Најнови вести

7 год.

Милошоски се смирил со Мицкоски

Пратеникот Антонио Милошоски деновиве ги надминал сите предходни недоразбирања со лидерот на ВМРО-ДПМНЕ, Христијан Мицкоски, и му дал апсолутна поддршка за водење на партијата во критичните моменти за Македонија во пресрет на промената на уставот, претседателските избори и еветуалните предвремени избори, објави Експрес.Милошоски неофицијално е еден од незадоволните потенцијални кандидати за лидер на ВМРО – ДПМНЕ кој лани во декември не беше задоволен од начинот на кој што беше организиран конгресот на ВМРО – ДПМНЕ. Според информациите на Експрес, Милошоски е задоволен од начинот на кој што Мицкоски ја води партијата „во тешките моменти за Македонија и ги понудил сите свои капацитети за идната битка на опозицијата против владеачката коалиција“.Токму поранешниот министер за надворешни работи ја водеше прес конференцијата во петокот на која беше побарано СДСМ и ДУИ да закажат гласање за уставните измени.Милошоски е еден од највлијателните пратеници во партијата и единстѕвениот кој се декларираше како член на движењето „Бојкотирам“.

Македонија | пред 7 години

7 год.

44339332_1137363913092694_5309961865835577344_n

Хрватски бенд: Свириме на геј свадби со попуст, ако мајките на младенците исполнат еден услов

Некогашниот бенд Босутски беќари сега настапува под името „Иван Шебаљ и Беќарс“, а на своите настапи сега се насочени повеќе кон поп музиката, а помалку кон тамбурата.Бендот често настапува и по свадби, поради што вниманието по привлече нивната објава на Фејсбук со посебна свадбена понуда.https://www.facebook.com/IvanSebaljSluzbeno/posts/1137366429759109„На геј свадби свириме со попуст од 25% под услов двете мајки да дадат бакшиш кога ќе ја свириме „Данас мајко жениш свога сина“, напишаа тие во постот покрај фотографијата на која едниот член на бендот клекнува пред другиот, додека трет ги „венчава“.Набрзо следеа бројни позитивни коментари, а следбениците им порачаа дека се „генијални“.

Магазин | пред 7 години

7 год.

Нема фотографија

Кривична за скопјанец кој се заканувал на пратеници преку Фејсбук

СВР Скопје во соработка со Секторот за компјутерски криминал и дигитална форензика при Министерството за внатрешни работи до Основно јавно обвинителство Скопје ќе поднесе кривична пријава против А.Н. (38) од Коњари, скопско, поради споделена објава-коментар на социјалната мрежа Фејсбук со која предизвикал загрозување на сигурноста на пратеници во Собранието на Република Македонија и поради ширење на расистички и ксенофобичен материјал по пат на компјутерски систем односно поради основано сомнение за сторено кривично дело по чл.144 „Загрозување на сигурност“ и по чл.394-г „Ширење на расистички и ксенофобичен материјал по пат на компјутерски систем“ од Кривичниот законик на Република Македонија.По издадена наредба од Основен Суд Скопје 1 Скопје, на 21.10.2018 година извршен е претрес на дом и други простории кај лицето А.Н. при што се пронајдени и одземени предмети во интерес на истрагата, а А.Н. е повикан на службен разговор во полициска станица.Секторот за компјутерски криминал и дигитална форензика и понатаму ќе продолжи со активностите со цел санкционирање на ваквите случаи. Ги повикуваме сите граѓани кои се изложени на вакви закани или сведочат вакви закани, истите да ги пријават во најблиската полициска станица или на адресата cybercrime@moi.gov.mk.

Скопје | пред 7 години

7 год.

