„Комунална хигиена“ отстрани 620 кубни метри отпад од диви депонии во Скопје

ЈП „Комунална хигиена – Скопје“ во текот на изминатата седмица отстрани вкупно 620 кубни метри непрописно одложен отпад од диви депонии на територијата на сите скопски општини.

— реклама —

Како што информираат од претпријатието, се реализирани две поголеми интервенции во општините Чаир и Гази Баба, каде биле расчистени обемни депонии од јавни површини.

— реклама —

— реклама —

Во општината Чаир, на улицата „Славеј планина“ во близина на скопското Теќе, е отстранета дива депонија со околу 150 кубни метри кабаст, градежен и мешан отпад. Во општина Гази Баба, на улицата „Перо Наков“, биле подигнати дополнителни 130 кубни метри отпад.

Од ЈП „Комунална хигиена“ посочуваат дека паралелно со овие интервенции се спроведуваат и редовни активности за одржување на јавната хигиена, кои вклучуваат рачно и машинско метење и миење на булеварите и поголемите сообраќајници во градот.