Нема недостиг од лекови и терапија на Клиниката за хематологија, тврди Министерството

Во врска со објавите со наслов „Пациенти алармираат за колапс на Клиниката за хематологија“,  најостро ги демантираме изнесените наводи како целосно невистинити и неосновани, велат од Министерство за здравство.

— реклама —

„Според информациите од стручниот колегиум на Клиниката нема недостиг на лекови и терапија за пациентите, ниту пак е утврден застој во обезбедувањето на неопходниот медицински третман.

— реклама —

Клиниката за хематологија останува целосно посветена на континуирано, стручно и одговорно лекување на пациентите, согласно медицинските протоколи и стандарди.

— реклама —

Апелираме до политичките субјекти и медиумите да се воздржат од ширење непроверени информации кои предизвикуваат вознемиреност кај пациентите и нивните семејства, особено кога станува збор за чувствителни категории пациенти.

Инаку од ДСЗИ информираат дека согласно член 239-д од Законот за здравствена заштита, Државниот санитарен и здравствен инспекторат четири пати годишно врши инспекциски надзори во јавните здравствени установи, а во врска со евалуацијата на успешноста на здравствената установа, која ја врши Министерството за здравство. Во ЈЗУ УК за хематологија последен редовен инспекциски надзор е извршен на 04 март 2026 год. При надзорот не се констатирани недостатоци по однос на резерви на потрошен медицински материјал (шприцеви, игли, стерилни ракавици, кеси за венепункција..) како и средства за дезинфекција. Во однос на терапијата и третманот на пациентите, одлуките се во надлежност на стручните медицински тимови“, велат од Министерство за здравство.