Мерц: Подготвени сме за Трамповиот одбор за мир поради Газа, но не во сегашна форма

Германскиот канцелар Фридрих Мерц денеска изјави дека би бил подготвен да се приклучи на одборот за мир на американскиот претседател Доналд Трамп поради ситуацијата во Газа, но дека не може да го прифати планот во неговата сегашна форма.

— реклама —

— реклама —

„Во форма во која е поставен сегашниот одбор за мир, не можеме од уставни причини да ги прифатиме неговите управувачки структури“, рече Мерц на заедничка прес-конференција со италијанската премиерка Џорџија Мелони во Рим.

— реклама —

— реклама —

Тој додаде дека Германија е отворена за истражување други, нови форми на соработка со САД, со цел да се најдат формати кои ќе придонесат за мир во различни региони на светот. Мерц истакна дека овие формати не треба да се ограничуваат само на Газa и Блискиот исток, туку можат да се применат и на Украина.