Најнови вести

7 год.

БЕСА: Остануваме силно посветени на усвојување на уставните измени и членството на земјата во НАТО

„Сега, кога е актуелна улогата на пратениците за очекуваните уставни измени, а двајца пратеници, дојдени некогаш од една друга партија во Движењето БЕСА му се спротивставуваат на овој процес, бараме од медиумите да имаат разбирање за овие разлики и секогаш кога треба да информираат за ставот ПРОТИВ на тие пратеници, да ги споменуваат преку нивните лични имиња или преку фракцијата која ја претставуваат.Притоа, ние уште еднаш потврдуваме дека Движењето БЕСА со своите три пратеници останува силно посветена на усвојување на уставните измени и членството на земјата во НАТО, убедена дека на тој начин се реализира и еден дел од нашата програма, но и еден висок интерес на Албанците во Македонија, кој воедно е и стратешка цел на државата“, се вели во соопштението.

Македонија | пред 7 години

7 год.

49385902_983580905185258_8481582776259182592_n

Протест во Тетово: Стоп за уништување на Попова Шапка

Во сабота (12 Јануари 2019) со почеток во 11:00 часот, ќе се одржи протест кај Жичарата Тетово – Попова Шапка против уништувањето на овој туристички центар.„Туризмот што го имаат Струга и Охрид за три месеци, Тетово требаше да го има за дванаесет месеци!Да се мобилизираме што повеќе, за да ја изразиме нашата подготвеност да побараме одговорност од Владата, за да ги преземе потребните чекори кон трајното решавање на проблемите на Попова Шапка.Да ја спасиме Попова Шапка“, стои во повикот за протест.

Македонија | пред 7 години

7 год.

Нови вакцини со истечен рок, ќе има санкции за увозникот

Нови вакцини со декларации со истечен рок се најдени при инспекцискиот надзор на терен во вакциналните пунктови, еден ден пред посетата на претставници од белгискиот производител „Глаксо Смит Клајн“ од Белград, пишува Независен.Директорот на Агенцијата за лекови и медицински средства МАЛМЕД, Ќахил Ибраими, не открива за колку вакцини МРП со погрешно аплицирани декларации станува збор и во кои здравствени домови и градови.„Треба точно да се утврди на колку вакцини им биле аплицирани декларации со истечен рок. Планираме денеска да ги имаме резултатите од контролата и да ги обелодениме. Се проверуваат и вакциналните пунктови. Тоа што е направено со декларациите е техничка грешка. Ќе има санкции за компанијата увозник по ваквиот пропуст, тоа во моментов го разгледуваме“, објаснува Ибраими за „Независен весник“.  

Македонија | пред 7 години

7 год.

IMG-6ddcd6a4ca576df51178a4b7cdce7481-V-01

Спомен обележје во Радовиш за загинатите полициски службеници

„Во темелите на државите се вградени и живототите на хероите, кои со своите дела се пример за сите нас. И Република Македонија е создадена и постои благодарение на безрезервната жртва дадена од многу нејзини херои, наши браќа, синови, татковци“, рече министерот Оливер Спасовски денеска во Радовиш, каде пред Полициската станица беше откриен споменик за загинатите полициски службеници од овој град.„Ова што го имаме им го должиме на нашите херои кои со своето највеличествено дело и залог, сопствениот живот, оставија вечна трага и свое место во историјата, но и во иднината на генерациите што доаѓаат. И затоа денеска, кога овде во Радовиш ги споменуваме имињата на Ерол Готак, Сашо Соколов и Коце Крстев, свесни сме за долгот што ни е оставен, за благородната, човечка и доблесна обврска да водиме грижа и да не заборавиме - никогаш, за нив и за нивната жртва“, рече Спасовски.Наша должност пред нив е, рече Спасовски, да го чуваме и да го пренесуваме сето она што тие го оставија зад себе како наследство.Градоначалникот на Радовиш Герасим Конзулов во своето обраќање потенцира дека градот Радовиш секогаш ќе им оддава почит на хероите за нивната храброст, тројцата млади луѓе кои животот го дадоа служејќи и на својата татковина.

Македонија | пред 7 години

7 год.

