Најнови вести

7 год.

Апел за помош од Маја Рековиќ!

Барајќи ДОНОР за да се ја победам леукемијата, сретнав луѓе, кои безусловно и несебично дојдоа да помогнат. Никогаш не помислив дека на ваков начин ќе барам помош..ама вашите 5ml крв (не е важна крвна група) од 18-59 години, можат да ми го спасат животот. Доколку можете да се организирате и да дојдете до Скопје, Институт за имунобиологија и хумана генетика (Државна болница) ќе ми дадете надеж дека ова сонце и мене ќе ме грее уште долго. ЛУЃЕ, МИ ТРЕБАТЕ! ДА ДООБЈАСНАМ… на Институтот се пријавувате дека сакате да станете донор… доколку сте соодветни, јас ќе знам…Стои во фејсбук статусот на оваа млада мајка!Барајќи ДОНОР за да се ја победам леукемијата, сретнав луѓе,кои безусловно и несебично дојдоа да помогнат..никогаш не…

Македонија | пред 7 години

7 год.

Тодевска: Дали ќе бидеме ФИРОМ или Северна Македонија воопшто не е важно, најважно е да бидеме забележани

-Дали ќе бидеме ФИРОМ или Северна Македонија воопшто не е важно, ние ќе бидеме Македонци таму и не е важно кое име ќе го носиме, мене ми е важно да бидеме забележани и да се зборува за нас – вели ТамараТодевска, годнешниот претставник за песна на Евровизија за Н1 телевизија.Инаку Македонија ќе настапи во второто полуфинале на Евровизија 2019 во Тел Авив. , Во тек се подготовките со повеќе автори за песните кои ќе бидат во конкуренција за претставничката композиција. Краен рок за предавање на нумерата со која ќе настапи Тамара Тодевска е 11-ти мај, но од МРТ најавуваат дека песната и спотот ќе бидат готови и промовирани во втората половина на февруари.

Магазин | пред 7 години

7 год.

Земјотрес од 5,2 степена според Рихтер во Западна Грција

Земјотрес со интензитет од 5,2 степена според Рихтерова скала е регистриран рано изутринава во близина на градот Превеза во Западна Грција. Епицентарот на земјотресот се наоѓал во Јонското Море, 14 километри северозападно од Превеза.Земјотресот се случи во 4:26 часот по локално време.Засега нема информација за евентуални жртви или причинета материјална штета.Инаку вчера во Грција имаше земјотрес во близината на островот Закинтос.

Свет | пред 7 години

7 год.

Ѓоковиќ отвора ресторан за бездомници: Заработив доволно за да ја хранам цела Србија

Најдобриот српски тенисер во историјата уште еднаш покажа дека е многу повеќе од врвен спортист. Новак Ѓоковиќ планира да отвори ресторан за бездомници, се вели во изјавата објавена од неговата служба за печатот испратена до британските медиуми.„Парите не ми се проблем, заработив доволно за да ја нахранам целата Србија. Мислам дека тие заслужуваат вакво нешто, затоа што ме поддржуваа цело време“, се вели во соопштението.Засега не е познато каде ќе се наоѓа ресторанот, ниту како ќе функционира, но локацијата, најверојатно, ќе биде во Србија.Инаку, Ѓоковиќ веќе има два ресторана, еден во Белград, а другиот во Монте Карло, и во неколку наврати изјави дека сака да се занимава со угостителството и да готви, пишува Noizz.Тенисер е во пауза која ќе трае до следната сезона, а во оваа фаза од својот живот се посвети на семејството и зајакнувањето на менталната моќ.

пред 7 години

7 год.

(ФОТО) Тешка сообраќајна несреќа на превојот Буково

Урово се случи тешка сообраќајна несреќа на планинскиот превој Буково. Учесници се две товарни моторни возила ден патнички автомобил.Возачот на автомобилот има лесни повреди и е пренесен во болницата Св Еразмо.Во моментов СВР е на терен, се откриваат причините за несреќата.Поради сообраќајната несреќа, сообраќајот се одвива наизменично по една коловозна лента.

