Мицкоски демантира дека бил незадоволен по средбата со Фон дер Лајен: „Имавме исклучително квалитетен состанок“

Премиерот Христијан Мицкоски ги отфрли тврдењата дека по средбата со претседателката на Европската комисија, Урсула фон дер Лајен, изразил незадоволство од разговорот и од она што било постигнато.

— реклама —

Мицкоски рече дека таквите информации ги слушнал од опозицијата и од, како што ги опиша, одредени медиуми блиски до опозицијата, обвинувајќи ги дека ја искривуваат вистината.

— реклама —

Тој посочи дека средбата со Фон дер Лајен ја оценил како исклучително квалитетна, содржајна и пријателска, а нејзината посветеност кон европската перспектива, според него, претставува дополнителен мотив за продолжување на реформскиот процес.

„Јас, напротив, кажав дека имавме исклучително квалитетен, содржаен, пријателски состанок и дека сето она што во иднина претставува посветеност, лична посветеност на Европската Унија, нè мотивира да продолжиме по патот на реформите. И така и ќе продолжиме во периодот што следи“, рече Мицкоски.

— реклама —

Тој посочи дека Фон дер Лајен, како што рече, досега не дала таква оценка за работата на Владата, нагласувајќи го нејзиното признание дека Владата прави „инспиративна“ работа во делот на реформите и евроинтегративниот процес.

Мицкоски очекува во периодот што следи да се интензивира процесот и да се најде решение за актуелната ситуација во која се наоѓа државата.