Македонското здравство на дното во Европа, се наоѓаме меѓу најлошо рангираните

Македонија се наоѓа меѓу послабо рангираните европски држави според перцепцијата на граѓаните за квалитетот на здравствениот систем, покажува „Numbeo Health Care Index 2026“.

— реклама —

Според објавената ранг-листа, Македонија има индекс од околу 55 поени и е сместена во долниот дел од европската табела, заедно со држави како Босна и Херцеговина, Украина и Романија.

На листата, како земји со најдобар здравствен систем според перцепцијата на граѓаните, се рангирани Тајван, Јужна Кореја и Холандија, додека меѓу најлошо оценетите се Сирија, Венецуела и Бангладеш.

— реклама —

Во регионот, Македонија е подобро рангирана од Србија и Албанија, но зад Хрватска, Словенија и Грција.

— реклама —

Индексот на Numbeo е базиран на анкети и перцепции на граѓани, а ги мери:

* квалитетот на медицинскиот кадар,
* здравствената инфраструктура,
* брзината на услугите,
* трошоците за лекување,
* достапноста и довербата во системот.

Според анализата, најслабо оценети сегменти во македонското здравство се долгото чекање за услуги, ефикасноста на институциите и современата медицинска опрема.