Мицкоски: До ЕУ доставивме документ со целосно исполнети реформски обврски

Премиерот Христијан Мицкоски соопшти дека на 15 јули до Европската Унија бил доставен документ со целосно исполнети и означени реформски обврски, оценувајќи дека со тоа уште еднаш е потврдена посветеноста на државата кон европската агенда.

— реклама —

Според Мицкоски, Владата реформскиот процес го спроведува одговорно, транспарентно и со јасна определба за исполнување на преземените обврски.

— реклама —

Тој изрази уверување дека Македонија ќе биде меѓу најуспешните во динамиката на реализација на реформите, и покрај, како што наведе, обидите процесот да биде забавен преку блокирањето на Изборниот законик.

— реклама —

Мицкоски порача дека реформите ќе продолжат бидејќи, според него, тие се во интерес на државата, институциите и граѓаните.

Воедно, најави дека попладнево ќе присуствува на одбележувањето на роденденот на Општинскиот комитет на ВМРО-ДПМНЕ во Битола, а вечерта ќе биде дел од Пиво Фест во Прилеп, каде што, како што рече, ќе има можност да се сретне и да разговара со голем број граѓани.