Нов пораз за Трамп на суд – не смее да го преименува Кенеди центарот

Администрацијата на американскиот претседател Доналд Трамп соопшти дека отстранувањето на неговото име од зградата на Центарот за изведувачки уметности „Џон Ф. Кенеди“ е одложено поради неповолни временски услови кои можеле да ја загрозат безбедноста на работниците.

Според поднесокот на администрацијата, работите се очекува да бидат завршени во текот на денешното утро.

— реклама —

Претходно, федерален судија во Вашингтон го одби барањето привремено да се запре наредбата за отстранување на името на Трамп од Кенеди центарот.

— реклама —

Окружниот судија Кристофер Купер оцени дека нема основа да ја суспендира претходната пресуда со која утврди дека само Конгресот има надлежност да го преименува културниот центар, именуван во чест на поранешниот американски претседател Џон Ф. Кенеди.

Тужбата ја поднесе демократската конгресменка од Охајо, Џојс Бити, чии адвокати по одлуката порачаа дека законот е јасен.

— реклама —

„Само Конгресот може да го промени името на Кенеди центарот“, изјавија Норм Ајзен од организацијата „Демокраси Дифендерс Акшн“ и адвокатот Натаниел Зелински.

— реклама —

Тие додадоа дека се подготвени за сите понатамошни правни чекори што би можел да ги преземе Трамп.

Судијата Купер уште на 29 мај пресуди дека само Конгресот има овластување да го преименува уметничкиот центар. Со неговата одлука беше наложено името на Трамп да биде отстрането од прочелјето на зградата, од официјалната интернет-страница и од другите промотивни материјали најдоцна до полноќ во петокот.