Нема фотографија

Седницата во Собрание презакажана во 15 часот, Мицкоски ги повика пратениците на седница на ИК

Во Собранието денеска продолжува 75-тата седница за уставните амандмани, и истата најверојатно ќе започне во 15 часот.Премиерот Зоран Заев вчера на прес-конференција изјави дека се уште се во преговари со партијата Беса на Биљал Касами, која има два пратеника во Собранието, околу нивните барања за уставните измени, со фокус на начинот на кој ќе се дефинира државјанството и за заштитата на дијаспората, но засега нема официјални информации за текот на преговорите.Исто така лидерот на ВМРО-ДПМНЕ, Христијан Мицкоски ги повика сите пратеници на седница на Извршниот комитет на партијата и состанок со пратеничката група.Пред Собранието за денеска е најавен нов протест против промена на името во организација на здруженијата „Tврдокорни” и „Македонија блокира“ на кои им се приклучи и опозициската ВМРО-ДПМНЕ.  

Македонија | пред 7 години

7 год.

Мицкоски свика седница на Извршниот комитет

Денес во седиштето на ВМРО-ДПМНЕ, Христијан Мицкоски свика седница на Извршниот комитет на партијата и состанок со пратеничката група.Исто така во текот на денот ќе се одржуваат состаноци на кои ќе се разговара за состојбата поврзана со уставните измени. 

Македонија | пред 7 години

7 год.

Бездомник искршил излог на Малта бидејќи сакал да го вратат назад во Србија

Бездомник од Србија искршил стаклена врата од продавница на Малта.Миодраг Петровиќ (20) е уапсен под обвинение дека ноќта на 8 јануари оштетил лизгачка врата, со што направил штета од 472 евра.Обвинителот во судот изјавил дека во моментот кога Миодраг бил уапсен изјавил дека пиел пиво, но не бил пијан.„Тој то направил тоа со цел да биде вратен во неговата земја. Бил бездомник и живеел на улица. Сака да се врати во Србија“, изјавил обвинителот.Адвокатката која му е доделена по службена должност вели дека и е жал за клиентот бидејќи е во тешка ситуација без роднини или пријатели.Според судот тоа не е оправдување, но сепак во носењето на пресудата влијание имало и тоа што тој ја признал вината.Петровиќ е прогласен за виновен и осуден е на 18 месеци условна казна затвор, а исто така мора да плати 472 евра за штетата во рок од 6 месеци.Според информациите Миодраг ќе биде вратен во Србија во најкраток можен рок

Свет | пред 7 години

7 год.

Град Скопје: Коловозите се целосно чисти, се дорасчистуваат тротоарите и велосипедските патеки

Екипите на зимската служба на Град Скопје продолжуваат со интензивните активности за расчистување на снегот по обилните врнежи.„Коловозите на булеварите и магистралните улици кои се во надлежност на Град Скопје се целосно расчистени, а на терен интензивно се работи на чистење на тротоарите и велосипедските патеки од наталожениот снег за да им се овозможи полесно движење на граѓаните.Во текот на изминатава вечер повторно се поминати сите булевари и улици што се во надлежност на Градот Скопје, а дополнително со сол се поминати и т.н. „критични точки“, пришто беа фрлени 432 тони сол.И изминатово деноноќие екипите на јавното претпријатие „Комунална хигиена“ работеа на чистење на јавните површини и тротоарите. Снегот го чистеа 60 вработени рачно и со механизација - мултикултиватори, трактори со специјални четки и ножеви за снег, трактори со плуг и патарки за расфрлање на сол.Екипите на ЈП „Паркови и зеленило“ со два камиона, четири машини и останата потребна механизација вршеа расчистување на патеките од снег во зелените површини, тротоарите и парковите за олеснето движење на граѓаните.Зимската служба на Градот Скопје будно ја следи состојбата на терен и ќе интервенира според потребите.Градот Скопје им препорачува на возачите да возат внимателно и да се придржуваат на условите на коловозите, истите да не паркираат на улиците и булеварите, и да овозможат непрекинато движење на возилата на зимската служба. Потсетуваме дека во надлежност на Град Скопје се булеварите и одредени градски улици, а преостанатите улици се во надлежност на општините и тие се задолжени за нивно чистење и одржување.Апелираме до граѓаните, куќните совети и сопствениците на деловните објекти да се придржуваат до законската обврска за чистење на снегот од приодите до нивните објекти.JП „Комунала хигиена“ апелира општините да ја реализираат нивната обврска за чистење на улиците кои се во надлежност на општините и апелира за поголема ажурност во оваа област, со цел непрекинато собирање на комуналниот смет“, велат од Град Скопје. 