Судењето за 27 април продолжува, пратениците Мукоски, Арнаудов и Василевски од гласање на судење

Во кривичниот суд во Скопје утрово треба да продолжи судењето за настаните од 27 април 2017 година. Според динамиката на судење, на денешното рочиште, обвинителката Вилма Русковска треба да почне со изведување на видоснимките направени од собраниските камери на крвавиот четврток. На минатото рочиште судијката Добрила Кацарска одлучи да ја исклучи јавноста поради испитување на загрозениот сведок Ц1.Ова е прво судско рочиште, на кое тројцата пратеници на ВМРО-ДПМНЕ, Крсто Мукоски, Сашо Василевски и Љубен Арнаудов, ќе се појават по нивното петочно гласање за уставните измени во Собранието. До крајот на месецов се закажани уште 4 рочишта.На претходните рочишта беа сослушани 36 сведоци предложени од Обвнителството, меѓу кои, пратеници, членови на собраниското обезбедување, припадници на МВР и новинари. Во нивните искази тие објаснија што виделеза време на критичниот 27 април 2017.На обвинителната клупа покрај пратениците Љубен Арнаудов, Сашо Василевски, Крсто Мукоски, Љупчо Димовски, Јохан Тарчуловски, се ексдиректорот на БЈБ, Митко Чавков, началниците во МВР, Митко Пешов, Душко Лазаров, обезбедувачот на Трајко Велјаноски, Горан Ѓошевски-Леви, вработените во МВР, Оливер Поповски, Оливер Радулов, Сашко Марковски, Мунир Пепиќ од Агенцијата за разузнавање, собранискиот обезбедувач Абдуљфета Алими, Елена Доцевска-Божиновска, Иван Цветановски.Обвинети се и иницијаторите на движењето „За заедничка Македонија“, Борис Дамовски, Богдан Илиевски-Бетмен Велит, Владо Јовановски, Игор Дурловски. За терористичко загрозување на уставниот поредок и безбедноста обвинети се и Стефан Младеновски, Михаил Младеновски, Захарие Симовски, Младен Додевски, Јане Ченто, Горанче Ангеловски, Игор Југ, Илија Славески, Влатко Трајков, Вилијам Михајловски, Никола Митревски-Кољо, Александар Василевски-Нинџа и Митре Питроповски.

Македонија | пред 7 години

7 год.

Нема фотографија

Крајната цел на целиот политички терор е уцена за обезбедување мнозинство во Собранието, велат од ВМРО-ДПМНЕ

Македонскиот Устав нема потреба и не треба да се менува. Тоа беше јасно порачано и од македонските граѓани кои не дадоа поддршка на референдумот и се спротиставија на менување на името на Република Македонија, нејзините историја, култура и традиција, соопштува ВМРО-ДПМНЕ.„Зоран Заев и СДСМ наместо да се соочат со волјата на граѓаните и да го признаат поразот, се решија да ја силуваат демократијата и институциите. На насилнички и крајно недемократски начин ги погазија правдата и правната држава и со тоа ставија точка за понатамошен демократски напредок на Република Македонија. Конечно на виделина се покажа вистинската причина за заднината на политичкиот прогон, монтираните и нарачани обвиненија на СЈО и настаните од 27 април и затворањето на пратеници.Крајната цел на целиот политички терор од страна на власта се покажа дека е уцена за обезбедување на двотретинско мнозинство во Собранието за да се спроведе преспанскиот договор и да се промени името на државата.Ваквото насилство и силување на државата, но и волјата на македонскиот народ се повеќе го поларизира општеството и ја однародува власта. Погазени се човековите права и достоинството на граѓаните на Република Македонија на кои Зоран Заев им го одзеде правото на самоидентификација.Ова срамно и капитулантско дело на Зоран Заев нема никогаш да заживее кај македонскиот народ не се откажал и нема да се откаже од Македонија и од својот идентитет.Затоа Зоран Заев и СДСМ многу скоро ќе се соочат со граѓаните, а нивната ненародна и криминална власт ќе замине во историјата како единствена власт која потпишала бришење на името на Република Македонија, јазикот, културата, историјата и традицијата на државата. Македонија и македонскиот народ победувале и повторно ќе победат“, се вели во соопштението на ВМРО-ДПМНЕ.

