Левица: Мицкоски тврди дека економијата е „многу, многу постабилна“, а секое трето дете живее во сиромаштија

Левица ја критикува економската политика на Владата, посочувајќи дека изјавите на премиерот Христијан Мицкоски за економска стабилност не се совпаѓаат со животниот стандард на граѓаните. Од партијата наведуваат дека 22 проценти од населението живее под прагот на сиромаштија, а речиси секое трето дете расте во сиромаштија.

— реклама —

Според Левица, синдикалната минимална кошница за септември достигнала 69.432 денари, што е за 4.355 денари повеќе во споредба со истиот месец минатата година. За четиричлено семејство што живее под кирија, месечните потреби достигнуваат 84.807 денари, додека една минимална плата покрива само 37,5 проценти од вредноста на кошницата.

— реклама —

— реклама —

Партијата посочува и на намалување на индустриското производство за 1,9 проценти во август 2026 година, како и на пад од три проценти на бројот на работници во индустријата. Според нив, недостигот од преработувачки капацитети, модернизација и технологија го ограничува развојот на домашното земјоделство и економијата.

Од Левица оценуваат дека растот на БДП не се претвора во повисок животен стандард и прашуваат зошто граѓаните не ја чувствуваат економската стабилност за која зборува премиерот во сопствениот паричник.