Најмалку шест лица загинале, а неколку се повредени во израелски воздушен напад врз полициски контролен пункт во кампот Бурејџ, во централниот дел на Појасот Газа, соопштија медицински извори.
Нападот се случил рано утрината, а засега не е познато дали сите жртви биле припадници на полициските сили.
Израелската војска засега не излезе со официјален коментар за инцидентот.
Според податоци на медицински служби и полициски извори, од октомври минатата година во израелските напади загинале десетици припадници на полициските сили под контрола на Хамас.
И покрај договорот постигнат во јануари со посредство на Соединетите Американски Држави, кој требаше да доведе до намалување на насилството, ситуацијата на теренот останува тензична.
Двете страни меѓусебно се обвинуваат за прекршување на договорот, додека бројот на жртви продолжува да расте.
Од постигнувањето на договорот досега, во израелските напади се убиени најмалку 700 Палестинци, додека милитантите во истиот период усмртиле четворица израелски војници.