Македонија | пред 7 години

7 год.

ВИДЕО: Марин вети реконструкција на улици, жителите на Долно Лисиче добија вештачко езеро

Жителите на Долно Лисиче го потсеќаат градоначалникот Златко Марин дека ветил реконструкција на улиците, а сепак, ништо од тоа не било исполнето. Тие се револтирани поради вировите и калта, па коментираат, дека за на работа тргнуваат чисти, а по неколку чекори, тие се со кал до колена.[embed]https://www.facebook.com/dodevskasumsi/posts/10217390326170747?__xts__%5B0%5D=68.ARByYv_TAqLmiPc3pujbTb8pNTWzvw5N_VpSiwoWLDAGtUtAoWp4HI8vt4-sD7_CEiugCi74aGSfJy4g5GNDWt9b48DMyQLhJgA2UQA6qD6owq-CxaqCvd4HAw9HazV5TGuHT69MQLTc8p7PtesZ4WtOoae3Z6OpoFtjd45A7826tOeIFCVAe2XczjAgcRMOdU_XdkHzGB93KvyuIT1sPXAN7y_mqg&__tn__=-R[/embed]„Прв дождлив ден, а замислете колку ќе ги имаме оваа есен и зима. Добро утро Општина АеродромОпштина Аеродром информира дека веќе се обезбедени средства за целосна реконструкција на патот во Долно Лисиче, според високи меѓународни стандарди. Општината е во постојана комуникација со Јавното претпријатие за државни патишта, под чија надлежност е регионалниот пат Јурумлери – Драчево.По реакцијата на жителите од Долно Лисиче, би сакале уште еднаш да истакнеме дека ја разбираме итната потреба од реконструкција на овој пат. Целта на проектот на кој активно се работи е трајно да се реши проблемот на локалното население и на сите кои го користат патот Јурумлери – Драчево. Токму затоа, самиот проект, предвидува градежни активности и материјали кои се според високи меѓународни стандарди.Тендерската постапка е во тек и се очекува да заврши до средина на август. Сите предвидени активности ќе се реализираат во најбрз можен рок" - 04.07.2018“, пишуваат по социјалните мрежи.

Скопје | пред 7 години

7 год.

,,Не потече со приказни“, ,,Оди си“, ,,Да се самораспуштите“-му порачуваат на Мицкоски на ФБ

,,Учи од вчерашниот ден, живеј за денес, надевај се за утре. Важно е да не престанеш да се преиспитуваш“ – Алберт АјнштајнСо оваа порака ден по гласањето на пратеници од ВМРО ДПМНЕ за почеток на уставни измени, се огласи претседателот на оваа партија, Христијан Мицкоски, на својот ФБ профил.Но, наместо поддршката што ја очекуваше, на социјалните мрежи Мицкоски доби канонада од негодување од неговите поддржувачи и сопартијци.,, Vie imate samo uste eden poteg pred da se samoraspustite !!!“,, Дела а не зборови доста е зборување“,,Zarem nema nesto popametno da prevzemes nego da citiras ?“.Ова се само дел од коментарите на ФБ профилот на Христијан МицкоскиНезадоволството меѓу членовите и симпатизерите на ВМРО ДПМНЕ е големо од развојот на ситуацијата, а и од лидерот на партијата. Многумина сметаат дека токму тој ги испуштил конците од раце и дека не е во состојба да ги ,,контролира“ пратениците.Фракцијата на ВМРО ДПМНЕ, веќе побара негова оставка, а сѐ почесто се спомнува името на Сашо Мијалков како архитект на целата игра и на наводна смена на Христијан Мицкоски.

Коментари | пред 7 години

7 год.

