веднаш откако оној нелегален материјал се појави на социјалните медиуми“, одговори денеска Мицкоски по посетата на Клиниката за трауматологија, на новинарско прашање за тоа дали ќе побара одговорност од Министерството за здравство за случајот.

Македонија | пред 5 месеци

Мицкоски: Главна понуда на СДС на овие избори е црна кампања и трикови, го вклучија дури и главниот трачер во друштвото Пендаровски, но ќе доживеат огромен дебакл

Претседателот на ВМРО-ДПМНЕ, Христијан Мицкоски,  се обрати од  народниот митинг одржан во општина Крушево, во рамки на изборната кампања 2025 која е под слоганот ,,Вистинскиот избор! Твојот човек! Твоето место! За твојата иднина!“, за претстојните локални избори закажани на 19 октомври. Мицкоски кажа дека ВМРО-ДПМНЕ нуди реална програма и проекти а СДС нуди празни ветувања и црна кампања и затоа ќе доживеат огромен дебакл на 19 октомври.Ние настапуваме со јасна и прецизна програма, а нашите противници настапуваат со демагогија, празни ветувања, со истите трикови и подземни коалиции. Нивната црна кампања е нивната главна понуда на овие избори. Па така тие во оваа кампања го вклучија и нивниот вистински лидер кој допатува директно од ДУБАИ, а во јавност се појавува неговиот заменик Венко. Покрај овој вистинскиот кој допатува од Дубаи во кампањата го вклучија и нивниот грамафон кој пишува текстови исклучиво во медиуми блиски до СДСМ, а кој ми порача дека ќе ме раситнел на делови и повика на линч, што самото тоа покажува колку страв и омраза има кај овие луѓе, нагласи Мицкоски.Мицкоски истакна дека СДС се толку исплашени од поразот кој им следи што во кампања го вклучиле и главниот трачер во друштвото Стево Пендаровски.А од вчера го вклучија и поранешниот претседател и главниот трачер во друштвото Стево Пендаровски, кој пак кутриот на јавна сцена призна дека следел и знаел за прислушкувањето. Тој во настапот го опиша во детали пола мој работен ден, работи кои не се кажани никаде и кој може да ги знае само човек кој добивал извештаи за следење и притоа сакајќи да вметне некаков црв на сомнеж фрла светло дека луѓе блиски до мене ме кодошеле. И ме повикува јавно да сум кажел кои се тие луѓе. Јас не знам кој се тие луѓе и дали постојат, но знам дека во држава со сериозно обвинителство каде што владее законот тоа сериозно обвинителство треба уште утре Стево Пендаровски да го повика и да даде  изјава пред обвинител за ова кривично дело кое јавно го призна и би се водела постапка за неовластено следење на политичките конкуренти. Ете до толку се забегани и до толку одлепени од реалноста. И сите овие чекори покажуваат дека се силно уплашени, а тој страв е последица на тоа дека и тие знаат дека на овие локални избори  ги чека дебакл во низата  и тие не само што знаат дека нема да стигнат до власта туку се уплашени и за фотелјите во нивната сопствена партија. И тој страв им се гледа во секој нивен настап. А уште поголем страв им причинува фактот што ќе дојде ден кога ниту обвинителството, ниту ова распарчено судство кое Венко вели дека е професионално, ќе може да ги брани и заштитува. И правда ќе има. И само така Македонија ќе може да победи, кажа Мицкоски.Мицкоски ги повика граѓаните да излезат и на 19 октомври да гласаат за бројот 9 за подобра и просперитетна иднина.Ајде заедно да ја напишеме новата приказна на нашата татковина! Ајде да изградиме иднина со која ќе се гордееме! Ајде да покажеме дека кога сме обединети – никој не може да нè запре, заклучи Мицкоски.

Македонија | пред 5 месеци

Мицкоски до Филипче: Народот салата ќе ве направи на избори, на митинзи ниту пратениците не ти доаѓаат, сам си со Заев

Претседателот на ВМРО-ДПМНЕ, Христијан Мицкоски, на митингот во Центар, во рамки на кампањата за локалните избори на 19 октомври, која е под слоганот Вистинскиот избор! Твојот човек! Твоето место! Твојата иднина! се осврна на политичките противници и истакна дека народот ќе ги порази на овие избори  а на митинзите на СДС дури и нивните пратеници не им доаѓаат, Венко Филипче и Заев се сами.Вчера нашите противници беа тука, освен тоа што кажаа дека ќе не направеле салата, на изборите, друго не понудија. Заев нудеше живот и ајро, а Венко среќа и салата. А вистината е дека ниту среќа ќе донесат, ниту салата ќе не направат. И знам дека зад тоа простодушно храбрење на сопствените митинзи, се крие огромен страв од поразот кој го чека, но еве да му соопштам на Венко дека народот салата нив ќе ги направи на овие локални избори. И разбирате дека СДС е партија на проблеми, го оставиле Венко сам да ја трга маката која сам си ја прифати и создаде, и товарот кој сам си го впрегна на грбот. Впрочем, тој, а да не кажам и Заев и неговиот струмички гуру, ја управуваат СДСМ, но е јасно дека Венко покрај помошта на неговиот гуру, ако воопшто може да се нарече некаква помош, од друго нема. На неговите митинзи со лупа не можете да најдете некој пратеник од неговата пратеничка група во Собранието, не можете да најдете ниту некој друг висок функционер, затоа што бродот кој тоне сите го напуштаат, а СДСМ со овие луѓе на чело одамна е во стечај. А таму се затоа што не извлекоа поука од ниту една работа што ѝ ја направија на Македонија. Нереформирани и во целосна безидејност. Никаква промена не направија, нагласи Мицкоски.Мицкоски истакна дека СДС се нереформирани и се истите тие луѓе кои виткаа кичма и потпишаа капитулација со Бугарија.Тие се истите луѓе кои виткаа кичма на секое прашање важно за државата, истите луѓе што потпишаа капитулација каде и да стигнат за пуста власт. И не за џабе токму Венко и неговиот гуру се македонските политичари со највисок рејтинг во Бугарија, затоа што реченицата што еден бугарски политичар ми ја кажа во четири очи, „ас сам платил“, е реченицата што ја објаснува секоја попустливост на Венко и СДСМ во однос на ова прашање. И затоа денеска матат некакви црвени линии кои се убаво запакуван поклон за Бугарија, и затоа не одговараат на просто и едноставно прашање, ако капитулацијата пред нашиот источен сосед бил најдобриот предлог што го штити идентитетот, како што тие тврдеа, тогаш зошто се црвени линии?Јасно е дека црвените линии им требаат за нови отстапки и ново предавство, тие и сите треба да знаат, нема никогаш да дозволам да се случи била каква отстапка додека јас ја имам одговорноста да ја водам Владата а притоа македонскиот народ и Македонија да не добијат реципроцитет, заклучи Мицкоски.

Скопје | пред 5 месеци