Иран се закани: Ќе го затвориме Ормускиот теснец ако САД повторно нападнат

Иран ќе го затвори Ормускиот теснец доколку САД извршат нови напади врз земјата, изјавил безбедносен извор за иранската телевизија „Press TV“.

Заканата следува откако американскиот претседател Доналд Трамп на самитот на НАТО во Турција изјави дека САД „вечерва повторно силно ќе го погодат“ Иран.

— реклама —

„Новата стратегија на Иран е дека по секој напад Ормускиот теснец ќе биде целосно затворен“, изјавил изворот.

Ормускиот теснец е еден од најважните поморски премини во светот, преку кој во мирнодопски услови минува околу една петтина од глобалниот извоз на нафта и течен природен гас.

— реклама —

Иранскиот извор додаде дека, покрај затворањето на теснецот, Техеран ќе изврши напади врз најмалку двојно повеќе цели како одговор на евентуален американски напад.

— реклама —

Воедно, упати и предупредување до американските сојузници во регионот.

„Секоја закана ќе добие силен одговор. Иран не прави разлика меѓу САД и нивните регионални партнери“, изјавил изворот.

Во меѓувреме, Иранската револуционерна гарда соопшти дека во текот на ноќта погодила 85 американски воени локации во Бахреин и Кувајт како одговор на најновите американски напади.

Новата закана за затворање на Ормускиот теснец доаѓа и покрај изјавата на Трамп дека Иран „не може да направи ништо“ за да ги спречи натамошните американски операции.