Титаник 2 ќе заплови од Дубаи во 2022-ра година

Љубителите на историјата и бродовите кои се заинтересирани за Титаник, од 2022-та година ќе можат да патуваат со неговата реплика.Таа година, Титаник 2 ќе го започне големото патување, најпрво од Дубаи до Саутемптон, а потоа ќе вози по оригиналната траекторија на Титаник. Потоа, ќе се воспостави редовна линија од Англија до САД токму со Титаник 2, најавил сопственикот „Blue Star Line“.Како и оригиналниот брод, така и овој ќе биде луксузен, а ќе користи многу помодерна технологија за разлика од својот несреќен претходник. Во бродот ќе биде вграден и напреден систем за навигација, а нивото на безбедност ќе биде доста поголемо.Титаник 2 певпат беше најавен во 2012-та, но неговата изградба се одложи поради финансиски проблеми. Откако сето тоа е решено, изградбата продолжила и отворањето на бродот и првите билети се закажани за 2022-ра година.Вредноста на Титаник 2 се проценува на 435 милиони евра. Има капацитет од 2.400 патници и 900 членови на екипажот. Ентериерите се практично исти како и на оригиналниот Титаник, но модерната технологија е мудро интегрирана во секој агол од бродот.Титаник 2 ќе патува од Саутемптон до Њујорк, според оригиналната рута, а патувањето ќе вклучува и посети на попатни пристаништа.

Магазин | пред 7 години

7 год.

Ураганот „Виља“ добива на интензитет и се приближува до Мексико

Новоформираниот ураган „Виља“ брзо добива во сила во близина на тихоокеанскиот брег на Мексико, а метеоролозите предупредуваат дека би можел да дојде до статус од четврта категорија пред, кон средината на следната недела, да го погоди копното помеѓу Пуерто Валарта и Масатлана.Ураганот „Виља“ рано изутрина се наоѓаше 390 км југозападно од пристанишниот град Мансаниља, со ветрови со јачина од 140 километри на час.Американскиот Национален центар за урагани објави дека „Виља” може да стане голем ураган до понеделник наутро, и до копното да се приближи до вторник.Во меѓувреме, тропската бура „Висенте” ослабна, движејќи се кон југ, а метеоролозите предвидуваат дека би можела да се приближи брегот на Централниот Пацифик во вторник.

Свет | пред 7 години

7 год.

На локалните избори во Полска опозицијата победи во Варшава

Проевропскиот опозициски кандидат Рафал Џасковски победи во вчерашниот прв круг од изборите за градоначалник на Вршава, покажуваат излезните анкети по локалните избори на кои владејачката популистичка партија Право и правда остварила најголема поддршка, односно над 32 насто од гласовите. Државната изборна комисија треба да ги објави резултатите во вторник или среда. Вчерашните избори беа првиот голем тест за владејачките конзервативци од нивното доаѓање на власт во 2015 година од кога Полска е во постојан судир со Европската унија.

Свет | пред 7 години

7 год.

Нема фотографија

Села и Касами нaјавуваат нови амандмани за промена на Уставот, за Ахмети засега приоритетите се НАТО и ЕУ

Зијадин Села од Алијансата за Албанците и Билал Касами од Беса не се откажуваат од дополнителни амандмани за промена на Уставот покрај оние договорени со Грција за промена на името Република Македонија. Тие најавуваат амандмани со кои албанската заедница би била запишана како државотворен народ на Македонија. За ДУИ сега засега приоритет е зачленувањето на Македонија во НАТО и ЕУ.„Сметам дека процесот на решавање на спорот за името е од апсолутен приритет и тоа е најзначајниот процес од осамостојувањето до денес. Нема да дозволиме за дневнополитичко профитирање да се загрози интегрирањето на Македонија во НАТО и ЕУ“, изјави неодамна пратеникот на ДУИ Артан Груби.Од Беса и од Алијансата за Албанците засега нема најави дека ќе отстапат од своето барање за додатни амандмани во уставните промени што ќе се однесуваат на позицијата на Албанците во Македонија, а тука не случајно се споменуваат точките од т.н. Тиранска платформа.„Обезбедувањето на 2/3 од гласовите во Собранието за отворање на патот за промени на Уставот на државата е многу важен чекор не само за интеграцијата на земјата во НАТО и ЕУ, туку и можност преку логични аргументи и конкретни предлози да се интервенира во појаснување и зајакнување на правата нa Албанците во Македонија со укинување на навредливи стапки на проценти.Верувам дека сите партии кои ја потпишаа Декларацијата во јануари 2017 година ќе стојат на зборот и ќе го променат Уставот со цел и Албанците да ја почувствуваат оваа држава како своја. Албанскиот јазик да биде службен, како што стои во Декларацијата на политичките партии на Албанците, но и што беше дел од Охридскиот договор и преамбулата или државата да биде на сите граѓани или на Македонците, Албанците и другите заедници“, изјави неодамна Биљал Касами од Беса.

