Најнови вести

7 год.

Нема фотографија

Променливо облачно со појава на дожд, од утре се очекува снег

Времето денеска во Македонија ќе биде променливо облачно, претпладне со појава на локален дожд претежно на северот. Ќе дува слаб до умерен северозападен ветер. Минималните температури ќе се движат од 5 до 12 степени, а максималните од 17 до 24 степени.Во Скопје ќе биде променливо облачно со услови за појава на краткотраен локален дожд. Ќе дува слаб до умерен северозападен ветер. Температурата ќе се движи во интервал од 10 до 20 степени.Од утре попладне ќе биде постудено со повремени врнежи од дожд, а на повисоките планини со услови за снег. Пообилни врнежите ќе бидат во ноќта кон понеделник и во понеделник во текот на денот. Повремено ќе дува засилен северен ветер, а дневните температури позначително ќе опаднат.

Македонија | пред 7 години

7 год.

СДСМ: 80 херои презедоа одговорност за иднината на Македонија

„Собранието донесе историска одлука со која Македонија избра иднина наместо изолација. Патот кон НАТО и ЕУ е чист, а за тоа најголема заслуга имаат граѓаните, но и 80те пратеници во Собранието на Република Македонија кои низ демократска постапка им кажаа стоп на поделбите и ја поведоа Македонија кон национално обединување. Мицкоски, Груевски и раководството на ВМРО-ДПМНЕ синоќа уште еднаш потврдија дека се антизападни и антимакедонски партиски фигури кои на Македонија и носат само зло, криминал и сиромаштија. Граѓаните и огромното мнозинство во парламентот му свртеа грб на злото предводено од Мицкоски“, велат од СДСМ.Според нив Македонија одбра да продолжи по патот на интеграција и сојузништво. 80 пратеници слободно и по сопствено убедување гласаа за иднина во ЕУ и НАТО.„Поразениот Мицкоски сега ќе мора да престане со притисоците и сеењето страв и ќе мора да ги тргне своите режимски раце од сите пратеници во Собранието. Сега се создадени услови за уште поголема поддршка во Собранието за патот кој Македонија го избра, а тоа е спроведување на договорот од Преспа и зачленување на Македонија во НАТО и ЕУ. Овој пат заслужува поддршка од сите пратеници во Собранието зашто подразбира економски просперитет, држава по европски правила и национално помирување помеѓу политичките фактори и помеѓу граѓаните.Тие додаваат дека надлежните институции имаат обврска да ги заштитат пратениците од сите закани и притисоци кои ги прават Мицкоски и антизападното раководство на ВМРО-ДПМНЕ.„Граѓаните го препознаат и поздравуваат овој историскиот чекор на 80те пратеници што обезбедува помирување и национално обединување околу врвните државни интереси. Македонија се помирува, Македонија се обединува надпартиски и надетнички, 80 херои ја презедоа одговорноста за овој неповратен историски исчекор за иднината на земјата, време е сите да се приклучат“, се вели во соопштението.

Македонија | пред 7 години

7 год.

Димитров: Далеку сме од тоа каде сакаме да бидеме, ама го знаеме патот

Министерот за надворешни работи, Никола Димитров на својот профил на „Фејсбук“ по синоќешното гласање во Собранието за уставните измени напиша дека сме далеку од тоа каде сакаме да бидеме, ама го знаеме патот.https://www.facebook.com/dimitrovnikola/posts/10161037153155451„Секој чекор е и ќе биде голем предизвик. За сите нас. Но Македонија реши да застане на нозе, да исправи глава и да тргне напред. На крајот, ќе не биде. И кога ќе погледнеме назад, ќе се гордееме“, гласи пораката на Димитров.

Македонија | пред 7 години

7 год.

Нема фотографија

Рама: Честитки до Заев и до сите оние што се бореа за овој историски момент

По завршувањето на собраниската седница каде со 80 гласа „За“ се изгласа одлуката за пристапување кон уставните измени, албанскиот премиер Еди Рама напиша статус на својот твитер-профил.https://twitter.com/ediramaal/status/1053394401790251008?ref_src=twsrc%5Etfw%7Ctwcamp%5Etweetembed%7Ctwterm%5E1053394401790251008&ref_url=https%3A%2F%2Fmakfax.com.mk%2Fmakedonija%2F%25d1%2580%25d0%25b0%25d0%25bc%25d0%25b0-%25d1%2587%25d0%25b5%25d1%2581%25d1%2582%25d0%25b8%25d1%2582%25d0%25ba%25d0%25b8-%25d0%25b4%25d0%25be-%25d0%25b7%25d0%25b0%25d0%25b5%25d0%25b2-%25d0%25b8-%25d1%2581%25d0%25b8%25d1%2582%25d0%25b5-%25d0%25be%25d0%25bd%25d0%25b8%25d0%25b5-%25d0%25ba%25d0%25be%25d0%25b8-%25d1%2581%2F„Среќен роденден, Република Северна Македонија. Честитки до Зоран Заев и до сите оние што се бореа за овој историски момент“, напиша Рама на својот твитер-профил.

