Муцунски и шпанскиот државен секретар за ЕУ разговараа за проширувањето на Европската Унија

Министерот за надворешни работи и надворешна трговија Тимчо Муцунски денеска се сретна со шпанскиот државен секретар за Европската Унија, Фернандо Маријано Сампедро Маркос, при што разговараа за европската интеграција на Македонија и за актуелните случувања во процесот на проширување на ЕУ.

— реклама —

На средбата Муцунски изрази благодарност за континуираната поддршка што Шпанија ѝ ја дава на европската перспектива на Македонија, како и за нејзината заложба проширувањето да остане меѓу стратешките приоритети на Европската Унија.

— реклама —

Тој ја истакна важноста од интензивна соработка и координација со Шпанија во претстојните разговори за иднината на политиката на проширување.

„Процесот на пристапување мора да биде кредибилен, предвидлив, еднаков за сите и заснован на заслуги, со јасна цел – полноправно членство во Европската Унија, паралелно со постепена интеграција“, нагласи Муцунски.

— реклама —

Министерот го информираше својот соговорник и за спроведувањето на Реформската агенда, истакнувајќи ја посветеноста на Владата на исполнување на европските стандарди и вредности.

Двајцата соговорници ја потврдија подготвеноста за понатамошно продлабочување на билатералната соработка и ја нагласија потребата од зачувување на кредибилитетот на политиката на проширување, како и од забрзување на пристапниот процес на Македонија кон Европската Унија.