Македонија | пред 7 години

7 год.

Нема фотографија

Облачно и посвежо време, на повисоките планини можен снег

Облачно, свежо и ветровито со врнежи од дожд, на места пообилни. На повисоките планини со услови за снег.Дневните температури ќе опаднат и ќе се движат во интервал од 13 до 20 степени.Во Скопје и околината слично време со дневна температура до 19 степени.Во наредните денови времето ќе биде променливо и постудено со повремени локални врнежи од дожд, а на повисоките планини со услови за снег, особено в среда.

Македонија | пред 7 години

7 год.

Нема фотографија

Повеќе делови на Скопје ќе останат без струја

Заради технички зафати во дистрибутивната мрежа во текот на денешниот ден без електрична енергија ќе останат корисници од повеќе улици на Скопје.Од 08:00 до 13:00 часот без струја ќе бидат корисниците од дел од ул.Лазар Личеновски, поточно Спортската Сала – Кале и сите објекти во околината, од 08:00 до 16:00 часот корисниците од дел од ул. Петар Ацев зграда бр. 21, во Општина Аеродром, додека од 08:25 до 11:30 часот корисниците од улиците Архиепископ Доситеј, Ресенска, Павле Илиќ, Вуковарска, Жикица Јовановиќ Шпанац и Ѓорѓија Томовски, во општина Чаир.Од 08:30 до 12:00 часот корисниците од ул. Димитар Пандилов, Општина Центар, од 08:30 до 13:00 часот корисниците од ул. Дебарца од бр.1 до бр. 12, ул. Коста Кирков бр. 3 и бр. 5, Евангелско – Методистичка Црква и ул. Никола Тримпаре од бр. 11 до бр. 20 во Општина Центар, од 08:30 до 13:00 часот, корисниците од улиците: Аврам Писевски, Бајрам Шабани, Архимедова, Вергино и Ордан Чопела од Општина Чаир.Од 09:00 до 15:00 часот корисниците од дел од с. Моране, Општина Студеничани и од 12:30 до 15:30 часот корисниците од улиците: Дижонска, Ѓорѓија Томовски, Архиепископ Доситеј, Браќа Реџепагиќ и Божин Стизов, општина Чаир и од 13:00 до 15:00 часот, корисниците од с. Горно Соње ул. 1, во Општина Сопиште.

Скопје | пред 7 години

7 год.

Нема фотографија

Болтон на разговори во Москва

Џон Болтон, советникот за национална безбедност на американскиот претседател Доналд Трамп денеска ги почнува разговорите во Москва околу тензиите по објавата на Трамп дека ја повлекува земјата од договорот за нуклеарно разоружување. Портпаролот на Кремљ Дмитри Песков потврди дека рускиот претседател Владимир Путин ќе се сретне со Болтон, но не денеска на првиот ден од неговата дводневна посета. Официјална Москва очекува од Болтон да го разјасни ставот на Трамп за повелкување од „нуклеарниот договор“.

Свет | пред 7 години

7 год.