Македонија | пред 7 години

7 год.

Градоначалникот на Охрид ќе ги повлече точките за легализација од денешната седница, открил низа неправилности

Градоначалникот Констрантин Георгиески денеска ќе ги повлече точките за легализација на објекти во Љубаништа, Трпејца, Пештани, Кољско, Косел, Ливоишта, Лакочереј, Лескоец.Дознаваме дека градоначалнкикот во очи на седницата ја прочешлал целокупната документација за овие точки и открил бројни неправилности. Констатирано е дека службите направиле бројни малверзации како впишување на објекти за легализација на ливади, каде воопшто нема објект.Дали ова во опптината ќе отвори нов случај на злоупотреба на службената положба, како оној со земјотресите?Се наметнува прашањето, како службениците во општина Охрид со децениско искуство, успеваат да го манипулираат градоначалникот и државата? И дали се враќа ерата на корупција во советот бидејќи советниците го озаконуваат она што го работат службите?

Македонија | пред 7 години

7 год.

Седум сообраќајки во Скопје, четворица полесно повредени

На подрачјето на Град Скопје изминатите 24 часа се случиле вкупно седум сообраќајни незгоди од кои во три полесно се повредени четири лица. Во четири сообраќајки е причинета материјална штета.Изминатото деноноќие санкционирани се 48 возачи кои возеле побрзо од дозволеното, а од сообраќај се исклучени и 22 возачи пред да се стекнат со правото на управување моторно возило и двајца возачи почетници. Исклучени се и шест нерегистриран возила.Сообраќајната полиција издала 81 казна за непрописно паркирање, а со специјалното возило „пајак“ подигнати се 66 возила.Според билтенот на СВР Скопје, евидентирани се и 28 возачи кои не носеле сигурносен појас и 13 возачи кои користеле мобилен телефон.Во текот на денешниот ден, Одделението за превенција ќе реализира посебна воспитна поука за граѓани кои како пешаци сториле разни прекршоци.

Скопје | пред 7 години

7 год.

Нема фотографија

Минималната пензија од 900 евра

Во рамките на владејачката демохристијанска социјалдемократската коалиција на канцеларката Ангела Меркел деновиве се разви дискусија во врска со предлогот на социјалдемократите од воведување минимална пензија од 900 евра.„Мојата цел е да не ги зголемуваме пензиите за 20 евра бидејќи тоа нема никому да му помогне. Зголемувањето треба да биде многу повисоко“, рече министерот за труд Хубертус Хејл (од Социјалдемократската партија на Германија, СПД) во интервју за јавниот радиодифузен сервис АРД објаснувајќи го својот концепт за воведување минимална пензија.Хејл сака на ваковиот начин финансиски да им помогне на оние работници што целиот свој живот работеле за минимална плата и кои во моментот примаат пензија чиј износ е малку над 500 евра.Овие пензионери во моментот имаат право на финансиска помош во рамките на социјалната заштита, а износот зависи од висината на пензијата и местото на престој.За коалицискиот партнер на социјалдемократите, Демохристијанската унија ЦДУ/ЦСУ, предлогот на министерот за труд Хејл оди малку предалеку.„Ние и натаму се залагаме за добро насочена финансиска помош, а не за произволно зголемување на пензиите“, рече Петер Вајс, портпарол на парламентарната група за социјално политички прашања на Унијата ЦДУ/ЦСУ.Германската канцеларка, Ангела Меркел, реагира претпазливо на новиот предлог укажувајќи на коалицискиот договор во кој се одредува најнискиот износ на пензија, која ќе биде 10 отсто повисока во однос на т.н. социјален праг, а предлогот на Хејл практично значи зголемување од 20 проценти.

Свет | пред 7 години

7 год.

Пронајдена е Драгица од Тафталиџе

Ја најдовме мајка ми, жива и здрава, пишува ќерката на Драгица која попладнево на социјалните мрежи испрати апел, ако некој ја види или ја забележи нејзината мајка која боледува од Алцхајмерова болест, да ја побара.Ќерката се заблагодарува на сите добри луѓе кои помогнале во потрагата по 70-годишната жена од Тафталиџе.