Скопје | пред 7 години

7 год.

МТСП: Бездомниците се згрижуваат во прифатни центри, дежурните тимови на социјалните центри на терен

Поради екстремно ниските температури Министерството за труд и социјална политика апелира до граѓаните доколку забележат бездомно лице да го пријават на дежурните телефонски броеви за да биде сместено во некои од прифатните пунктови коишто се во функција од почетокот на зимскиот период.Пријавувањето може да се прави на следните телефонски броеви: Скопје: 071 733 171, 071 411 908, 071 261 778; Битола: 070 791 770; 071/397-272; 071/397-875; Струмица: 070 381 660; Струга: 070 317 612 / 046 781 733. По пријавата на овие телефонски броеви мобилните тимови од Центрите за социјална работа и на Црвениот крст излегуваат на терен и ги згрижуваат бездомниците во неколку пунктови во Скопје и низ Македонија каде што добиваат чиста облека, топол оброк, греење и лекарска помош. На лицата коишто одбиваат да се сместат во некој од пунктовите им се дистрибуира вреќа за спиење, ќебе, облека, храна.МТСП во соработка со Црвен крст во Скопје од пред еден месец го стави во функција интервентниот центар за бездомници „Момин поток“ каде што има 32 легла. Во периодот од 16.12.2018 до 09.01.2019 година реализирани беа 226 преспивања.Покрај овој интервентен центар во функција се уште три регионални прифатни центри во Битола, Струмица и Струга. Исто така, МТСП ги задолжи сите Центри за социјални работи низ Македонија на своите веб страници да објават дежурни телефонски броеви за пријавување на бездомниците и другите семејства без соодветни услови за живеење.За лицата и за семејствата кои од најразлични причини се доведени во состојба да немаат дом, како една од формите за вонинституционална социјална заштита на бездомни лица, воспоставен е Центар за бездомни лица Чичино село кој функционира согласно Законот за социјална заштита.Со цел да ги заштити од ниските температури семејствата со деца коишто живет во импровизирани живеалишта под Кале, Министерството за труд и социјална политика уште во текот на ноември минатата година обезбеди сместување за дел од нив. Околу 15 семејства се преселија во привремената монтажна населба во Визбегово, а дел 85 лица, од кои 49 се деца се сместени во во установата „Ранка Милановиќ“.Вакви активности беа преземени и во текот на зимата 2017/2018, кога околу 120 лица без сместени во објекти на установа за социјална заштита, со тоа што истите беа вклучени во пилот Програма за поддржано живеење.

Македонија | пред 7 години

7 год.

Без струја дел од општина Гази Баба

Од „ЕВН Македонија“ АД известуваат дека на ден 11.01.2019 година, поради планирани зафати на електро дистрибутивната мрежа денес , без напојување со електрична енергија ќе останат од 12:00 до 15:00 часот, корисниците од нас.Сингелиќ - ул.Фуштанска од бр.37 до 39, 41, 53, 55, 57 и 59 (опш.Гази Баба - Скопје).

Скопје | пред 7 години

7 год.

Нема фотографија

Единствена Македонија: Измеќарот Заев опиен од власт и профит не може да разбере што значи сплотеност за национален интерес

„Откако дојде до сплотеност и единство во одбрана на името и од ВМРО-ДПМНЕ и Коалицијата „За подобра Македонија“, и од Единствена Македонија и големиот број организации кои членуваат во „Македонија-Блокира“ и воопшто од сите сите национални и патриотски сили во земјата и дијаспората, странскиот измеќар Зоран Заев е во паника и затоа секојдневно по налог на своите странски газди плука против сплотениот македонски народ кој се бори да го спречи Заев да избрише се што е македонско.Борбата за одбрана на светото македонско име, идентитетот, историјата и традицијата на македонскиот народ не е битка за поединци, лидери или за власт, ова е битка за опстанок на цел еден народ, ова е битка за Македонија и Македонците, а после на избори секој нека оди со своите определби оти простата вистина вели дека доколку се сруши државата сите ќе не затрупа во неа!За жал на македонскиот народ, измеќарот Зоран Заев опиен од својата поданичка улога спрема своите странски газди и болните амбиции за власт и ненормално трупење на профит од позиција на власт не може да разбере што значи национален и државен интерес на Република Македонија“, се вели во соопштението на Единствена Македонија.