Метју Палмер во посета на Македонија

Заменик-помошникот државен секретар на САД, Метју Палмер, денеска ќе ја посети Македонија за да разговара за американската поддршка за преспанскиот договор меѓу Македонија и Грција. Веста за доаѓањето на Палмер во земјава пред неколку дена ја објави Амбасадата на САД во земјава на својот прифил на социјалната мрежа „Твитер“.„Палмер ќе пристигне во Македонија на 22 октомври за да разговара за поддршката на САД за преспанскиот договор и важноста на напредокот на македонската реформска агенда”, се вели во соопштението.

Македонија | пред 7 години

7 год.

Исфрлениот од ВМРО-ДПМНЕ, Сашо Василевски: Гласав за уставни измени со чиста мисла

Сашо Василевски, пратеникот на ВМРО-ДПМНЕ кој беше исклучен од партијата откако гласаше за пристапување кон измени на Уставот, во изјава за ТВ21 објаснува зошто гласал спротивно од ставот на партијата.-Јас со чиста мисла и со храброст и со сите аргументи, одлучив Македонија да го има единствениот пат кон евроинтеграциите. Иднината за нашите семејства, за нашата држава и за нашите перспективи како Република Македонија, еднаш засекогаш да ставиме крај на поделбите меѓу патриоти и предавници, меѓу Македонци и Албанци. Ние сме едно семејство, кое треба да чекори заедно кон ЕУ и НАТО интеграции, со полна поддршка на нашите пријатели од Вашингтон – вели Василевски.Во изјава за телевизијата пратениците кои гласаа негираат дека биле поткупени, велат дека гласале според свое убедување и додаваат дека се 24 часа под полициска заштита поради заканите кои ги добиваат од петокот.

Коментари | пред 7 години

7 год.

44126870_256200411763917_670987317426520064_n

Собранието го формира телото за помилување на пратениците обвинети за 27 април

Утре се очекува да се формира парламентарно тело за помилување на пратениците кои беа вклучени во крвавото насилство од 27 април. Ова тело беше ветено од премиерот Зоран Заев на прес конференцијата по гласањето на потребата за уставни промени. Барањата на осумте пратеници ќе се изготват заедно со Владата. Четирите барања на пратениците се прифатливи за премиерот Заев. Тој верува дека во рок од 15 дена, ќе се изготват нацрт уставните амандмани кои потоа ќе се достават до Собранието. Заев истовремено очекува бројот на пратениците кои ги поддржуваат овие промени да се зголеми во следните фази.Партиите на Албанците кои најавија амандмани за унапредување на албанското прашање, по се изгледа нема да можат да ги поднесат бидејќи деловникот на Собранието ја определува интервенцијата на пратениците во уставните измени само во членовите кои се засегнати од предлагачот. Но, ниту една од опозиционите партии на Албанцте не прецизира дали ќе го условуваат или не Заев, со нивните четири гласа во Парламентот за промена на името.

Македонија | пред 7 години

7 год.

Вевчанскиот комитет го исклучи Крсто Мукоски од членство во ВМРО ДПМНЕ

Комитетот на ВМРО ДПМНЕ од Вевчани вечерва донесе одлука да го исклучи од членство пратеникот од ова село, Крсто Мукоски.Во официјалното соопштение на ВМРО ДПМНЕ ОК Вевчани стои:ОК на ВМРО-ДПМНЕ Вевчани на денешната седница на Општинскиот комитет донесе Одлука за поведување дисциплинска постапка против членот Крсто Мукоски заради спротивно постапување на донесените одлуки на највисоките органи на Партијата ВМРО-ДПМНЕ.Заради гласањето за промена на уставните измени, а со цел промена на уставното име на Република Македонија се донесе Одлука за исклучување на Крсто Мукоски од член на ВМРО-ДПМНЕ.Борбата за Македонија продолжува!

Македонија | пред 7 години

7 год.

