Јаневска учествува на Светскиот образовен форум во Лондон

Од 17 до 20 мај во Лондон ќе се одржи Светскиот образовен форум, најголемиот глобален собир на министри за образование и вештини што се организира по 24 пат.

— реклама —

Годинава, темата на форумот е „Образование за заедничка иднина: Мир, планета, цел и патеки“.

— реклама —

Како што наведуваат организаторите на форумот - Министерството за образование на Обединетото Кралство, Канцеларијата за надворешни работи, Комонвелт и развој, Министерството за бизнис и трговија и Британскиот совет, во време на глобална неизвесност и ескалација на геополитичките тензии, зголемување на нееднаквостите, интензивирање на климатските кризи и брзи технолошки промени, образованието е клучна сила и извор на отпорност, иновации и социјална кохезија. Единствено преку вложување во знаењата, вештините и вредностите на младите, може да се изградат општества ориентирани кон мир, праведност и одржлив развој.

— реклама —

Министерката за образование и наука проф. д-р Весна Јаневска ќе учествува на повеќе тематски сесии, а ќе биде и меѓу говорниците на панел дискусија посветена на креирање образовни политики базирани на факти, каде ќе ги претстави македонските искуства и реформски процеси во образовниот систем.

На форумот се очекува присуство на над 150 министри и делегации од целиот свет, како и претставници на меѓународни организации, академската заедница и граѓанскиот сектор.