Индија пред колапс во авио-секторот – горивото ги гаси авиокомпаниите

Три од најголемите индиски авиокомпании предупредуваат дека целиот сектор се наоѓа пред колапс поради драматичниот раст на цените на горивото, поттикнат од војната и блокадата на Ормутски теснец.

— реклама —

Ер Индија, ИндиГо и СпајсЏет, кои заедно контролираат околу 95 проценти од домашниот пазар, испратиле итно предупредување до владата дека индустријата е „пред гаснење“.

— реклама —

Главната причина за кризата е наглиот скок на цената на авионското гориво, кое во моментов учествува со дури 40 проценти во оперативните трошоци на авиокомпаниите. Дополнителен удар претставуваат и ограничувањата во воздушниот простор, кои ги зголемуваат трошоците, особено на долги линии.

Од Федерација на индиски авиопревозници побарале итна ревизија на начинот на формирање на цените на горивото, со цел да се ублажи притисокот врз индустријата.

— реклама —

Во исто време, тие бараат проширување на постојниот механизам за утврдување на цените, така што ќе ги опфати и домашните и меѓународните летови.

Кризата доаѓа во момент кога Индија е едно од најбрзо растечките авио-пазари во светот, но зголемените трошоци и геополитичките ризици сериозно ја доведуваат во прашање одржливоста на секторот.