Скопје | пред 7 години

7 год.

Врховен со сопна: Обвинителството ќе кажува кои предмети да ги води СЈО

„Жешката топка“ која Врховен како правно мислење му ја фрли на Кривичен суд сега се префрла во обвинителството и во собранието дознава Телма.Кривичниот суд ќе бара од државниот обвинител Љубомир Јовески да се произнесе за тоа кое обвинителство треба да ги води предметите на СЈО, кои беа оспорени со мислењето на Врховниот суд но и ќе се бара автентично толкување од собранието на чл. 22 од законот за СЈО за кој највисокиот суд даде мислење, дека Јанева повеќе не е овластен тужител за да отвора истраги покренува обивненија, потврдуваат од судот за Телма.Ова се двата заклучоци донесени на попладневниот колегиум во Кривиечен на кој требаше да се изгради став по одлуката на Врховен.Според информациите на Телма, 30-тина судии присуствувале дискутирале и ги кажале своите гледишта – Дел посочиле и дека не требало да чекаат врховен да пресече за ова прашање што долго време провејува во јавноста.Дали рокот на СЈО од 18 месеци е истечен ќе се чека одговор од собранието. Кривичен ќе бара од обвинителството да иницира автентично толкување на роковите, затоа што вакво толкување не може да бара основен суд. Овој чекор на судот може да се протолкува дека Кривичен не се убеден дали треба да го почитуваат мислењето на Врховен и бара законодавниот дом да го каже последниот збор. Државниот обвинител Јовески прв го кажа својот став дека Врховниот суд не бил надлежен да одлучува за ова прашање бидејки не станува збор за невоедначена пракса на судовите туку толкување на закон што е надлежност на Собранието.Повеќе на Телма ТВ.

Македонија | пред 7 години

7 год.

Нема фотографија

Ова се новите цени на дизелот и бензинот

Од ноќеска на полноќ поскапеа цените на нафтените деривати.Тоа значи дека возачите согласно понеделничката одлука на регулаторната комисија бензинот „Супер-95“ ќе се точи по цена повисока за еден денар односно ќе се продава по цена од 62 денари за литар. .За половина денар поскапува и Супер - 98 со кој возачите ќе полнат резервоари по цена од 62 денари за литар.Од друга страна пак цената на дизелот поскапува за 1,5 денари и ќе чини 60 денари за литар.

Македонија | пред 7 години

7 год.

Нема фотографија

Куманово на врвот: Најмногу претставки до заменикот народен правобранител

Граѓаните од десетте општини од југоистокот на државата и општините Берово и Пехчево лани поднеле најмногу претставки кај Народниот правобранител во Подрачната канцеларија во Струмица од областа на правосудството.Преку 1.000 граѓани минатата година ја посетиле канцеларијата на заменикот народен правобранител и побарале правен совет поради повреда на некое нивно право, а 160 поднеле претставки.– Претставките се поднесени против одолговлекување на постапката пред управниот суд, пред извршители, нотари и пред другите редовни судови во Република Македонија. Понатаму на второ место е бројот на поднесени претставки за потрошувачки права, финансии и царина, социјална сигурност и имотно правни односи. За имотно-правните односи се однесуваат на постапките за одземање на корисничкото право од страна на агенцијата за катастар на недвижности, информира Славчо Тимов, заменик народен правобранител.Додава дека окоу 95 проценти од поднесените претставки се успешно решени во корист на граѓаните, а по останатите постапката се уште тече.Најмногу претставки се поднесени од граѓани од Струмица, потоа од Гевгелија, а по нив се од Радовиш, Берово и Пехчево.

Македонија | пред 7 години

7 год.

Нема фотографија

Нормализирано е водоснабдувањето во Карпош 3 и 4

Дефектот на булеварот „Илинденска“ на раскрсницата со улицата „Манапо“ е саниран рано утрово, Водоснабдувањето е нормализирано во 4,25 часот, соопшти ЈП Водовод и канализација - Скопје.Вчера жители од повеќе улици во околината немаа вода или имаа намален притисок поради овој дефект.

