Клековски во Софија размени искуства за рано откривање здравствени состојби кај новороденчињата

Министерот за здравство Сашо Клековски, во рамки на посетата на Софија, го посети Универзитетскиот акушерско-гинеколошки болнички комплекс „Мајчин дом“, каде што се запозна со работата на установата и современите пристапи во грижата за мајките и новороденчињата.

— реклама —

За време на посетата, Клековски разговараше со медицинските тимови и размени искуства за можностите за унапредување на соработката, особено во областа на неонаталниот скрининг и раното откривање здравствени состојби кај новороденчињата.

— реклама —

— реклама —

„Мајчин дом“ е најголемата клиника по неонатологија во Бугарија, со оддел за интензивна нега и современа медицинска опрема. Во рамки на установата работи и Националната генетска лабораторија, која спроведува скрининг на новороденчиња, вклучително и метаболички и генетски испитувања.

Клековски истакна дека размената на знаења и добри практики може да придонесе за подобра грижа за мајките и новороденчињата, како и за поквалитетно и подостапно здравство за сите граѓани.