Македонија | пред 7 години

7 год.

Нема фотографија

Столтенберг: Лидерите да ги завршат процедурите за Македонија да влезе во НАТО

Генералниот секретар на НАТО, Јенс Столтенберг, преку социјалната мрежа „Твитер“ го поздрави изгласувањето на одлуката за уставни измени.https://twitter.com/jensstoltenberg/status/1053397270182481921?ref_src=twsrc%5Etfw%7Ctwcamp%5Etweetembed%7Ctwterm%5E1053397270182481921&ref_url=https%3A%2F%2Fmakfax.com.mk%2Fmakedonija%2F%25d1%2581%25d1%2582%25d0%25be%25d0%25bb%25d1%2582%25d0%25b5%25d0%25bd%25d0%25b1%25d0%25b5%25d1%2580%25d0%25b3-%25d0%25bd%25d0%25b0-%25d1%2582%25d0%25b2%25d0%25b8%25d1%2582%25d0%25b5%25d1%2580-%25d0%25bb%25d0%25b8%25d0%25b4%25d0%25b5%25d1%2580%25d0%25b8%25d1%2582%25d0%25b5-%25d0%25b4%2F„Го поздравувам гласањето во парламентот во Скопје за предложените уставни измени. На владините и политичките лидери останува да ги завршат националните процедури за спогодбата за името и да ја искористат оваа историска можност да ја доведат земјата во НАТО“, напиша Столтенберг во својата порака.

Македонија | пред 7 години

7 год.

АМСМ: Сообраќајот по наместа влажни коловози

Сообраќајот на државните патишта се одвива по наместа влажни коловози, соопшти Автомотосојузот на Македонија.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.Од вторникот, ЈП Македонијапат изведува градежни работи (машинско асфалтирање, надоградба на постоечката подлога на коловозот) на патниот правец А2 Тетово – Гостивар крак – село Неготино, од 8 до 16 часот, од понеделник до сабота, во период од 20 дена. Додека се изведуваат градежните работи, тешките товарни возила не можат да го користат овој патен правец. На местото на изведување на градежните работи е поставена соодветна сообраќајна сигнализација како и физичко обезбедување со знаменца, а сообраќајот се одвива наизменично во двата правци.Од ЕВН е најaвено дека од 3 октомври, напојувањето на тунелите на патот Демир Капија – Смоквица од страна на Демир Капија е исклучено неколку денови. Од оваа причина, напојување има само од страна на Удово. Доколку дојде до прекин во напојување од двете страни сообраќајот на автопатот Демир Капија – Смоквица во двете насоки ќе се одвива под посебни услови во тунелите.

Македонија | пред 7 години

7 год.

Мицкоски ги исклучи од ВМРО-ДПМНЕ пратениците кои гласаа „за“

Лидерот на ВМРО-ДПМНЕ, Христијан Мицкоски вечерва на прес конференција соопшти дека партијата одржала вондредна седница на Извршниот комитет на кој едногласно по негов предлог биле разрешени седумтте пратениците од ВМРО-ДПМНЕ кои гласаа за потребата од уставни измени.-Волјата на граѓаните беше погазена од две третини од пратениците од СОбранието, но и од осум пранитеици од опцозцијата кои тргнаа против болјата граѓани. Се говори дека им било понудено ослободување од обвинетнијата. Велат дека биле и понудени пари. Сакам да изразам благадорност до пранитниците кои успеаја да одолеат на заканите и притисоците. Но, не сите издржаа на таквите притисоци. На сите оние осум пратеници, јас како човек не можам да ги оправдам, ниту можам да ја оправдам нивната постапка. Самите одбираме како ќе живееме, со каква углед и каква чест. Обврската кон граѓаните е поважна од било каков притисок и закана. Има и пратеници кои беа опфатени од политичкиот прогон, но гласаа согласно партискиот став. Оние кои постапија спротивно од партискиот став и против волјата на народот, ме разочараа мене, но тоа и не толку важно, затоа што пред се ја разочараа партијата и татковината. Затоа вечерва на ИК и едногласно се усвои исклучување на овие пратеници.

