ЛДП: Разоткриена лага за само еден ден! Ветува помалку шалтери, а во заднина спрема масовно пумпање на партиската администрација

Либерално-демократската партија (ЛДП) преку соопштение ја обвини Владата за противречност меѓу најавите за дигитализација на јавните услуги и, како што тврди партијата, плановите за масовно трајно вработување во јавната администрација.

— реклама —

Од ЛДП посочуваат дека премиерот Христијан Мицкоски ја промовира апликацијата „мУслуги“ со најави за помалку шалтери, хартиени документи и поедноставени услуги, додека истовремено, според партијата, се подготвуваат одлуки за трајно вработување илјадници лица во државната администрација.

— реклама —

— реклама —

Поранешниот пратеник и генерален секретар на ЛДП, Боби Мојсоски, оценува дека ваквиот пристап значи зголемување на непродуктивната администрација на сметка на граѓаните и државниот буџет. Тој ја обвинува Владата за партиски вработувања и клиентелизам, наместо за создавање помала и поефикасна државна управа.

Од ЛДП бараат намалување на државните трошоци и вистинска дигитализација, вклучително и примена на вештачка интелигенција, оценувајќи дека државните институции треба да бидат поефикасни, а не да ја зголемуваат администрацијата.