Македонија | пред 7 години

7 год.

48960127_2164643993787910_1272792542894620672_n

„Самсон и Далила“ во Македонската опера и балет

Во вторник, 15 јануари, 2019 г. со почеток во 20 часот, во Македонската опера и балет ќе биде изведена балетската претстава „Самсон и Далила“, на музика на Камиј Сен-Санс.„Самсон и Далила“ е во кореографија на Роналд Савковиќ (Хрватска), додека во насловните улоги ќе настапат: Александра Мијалкова и Васил Чичијашвили (Грузија). Во улогата на Крв: Саша Ефтимова, Месо: Ендру Кук (Англија), Церемонијал мајстор: Мирослав Митрашиновиќ и Смрт: Олга Панго„Самсон и Далила“ обработува библиска приказна за вечната борба помеѓу доброто и злото.

Магазин | пред 7 години

7 год.

СДСМ: Мицкоски и Бачев работат против државните интереси, Македонија ќе биде членка на НАТО и ЕУ

Откако се сведе на портпарол на Јанко Бачев, антизападниот пион Христијан Мицкоски, јавно призна дека ќе стори се Македонија да не влезе во ЕУ и НАТО, велат од СДСМ.„Занесени во спроведувањето на антизападните и антидржавни наредби од нивниот шеф, кукавицата-бегалец Никола Груевски, Мицкоски и Бачев заборавија колку граѓаните и Македонија се поголеми од нив.Граѓаните се поголеми од нивната омраза, од нивната желба за поделби, од нивните црнила.Македонија е поголема од антизападните маргиналци Мицкоски, Бачев и раководството на ВМРО-ДПМНЕ. Тоа Никола Груевски многу добро го знае.Граѓаните ги поразија деструктивните политики на Мицкоски и Груевски, го поразија режимот. Граѓаните не сакаат да се вратат во темното минато туку одбраа светла иднина во ЕУ и НАТО.Македонија и граѓаните нема да дозволат да бидат блокирани, заглавени. Македонија ќе биде членка на ЕУ и НАТО колку и тоа да не му се допаѓа на портпаролот Мицкоски“, се вели во соопштението.

Македонија | пред 7 години

7 год.

ВМРО-ДПМНЕ: Народот кажа дека не прифаќа промена на името и тоа секој политичар треба да го почитува

Зоран Заев оди спротивно на волјата на народот која беше јасно изразена на 30 септември. Народот јасно кажа дека не прифаќа промена на името и тоа секој политичар треба да го почитува, велат од опозициската ВМРО-ДПМНЕ.„Зоран Заев се што прави вклучително и насилната промена на името е со цел задржување на власт и пљачкосување на државата преку криминални тендери.Државниот апарат 2 години е нефункционален, наместо реформи и проекти, власта се насочи кон распродажба на државните и национални интереси.Образованието е во хаос, здравството на колена, земјоделието во очај. Буквално црнила на секое поле.Црнилата кои ги донесоа во секојдневието не можат да ги избришат со распродажбата на името.Зоран Заев е човекот кој ќе остане запаметен како политичарот кој ја продал Македонија.Зоран Заев не работи за граѓаните и државата, туку за своите лични и бизнис интереси. Зоран Заев и СДСМ мора да си заминат. Црнилата не смеат да бидат наше секојдневие. Зората мора да изгрее за Македонија“, се наведува во соопштението.

Македонија | пред 7 години

7 год.

Празникот Богојавление неработен за граѓаните од православна вероисповед

Министерството за труд и социјална политика соопштува дека согласно со Законот за празниците на Република Макединја („Службен весник на РМ„ бр.21/98 и 18/07), 19 јануари 2019 година (сабота), Богојавление (Водици), е неработен ден за граѓаните од православната вероисповед во Република Македонија.Истовремено, Министерството за труд и социјална политика им го честита празникот Богојавление (Водици) на граѓаните од православната вероисповед.

Македонија | пред 7 години

7 год.

Нема фотографија

Уапсен Косовар кој се барал со меѓународна потерница

На 10.01.1019 година во 15.10 часот на Граничен премин Долно Блаце од слобода бил лишен А.С.(26) од Косово врз основа на меѓународна потерница.Во 17.45 часот лицето е предадено на полициски службеници од Секторот за меѓународна полициска соработка за понатамошна постапка.

