Левица: Зошто државниот обвинител Савески не ги користи своите овластувања за случајот „Мазут"

Од Левица преку соопштение побараа државниот јавен обвинител Савески да ги искористи законските овластувања во врска со предметот „Мазут“, откако ОЈО ГОКК ја запре истрагата.

— реклама —

Од партијата тврдат дека Законот за јавно обвинителство му овозможува на државниот обвинител да побара увид во предметот, да наложи нови вештачења и прибирање докази, но оценуваат дека досега не покажал волја за таков чекор.

— реклама —

— реклама —

Во соопштението се наведува дека пасивноста на обвинителот отвора сомнежи за политичко влијание, а се споменува и предметот „Талир“, за кој според Левица биле преземени брзи кадровски и процесни потези.

— реклама —

Од Левица прашуваат дали постојат политички насоки за непостапување во случајот и повикуваат Савески да отвори институционална проверка за начинот на кој е затворена истрагата за предметот „Мазут“, за кој тврдат дека државата била оштетена за 169 милиони евра.