Македонија | пред 7 години

7 год.

Група пратеници на ВМРО-ДПМНЕ се за уставните промени, но со одредени услови

„Со верба во Македонија и нејзината иднина“ е насловот на соопштението на група пратеници на ВМРО-ДПМНЕ што велат дека го прифаќаат предлогот на Владата за пристапување кон уставни промени, но под одредени услови.„Ова не е конечна фаза во однос на уставните промени. Бараме уставен амандман со гаранција за македонскиот идентитет. Бараме уставен амандман што ќе се важи ако Грција не го ратификува договорот за промена на името, што ќе значи безусловно поништување на сите уставни промени и на Договорот од Преспа.Името за внатрешна употреба да се менува постепено, во зависност од тоа како ќе се реализира членството на Македонија во ЕУ и НАТО. Прифаќање на иницијативата за простување на сите обвинети за настаните на 27 април и основање собраниско тело со план за национално помирување во рок од 30 дена“, се вели во соопштението на група пратеници дистрибуирано непосредно пред почетокот на собраниската седница на која со 80 гласа „за“ се усвои пристапувањето кон промена на Уставот.

Македонија | пред 7 години

7 год.

Собранието донесе одлука да се пристапи кон уставни измени

Со 80 гласа ЗА Собранието вечерва донесе одлука да се пристапи кон уставни измени.Драган Данев од ВМРО-ДПМНЕ побара пратениците да се изјаснат и поединечно. 39 пратеници гласаа против.

Македонија | пред 7 години

7 год.

44149956_308171456676666_2823516525502136320_n

Со 80 гласа „За“ Собранието донесе одлука за менување на Уставот

Со 80 гласа „За“ и 39 гласа „Против“ Собранието вечерва донесе одлука за менување на Уставот.Гласањето се вршеше зад заклучени врати, со поединечно именување на пратениците и нивно јавно гласање, по барање на Драган Данев.Од коалицијата на ВМРО-ДПМНЕ „За“ уставни измени гласаа Крсто Мукоски, Елизабета Канческа Милеска, Љубен Арнаудов, Сашо Василевски, Панче Иванов, Владанка Авировиќ, Емилија Александрова, Нола Исмајловска и Зеќир Рамчиловиќ.Пратениците Крсто Мукоски, Љубен Арнаудов и Сашо Василевски се обвинети во случајот во собранието од 27 април, а поранешната министерка за култура е обвинета во случајот „Тендери“. 

Македонија | пред 7 години

7 год.

(ВИДЕО) Костадинов: Лагите за поткуп, уцени и притисок ВМРО-ДПМНЕ нека ги докаже на суд

„Антизападното, антинародното, антимакедонското раководство на ВМРО-ДПМНЕ покажува голема, огромна нервоза и безочно лаже. Најостро ги демантираме изнесените лаги, дека претставници од мнозинството вршеле некаков притисок или пак на било кој пратеник дека му се нудени пари, дека некој им се заканувал, или ги уценувал. За изнесените невистини ќе поднесеме и соодветни тужби пред надлежните органи“, вели Костадинов.Според него, овие огромни лаги, измислени од антинордното и антизападното раководство на ВМРО-ДПМНЕ, во клучни моменти за иднината на државата и истите ќе мора да ги докажат на суд.„Ваквото однесување на Мицкоски и антинародното раководство на ВМРО-ДПМНЕ ги помина сите граници. Ова е нездраво, ненормално, особено за човек кој е генерален секретар на политичка партија. Очигледно е дека антизападното раководство не бира средства преку кои ќе се обиде да ја блокира иднината на Македонија и нејзините граѓани.Одовде, од храмот на демократијата уште еднаш им порачуваме дека нема да успеат. Мицкоски и Груевски немаат љубов кон Македонија, тие љубат криминал. Тие се за сиромаштија, конфликт и криминал, ние со граѓаните сме за Македонија, иднина, просперитет и економија. Ги повикувам колегите пратеници од ВМРО-ДПМНЕ да дејствуваат слободно и да се спротивстават на антизападниот партиски играч Мицкоски и антизападното раководство на партијата. Ниту едно лажно обвинување, ниту една лажна вест на антизападното раководство на ВМРО-ДПМНЕ нема да ја закочи иднината во ЕУ и НАТО. Македонија го продолжува патот кон полноправно членство во НАТО и ЕУ без разлика што тоа не му се допаѓа на Мицкоски и антизападното раководство на ВМРО-ДПМНЕ“, изјави тој.