Скопје | пред 7 години

7 год.

ВИДЕО: Најмалку 7 загинати во пожар во зграда во Париз

Најмалку седум лица загинаа, а десетици други се повредени откако пожар зафати неколку ката од осумкатница во Париз, Франција, пренесува РТ.[embed]Пожарот избувнал рано изутрината со 16-тиот арондисмент на Париз. Жителите на луксузната населба се качиле на покривите за да избегаат од чадот и од пламенот додека спасувачките екипи се бореле со пожарот.Досега има потврда за најмалку седум загинати во пожарот, објавија властите, додека најмалку 27 други, меѓу кои и тројца пожарникари, се здобиле со повреди.„Црниот биланс може да се зголеми бидејќи пожарот се уште е во тек на 7-от и 8-от кат”, изјави портпаролот на противпожарната служба.Околу 200 пожарникари беа распоредени во областа. Останатите жители на зградата и оние во соседните згради биле евакуирани.

Свет | пред 7 години

7 год.

МАН го осуди бркањето на новинарот Мицковски од ТВ Телма

Македонската асоцијација на новинари (МАН) смета дека одлуката на менаџментот на Телма телевизија да не му го продолжи договорот на новинарот Ивор Мицковски, само во континуитет ги отсликува обидите за цензура кои се спроведуваат во оваа редакција.„Да потсетиме дека во октомври 2018 година, менаџментот на телевизијата им забрани на новинарите да ги користат своите лични профили на социјалните мрежи за искажување сопствени лични ставови, што наиде на остра реакција од сите други здруженија, кои во случајот на новинарот Ивор Мицковски – сеуште молчат.Да потсетиме и на случајот со цензурирање на делови од емисијата Код на главната уредничка Снежана Лупевска Созен – и забрана да се емитува целосно од март 2018 година.Ако беше во прашање деловната политика на Телма, или евентуално неизвршување на работните обврски од Ивор Мицковски, сигурни сме дека телевизијата на друг начин ќе ја соопштеше одлуката да не му го продолжи договорот (како што многупати го правела тоа во минатото и за други лица).Ивор Мицковски има право на свое мислење исто колку што има и директорот на телевизијата Атанас Кировски кој ги користи личните профили на социјалните мрежи за искажување политички ставови“, се вели во соопштението на МАН.

Македонија | пред 7 години

7 год.

Нема фотографија

Маглата прави проблеми на патиштата - АМСМ со важна вест

Намалена видливост поради магла од 30 до 50 метри има на Стража, Маврово, Плетвар и Попова Шапка, информира Автомотосојузот на Македонија во утринскиот извештај за состојбата на патиштата.Сообраќајот на државните патишта се одвива по наместа влажни коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се влажни, па поради ниските температури, карактеристични за вечерните и утринските часови постои можност и од појава на голомразица, предупредува АМСМ.

Македонија | пред 7 години

7 год.

Нема фотографија

Ако сакаш да си претседател на Македонија, пријави се на огласите на ВМРО-ДПМНЕ и СДСМ

Рокот за пријавување на кандидати за претседател на државата на огласот на СДСМ е 19 февруари. На огласот на ВМРО-ДПММЕ до 1 февруари се пријавиле 9 кандидати, а денеска се очекува партијата да ги соопшти и имињата. Најаваено е дека опозициската партија ќе го избере кандидатот на 1 март на конвенција во Струга, а СДСМ на 3 март на партиски конгрес.СДСМ во огласот бара кандидати кој „ужива доверба кај членството и симпатизерите на партијата, личност која на најдобар начин ќе ја отелотвори политиката на СДСМ и ќе работи на остварување стратешки приоритети за Македонија - членството во ЕУ и НАТО и меѓународна афирмација и промоција на Република Македонија“.ВМРО-ДПМНЕ уште претходно најави дека денеска ќе ги објави имињата на пријавените кандидати. Неофицијално, на конкурсот досега се пријавиле Гордана Силјановска, Влатко Ѓорчев, Филип Петровски, а се споменуваат и имињата на Саво Климовски, Коце Трајановски, Игор Дурловски... Претходно беше најавено дека конвенцијата ќе се одржи на 16 февруари, а Извршниот комитет на ВМРО-ДПМНЕ вчера соопшти дека е одлучено конвенцијата за избор на кандидат за претседател на Република Македонија да се одржи на 1 март.По пропаѓањето на договорот за консензуален кандидат и други партии најавуваат свои кандидатури - ДУИ заедно со Беса, Либерално-демократската партија, Алијансата за Албанците, пратеникот Амди Бајрам најави кандидатура...Претседателот на Собранието Талат Џафери најави дека претседателските избори ќе ги распише најдоцна до 8 февруари, а тоа значи дека првиот круг на претседателски избори би се одржал кон крајот на април, а вториот круг, ако биде потребен, на почетокот на мај. 

