Мерц: НАТО служи за одбрана, не за напади

Германскиот канцелар, Фридрих Мерц, денес потврди дека Германија нема да се вклучи во војната на САД и Израел против Иран. Како клучни причини го наведе отсуството на потребен мандат и фактот дека сојузниците не ја консултирале Германија пред почетокот на конфликтот.

— реклама —

— реклама —

На прес-конференција во Берлин, Мерц појасни дека одлуката е заснована на германскиот устав. „Според нашиот Темелен закон, потребен е мандат од Обединетите нации, Европската унија или НАТО, а ние го немаме. Затоа од самиот почеток беше јасно дека ова не е задача за НАТО. НАТО служи за одбрана, не за напади“, рече тој.

— реклама —

— реклама —

Мерц нагласи дека Германија не била вклучена во одлуките што претходеле на конфликтот. „САД и Израел не не консултираа пред оваа војна. Никогаш не беше донесена заедничка одлука дали воопшто треба да се дејствува против Иран. Затоа прашањето за германски воен ангажман воопшто не се поставува“, заклучи канцеларот.