ЈП Комунална хигиена-Скопје спроведе акција за генерално чистење во СУГС „Орце Николов“, при што од училишните простории и дворот беа собрани и транспортирани околу 20 кубни метри претежно кабаст отпад.
Акцијата беше реализирана со цел подобрување на хигиената и создавање почиста и побезбедна средина за учениците и вработените во гимназијата.
Покрај ваквите теренски активности, ЈП Комунална хигиена-Скопје традиционално организира и едукативни работилници во ова училиште. Преку нив, учениците се запознаваат со работата на претпријатието, значењето на правилното постапување со отпадот и придобивките од примарната селекција во заштитата на животната средина.
Од претпријатието посочуваат дека ваквите акции ќе продолжат и во иднина, со цел подигање на јавната свест и поттикнување на одговорен однос кон чистата животна средина.