Жена во Аеродром нападнала три деца

Вчера вечер во полициската станица во Аеродром Д.П. (42) пријавил дека истиот ден на булеварот „Видое Смилески-Бато" пред зграда неговиот 12-годишен син и уште двајца негови другари биле физички нападнати од Е.М. (36). и физички ги нападнала.Се преземаат мерки за расчистување на случајот, а против Е.М. ќе биде поднесен соодветен поднесок, соопшти МВР.

Скопје | пред 7 години

7 год.

Нема фотографија

Најмалку 22 мртви во несреќата во Тајван

Најмалку 22 лица загинаа, а 171 се повредени кога еден од најновите и најбрзи возови во Тајван излета од шините.Несреќата се случила во 16:50 по локално време, додека возот со 366 патника се движел на релација од предградието на Тајпеј кон Тајтунг.Околу 120 војници заедно со пожарникарите ги спасуваат преживеаните. 

Свет | пред 7 години

7 год.

42C39EB3-2014-481F-A5AF-8D28EDEC8068_w1023_r1_s

ВМРО-ДПМНЕ бара начин како да го исфрли Мијалков од партијата

ВМРО ДПМНЕ се подготвува официјално да го исклучи од членство Сашо Мијалков, поранешен прв човек на УБК и личност која со децении во јавноста е експонирана како истакнат член на партијата.„Скопје 1“ побара став од претседателот на ВМРО ДПМНЕ Христијан Мицкоски, но по речиси 20 часа чекање на одговор, добивме само коментар дека партијата ќе остане без коментар и нема да се огласи по ова наше прашање.Овој процес, за кој според наши извори во моментов во ВМРО ДПМНЕ се размислува како тоа да се изведе, ќе почне наскоро, а поводот за исклучувањето ќе се бара во тврдења за поврзаност на Мијалков со осумте пратеници кои гласаа „за“ по предложените точки за уставните измени и наводна негова улога во обезбедување на мнозинството.Еден од начините кој стоел како опција било исклучувањето да го бараат комитетите од Охрид, Струга и Вевчани, општини од каде дури 4 пратеници застанаа спротивно на партискиот став.Во меѓувреме на социјалните мрежи и неколку портали почна медиумска кампања против Сашо Мијалков која непрекинато се спроведува веќе трет ден, а која е осмислена, со платени постови на Фејсбук и се води од лажни и реални профили на јавни личности, но и на Фејсбук страни каде се водеше кампањата за бојкот на референдумот.ЦЕЛОСНО ПРЕКИНАТИ ОДНОСИТЕ И СО ГРУЕВСКИ СЕ БАРА ПРЕКИН И СО ПРОТОЃЕРЗа прекинот на комуникацијата меѓу почесниот претседател Никола Груевски и новото партиско водство предводено до Христијан Мицкоски, „Скопје 1“ ексклузивно информира пред неполн месец.Мицкоски од старите структури комуницирал уште со Мартин Протоѓер, но во „Белиот Дворец“ секојдневно расте отпорот кон Протогер и се бара и негово ставање на страна од партијата и партиските политики , брифираат наши извори од раководството.

Македонија | пред 7 години

7 год.

Дурловски не прифаќа амнестија?

„Подарена слобода на неправедно обвинетиот, прифатена како милост од ,,горе”, ќе биде претежок товар врз плеќите на еден родител, пријател, Македонец, кој цел живот се бори токму за една вистинска... Слобода!“, напиша Игор Дурловски на социјалните мрежи.Ова е првата реакција на оперскиот пеач Игор Дурловски по понудата на Заев во Собранието до ВМРО-ДПМНЕ за амнестија, во замена гласање за уставни пормени. Претходно, реагираше и Борис Дамовски кој побара правда, а не амнестија.И двајцата се обвинети за тероризам за настаните од 27 април минатата година.

Коментари | пред 7 години

7 год.

