Надминат проблемот со донацијата, наскоро факторот 8 ќе биде достапен за пациентите со хемофилија

Надминати се административните и бирократските пречки поради кои со месеци беше заглавена донацијата наменета за Институтот за трансфузиона медицина, информира Сашо Клековски.

— реклама —

Станува збор за 1,2 милиони единици фактор 8 за лекување на хемофилија, чија вредност е околу 500.000 долари.

— реклама —

„Го разрешивме проблемот со донацијата за Институтот за трансфузиона медицина – 1,2 милиони единици фактор 8 за хемофилија. Вредноста на донацијата е околу 500.000 долари“, изјави Клековски.

Тој посочи дека донацијата повеќе месеци била блокирана поради административни процедури, но со ангажман на здружението и Институтот за трансфузиона медицина, во координација со Маумет Институтот за јавно здравје, биле надминати пречките.

— реклама —

Според Клековски, лекот оваа недела веќе бил ставен на располагање на Институтот, а наскоро ќе биде достапен и за пациентите.

„Оваа донација значително ќе ја подобри состојбата на засегнатата група пациенти со хемофилија“, нагласи Клековски, заблагодарувајќи им се на Институтот и здружението за нивната упорност во надминувањето на проблемот.