Македонија | пред 7 години

7 год.

Број на притворени на протестите во Венецуела се зголеми на 966 лица

Бројот на демонстранти кои беа уапсени во Венецуела за време на масовните протести се зголеми на 966, изјави во вторникот шефот на венецуелската организација за човекови права „Форо Пенал“, Алфредо Ромеро, пренесува „Спутник“.Бројот на притворени претходно изнесуваше 850 луѓе.Ситуацијата во Венецуела, која се бори да ја надмине политичката криза поради одбивањето на опозицијата да го признае минатогодишниот реизбор на претседателот Николас Мадуро, значително ескалираше на 21 јануари, кога Националното собрание контролирано од опозицијата го прогласи Мадуро за узурпатор.Мадуро го нарече лидерот на опозицијата, Хуан Гуаидо, марионета и го обвини Вашингтон дека се обидува да организира државен удар во Венецуела, донесувајќи одлука за прекин на дипломатските односи со САД.Канада, САД и многу од нивните сојузници го признаа Гуаидо како привремен претседател на Венецуела. Русија, Кина, Турција и други земји сметаат дека Мадуро и неговата влада се легитимни власти во Венецуела.

Свет | пред 7 години

7 год.

(ФОТО) Пукна цевка, ја поплви Илинденска во Карпош 4

Булеварот Илинден во делот кај трговскиот центар „Сити мол“ во Капрош 4 е поплавен. Од Град Скопје велат дека пукнала голема цевка и затоа одеднаш голем млаз вода го поплавил булеварот.Излевањето на водата направи хаос во сообраќајот, по што екипи на „Водовод и канализација“ го исклучија притисокот, водата се повлече, по што на асфалтот остана кал и тиња.На самото место се присутни неколку екипи од ЈП „Водовод и канализација“ како и полициски возила кои го стопираа сообраќајот.

Скопје | пред 7 години

7 год.

Започна пилот проектот на царинската управа за имплементација на системот за обработка на декларации и акцизни документи

Како дел од низата активности на Царинската управа во насока на ставање во функција на новиот Систем за обработка на царински декларации и акцизни документи (СОЦДАД), денеска започна со реализацијата на Пилот проектот за СОЦДАД, во кој ќе бидат вклучени 11 царински испостави.Целта на Пилот проектот е да се констатираат можните проблеми при активна работа во системот СОЦДАД и истите да бидат навремено отстранети пред финалното пуштање на системот во употреба, коешто е планирано за 1 јуни 2019 година.Пилот проекот ќе се спроведува на така што сите декларации коишто се обработуваат во системот АСИКУДА, ќе бидат поднесени (од страна на економските оператори) и обработени (од страна на царинските службеници) и во СОЦДАД во пилот испоставите.Тимот за поддршка на Пилот проектот на Царинска управа, кој неуморно работи како во текот на периодот на развој, така и во периодот на подготовка за ставање на системот во функција, веќе одржа консултативни состаноци и обуки за запознавање со функционалностите на новиот систем со царинските службеници, представници на бизнис заедницата – економските оператори, застапници и компании за развивање на софтвер.Како потсетување, на 16 ноември 2018 година во Царинската управа беше финализиран развојот на Системот за обработка на царински декларации и акцизни документи (СОЦДАД) кој ќе го замени системот АСИКУДА кој сега се користи. Со тоа, сите царински постапки што досега се реализираа на хартија ќе бидат заменети со електронски постапки.Со имплементацијата на новиот систем, кој претставува предуслов за понатамошно развивање на дигиталните решенија и услуги, значително ќе се поедностави работата на царинските службеници, граничните агенции и за сите учесници во царинската и надворешно-трговската постапка и ќе се креира поефикасна и модерна царинска околина во согласност со глобалниот развој и дигиталната ера.