Македонија | пред 7 години

7 год.

44083350_279194462712542_491826012259090432_n

ВМРО-ДПМНЕ: Заев ја претвори Македонија во држава од третиот свет каде важи само силата

Специјалците и борбените коли кои цел ден во полна борбена готовност седат пред Собранието ги праќаат Зоран Заев и Оливер Спасовски, велат од опозициската ВМРО-ДПМНЕ, како реакција на прес-конференцијата на Костадин Костадинов.Оттаму додаваат дека сомнителни карактери постојано кружат околу највисокиот законодавен дом, а седницата постојано се откажува, како што велат, се додека не вродат со плод „убедувањата“ на пратениците.„Никаде во демократскиот свет пратеници не одлучуваат под толкав силен притисок. Македонија е единствената земја на тлото во Европа во која што опозициски пратеници се обвинуваат за тероризам и се ослободуваат од притвор во очи на најважното гласање во Собранието. Заканите, уцените и поткупот не се одлика на демократско општество, туку на тоталитарен систем. Република Македонија под власт на Заев се претвори во држава од третиот свет каде законите не важат, туку силата“, се наведува во партиската реакција.Од ВМРО-ДПМНЕ истакнуваат дека токму Зоран Заев е човекот кој ги има сите полуги на власта во свои раце и тој е единствениот кој може да врши било каков притисок.„Го повикуваме јавното обвинителство да поведе истрага за сите закани и притисоци насочени кон пратениците, а кои оневозможуваат непречено изјаснување. Ниедна прес-конференција на збунетиот портпарол на СДСМ нема да ја смени тажната денешна слика од Собранието која што ја гледа целиот македонски народ“, велат од партијата.

Македонија | пред 7 години

7 год.

(ВИДЕО) Јанушев: На пратеници им се нудеа милион евра за да гласаат

ВМРО-ДПМНЕ одбра борба против неодоговорна власт, рече вечерва на прес-конференција генералниот секретар на опозициската партија, Игор Јанушев.Тој нагласи дека структури на власт и нивни одработници вршат притисок врз пратеници.„Собранието стана пазар и арена за уцени. Се апси поради полициски прогон и тргуваат со слободата, ветуваат награди за послушните, заплашување врз семејства на пратеници за да гласаат. Парламентот е опкружен со ликови со бричени глави кои се познати во подземјето. На еден пратеник му понудија милион евра за да гласа, на друг 250 илјади евра, а на трет 2 милиони евра. Сето ова е одбиено“, истакна Јанушев.Тој до пермиерот Заев упати прашање дали има алал во ваквите постапки.„Свесен ли сте во каков амбис ја водите државата? Ова е преседан, не е ова за европска Македонија, ова е диктатура и насилие. Да им подадам признание на пратениците од ВМРО-ДПМНЕ кои не потклекнаа“, истакна генералниот секретар на партијата.Тој сепак не сакаше да открие на кои пратеници им се нуделе пари и побара обвинителството да истражи.

Македонија | пред 7 години

7 год.

44141322_2286927191325513_7708147500841959424_n

ВМРО-ДПМНЕ: Според Деловникот расправите траат до 18 часот, денешната седница ја сметаме за завршена

Согласно Член 68 став 4 од Деловникот на Собранието на Република Македонија, седницата на Собранието трае од 11 до 18 часот освен ако со писмо Претседателот на Собранието не одлучи поинаку, стои во соопштението до јавноста упатено од опозициската ВМРО-ДПМНЕ.Оттаму додаваат дека до 18:30 часот, не добиле никакво известување и поради тоа сметаат дека денешната седница е завршена.„Пратеничката група апелира до надлежните институции, особено до ЈО, да ги испитаат наводите изнесени во повеќе медиуми во текот на денот дека врз неколку пратеници во Собранието е вршен притисок и дека преку уцени, закани или понуди за поткуп се влијае врз нивната одлука за гласањето во однос на Уставните измени“, се наведува во партиското соопштение.Пратеничката група на ВМРО-ДПМНЕ и коалицијата воедно потенцира дека никој во Собранието, ниту надвор не смее да врши притисоци врз пратениците.

Македонија | пред 7 години

7 год.

