Мицкоски: Прва европска држава сме со вакво ниво на дијалог со САД

Македонија и САД ја продлабочуваат меѓусебната соработка преку стратешки дијалог на високо ниво, при што се отвораат нови можности во повеќе клучни области, како енергетиката, безбедноста и дигиталната трансформација, изјави премиерот Мицкоски.

— реклама —

Тој нагласи дека Македонија учествува на исклучително високо ниво во процесот, посочувајќи дека станува збор за прв ваков дијалог за една европска земја.

— реклама —

„Се отворија многу теми – одбрана, дигитална трансформација, безбедност и енергетика. Министерството за надворешни работи на САД ја потенцираше улогата на нашата држава, нагласувајќи дека станува збор за рамноправни партнери“, изјави Мицкоски.

— реклама —

Премиерот информираше дека е усогласена и заедничка изјава за царински тарифи, како и дека се потврдени нови инвестиции кои се очекува да следат во наредниот период.

— реклама —

Според него, со ова Македонија прави значаен исчекор во билатералните односи со САД, кои, како што посочи, остануваат стратешки партнер на земјата во регионот.