Клековски: Нова опрема и подобри услови за пациентите – над 40 милиони денари инвестиции во „Св. Пантелејмон“

Во Стоматолошкиот клинички центар „Св. Пантелејмон“ во Македонија во текот на 2025 и 2026 година се вложени над 40 милиони денари за набавка на нова опрема и подобрување на условите за пациентите и вработените, соопшти директорот на Фондот за здравствено осигурување, Сашо Клековски, по денешната посета на установата.

— реклама —

Според Клековски, инвестициите се реализирани со поддршка од Министерството за здравство и Фондот за здравствено осигурување, како и со соодветно раководење со клиниката.

Меѓу значајните подобрувања е реновирањето на ординацијата за стоматолошки интервенции под општа анестезија, наменета за деца и лица со попреченост, деца кои не можат да соработуваат при интервенциите и пациенти со изразен страв од стоматолошки третман.

— реклама —

Во оваа ординација се лекуваат пациенти од целата држава, а според Клековски, следниот чекор е децентрализација на услугата за третманите да бидат подостапни и поблиску до пациентите.

— реклама —

За закажување термин граѓаните можат да се јават на телефонскиот број 075 435 445, во работните денови од 08:00 до 14:00 часот.

Дополнително, фондацијата „Д-р Верица Механџиска“ и компанијата „Зегин“ донирале опрема во вредност од околу 800.000 денари.

— реклама —

Клековски истакна дека соработката меѓу јавните здравствени установи, деловниот и граѓанскиот сектор придонесува за подобри здравствени услуги и поголема грижа за пациентите.