БЕСТ Скопје потпиша Меморандум за соработка со Асоцијацијата на здруженија на инженери

Бордот на Европски Студенти по Технологија (БЕСТ) Скопје и Асоцијацијата на здруженија на инженери – Инженерска институција на Македонија потпишаа Меморандум за соработка.“Голема чест претставува почетокот на една голема и значајна соработка, воедно една од најзначајните во целото постоење на БЕСТ Скопје како организација. Потпишувањето на овој меморандум ќе ги поврзе квалификуваните инженерски кадри со нивните наследници – младите студенти, идни инженери. Покрај тоа, со меморандумот се стремиме кон поголема вклученост на студентите на настани на кои ќе можат да го кажат својот став или прогресивна идеја за актуелното образование, да воспостават контакт со искусни инженери и најважно од сé, да се надградат себеси. Се надевам на успешна соработка со Инженерската Институција на Македонија и големи успеси во иднина за двете организации“, вели Марија Хорват од БЕСТ Скопје.И за претседателот на ИМИ, меморандумот ќе овозможи заеднички активности и простор за искажување на потребите на младите инженери – студенти.“Меморандумот за соработка ќе овожможи да се воспостават заеднички активности за искажување на потребите на младите инженери – студенти за градење на успешна кариера. Со оглед на големиот одлив на овие кадри, очекуваме дека ќе бидеме нивниот глас за подобрување на условите за образование и нивното понатамошно усовршување преку дијалог со релевантните институции. БЕСТ Скопје е организација во која членуваат прогресивни студенти од сите струки и дејствуваат на национално и на меѓународно ниво. Оваа соработката ќе помогне Инженерската институција на Македонија да ја етаблира организацијата на Млади инженери, нејзините цели и задачи, која што само пред една недела во Малта се стекна со рамноправно членство во Европската ферерација на млади инженери”, потврдува професор д-р Христина Спасевска, претседател на Инженерската институција на Македонија.Меморандумот за соработка е резултат на стратешката соработка помеѓу европските организации во кои членуваат – Европската федерација на инженерски асоцијации и Бордот на Европски Студенти по Технологија-БЕСТ.

Скопје | пред 7 години

7 год.

Венецијанската комисија: Позитивно мислење за измените на Законот за Судски совет и Законот за судови, потребни се натамошни измени и дополнувања

Министерката за правда, Рената Дескоска, денеска и утре во Венеција учествува на 116. пленарна сесија на Европската комисија за демократија преку правото (Венециска комисија).Дескоска се сретна со членовите на Венециската комисија и се обрати на пленарната сесија, на која е разгледано и усвоено мислењето на Комисијата за Законот за изменување и дополнување на законите за Судскиот совет и за судовите, соопшти Министерството за правда.Според мислењето на Венециската комисија, кое неодамна е доставено до Министерството за правда, последните измени и дополнувања на законите за Судскиот совет и за судовите се оценети позитивно, но се укажува и на потребата од понатамошно подобрување на текстовите на законите. Во ова мислење е наведено дека новите институционални аранжмани и процедурални правила се поедноставени и упростени и ја заштитуваат судската независност.„Во мислењето истакнато е дека двата закона поставуваат цврсти темели за добро функционирање на судството. Воедно, се препорачува и дополнително изменување и дополнување на законите со цел нивно појаснување, па во таа насока Венециската комисија препорачува во Законот за Судскиот совет да се наведе кој ја има функцијата на филтрирање во новиот систем за дисциплински постапки, треба да се допрецизираат дисциплинската постапка и постапката за одговорност на судиите, треба да се прецизира разликата направена меѓу нестручно и несовесно вршење на судиската функција и тоа што претставува сериозен дисциплински престап. Законот мора да нагласи дека разрешувањето судија за професионална грешка е можно само ако се исполнат два предуслова: вината на засегнатиот судија (водејќи сметка за намерата на дејството или очигледноста на небрежноста) и тежината на грешката и нејзините последици“, посочуваат од ресорното Министерство.Венециската комисија препорачала и укинување на основот за разрешување на судиите доколку се утврди повреда на Европската конвенција за човековите права. Министерката Дескоска изразила подготвеност на Владата за имплементација на сите препораки на Венециската комисија за подобрување на законските текстови и укажала на потребата од двотретинско мнозинство во Собранието за усвојување на понатамошните измени на Законот за судовите.

Македонија | пред 7 години

7 год.