Македонија | пред 7 години

7 год.

Професорката Силјановска поднела кандидатура до ВМРО-ДПМНЕ за кандидат за претседател

Вкупно девет кандидатури пристигнале до ВМРО-ДПМНЕ за претстојната Конвенција на која ќе се избира кандидат за претседател на државата, дознава Лидер од извори во партијата.Изворот за порталот потврдува дека професорката Гордана Силјановска Давкова по иницијативата на 30 интелектуалци, кои побараа од неа да се кандидира за претседател, испратила кандидатура до Конвенцијата на ВМРО-ДПМНЕ.Покрај неа кандидатури се поднесени и од пратеникот Владимир Ѓорчев, Филип Петровски и од уште шест други кандидати кои се помалку познати на јавноста.ВМРО ДМНЕ кандидатот з претседател ќе го избере на Конвенцијата, која што ќе се одржи на 16 февруари во Струга.

Македонија | пред 7 години

7 год.

(ВИДЕО) Заев: Пријателството никогаш не било поголемо, прекуграничната соработка се интензивира ќе достигне до 1 милијарда евра

Претседателот на Владата на Република Македонија, Зоран Заев предводи делегација на Владата на нашата земја, во чиј состав се министерот за култура, Асаф Адеми и други членови на Канцеларијата на Претседателот на Владата и на Mинистерството за култура, во еднодневна работна посета на Република Бугарија.Премиерот Заев за време на посетата на Софија, оствари тет-а-тет средба со Претседателот на Владата на Република Бугарија, Бојко Борисов, со кого разговараа за идната соработка меѓу двете земји, која после потпишувањето на Договорот за пријателство и добрососедство бележи постојан раст во сите области. На средбата се разгледуваа можности за создавање услови за зголемување на трговската размена со взаемно намалување на царинските стапки.Претседателот на Владата на РМ, Заев на средбата уште еднаш оддаде благодарност за континуираната поддршка од Република Бугарија за членство на нашата земја во НАТО и за ЕУ, како и за подготвеноста на Бугарија да го сподели искуството по сите прашања поврзани со подготовките во пристапниот период и за ефикасно користење на европските фондови во оваа фаза од преговорите.Премиерите Заев и Борисов разговараа и за подготовките за втората меѓувладина седница која оваа година треба да се одржи во Бугарија, а заедничкиот бизнис форум, што се одржа во Скопје го оценија како дополнителен импулс за економската соработка како врвен приоритет на граѓаните и на бизнис заедниците на двете земји.На средбата беше констатирано дека прекуграничната соработка се интензивира и дека ќе бидат вложени сите неопходни напори стабилната трговска размена од речиси 600 милиони евра да достигне вредност од 1 милијарда евра.Континуитетот на изградбата на патната и железничката инфраструктура на Коридорот 8 остануваат капитален интерес за двете земји. Рехабилитацијата и градењето на железничката пруга е капитален проект од вкупна вредност од 670 милиони евра, а патната инфраструктура 93 милиони евра. 120 милиони евра се неповратни средства односно грантови од Западно-балканскиот инвестициски фонд, односно од ЕУ. Со исто толкаво внимание двете земји работат и на поврзување на гасната инфраструктура, и заедничко учество во регионални проекти и мрежи на гасна интерконекција.На средбата стана збор и за имплементацијата на Договорот со Грција, откако тој беше ратификуван во Атина, по што следува членките на алијансата да го потпишат протоколот за членство на нашата земја во НАТО, со што во сила ќе стапи формалното користење на новото уставно име Република Северна Македонија.Двајцата премиери присуствуваа и на свеченото потпишување на заедничката Програма за соработка во областа на културата меѓу двете земји до 2021 година, како потврда на добрата волја и интересот за интензивирање на комуникацијата, размена на искуства и афирмација на културните вредности на двете земји.Во насока на спроведување на Договорот за пријателство и добрососедство, премиерот Заев соопшти дека како резултат на работата на двете комисии за заедничко одбележување на историски настани и личности, наскоро во Република Македонија, во близината на Дојран, на местото каде што го загубил животот, ќе биде подигнат споменик на полковник Константин Каварналиев, бележит лик од историјата на Бугарија од периодот на Првата светска војна.Програмата за соработка во областа на културата што ја потпишаа министрите за култура Асаф Адеми и Боил Банов, претставува правна рамка за воспоставување на директна соработка меѓу културните институции во двете земји, со цел размена на културни и уметнички вредности, што е во функција на приближување на народите и државите.Програмата за културна соработка меѓу двете земји се одржа откако двајцата министри за култура положија венци свежо цвеќе на споменикот на Гоце Делчев во Софија, по повод неговиот денот на неговото раѓање што беше убава пригода делегациите на двете земји да му оддадат признание на делото на човекот кој велеше дека „Светот го гледа како поле за културен натпревар меѓу народите“.Работната посета на македонската делегација на Република Бугарија, завршува вечерва со културно-уметничка програма со учество на уметници од други држави од регионот во Културно-информативниот центар на Република Македонија во Софија.

