Иран се закани: Израелските амбасади ќе бидат легитимни цели

Иранските вооружени сили се заканија дека ќе ги сметаат израелските дипломатски мисии ширум светот за легитимни цели доколку Израел изврши напад врз иранската мисија во Либан.

— реклама —

Портпаролот на иранските вооружени сили, Аболфазл Шекарчи, во телевизиско обраќање изјави дека Техеран ќе одговори со напади врз израелските амбасади.

— реклама —

„Доколку Израел го изврши тој злостор, ќе бидеме принудени сите израелски амбасади ширум светот да ги сметаме за легитимни цели“, изјави Шекарчи.

— реклама —

Претходно, портпаролот на израелската армија за арапското говорно подрачје, Авихај Адраеи, предупреди дека Израел им дал рок од 24 часа на претставниците на, како што рече, „иранскиот терористички режим“ да го напуштат Либан.

„Ги предупредуваме претставниците на иранскиот режим кои сè уште се во Либан веднаш да заминат пред да станат цел“, изјави Адраеи.