42465215_1995261163853419_3550302108123136000_o

Привремен сообраќаен режим на улицата Антон Попов

Град Скопје информира дека поради извршување градежни работи во рамките на реконструкцијата на улицата Антон Попов, од денеска, па сè до завршувањето на градежните работи, се воведува привремен сообраќаен режим.„Привремениот сообраќаен режим се воведува на потегот од крстосницата со улицата Павел Шатев до крстосницата со улицата Димо Хаџи Димов (кај „Шампионче“). За време на извршувањето на градежните работи на оваа траса ќе биде забранет сообраќајот за тешките товарни возила, како и за автобусите на јавниот превоз, кои ќе се пренасочат и ќе се движат по булеварот Борис Трајковски“, стои во соопштението на Град Скопје.Од Град Скопје апелираат до сите учесници во сообраќајот да бидат внимателни, да ја приспособат својата брзина на движење според условите на патот и да ја почитуваат поставената сообраќајна сигнализација.

Скопје | пред 7 години

7 год.

Нема фотографија

Следува богат спортски викенд во Кисела Вода

Во сабота и недела во спортската сала „Независна Македонија“, девојките од ЖКК Бадел 1862 од Кисела Вода ќе одиграат три кошаркарски натпревари.Имено, во рамки на второто коло од првата лига - жени, сениорската екипа на ЖКК Бадел 1862 ќе игра против екипата на ЖКК Гостивар. Натпреварот ќе се одигра во сабота со почеток во 15:00 часот. Истиот ден во рамки на првото коло од јуниорската лига М16 со почеток во 13:00 часот ЖКК Бадел 1862 ќе и се спротивстави на екипата на ЖКК Спортисимо од Гостивар.Додека, во недела во рамките на првото коло од младинската лига М18, со почеток во 13:00 девојките од ЖКК Бадел силите на теренот ќе ги одмерат со екипата на ЖКК Вардар. За посетителите влезот на овие натпревари е бесплатен.

Спорт | пред 7 години

7 год.

(ВИДЕО) ВМРО-ДПМНЕ: Граѓаните на Кисела Вода го немаат видено Темелковски

Граѓаните го немаат видено градоначалникот на Кисела Вода, Филип Темелковски, една година, колку што е на функцијата, изјави денеска на прес-конференција Весна Бошковска од ВМРО-ДПМНЕ и додаде дека единствени кои го виделе се претседателите на месните заедници.„Иако во изборната кампања ветуваше стотици проекти што би го подобриле животот на гражаните, од тоа нема ништо.Ветена е нова градинка во Расадник, но сè уште нема, за нов булевар од Пинтија до Драчево, но нема. Пред изборите ја најавуваше гасификацијата како голем проект и тој не е започнат. Општинската администрација на чело со градоначалникот Темелковски остана глува на барањата на жителите за нова фекална и атмосферска канализација во Драчево“, рече Бошковска.Таа додаде дека единствен проект со кој се реализирал е ваучерот за секое новороденче, што е проект на ВМРО-ДПМНЕ.

Скопје | пред 7 години

7 год.

Кривична пријава против поранешен вработен во битолскиот Центар за управување со кризи

Секторот за внатрешни работи во Битола поднесе кривична пријава против 26-годишен битолчанец поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстаниии и прекурсори“, велат од полицијата.Од МВР во соопштението се наведува дека 9 ноември минтата година во Битола во просториите на регионалниот Центар за управување со кризи, од страна на полициски службеници, при претрес во работната просторија на пријавениот била пронајдена и одземена дигитална вага со траги од непозната растителна материја.

Македонија | пред 7 години

7 год.

Пронајдени 40 пакувања со прашеста материја во патика на затвореник во КПУ „Идризово“

Во текот на вчерашниот ден во Казнено-поправната установа „Идризово“ при извршен претрес на 27 -годишниот Е.Љ. од Скопје, лице кое издржувало затворска казна, во патика му биле пронајдени 40 пакувања со прашеста материја и истите му биле одземени, соопшти МВР.Од полицијата наведуваат дека работат на целосно расчистување на случајот.

Скопје | пред 7 години

7 год.