Пратеничката на ВМРО-ДПМНЕ, Исмајлоска-Старова: Не се каам што гласав за уставни измени, имам поддршка со сопартијците

Експратеничката од ВМРО-ДПМНЕ, Нола Исмајлоска-Старова, за „Макфакс“ вели дека не се кае што гласала за отпочнување на процесот за уставни измени, а најголема поддршка како што вели, добила од сопартијците. Исмајлоска-Старова вели дека потапила според сопственото убедување, а ги отфрла шепкулациите дека добивала закани за да гласа.„Постапив според сопственото уверување. Поддршката која отворено пристигна од голем број граѓани, а и од меѓународниот фактор, е момент кој треба да се обидеме да го искористиме во наша полза, за нашата татковина. Одговорно ги отфрлам наводите за некакви закани кон мене при одлуката којашто ја донесов во македонското Собрание“, вели Исмајлоска-Старова за „Макфакс“.„Не сум загрижена за својата безбедност, особено не, бидејќи постојано добивам поддршка од граѓаните, меѓу кои моите сопартијци се најбројни. Во политиката, како најважен дел од животот на народните избраници, има моменти во кои мора да се донесат и тешки одлуки“, додава пратеничката Исмајлоска-Старова.Денеска, претседателот на ОК на ВМРО-ДПМНЕ-Струга, Мирче Аџиоски, ја повика пратеничката Нола Исмајлоска Старова која гласаше за уставните измени во Собранието, да го врати мандатот. Аџиоски додаде дека 7.700 стружани кои гласаа на предходните парламентарни избори, не и дале легитимитет на Исмајлоска-Старова да гласа за промена на Уставот и името на Република Македонија.    

Коментари | пред 7 години

7 год.

Маја Морачанин e кандидат за претседател на ДОМ

На денешната седница на Централниот одбор на ДОМ, Маја Морачанин беше едногласно утврдена како кандидат за претседателка на партијата на претстојниот Четврти конгрес на ДОМ.„Општо беше мислењето дека таа е природен избор, со оглед на нејзините квалитети како човек и успешен професионалец, како и поради политичкото искуство и фактот дека во партијата работи искрено, посветено и одговорно, од самиот почеток до денес. Искажано беше и задоволството од демократскиот процес на избор на ново раководство, во тимски дух и пријателство на соборци за исти вредности, што го одликува ДОМ како зелена партија“, велат од ДОМ.Централниот одбор ги усвои и извештајот, програмата и другите конгресни документи, како и предлозите за идни членови на новиот централен и надзорен одбор на ДОМ.Четвртиот конгрес на ДОМ ќе се одржи на 28 октомври. За свечениот дел е најавено присуство на претставници од политички партии во Република Македонија, од зелени партии од регионот и од Европа, како и од поголем број граѓански организации и движења.

Македонија | пред 7 години

7 год.

sdsm-predlozhi-zakon-za-stechajci-i-izmeni-na-zakonot-za-socijalna-zashtita-635491

СДСМ: Граѓаните и пратениците го победија антизападниот пион Мицкоски

Граѓаните и пратениците го победија антизападниот пион Христијан Мицкоски, кон успехот да се приклучат сите кои се за ЕУ и НАТО без разлика на партиската припадност, реагира Социјалдемократскиот сојуз на Македонија, по прес-конференцијата на портпаролот на ВМРО-ДПМНЕ, Наум Стоилковски.„Антизападното раководство на ВМРО-ДПМНЕ и антизападниот пион, Христијан Мицкоски се спречени во намерите да ја закочат македонската иднина. Мицкоски и антизападното раководство на ВМРО-ДПМНЕ се поразени, не успеаја да го блокираат патот на Македонија кон ЕУ и НАТО и остануваат единствени кои дејствуваат спротивно на наципналните и државни интереси“, се вели во реакцијата на СДСМ.Партијaта додава дека 80 пратеници во Собранието слободно, по сопствено убедување гласале за иднина во ЕУ и НАТО и ја испочитувале јасно изразената волја на над 80 отсто од сите граѓани и над 90 отсто од граѓаните кои излегоа на референдумот на 30 септември.

Македонија | пред 7 години