Македонија | пред 7 години

7 год.

Нема фотографија

Нов земјотрес на Закинтос

Земјотрес со јачина од 4.1 степен според рихтеровата скала, е регистриран денеска во 19:41 часот во близината на островот Закинтос. Земјотресот е регистриран 231 километар западно од Атина, однсоно на само 21 километар од Закинтос, на длабочина од 2 километри.Инаку, Закинтос во текот на изминатите месеци го погодија серија на земјотреси, а еден од нив придонесе да има оштетувања на неколку куќи и пристаништа на островот кој е популарна летна дестинација меѓу Македонците.

Свет | пред 7 години

7 год.

48386635_519827275169320_4504456550655459328_n

Поради магла вечерва намалена видливост на Стража до 20 метри

АМСМ и ЈП „Македонија пат" информираат дека вечарва сообраќајот на државните патишта се одвива по наместа влажни коловози. Намалена видливост поради магла од 30 до 50 м. има на Стража, до 20 м. на Попова Шапка и до 10м. од крак Маврово до брана.АМСМ известува дека ограничувањето на брзината на патниот правец Струга – г.п. Ќафасан (до с.Франгово) од 40 км/ч се укинува.Сообраќајот се одвива нормално.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.Од АМСМ и ЈП „Македонија пат" потсетуваат дека од 15 ноември стапи на сила законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15 март 2019 година.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се влажни, па поради ниските температури, карактеристични за вечерните и утрински часови постои можност и од појава на голомразица.

Македонија | пред 7 години

7 год.

Сосема случано окриена нова џуџеста галаксија

Астрономите открија нова, џуџеста галаксија во нашето соседство. Галаксијата, беше откриена со помош на вселенскиот телескоп Хабл.Станува збор за мала, но прилично стара галаксија која се наоѓа 30 милиони светлосни години од нашата. Досега не била забележана бидејќи се наоѓа во сенка на ѕвезденото јато NGC 6752, предмет на првичното истражување.Новооткриената галаксија е изолирана, научниците претпоставуваат дека е настаната пред неколку милијарди години што ја прави совршен кандидат за проучување.Иако џуџестите сфероидни галаксии не претставуваат реткост, Бедин 1 има неколку уникатни карактеристики. Галаксијата е една од малкуте за коишто е одредена точната оддалеченост од нас. Истовремено, галаксијата е екстремно изолирана.Откритието е направено сосема случајно.

Магазин | пред 7 години