Тевдoвски: Платите продолжуваат да растат, а со нив и продуктивноста на фирмите

„Платите во Македонија растат, тоа се гледа и од денес објавениот податок на Државниот завод за статистика, кој покажува годишен раст на нето платата во август од 5,7%“, изјави министерот за финансии Драган Тевдовски на дебатата „Иднината во нашите очи“ во организација фондацијата „Фридрих Еберт“, која се одржува во рамки на Текстилијадата во Штип.Како што истакна министерот за финансии, целта на Владата е да обезбеди подобар живот за граѓаните и развој на економијата, а овие две цели се заемно поврзани. Тевдовски вели дека токму поради тоа, Владата истовремено го поддржува и растот на платите, преку мерки како минималната плата, но и техничко-технолошкиот развој на компаниите за зголемување на продуктивноста.Тевдовски посочи дека растот на платите најмногу се гледа кај секторите производство на текстил, облека и преработка на кожа. Тоа се оние сектори кои порано имаа плата под минималната, но сега прагот кај нив е изедначен со останатите сектори. И во август овие сектори забележуваат двоцифрени стапки на раст, или во просек околу 15%, одосно околу 2.000 денари раст на годишно ниво.Министерот за финансии вели дека растот на платите влијае на покачување на продуктивноста на компаниите, бидејќи подобро платените работници се помотивирани и попродуктивни. За да се поддржи зголемување на продуктивноста на компаниите, Владата обезбеди буџетски средства но и евтини кредити од Европската инвестициска банка, за да ги поддржи инвестициите во нови капацитети и опрема. Министерот рече дека зголемената продуктивност на компаниите на крај ќе се отслика на развојот на економијата во целост.На дебатата учествуваа и градоначалниците на Штип и Кочани, Благој Бочварски и Николчо Илиев.

Македонија | пред 7 години

7 год.

(ВИДЕО) Додевски: ООН препозна дека Македонија прави позитивни промени за остварување на правата на лицата со попреченост

Претседателот на Националното координативно тело за имплементација на Конвенцијата на ООН за правата на лицата со попреченост во Владата на Република Македонија, Спасе Додевски, информираше дека ова тело подготви акционен план за 2019 година со точно дефинирани мерки и активности, кои ќе ја забрзаат имплементацијата на Конвенцијата на ООН.Тој истакна дека акциониот план е подготвен во соработка со организациите на лица со попреченост и дека двајца од членовите на Националното координативно тело се токму претставници на граѓанските здруженија.„Владата одлучно и посветено останува и продолжува на определбите за унапредување на животот и развојот на лицата со попреченост, како и создавање услови за достоинствено нивно социјално и општествено вклучување на принципите на еднаквоста и недискриминацијата.За таа цел, Националното координативно тело за имплементација на Конвенцијата на ООН за правата на лицата со попреченост на денешната одржана седница, меѓу другото, одлучуваше и за можностите за директно имплементирање на препораките од Комитетот на ООН за правата на лицата со попреченост, според начелата на Конвенцијата.Имено, после учеството на македонската делегација на 20-та Сесија на Комитетот на ООН за правата на лицата со попреченост, од 9 до 11 септември 2018 година, на која се објаснуваше и дискутираше по иницијалниот извештај на Република Македонија, за досега преземените активности, Комитетот ни ги достави заклучоците и препораките според кои треба државата да се движи кон имплементацијата на Конвенцијата“ истакна Додевски.Тој порача дека на 20-та Сесија во Женева било потенцирано дека со промената на политичката гарнитура на власт во Република Македонија, евидентирани се крупни позитивни придвижувања кон остварување на правата на лицата со попреченост, посебно во делот на усогласување на националните механизми со членот 33 од Конвенцијата, деинституционализација на децата со попреченост, усогласување на анти – дискриминаторските политики, формирањето на Национално Координативно тело за имплементација на Конвенцијата во рамки на Владата на Република Македонија и во однос на други преземени мерки.Со добивањето на овие препораки, рече Додевски, Република Македонија конечно доби јасен и отворен патоказ кон постапките кои треба да ги преземе кон постигнување на еднаквоста и унапредување на животот на оваа група граѓани.

Македонија | пред 7 години

7 год.