Македонија | пред 7 години

7 год.

Нема фотографија

Во изминатиот ден се случиле шест сообраќајки во Скопје, едно лице со тешки телесни повреди

Во текот на изминатиот ден (10.01.2019 година) на подрачјето на Секторот за внатрешни работи Скопје се случиле вкупно шест сообраќајни незгоди од кои една сообраќајна незгода со тешки телесни повреди и пет со материјална штета.Во сообраќајните незгоди едно лице се здобило со тешки телесни повреди. Од преземените мерки и активности констатирано е дека тројца возачи управувале возила со брзина поголема од дозволената. Од сообраќај се исклучени пет возачи од кои: еден возач затоа што управувал возило под дејство на алкохол, двајца возачи управувале возила без да се стекнат со право за управување на моторно возило и двајца возачи затоа што биле возачи-почетници.Исто така исклучени од сообраќај се и четири возила бидејќи биле нерегистрирани. Санкциониран е еден возач поради неносење сигурносен појас за време на управување на моторно возило и еден возач поради користење на мобилен телефон при управување на возило. Во текот на изминатиот ден издадени се 51 мандатни платни налози и 52 возила се подигнати со специјално возило "пајак".

Скопје | пред 7 години

7 год.

Автомобил удри пешак во Битола

На 10.01.2019 година околу 07.30 часот на крстосница од улиците ,,Арон Ароести “ и ,,Минела Бабуковски“ во Битола се случила сообраќајна незгода во која патничко возило ,,Мицубиши“ со битолски регистарски ознаки, управувано од Љ.С.(36) од Крушево удрило во пешакот Х.Н (58) од Битола.Од ударот Х.Н. се здобила со тешки телесни повреди и била пренесена во Клиничката болница Битола, кадe и била укажана лекарска помош.Увид на местото на настанот извршила увидна екипа од СВР Битола.

Македонија | пред 7 години

7 год.

Нема фотографија

Сообраќајка во Скопје, едно лице пренесено на Ургентен

На 10.01.2019 годинa во 18.45 часот на улица „Бутелска“ во Скопје се случила сообраќајна незгода помеѓу патничко возило „Фолксваген Туарег“ со скопски регистарски ознаки, управувано од С.П.М.(38) од Скопје и патничко возило „Рено 9“ со скопски регистарски ознаки, управувано од М.П.(18) од Скопје.Во незгодата со тешки телесни повреди се здобила И.П.(48), сопатничка во возилото „Рено“. Таа била пренесена во Ургентен центар при комплексот клиники „Мајка Тереза“ - Скопје каде и била укажана лекарска помош.Увид на местото на настанот извршила увидна екипа на СВР Скопје.

Скопје | пред 7 години

7 год.

Судот го одобри обвинението за случајот „Талир“

Во целост е одобрено обвинението за случајот „Талир“ од Советот за оценка на обвинителен акт при Одделението за гонење организиран криминал и корупција при скопскиот Кривичен суд.-Советот за оценка на обвинителен акт при Одделението за гонење организиран криминал и корупција при Основниот суд Скопје 1, постапувајќи по оценка на обвинителен акт на Јавното обвинителство за гонење кривични дела поврзани и кои произлегуваат од незаконското следење на комуникациите во предметот од обвинителството означен како „Талир“ за незаконско финансирање на правно лице – политичка партија, по одржана јавна седница во присуство на странките, донесе решение со кое обвинителниот акт го одобри во целост, соопшти Кривичниот суд.По формирање на кривичен предмет по оценетиот обвинителен акт, истиот согласно АКМИС системот ќе биде распределен на судија за понатамошно постапување, а по закажана главна расправа, како што велат од Судот, странките и јавноста ќе бидат благовремено известени.-Што се однесува до вториот обвинителен акт за истиот предмет што се однесува на незаконска изградба, истиот веќе е распределен кај судија за оценка на обвинителен акт и по донесено решение, Судот навремено ќе ја информира јавноста, се наведува во соопштението.Во случајот „Талир“ за незаконското финансирање на политичката партија ВМРО-ДПМНЕ обвинети се Никола Груевски, Кирил Божиновски, Миле Јанакиевски, Илија Димовски, Леко Ристоски и Елизабета Чингаровска.

пред 7 години