Премиерот Христијан Мицкоски ги отфрли критиките дека новиот Закон за високо образование поставува престроги критериуми, оценувајќи дека суштинскиот проблем не е во барањата, туку во квалитетот на образовниот систем. Тој посочи дека слабите резултати на универзитетите се доказ за состојбата во високото образование и потребата од реформи.
Професорката Мирјана Најчевска остро реагираше на изјавите на премиерот, оценувајќи дека не станува збор за отпор кон построги критериуми, туку против, како што вели, „бесмислени решенија“ кои ја нарушуваат суштината на високото образование. Во објава на социјалните мрежи, таа упати сериозни критики кон состојбите во образованието и институциите, обвинувајќи дека се создава простор за продлабочување на корупцијата и напредување на несоодветни кадри.
„Ништо не си разбрал.
Никој не се буни против построги критериуми туку против бесмислени критериуми кои ја замаглуваат сликата и овозможуваат и такви како тебе да станат професори.
ДПМНЕ го уништи високото образование и немуштите кадри без трунка знаење и интелектуален капацитет сега продолжуваат да создаваат хаос кој ќе обезбеди опстојување на корупцијата и напредување на најнесоодветните кадри.
Кога ќе го уништиш правосудниот систем и ќе го уништиш образованието создаваш најпогодна почва за освојување на просторот од страна на луѓе кои немаат ниту интелектуални предизпозиции ниту пак елементарно знаење - ДПМНовци“, напиша Најчевска.