Четири лица заработија кривична пријава поради фалсификување исправа, злоупотреба на службената положба и овластување и несовесно работење во служба

Надворешната канцеларија за криминалистички работи од Кавадарци поднесе кривична пријава против 37-годишниот Г.Ч. поради постоење основи на сомнение за сторено кривично дело „фалсификување исправа“, потоа против 37-годишниот M.Ј. поради постоење основи на сомнение за сторени кривични дела „фалсификување исправа“ и „злоупотреба на службената положба и овластување“, како и против 63-годишниот нотар К.Г. и М.М. 63 години, вработен во МВР на РМ-Кавадарци, поради постоење основи на сомнение за сторено кривично дело „несовесно работење во службата“, соопштија од полицијата, во чие соопштение се додава дека сите осомничени лица се од Кавадарци.„Во периодот од 16.01.2015 до 01.09.2016 година првопријавениот, вработен во ‘Кожувчанка’ ДОО- Кавадарци, изготвил лажен договор за купопродажба на возило за чистење снег и посипување со сол ‘UNIMOG U1400’, во кој истиот бил наведен како купувач, по што ваквиот договор го употребил при постапка за идентификација на патничкото возило, во Бирото за метeoрологија при Министерството за економија – Скопје, со цел да ја искористи погодноста по член 24 од Законот за возила. Второпријавениот, пак, како управител на ‘Кожувчанка’ ДОО и ‘ЈА-МИ’ ДООЕЛ – Кавадарци, и покрај тоа што знаел дека наведеното возило било сопственост на ‘Кожувчанка’ ДОО, со првопријавениот, склучил договор за купопродажба на наведеното возило, во кој како продавач бил наведен првопријавениот, а како купувал било наведено правното лице ‘ЈА-МИ’ ДООЕЛ. Третопријавениот, како нотар, и покрај тоа што не му бил приложен оригинален договор за купопродажба на наведеното возило, ја заверил копијата од лажниот договор за купопродажба изготвен од страна на првопријавениот, по што го заверил и договорот за купопродажба на наведеното возило помеѓу првопријавениот, како продавач и ‘ЈА-МИ’ ДООЕЛ, како купувач. Четвртопријавениот, како вработен во МВР – Одделение за управни работи – Кавадарци, издал согласност на ‘ЈА-МИ’ ДООЕЛ за регистрација нанаведеното возилото, без да изврши увид во царинската декларација за наведеното возило, во која како увозник и сопственик била наведена фирмата ‘Кожувчанка’” ДОО“, појаснуваат од полицијата во нивното соопштение.

Македонија | пред 7 години

7 год.

Николовски: Силно сме посветени на развој на органското производство

Министерот за земјоделство шумарство и водостопанство Љупчо Николовски денеска присуствуваше на завршниот настан организиран од Швајцарската амбасада, заедно со Амбасадорка на Швајцарија во Македонија, Сибил Зутер Техада.„Политиките и мерките на Владата и ресорното министерство се во насока на зголемување на органското производство, како и подигање на јавната свест за значење на ова производството во севкупната исхрана на луѓето. За таа цел, преку Програмата за финансиска поддршка во земјоделството, нудиме мерки кои ќе го поттикнат развојот на органското производство. Субвенциите за примарното органско производство од 61 милиони денари оваа година ги зголемивме на 81 милиони денари оваа година. Поддршката во зависност од органската културата е до 100 отсто повисока од субвенциите наменети за конвенционалното производство“, изјави Николовски.МЗШВ неодамна го стави во функција Регистарот на органски производители. Тој има значајна улога за зголемување на довербата на потрошувачите во системот на органско производство соработката помеѓу сертифицираните органски производители, трговците и преработувачите на органски производи. Паралелно, МЗШВ интензивно работи на промоција на македонските органски производи и мотивација кај младите земјоделци да се вклучат во овој сектор. Така, во новиот повик за финансиска поддршка од неповратни 10.000 евра за млади земјоделци од Програмата за Рурален развој предност ќе имаат оние кои што ќе одлучат да се занимаваат со органско производство.Во насока на зголемување на органското производство, наскоро ќе биде објавен оглас за закуп на државно земјоделско земјиште до 3 хектари, на кој предност ќе имаат повторно органските производители. Македонија е во напредна фаза на усогласување со европските регултави во делот на органското земјоделство, што беше нотирано и во последниот извештај на европската комсиија.Преку проектот „Консолидација на локалните органски сертификациски тела“ -„КонсСерт“, Швајцарија го поддржа македонско тело за органска сертификација, Балкан Биосерт, да ја воведе и задржи акредитацијата за меѓународно бараните органски и други сертификациски услуги. Овој проект значително придонесе за развој на органското земјоделство и подобар пристап на органските извозници од Македонија до меѓународните пазари. Негова крајна цел е да ја намали сиромаштијата на малите и средни земјоделци во Источна Европа, преку промовирање на трговијата со сертифицирани органски производи и олеснување на пристапот на органските фармери кон европскиот и швајцарскиот пазар.

Македонија | пред 7 години