Министерот Клековски ги претстави здравствените приоритети на Македонија пред меѓународни претставници

Министерот за здравство Сашо Клековски оствари повеќе средби со меѓународни здравствени претставници на маргините на 76. седница на Регионалниот комитет на Светската здравствена организација (СЗО) за Европа.

— реклама —

На средбата со чешкиот министер за здравство Адам Војтјех биле разгледани можностите за билатерална соработка и размена на искуства. Клековски се заблагодарил за поддршката од Чешка по трагедијата во Кочани и ги претставил здравствените приоритети на Македонија.

— реклама —

Тој разговарал и со Флоренс Бауер, регионална директорка на Фондот на ОН за население (УНФПА) за Источна Европа и Централна Азија, за демографските предизвици во регионот. Остварил средба и со Евис Сала, поранешна министерка за здравство и социјална заштита на Албанија.

— реклама —

Во рамките на посетата, Клековски се сретнал и со двајца кандидати за генерален директор на СЗО – д-р Ханс Клуге, регионален директор на СЗО за Европа, и д-р Ханан Ал-Кувари, поранешна министерка за јавно здравје на Катар.

На средбите, министерот ги претставил приоритетите на Македонија и ја нагласил потребата од силна поддршка од СЗО за земјите во европскиот регион. На разговорите присуствувал и амбасадорот на Македонија во Данска, Фадил Зендели.