Израелските авиони над Газа фрлаа летоци со слика на мртвиот шеф на Хамас и порака

Авионите на Израел денеска фрлија летоци над јужниот дел на Газа на кои е прикажана сликата на мртвиот Јахја Синвар, убиениот лидер на Хамас.

— реклама —

На летоците пишуваше и пораката дека „Хамас повеќе нема да владее со Газа“, што се зборовите што ги употреби израелскиот премиер Бенјамин Нетанјаху.

— реклама —

— реклама —

„Кој ќе фрли оружјето и ќе ги предаде заложниците, ќе му биде дозволено да замине и да живее во мир“, се вели во летокот, напишан на арапски, според жителите на јужниот град Кан Јунис и сликите што кружат на интернет.

— реклама —

Синвар беше убиен во средата во Појасот Газа. Израелците тврдат дека цел на нападот биле тројца милитанти и дека не знаеле дека меѓу нив е и Синвар.