Левица: Поради “твојот човек” Аеродром со преполни контејнери и испразнет буџет

Левица – Аеродром преку соопштение обвини дека новиот правилник на Државна изборна комисија неправедно го оптоварува буџетот на Општина Аеродром, додека граѓаните се соочуваат со лоша јавна хигиена и комунален хаос.

— реклама —

Од партијата тврдат дека со новиот правилник, донесен со поддршка од мнозинството на ВМРО-ДПМНЕ, скопските општини ќе треба самостојно да ги покријат трошоците за дневници на изборните комисии за локалните избори, наместо тие да се делат со Град Скопје.

Според Левица, ова ќе значи дополнителен товар од над 16 милиони денари, односно околу 260.000 евра за Општина Аеродром.

— реклама —

Од партијата прашуваат зошто општина која, како што велат, се соочува со преполни контејнери, неисчистени јавни површини и запуштена урбана опрема, треба сама да ги покрива овие трошоци.

— реклама —

Во соопштението се споменува и Орце Ѓорѓиевски, за кого тврдат дека е фаворизиран во распределбата на обврските поврзани со изборниот процес.

„Додека Аеродром презема трошоци што треба да бидат поделени со Град Скопје, граѓаните се соочуваат со запуштена јавна хигиена, неискосена трева и искршена урбана опрема“, наведуваат од Левица – Аеродром.

— реклама —

Од партијата оценуваат дека станува збор за партизација на институциите и неправедна распределба на јавните средства, поради што бараат итно преиспитување на правилникот и пофер распределба на трошоците за локалните избори.