Трошоците на животот во јули 2026 година бележат зголемување од 2,3 отсто во однос на истиот месец минатата година, покажуваат податоците за индексот на трошоците на животот.
На месечно ниво, односно во споредба со јуни 2026 година, трошоците на животот се зголемиле за 0,1 отсто.
Најголемо зголемување на трошоците во јули е забележано кај транспортот, каде што цените пораснале за 4,4 отсто. Следуваат рекреацијата, спортот и културата со раст од 2,6 отсто, додека трошоците за домување, вода, електрична енергија, гас и други горива се зголемиле за 0,9 отсто.
Рестораните и услугите за сместување поскапеле за 0,7 отсто, услугите за образование за 0,3 отсто, а алкохолните пијалаци, тутунот и наркотиците за 0,1 отсто.
Од друга страна, во јули е забележано намалување на трошоците кај неколку групи. Најголемо поевтинување има кај покуќнината, опремата за домаќинствата и редовното одржување на домаќинствата, каде што трошоците се намалиле за 1,4 отсто.
Храната и безалкохолните пијалаци поевтиниле за 1,1 отсто, облеката и обувките за 0,2 отсто, а информациите и комуникациите и здравствената заштита за по 0,1 отсто.
Трошоците во групите осигурување и финансиски услуги и лична нега, социјална заштита и разновидни стоки и услуги останале на исто ниво како и во јуни.
Индексот на цените на мало во јули 2026 година, во однос на јуни, изнесува 101,3, што покажува месечен раст од 1,3 отсто.
На годишно ниво, индексот на цените на мало во јули бележи зголемување од 1,8 отсто.
